वैंशाख शुक्ल तृतीया री तिथि सत्ययुग रे शुरु होणे रो पेलो दिन मानीजे हैं। इ दिन उषाकाल मे प्रातः स्नान करने रो बहुत फ़ल मिले हैं। इ दिन श्राद्ध, तर्पण,पूजन औंर दान करने सु मिलने वालो फ़ल,अक्षय मानिजे हैं इण वास्ते इ ने आखातीज केवे हैं। इ दिन पाणी सु भरोडो घडो दान करिजे हैं। इ पर्व पर आखा अन्नदान,छतरी, पगरखी रो दान करिजे हैं।

इ दिन महालक्ष्मी व नारायण री पूजा करिजे हैं। इ दिन हवन भी करणो चाहिये। इण दिन जल्दी उठणो,स्नान करणो,पितृ तर्पण करणो ,जवो रो दान  करणो,आदि जरुरी हैं।जिकासु पितरगण प्रसन्न होने सुखी बणावे हैं। औंर भाग्यशाली सन्तान देवे हैं। लक्ष्मी नारायण विनाने धन दौंलत देवे हैं।इण दिन एक बार भोजन करणो चाहिये।

केविजे हैं कि इ दिन जमदग्नि ऋ षि रे पुत्र परशुरामजी रो प्रदोष काल मे जन्म हुयो । अतः इ पर्व उपर परशुरामावतार रो पूजन औंर हवन करिजे हैं औंर कथा भी केविजे हैं।  अगर इण दिन कृतिका या रोहिणी नक्षत्र औंर बुधवार पड जाये तो वा तिथि अनुष्ठान,दान व पूजा मे विशेष लाभ देणे वाली होवे हैं।आ तिथि प्रातःकाल रे कर्म करणे ए विशेष लाभप्रद सिद्ध होवे हैं।

आखातीज रे दिन साबुत अन्न (गेंहू या बाजरी) रो खिचडो ,इमली औंर गुड री इमलाणी व बडी रो साग बणाईजे हैं। ईण दिन अबूझो सावो होवे हैं जिकासु बिना मुहूर्त्त रा ब्याव होवे हैं। ई दिन गावो मे बाल विवाह हुवे हैं। बीकानेर मे स्थापना दिवस रे उपलक्ष मे आखातीज रे दिन पतंगा (किन्ना) उडाईजे हैं।

बच्छ बारस रो व्रत भाद्रपद वदी द्वादशी रे दिन करिजे हैं। कोई बामण रे बेटे रे बलिदान री याद ने चिर स्थायी बणाने वास्ते ई दिन गाय औंर बिरे बछडे री पूजा करिजे हैं।ई दिन वैंदिक धेनू द्वादशी भी मनाईजे हैं।

विधि विधान

एकादशी रे दूसरे दिन स्नान कर ने नित्य पूजा सु निर्वत होर गाय औंर बिरे बछडे री पूजा करिजे हैं। ई व्रत रे अनुसार गेहू ,गाय रो दुध,दही औंर गाय रो घी काम मे लेविजे कोनी बल्कि भेस रे दुध ,दही घी ने काम मे लेविजे।पछे गाय औंर बछडे री पूजा करिजे हैं। ई दिन गाय ने जंगल मे चरणे वास्ते कोनी भेजिजे । गाय औंर बछडे री पूजा करने सु पेली विनारे मेंहदी औंर हल्दी लगाविजे हैं। अगर ई दिन बुधवार होवे तो ज्यादा श्रेष्ठ मानीजे हैं।

ई व्रत सु मनवांछित फ़ल मिले हैं।

ई दिन ठंडी रोटी खाविजे हैं। पूजा करने रे बाद ,आपरे कुवारे लडके री नाभि ऊपर सबियो बनाकर दही ,मोठ,दूब औंर रुपियो राख र फ़ुदकडो करीजे। बछबारस बेटो होने रे बाद मे करीजे।

बडी तीज रो व्रत भाद्रपद मास री कृष्ण पक्ष री तृतीया ने करिजे हैं।इने गौंरी व्रत भी केविजे हैं।मारवाड मे सातू तीज भी केविजे हैं।इ व्रत रे अवसर पर सुहागिनी नारिया देवी सु आपरे पति री आयुष्य वृदि री कामना करे हैं। अगर कोइ नारी रो पति परदेश गयोडो हुवे तो इण दिन विने आपरे घरे आणो पडे।

इण दिन प्रातःकाल स्नान सु निवृत होने बाद सुहागिना तृतीया रे इ व्रत रो संकल्प करे औंर पति री दीर्घायु री कामना करती हुयी सांयकाल ने चन्द्रोदय होणे पर इसे स्थान पर बैंठ पूजा करे जठे चंद्रमा औंर रोहिणी रो तारो साफ़ दिखे हैं। कइ औंरता नीम रे नीचे पूजा करे हैं। पछे इने गोबर सु जमीन उपर खडी करे हैं। औंर विणरे कने गोबर री नाडी (छोटो ताळाब ) सी बणा देवे हैं। ईणमे दूध औंर पाणी भर देवे हैं।बाद मे बिणरी पूजा करे हैं। बडी तीज पर कई लोग खाली चन्द्र री पूजा करे हैं औंर सातू रो नेवेध चढावे हैं। फ़ळ री जगा नींंबू औंर काकडी चढाणे रो भी रिवाज हैं।

कई जगा कसूमल कपडो चढ़ाणे रो भी रिवाज हैं।नाडी री पाळ उपर दूध भी चढाइजे हैं औंर विण पर दीयो भी करिजे हैं।पछे बे दूध मिलायोडे पाणी मे चन्द्‌र्‌मा रा दर्शन करे हैं। नींब्ंाू , ककडी ,सातू ,मोती ,नीम,दीयो, कसूमल कपडो इण सब री परछाई नाडी मे देखे हैं। कसूबल साडी पेहन औंर नाक मे बाळी पेह्न ने सू चोखो फ़ळ मिले हैं। बाद मे आरती कर पुष्पांजली अर्पित करिजे औंर कथा केविजे हैं।

राजस्थान में चैत्र शुक्ला तीज ने आणे वाळे पर्व 'गणगौर' री पूजा रो फोटो आभार - राजस्थान पत्रिका	ाारां जिले मांय गणगौर ने पाणी पिलावती लुगाया रो फोटो आभार - राजस्थान पत्रिका

होली रे दूसरे दिन चैंत सुदी तीज तक कुँवारी औंर शादीसुदा लडकिया गणगोर री पूजा करे हैं।ई दिन सबेर आठ पीन्डिया होली री राख री औंर आठ पीन्डिया गोबर री बणार ,छोटी टोकरी मे दूब बिछाकर राखे। लडकिया सबेर बाहर सु एक लोटे मे पाणी ,दूब,फ़ूल ले ने गीत गावे जमीन ऊपर गोबर माटी रो चोको देर पीन्डिया ने टोकरी मे राखे।दीवार या गत्ता पर एक काजल री औंर एक रोळी री टिक्की देवे हैं।पीन्डिया पर पाणी रा छीटा देवे।गोबर री पीन्डिया ऊपर रोळी री औंर राख री पीन्डिया ऊपर काजल री टिक्की देवे। फ़ूल चढ़ावे ,सवेर रा गीत गावे ,एक प्लेट मे पाणी,एक कोडी ,एक सुपारी एक छल्लो औंर एक पीसो घाल कर,दूब सू सोलह छींटंा देवे। कौंडी छल्लो पीन्डियो रे लगाने बाद आपरी आँख रे लगावे। बाद मे ।पीन्डिया ने लेर खडी हो जावे। बासेडा तक अयाही पूजा करिजे हैं।

बासेडा रे दिन गणगौंर ने सजार कुन्डा मे गणगौंर ने दूब बिछा राख्जिे । दूसरे दिन कुन्डे मे झुंवारा उगाविजे।गणगौंर रे प्रसाद चढाविजे औंर पाणी पीलाविजे हैं।संजा ने भी पूजा करिजे औंर गीत गाविजे।गणगोर ने दूब सु दांतण देविजे ।बाद मे प्लेट मे राखे पाणी सु आरती करिजे औंर विण पाणी रा छांटा घालिजे व प्लेट उलटी करीजे हैं।दूज तक ईया ही पूजा करिजे।बीच मे कोई भी रविवार आवे तो सूरजरोटे रो व्रत राखिजे।

तीज ने घर री सब लुगाईया भी गणगौंर री पूजा करे। गणगौंर ने कुन्डा मे सु निकाल जमीन पर दूब झुंवारा बिछार बैंठाईजे हैं।दिन मे गणगौंर ने पाणी पार विदा करिजे हैं।विदाई रे समय गीत गावीजे औंर गणगौंर ने नदी या कुवा मे विर्सजित कर देवे।

चैंत बदी मे होळी रे 6,7 दिन बाद बासेडो आवे हैं।मारवाड राज्य रे देहाता मे ओ उत्सव बणाइजे हैं पण जोधपुर मे राजा प्रजा सब चैंत्र बदी अष्टमी ने ओ पर्व मनाइजे हैं। इणरो कारण हे कि शीतला रे प्रकोप रे कारण राजघराने मे सप्तमी रे दिन एक राजकुमार रो स्वर्गवास होय गीयो इण वास्ते अष्टमी रे दिन ओ पर्व मनाईजे हैं ।

बासेडे रे पेले दिन खाटी  चीज बणाइजे हैं इणरे बाद मे बासोडा रे दिन रात ताई सूई हाथ मे कोनी लेविजे । इण दिन राबडी बाजरा री रोटी,मीठा भात,गुलगुला औंर मन मे जो होवे सो खावा वास्ते बणाइजे हैं। मोठ बाजरी भिजावीजे हैं। रसोई बणाने रे बाद चोका मे दिवाल पर घी रो थापो देविजे हैं। जल,रोळी चावळ सू पूजा करिजे हैं। शीतला माई,हनुमान जी औंर भैंरुजी रा ग़ीत गाविजे हैं।

अष्टमी रे दिन प्रातः काल नित्य नियमो सु निवृत्त होने सब लोग आपरे घरा मे शीतला माता री पूजा करे हैं। । मंदिर मे शीतला माता गधे उपर विराजमान हाथ मे बुहारी औंर कलश औंर सिर उपर छाजला धारण करियोडी सुशोभित होवे हैं।

बासेडा रे दिन सबेर मे एक थाळी मे राबडी ,रोटी,भात,दही ,चीणी ,मंूग री दाळ,बाजरा री मोई औंर दुसरा पकवान शीतला माई के च्‌ढाविजे हैं।

इणरे अलावा ई दिन कई तरह रा मीठा व्यंजन ,गुड रो हलुवो,कैंर सांगरिया रो साग़ नमकीन पूड़ीया औंर शक्करपारा आदि नैंवेध रे रूप मे चढाईजे हैं। माई रे सामे जल रो भरोडो कलश चढाने पूजा करिजे हैं औंर जल घर रा सब लोग आँख मे लगावे हैं।