| (श-ज्ञ)
स
सनिवार
सूधै सूं
कुण करै प्यार
सगला धोकै सनिवार।
सहनसील
आदमी बड़ो सहनशील
थप्पड़ मारण मैं
करै कोनी ढील।
सम्पत
भाइया मैं
आछो है सम्पत
लिखै कोनी
एक दूजै नै ख़त।
स्यापो
सैंस्यूं बड़ो स्यापो
इनकमटैक्स रो छापो.
स्वार्थी
बानै व्याह मैं
कुण नूंतै
जका बाढी आंगली पर
कोनी मूतै
सहानुभूति
बां री गरीबां स्यूं है
सहानुभूति
बै मारै कोनी
सूत्यै गरीब रै जूती।
स्याणी
कुण कै' वै बीनै स्याणी
जकी मिलावै कोनी
दूध मै पाणी।
सर्वाधिकार
बहू नै है
घर मैं सर्वाधिकार
पण कोनी ढकेड़ी चीज़।
उघाड़नण रो अधिकार।
सस्तो खून
खून होग्यो आजकल
सैंस्यूं सस्तो
बो कर देवै खून
हंसतो-हंसतो।
सक
बां रा बाल गया पक
अब कुण करै सक।
स्प्रे
जवाई जी करे 'प्रे'
सुसराजी देद्यौ कार
नीं तो पीऊं स्पे।
सर्फ
बा जाणै कोनी
एक भी हर्फ़
कपड़ा धोवण नै मागै सर्फ़।
स्नान
बां कर्यौ गंगा
धोवा कान ही कान।
सहौ
पुलिस नै पीसा दे' र
लगावै सट्टौ
है नीं उल्लू रो पट्ठौ।
संवेदनसील
आदमी है बड़ो संवेदनशील
थप्पड़ खा' र भी
करै कोनी फ़ील।
सराप
कलजुग रो सराप
बिना लुगाई बाप।
स्याणप
देखो बांगी स्याणप
मूर्खां मैं बैठ'र
लगावै गप
सराध-1
बामणा री
फैलायोड़ी अलबाद।
सराध-2
बांरो बडेरां सारू
प्रेम है अगाध
जीवंता रोई
घालै सराध।
सर
गरीब नै
कुण कै' वै सर
सगला कै' वै
परणै मर।
समाजवाद
समाजवाद
करल्यौ आध
मिटाद्यौ अलबाद।
सत्यावादी
बै है सत्यावदी
झूठ बोले-बोल'र
सादी उम्र गमा दी।
स्यांती वारता
करै स्यांती वारता
अरै फिरै लोगां रै
जूत माराता।
सलाह
बण म्हानै
दारू न पीण री सलाह दी
ई खुसी मैं
म्है बी' नै प्यार दी।
स्याणा
कसर कोनी स्याणा मैं
मरण हूं पै' ला ई
जा बैठ्या मुसाणा मैं।
सरारती
दुनिया मैं सगला सरारती
कोई तोला तो कोई रत्ती।
सलामत
बै रै' सही सलामत
दे र डाकू नै आपरो मत।
सागै
बीं रो कुण के करै
जको लूंठा रै सागै फिरै।
सालो
घर मैं आंवता ई सालो
बां री जीभ रै लागग्यो तालौ।
सार-सम्भाल
बै करै मा-बाप री
आच्छी सार सम्भाल
दिनुगै उठतां ईं
काढै गाल।
सात
बां री आच्छी कटती रात
बांच बरस मैं हुग्या
दो स्यूं सात।
साफ़ दिल
आदमी है साफ दिल
भरै कोनी बिजली रो बिल।
स्याबासी
म्है घरआली नै दी
घणी-घणी स्यांबासी
जद बण बणा ली
पड़ौसण नै टाबरां री मासी।
सिफोड़ी
बां री
राम लिछमण री जोड़ी
बात-बात पर
करै सिर फोड़ी।
सिपाई
बणतां ई सिपाई
बण कर ली
बाप स्यूं हाथापाई।
सिरैपंच
जे थे चावो घरे बैठ
सुख स्यूं पीणो होको
तो घरआली नै सिरैपंच
बणनै स्यूं रोको।
सिरमोर
आज रा सिरमोर
डाकू अर चोर।
सिरै
सगली दुनिया
दिन-रात भाजी भिरै
पण बूग्यो कोनी कोई सिरै।
सिरजक
सिरजक
जिकै नै पड़ै कोनी जक।
सीज़न
सरकार कठै स्यूं ल्यावै अन्न
अठै बारा महीना रै' वै
टाबरां रो सीज़न।
सुरसती
नाम सुरसती
अकल कोनी रत्ती।
सुपर
छोरी आलो सुपर
बीं रो हाथ ऊपर।
सुजाक
भगवान करै
बानै हो जाबै सुजाक
जक पसन्द कोनी करै मजाक।
सूंडी
बात हुई भूंडी
देसी कपास नै खा' गी
अमरीकन सूंडी।
सेर
भगवान तूं म्हनै
बणा दे सेर
बणा दे चाहे थोड़ी देर।
सेकै
टींगर माबां नै
घणा ही सेकै
फेर भी बै बानै
कोनी फेंकै।
सोरी
कहतां ई सोरी
राज़ी होगी छोरी।
सौकीन
छोरो बड़ो सौकीन
खाबै कोकीन।
ह
हंसी ठठौ
जको करै कोनी
हंसी ठठो
बो है उल्लू रो पट्ठौ।
हथियार
जका कन्नै हथियार
बां रा घणा' ई यार।
हाई स्टैण्डई
बां रो स्टैण्डर्डै
हुग्यो हाई
जद बोतल चढ़ाई।
हाथाजोड़ी
जद आवै बुढापो
उम्र रैहजावै थोड़ी
तो चलाणो पड़ै काम
कर'र हाथ जोड़ी।
हार्ट फैल
कुदरत भी खेलै खेल
चगै भले आदमी रो
कर देवे हार्ट फ़ैल।
हायतौबा
टींगर घणी करी
हाय तौबा
पण मेम साहब
चुंधाया कोनी बोबा।
हाल
डाक्टर साहब पूछणनै आया
बीं रो हाल
जकै मरीज नै मर्यां
हुग्या चार साल।
हिम्मत
देखो ! बां री हिम्मत
लङ्यौ चुनाव
मिल्यौ कोनी एक ही मत।
हिम्मतवान
आदमी बड़ो हिम्मतवान
घरै बैठ्यो खावै
घरआली रो कान।
हीरो
छोरो है
कालेज रो हीरो
कियां में' ले दादै रै
होकै मैं खीरो।
हेत
छोरो करै
घरआली स्यूं घणो हेत
जावै कोनी खेत।
हुंस्यार-1
लोग लुगाई
दोन्यूं हुंस्यार
बांगै आंख्या च्यार।
हुंस्यार-2
बै अनपढ़ हो' र भी
इत्ता हुंस्यार
काढ लेवै
बैठी गाय री धार।
हैसियत
बां री ऊंची है हैसियत
जिका चोबीस घंट पी' र
पड्यो रै' वै मस्त।
होदो
हुग्यो अस्सी साल रो बोदो
पण मागै राष्ट्रपति रो होदो।
|
ए ऐ ओ औ अं अ:
