क्रिकेट रो मैच चालरयो थो। सीता आपरै नौकर नै पूछी, क्यूं रामू दादा, तेरो के विचार है? रामू- के बेरो सरकार, म्हे तो लडाई झगडै सूं दूर ही रैवूं।

अेक मौलवी रै चौथो बच्चो हुयो। बण आपरै स्याणै भायलै सूं पूछ्यो- लडके रो नाम के राख्यो जावै? दोस्त पूछी- बाकी तीनुंवा रा के नाम है? मौलवी साब बतायो- सबसूं बडो असगर अली, उण सूं छोटो मुहम्मद अली अर तीसरो नूर अली। दोस्त कुछ ताळ सोची फेर बोल्यो- इण चौथे लडकै रो नाम बसकर अली राख्ल्यो।

डॉक्टर साब, थे म्हारै पति रे दिल रो सफल ऑपरेशन कर दूसरो दिल लगौ के बणां रो जीवन बचा दियो। थानै घणां-घणां धन्यवाद। सब भगवान री किरपा है। डॉक्टर बोल्यो। पण डॉक्टर जी, इब बणां रै दिल में पैली जिस्यो प्यार कोनी रयो? अबार नयो नयो है, कोसिस करता रैवो कुछ दिनां पछै काबू में आ ज्यासी।

डाक्टर मरीज नै दो गोळी दे के बोल्यो- एक तो रात नै सोवंती टेम ले लीज्ये अर दूसरी जीवतो रैयो तो सुबे ल्व लीजै। सरकार और कार में के अन्तर है? सरकार आँख बंद करकै चलाई जा सकै पण कार नहीं?

पुत्र- पिताजी, कानून अेक सूं ज्यादा शादी करणै री छूट क्यूं कोनी देवै?
पिता- बेटा, बडो होकै तू खुद समझ जावैगो और बइयां कानून आपणो रखवाळो ही है।

ज्योतिष सरोज बाई नै बोल्यो- थे थारै पति रो भविष्य जाणणो  चावो हो कै?
सरोज बाई बोली-नहीं, म्हारै बणको थे अतीत बताओ, भविष्य तो म्हारै हाथ में है।