| (अ - अ:)
अ
अख़बार-1
छोरो करै कोनी
धेलै रीकार
उठतां' ई
मांगै अखबार।
अख़बार-2
रोजिना अख़बार निकलै
नूंआं-नूंआं
बा में कोनी कीं
चाहे पढो उल्चाचाहे सूंआं।
अभियान
बां चलायौ
नशा विरोधी अभियान
खा' र ज़र्दे रो पान।
अक़्लमन्द
घर-घर अक़्लमन्द,
फेर भी लड़ाई-झगड़ा
हुया कोनी बन्द।
अफसर
बै है लूंठाअफसर
लूटण मांय
छोडै कोनी कसर।
अबोरसन
बै भालै 'सन'
करा-करा' र
अबोरसन।
अड़ै
बै जाणै कोनी
क ख ग घ ड़
पण बात-बात पर अड़ै।
अंगूठो
बैलगावै
कागदां पर अंगूठौ
बो भी झूठो।
अरज़
जठै मोटा-मोटा
करै है गरज़
बठै कुण सुणै
ग़रीब री अरज़।
अंट-संट
बानै कुण कै' वै अंट-संट
जका बतलांवतां ही
खावैसात बंट।
अस्पताल
बै अस्पताल जासैस्यूं डरै
क्यूं कै घणखरा सा लोग
अस्पतालय मांय ही मरै।
अचार
इसै ख़सम रो
के घालां अचार
जको करै कोनी कार।
अपील
नीचली कचैड्यां स्यूं
तंग हो' र
करी हाई कोर्ट मांय अपील
बठै भी ढील।
अकल रो भोरो
भगवान मैं भी कोनी
अकल रो भोरो
कीनै' ई बणा दियो कालो
कीनै' ई गोरो।
अकल
छोरै में
कींकोनी नुक्स
घणी सू' णी अकल
पण कोनी अकल।
'अकेलो'
जिको 'अकेलो'
बीं रो चा ही
उतारै थकेलो।
अरदास
छोरै करी
भगवान स्यूं अरदास
कै तूं मन्नै कर दे
बिना इम्तिहान' ई पास।
आ
आंख
के काम री दो आंख
जद बैलिख जाणै कोनी
दो आंक।
आड़ू
काम बिगाड़ू।
आंटी-1
आंटी
करै सगलै दिन
चुग़ली चांटी।
आंटी-2
ऊंदरो घणो ही चिरलायौ
कह 'र' आंटी-आंटी'
पण बिलड़ी मौस नाखी
बीं री घांटी।
आटो
घ मैं कोनी आटो
छोरै नै भावै सैर-सपाटो।
आग
बो है
सगली बातां मांय आगै
सगला सो ज्यावै
जद जागै।
आगूंच
बा लड़ाई झगड़ै मैं आगूंच है
बीं री ऊपर तई पूं' चहै।
आरती
टींगर होग्या
घणा सरारती
बात-बात पर उतारै
घरआलां री आरती।
आराम
बाप करै खेतरो काम
बेटो करै घरे आराम। आपणो
आं,
छेकड़ला, दिनां
कुण है आपणा
आओ ! आंगलियां पर गिणा।
आपरो नुकसान
बण रीस मांय आ'र
घरआली री पाड़ नाखी साड़ी
आपरै पगां ऊपर आप ही
मार लींधी कुहाड़ी।
आत्मविश्वास
बां मांय है
इत्तो आत्मविश्वास
बै जींवत रह ज्यावै
बिना सांस। आछो-माड़ो
कीनै कै' वां आछो ! माड़ो,
बांत तोघर मांही
रोपराख्यौ है अखाड़ो।
आदत
पुलिसआला
चाहे कित्तो' ई कूटै
चोरी री चोरी करण री
बाण कोनी छूटै।
आछो बन्दो
आजकल बो ही है
सैंस्यूं आछो बन्दो
जको करै दो नम्बर रो धन्धो।
आछो
बो आदमी आछो
जको ले'र
देवै कोनी पाछो।
आदमी
बो है असली आदमी
जको लुगाईस्यूं थप्पड़ खावै
फेर भी बींनै
रीस कोनी आवै।
आछी चालै
बां री बजार मैं
आछी चालै
बां रैजूत मारो तो
थानै कोई नीं पालै।
आवड़ै कोनी
मोटर गाड्यां मैं
आदमी नावड़ै कोनी
फेर भी बानै
जामे बिना आवड़ै कोनी।
आबाद
बै कर'र
'इन्क़लाब-ज़िन्दाबाद'
धक्का बस्ती मांय जा'र
होग्या आबाद।
आथ-साथ
टींगर में
कीं आथ न साथ
चढै मालियै
दे दे' र गोडा रै हाथ।
आधो-आधो
कहत कबीर
सुणो भाई साधो
चोरी रै माल नै करल्यौ आधो0आधो।
आणंद
जे कोई म्हाने
मुफ्त मैं पावै
तो घणो ही
आणंद आवै।
इ
इल्ली
जद कणक मांय
पड़गी इल्ली
तो बै बेचियाया दिल्ली।
इमदाद
जद घरआला करै
छोरां री इमदाद
तो बै क्यूं कोनी करै अलबाद।
इतिहास
बां रो इत्तो ही है ितिहास
बां सारी उम्र खेली तास।
ई
ईमानदार।
ईमानदार नै
च्यारूं कानी
मार ही मार
मरै भूखो
जिको करै कार।
उ
उपचुनाव
मिट्यौ कोनी
बोटां री स्याही रो निसाण
बै आग्या दूसर अदाण।
उधार
बीनै कुण कोनी
देवै उधार
जकी रो घरआलौ
थाणेदार।
उपन्यास
बूढ़ियै नै
आवै कोनी सांस
मागै पढणनै
रोमांटिक उपन्यास।
उदाहरण
बां समाजन रै सामै
पेस कर्यौ श्रेष्ठ उदाहरण
पाछो कोनी कर्यौ ले' र ऋण।
उभाणी
बा मिन्दर जावै
रोज़ उभाणी
घरआलै नै झलावै कोनी
एक गिलास पाणी।
उत्तर
काम कै 'ण स्यू पै' लां ई
जिको दे देवै उत्तर
बो ही सु-पुत्तर।
उधार
बै है
इत्ता उदार
दैवै कोनी
सागी बाप नै ई उधार।
उपदेस
म्हे फिरियाया
देस-परदेस
सगली जग्यां
उपदेस ही उपदेस।
ऊ ऊंचो ग्रेड-1
बांगो हुग्यो ऊंचो ग्रेड
बांगी हिफाजत वास्तै
बणगी महिला ब्रिगेड।
ऊंचो ग्रेड-2
छोरौ रो हुग्यो
ऊंचो ग्रेड
पै' लां चरांतो बकरी
अब चरावै भेड। ऊंचो सिर
म्हानै देख' र
तूं सिर ऊंचो कर' र
कियां चालै।
ऊंचो स्तर
बां रो स्तर हुग्यो ऊंचो
आंगली छोड'र
पकड़ लियो पूं' चो।
ए
एम.ए. पास
छोरै कर ली
एम.ए. पास
अब बो कियां गेरै
डांगरां नै घास।
एलर्जी-1
बै कींनै' ई कोनी
कै' वै-'जी'
क्यूं कै बां नै है
मिनखां स्यूं एलर्जी।
एलर्जी-2
बा जीवणो चावै
आपरी मर्ज़ी
सासू स्यूं है एलर्जी।
एटम बम
कोई कोनी
कीं स्यूं ही कम
सगला कन्नै
एटम बम।
एक छोरो
घर मैं ेक ही नग
बो भी रैवणो चावै अलग।
एको
बां रो परिवार मैं
एको है
ओ ही तो पड़ौसियां रै
सेको है।
एक अरब
देखतो रै' ग्यो रब
भारत की आबादी
हुगी एक अरब।
एक लप
बण मरेड़ै बाप रै लारै
मण दाणा देवण रो
कर्यौ संकलप
जद दिया, तो दिया एक लप।
ऐ
ऐस करो
खाओ ! पीओ!
अर ऐस करो खूब
मरतां वक्त ओ हीसागै जासी
ऐ मेरे महबूब।
ओलमो
छोरी नै के ओलमो
बीनै लागग्यौ
साल सोलवों।
ओ
ओपारी
ओपरी,
लागै परी।
|
ए ऐ ओ औ अं अ:
