चामुन्डा मंदिर
नमाज कस्बे रे नेगे ही जंगल मे राजा भोज रे बणायोडो पुराणो चामुन्डा माता रो मंदिरआपरी पुरानी कला रो केन्द्र हैं। अठे पुराना विभाग री चौंकी स्थितहैं।राता भाटा माते बारीक कारिगरी ने दीवारो माते कुरयोडी मुर्तियो अबे री स्थापत्य कला री उत्कृष्ट्ता री प्रतीक हैं।
जवाई बांध
अबे रा जमाना रे तीर्था रे माइने सुमेरपुर रे नेगे ही जवाई बांध पशिचमी राजस्थान रे सबाऊ मोटो बांध हैं। आवण वाला रे वास्ते ओ बांध आकरषण रो केन्द्र हैं 600 करोड घन फ़ीट पाणी री गेहराइ वालो ओ बांध जोधपुर ने पाली नगर मे सैंकडो रो प्रमुख पेयजल स्त्रोत तो हैं ही साथे इज पाली ने जालोर जल्लो री सैंकडो एकड भुमि मे सिंचाई भी वे हैं।
जुनाखेडा
देसुरी तह्सील रे नाडोल कस्बे रे नेडे हीज पुराने महत्व रो स्थल जुनाखेडा हैं।ओ चौंहानवंा रे क्षथियो री पुरानी राजधानी हेती।इने पुरातात्विक हिसाब सु सुरक्षित स्थान घोषित करयो हैं।इण स्थान री खुदाई मे पुराणी घणी हारी दुर्लभ वस्तुआ मली हेती।ईण रो इतिहास 8 वी ,9वी शताब्दी रो हैं। आज कल इण क्षेत्र रो नाम नाडोत हैं।इण क्षेत्र मे ही साथ पुथ्वीराज चौंहान रा पिता राजा सोमेश सोलंकी ऊ युद्ध कर वेरा सहीज वया हता । अठ्ठा री बावडीया भी देखण लायक हैं। नाडोत रे कने नाडताइ ग़ांव रो भी एतिहासिक महत्व रो स्थान हैं। अण री भंवर गुफ़ा देखण लायक हैं।नाडोत ने नाड्ताइ रा पुराना मंदिरवारी एतिहासिक ने शिल्पकला रे कारण ऊ आज भी घणा सैंलानया ने आपरी औंर आकषिर्त करे हैं ऩारताइ मे आदिनाथ रो जैंन मंदिर घणो पुराणो हैं।
रणकपुर
साद्डी गंाव ऊ कने हीज आठ द्स किलोमीटर आगो मधर नदी रे किनारे रणकपुर जैंन मंदिर आपरी बेजोड स्थापत्य कला रे कारण वेदो रे माइने विख्यात हैं। अठे रा मुख्य आदिनाथ जैंन मंदिर 4800 वर्ग मीटर रा चोतरा माथे वणयोडा हैं।घणा प्रकार 24 मण्ड्पो ऊ सजयोडो 1444 थब्बा हाथे चार सिंहद्वार ने 84 देव कुलीकाओ रे द्वारा सजयोडी रणकपुर जैंन मंदिर आणे वालो ने खुद री तरफ़ आकर्षत करे हैं। मंदिर मे चारु ओर ऊंचा मेघनाद मण्ड्ल वणयोडा हैं।इण ऊज जुडयोडा 4 रंग मण्ड्ल हैं। इण मे बंसरी बाजवती ने नृत्यरत पुतलियो ने सोलह नृतकयो री मुर्तिया ऊंची कला री प्रतीक हैं। मुख्य मंदिर रे नेडे हीज पार्वनाथ जैंन मंदिर हैं।
उदयपुर रा महाराजा कुम्भा रे शासनकाल मे ऊणारा मंत्री घरणाह ने शिल्पीदेव से इण मोटा चार मुठावाला मंदिर रो निर्माण करवायो हतो । दर्शन रे वास्ते आवावाळा री सुविधा वास्ते अठे रुकणे ने खावण पिवण री व्यवस्था हैं। विदेशो सु आवण वाला यात्री रे वास्ते टयुरिस्ट बंगले मे सब तरहा री सुविधा हैं। जोधपुर रु रणकपुर 160 कििलो मीटर ने उदयपुर ऊ 100 किलोमीटर आगे हैं। अठाऊ सबाउ नेडो रेल्वेस्टेशन फ़ालना मे हैं।वो अठाऊ 35 किलोमीटर आगे हैं।
सादडी
रणकपुर रे नेडो ही ज साद्डी गाव मे खुबसुरत मंदिर ने खुदाबख्श बाबा री दरगाह देखणे लायक जगह हैं। अठा रा मंदिर मा वराह अवतार मंदिर ने चिंतामणी पार्श्वनाथ जैंन मंदिर बोह्त पुराणो हैं कने ही ज गजानंद मंदिर प्रसिद्ध हैं। इण मंदिरमे रिद्धि सिद्धि री मुर्तिया वणयोडी हैं।
पराुराम महादेव
साद्डी ऊ 14 किलो मीटर पुर्वी दिशा मे समुद्रतल ऊ 3995 फ़ीट री ऊंचाई माथे अरावली पर्वत श्रृंखला मे पराुराम ऋ षि तपस्या करी हती।गुफ़ा मे प्राकृतिक रुप सु शिवलिंग स्थापित हैं।अठे ह्रर वर्ष नवरात व सावण री चांद्णी सातम ने मेलो भरिजे हैं।
मुच्छाला महावीर
घाणेराव ऊ 5 किलो मीटर आगो कुंभलगढ सेंचुरी मे मुच्छाला महावीर रो प्रसिद्ध मंदिर हैं।मंदिर मे स्थापित महावीर री प्रतिमा मुछो री ज खासियत हैं इण वास्ते इण रो ओ नाम हैं।मंदिर रे बेरणा रे दोही पाहाडे हाथयो री फ़ुटरी मुर्तियो वणयोडी हैं।
निम्बो का नाथ
फ़ालना ने हाण्डे राव मार्ग माथे पहाडी री तलहटी मे ओसवााल मंदिर वणयोडो हैं।पाण्ड्वो री माता इण जगह शिव पुजा करती ह्ती।घणो साला पेला ओ मंदिर ध्वस्त वेगो ह्तो ने अबे संवत 1632 रे बाद प्रकाश मे आयो । पाण्ड्वो ने इठे शिव जी री स्थापना करी ने बावडी बणवाई हेती । अठे वर्ष मे दो बार मेलो भरिजे हैं।
सालेश्वर मंदिर
पाली रे नेडे ही ज गुठा प्रतापसिंह गंाव री पहाडी गुफ़ा रे माइने स्थित सालेश्वर मंदिर पुराना काल सु विख्यात हैं। पराुराम रा पता महषीर् जमदागन ने इण स्थान माते तपस्या करी ह्ती । एडी कहावत हे क अठे स्थित भीमगोडा वनवासी पाण्ड्वो री याद दिलावे हैं। अठे तालब , जवतो री समाधयो ने मन भावन प्राकृतिक वातावरण अठे रे अन्य आकर्षण हैं।
सोमनाथ मंदिर
पाली शहर रे बीच मे स्थित सोमनाथ मंदिर आपरी शिल्पकला ने एतिहासिक पृष्ठभुमि रे वास्ते विख्यात हैं। इण मंदिर रो निर्माण गुजरात रा राजा कुमारवाल सोंलकी ने विक्रम संवत 1209 मे करवायो हतो। |
ए ऐ ओ औ अं अ:
