| (प-म)
परचो-1
जको पुलिसआला नै
खुवावै पावै
अर करै खरचो
बीं रै खिलाफ
कदै नीं हुवै परचो।
पसन्द
बीनै बालपणै मैं परणाई
जद जवान हुई
तो घरआलै नै
पसन्द कोनी आई।
प्यारो
बो लागै
सगला नै प्यारो
जको है झूठ रो पियारो।
प्याज
भाजखेमला भाज
के करां ईसै देस रो
जठै मिलै कोनी
आलू अर प्याज।
पड़ौसी
बै ऊंचा चढ़-चढ़
पड़ौसण नै देखै
घरआली नै भेज राखी है पेकै।
पश्चिमी हेत
देखो! बां रो
पश्चिम स्यूं है कित्तो हेत
जावै निमटण नै
आथूणै खेत।
पकड़
साहित्य मैं
बां री आछी है पकड़
पकड़ै फेर छोडै कोनी कड़।
परचो-2
देवतां' ई
पुलिस मैं परचो
बहां कर लियो राज़ीनामो
ले'र खरचो।
परेसानी
पंचा री परेसानी
बां री कुण ही कोनी मानी।
परिवार नियोजन
मिल' र दो जणा
परिवार नियोजन आला नै
चबा दिया चणा।
प्रधानमंत्री
जको थोड़ै बोटां स्यूं
प्रधानमंत्री बणै
बो सुपनां मैं बोट ही गिणै।
पग भारी
भाभी आवतां ही घर मैं
नणद रा पग होय्गाय भारी
कियां काढै बुहारी।
पहरेदार
कियां पड़सी पार
चोर पहरेदार।
पटाको
जठै आदमियां मांय
हुवै कोनी दम
बठै पटाको भी
बण ज्यावै बम।
परहेज
छोरै नै
अंगरेजी स्कूल मांय भेज
बै करै
अंग्रेजी स्यूं परहेज।
परणी
के काम री बा परणी
जकी कठै ई दूर
लाग जावै मास्टरणी।
पईसो
पईसो चालै कोनी सागै
फेर भी बो
खारो कोनी लागै।
पश्चाताप
बां मार्यौ थाप
लागणियै ही कर्यौ
पश्चाताप।
प्रधान
लुगाई बणगी प्रधान
अब घरआलो ही राखो
टाबरां रो ध्यान।
पड़ौसी तरसै
बै चावै कै
म्हारै आंगणै ही
मेह बरसै
देख-देख पड़ौसी तरसै।
पाणी
बा ही घणी स्याणी
लाडू देख'र
बीरै भी मुंह मैं
आ ग्यो पाणी।
पार्टीबाजी
गांव मांय कोनी
कोई पार्टीबाजी
जको भी जावै बोट मांगणनै
कै' वै' हां' 'जी' 'हां' 'जी' !!
पाछो
मर्योड़ौ
कोनी आवै पाछो
चाहे रोओ
चाहे नाचो।
पाटो जकै रै घर मैं
कोनी आटो
बीं रै डाकधर भी
कोनी बांधै पाटो।
पान-पीक़
थे चावो
बां कन्नै स्यूं भीख
जका थूकै कोनी
पा री भी पीक़।
पान-पराग
खुवांता ही पान पराग
बै मिलाण लागग्या
राग सूं राग।
पाई
न्हाणो 'चा' वै गंगामाई
पल्लै कोनी पाई।
पार
कियां हुवै
गृहस्थ री गाडी पार
जद घरआलो बैठ्यौ रै' वै
घरां पलाथी मार।
पास
कियां करां आस
कै छोरा हुवै पास,
लिखै कोनी ओली
सगलै दिन खेलै तास।
पिछाणो
थे के जाणो ?
जद म्हानै ही कोनी पिछाणो।
पीसा
पीसा ही मा-बाप
अर पीसा ही है काको
बिना पईसाआला
अठै धूड़ फाको।
पुराणी बात
पुराणी बातां नै
यार जाण दे
तूं भी खा
मन्नै भी खाण दे।
पूत
पुलिस चोरां रै
नीं मारै जूत
क्यूं कै बै है
बां' रा कमाऊ पूत।
पूर
बै रैवै
लड़ाई-झगड़ै स्यूं दूर
फेर भी
लोगां पाड़ दिया पूर
पेट
भगवान बणा' र पेट
घटा दियो
आदमी रो रेट।
'पेन'
बै जाइयाया स्पेन
फेर भी बांगो
कम हुयो कोनी 'पेन'।
पेसी
बांगो ही नाम अरम रै' सी
जका भुगत र्या है
कचैडियां मैं पैसी।
पोतो
ब्या' रै बारा बरस पछै
सेठजी रै पोतो हुयो
बां म्हारे घरे भेजी मिठाई
देख' र मिठाई
म्हारी पोती मुस्काई
बोली, 'बणगी मौज
इस्या पोत हुवै रोज़।
फ
फटकार
छोरै रै बाप री
सुण'र फटकार
छोरी आलां
दे दी झट, कार।
फकीर
छोटो सो फकीर
खाग्यो मण पक्की खीर।
फरड़ा
है हुग्या बूढ़ा लरड़ा
फेर भी फेंकै फरड़ा।
फितरती
बै हा घणा फितरती
फर्जी नाम स्यूं होग्या
फौज में भरती।
फिकर
मुनाफै रो बै
कदै' कोनी कैर जिकर
चौबीसूं घटा रै' वै
बानै घाटे रो ही फिकर।
फिल्मी गाणा
बण भर लियो घर
मांग-माग दाणा
सुणा' र फिल्मा गाणा।
फूंक
बारै मोढे ही बन्दूक
फेर भी निकलगी फूंक।
फेरी
बां कोनी छोडी हेरा-फेरी
मिंदर मांय सात री जग्यां
एक ही लगाई फेरी।
फैसलो
फैसलो हो यो तो सरी
पण मर्यां पछै होयो बरी।
फैक्ट्री
भगवान थे
आ के करी
घर-घर खोल दी
टींगरा री फैक्ट्री
फैमिली
देखो! बांगी
जोयान्ट फैमिली
बो जद भी घरे आयो
बा घरे कोनी मिली।
ब
बड़ा
न तपस्या बडी
न बड़ी सत्संग
सैंस्यूं बड़ो नंग।
बणी-ठणी
कई दिन तो
रह ले बणी-ठणी
रोवण नै पड़ी है
ऊमर घणी।
बही खातो
बै राखै
मोटो सारो बही खातो
घरे कोनी पीसो रातो।
बणी
बै है लेखणी पा धणी
बां री घरआली सागै
सुपनै मैं ही कोनी बणी।
बटाऊ रो मान
जावै तो रोकां कोनी
रै'वै तो ओ घर पड्यौ
म्हे तो सोवांगा
तूं रह खड्यौ।
बहमी
बहमी
बात-बात पर
ग़लतफ़हमी।
बड़ाई
बै दिन रात करता रै'वै
आपरी बड़ाई
देख्यां बिना खुद री
लम्बाई-चौड़ाई।
बदिया
बां रो हाल-चाल बदिया
जकां ले' र
पाछा कोनी दिया।
बन्दोबस्त
जा जान रो कर्यौ
आछो बन्दोबस्त
पा' र भांग
जानियां नै कर दिया मस्त।
बटाऊ
बो बटाऊ आच्छो
जको आवतां ई जावै पाछो।
बरोबर
कुण थापै गोबर
जद सास बहू बरोबर।
बलीतो
होग्यो बूढो बलीतो
फेर भी रै वै पीतो।
बाप
करो कोनी काम
रै वो बण्या-ठण्या
तो बाप क्यूं बण्या।
बात
मीटिंग हुई कसात
पल्लै पड़ी कोनी बात।
बांझड़ी
बांझड़ी
जद जामण लागी तो
लगा दी टाबरां री झड़ी।
बार रुकाई
बै' न मागी बार रुकाई
भाई हो नेता टाइप
बोल्यौ, 'थोड़ो थम' र आई।
बियर
जको रोजिना खाली करै
दो चार बोतलां बियर
बो ही है
'मैन आफ़ दी इयर।'
बिकणिया नेता
बै के ठा
नौ महीना
कियां टिक्या
बा' रै आतां ही बिक्या।
बिनती
बां करी
भगवान स्यूं बिनती
कर ले म्हारी भी
गुण्डा मांय गिणती।
बिलायती जुखाम
नेताजी कियां करै काम
बानै हुग्यो
बिलायती जुख़ाम।
बिसवा-बीस
आदमी है बिसवा-बीस
कीं कहद्यौ
आवै कोनी रीस।
बिरादरी
बै एकला ई
बैठ्या रै' या घरे
बिछा' र दरी
बिरादरी बां री परवाई
कोनी करी।
बिसा
बै फिर लिया च्यारूं दिसा
पण रै' या बिसा रा बिसा।
बीस-इक्कीस
बै रैया निरमल
बिसवा बीस
खा'र देस रो धन
करोड़ इक्कीस।
बीमार
देख'र नर्सां रा सिणगार
ठीक होग्या बीमार
बीन
बै कदे नीं
बण सकै बीन
जका करै
घणी छानबीन।
बींद
बूढ़ियै नै आवै कोनी
बीनणी बिना नींद
बो बणनो चावै बींद।
बीमा फाइल
जद बै हुग्या
एक्सीडेन्ट मैं घायल
तो बानै याद आई
बीमा फाइल।
बीनणी
छोरो हो इत्तौ लम्बौ
जित्तौ बिजली रो खम्भौ
लारै बीनणी
ऊंटलारै पीनणी।
बीड़ी
टींगऊं मरै कोनी
एक कीड़ी
पण पी जावै
दसके मण्डल बीड़ी।
बुढापो
बानै कुण पूछै
जकांरी मूंछा धौली
अर खतम हुगी न्यौली।
बेकारी
तरक्की है' क बदमासी
एम.ए. पास चपरासी।
बेवकूफ
सैंस्यूं मुसकल
लेणो राम रो नाम
कोई बेवकूफ ही करै
इस्यो काम?
बै' स
सासू कै' ण लागी बहू नै
तूं ना कर म्हारै स्यूं बै' स
म्हारै ही है स्टोव अर गैस।
बोरी
कालै नै मिलगी गोरी
मकौड़ै नै
खांड री बोरी।
बोट
आदमी बणग्यो बोट
खरीदल्यो दे' र नोट।
बोस
बै माथै रै हाथ दे'र
करे अफ़सोस
जित्ता जाम्या
सगला ही' बोस।
बोल्यौ
बो बोल्यो
पण मुंडो कोनी खोल्यौ।
बोटर महाराज
ऐ है म्हारा बोटर महाराज
जी मैं आवै जद बदलद्यै राज।
भ
भड़ांस
बारै मुंह री
ख़तम हुगी बांस
बां काढ' र गाल
काढ ली भड़ांस।
भलो
बो है भलो
करै कोनी कींस्यूं राड़
बन्द राखै किवाड़।
भर दे
हे लक्ष्मी माता!
तूं म्हारो इत्तो काम कर दे
नोटां स्यूं घर भर दे।
भगवान
भगवान आप ही
देवैगो खाण नै
म्हे तो कोनी जावां कमाणनै।
भाग
बांगा जागग्या भाग
जद बानै मिलग्यो
सिंचाई विभाग।
भागो
छोरो रो भागो
पहरनै कोनी बागो।
भाई
बै है
मा जाया भाई
लड़ै गण्डक दांई।
भाभी
संगलां रै बैठगी
एक ही बात नाभी
गरीब री लुगाई
सगलां री भाभी।
भिखारी-कारी
साल रा साल आज्यै
ऐ बोटां रा भिखारी
पाड़ लेवै पर
कियां लगावां कारी।
भूख
रोजिना जद
हरी हो ज्यावै कूख
तो कियां भाजै
देस री भूख।
भूखो
बाढ हुवै चायै सूखो
नेता नीं मरै भूखो।
भूतणी
भूतणी
मारै कम
डरावै घणी।
भोड़-भुंवाली
बांरो भोड खावै भुंवाली
जका घर मैं राखै साली।
म
मलाईआलो दूध
बीनै मलाईवालो दूध
कुण पावै
जको घरआली नै
रांड कह' र बतलावै।
मसहूर
राखै कोनी सरीर पर
पूरा-सूरा पूर
फेर भी मसहूर
करिश्मा कपूर।
मरद
बां री बात छोडो
बै फोड़दयै भींत
मार'र गोडो।
मन्दो
बां रै कदै नीं आवै मन्दो
जिका खावै चन्दो।
मंगतो
तूं अठै क्यूं करै
तेरो टेम खोटी
म्हे दी कोनी कदै' ई
सागी बाप नै ही रोटी।
मर्डर
बै है मन्त्री जी रा छोरा
धोलै दोपारै करद्यै मर्डर
बानै लागै कोनी कींगोई डर।
मस्त
बूढियै री लकड़ी
बूगगी मुसाणां मैं
बण बो मस्त है
फिल्मी गाणा मैं।
माजणो
बालूं थारो माजणो
बानै गाल काढद्यै
जणो-कणो
मांग
बांरी एक ही मांग
ऊपर रै' णी चाइजै टांग।
मां-बेटी
बेटी पड़ौसी आगै निकलगी
मा स्यूं आगै निकलगी।
माड़ी बात
माड़ी है बात
घर मैं दो ही मियां बीबी
दोलै कोनी रात-बिरात।
माफ़ी
बां प्या' र र्काफी
मांग ली काम स्यूं माफी।
माड़ो
बै एक दूजै नै माड़ो कै' वै
अर एक ही घर मांय रै'वै।
माला
बूढियो हाथ मैं राखै माला
पिक्चर भी बा देखै
जकी मैं हुवै वैजयन्तीमाला।
मिलीभगत
कियां पड़ै पार
जद पुलिस स्यूं मिल'र
मुलजम हो ज्यावपै फरार।
मिठास
बै बसै पास-पास
फेर भी बागै जीवन मैं
कोनी मिठास।
मिस इंडिया
बींरा खुलै कोनी डिया
फेर भी चुणीजगी मिस इंडिया।
मिनखपणो
देखो बां रो मिनखपणो
गाल काढै जणो-कणो।
मीठा ठग
नेताजी मीठा ठग
बोट खातर पकड़ल्यै
कै' हो जिकै रा पग।
मेकअप
पैट मेक अप
फेर चाय रो कप।
मेडआलो
मेह आलै कई जग्यां
काढ दी रड़क फोड़ दी सड़क
कई जग्यां गेरी कोनी छांट
बांध ली गांठ।
मेम
लुगायां बण गी मेम
बानै कोनी
रोटी पोण रो टेम।
मैल
पईसो है हाथ रो मैल
फेर भी लोग छोडै कोनी
बीं री गैल।
'मोनोपोली'
बां री घर मै ही
'मोनोपोली'
पण दूध काढतां
लात मारी खोली
मोटो
आजकालै बो ही है
सैस्यूं मोटो
जको भरै कोनी
पाणी रो लोटो।
मौ' र
बीं' नै सुपनै मैं
मिली सौ मौ' र
बानै भी लेग्या चोर।
मौज-1
बां करी सरकारी खर्चै पर
खूब मौज
ले'र टींगरा री फौज।
मौज-2
लोग लुगाई
दोनूं मौज उड़ावै
बो पकावै
अर बा खावै।
मौज-3
टाबरियां री खतम हुगी मौज
ढोवतां-ढोवतां मरग्या बै
किताबां रो बोझ।
|
ए ऐ ओ औ अं अ:
