नाम- श्रीमती शारदा कृष्ण
जनम- 10 अगस्त, 1957 (रक्षाबंधन)
जनम स्थान--सादुलपुर, जिला चुरू (राज.)
फोन न.- 01572-250396,
मोबाइल न.- 9928743194

शिक्षा
1. एम.ए. संस्कृत, बी.एड.
2. आचार्य साहित्य
3. आचार्य धर्मशास्त्र

कृतिया
1.शकुंतला री ओळख (राजस्थानी) - कालिदास के अभिज्ञान शाकुन्तलम नाटक रो अनुवाद
2.संवाद सम्भव (हिन्दी कविता)
3.धोरा पसारियो हेत (राजस्थानी कविता)
4. Twentieth Century Women Writings in Rajasthani

उपलब्धियां

1. राजस्थान सरकार सु शिक्षक पुरस्कार-2002
2. राजस्थानी भाषा साहित्य एवं संस्कृति अकादमी बीकानेर सु अनुवाद पुरस्कार
3. 2002 में द्वारका सेवा नीधि जयपुर सु महिला साहित्यकार प्रतिभा पुरस्कार
4. 2006 में ए.आई.पी.सी. अम्रावती सु सुभद्रा कुमारी चौहान पुरस्कार
5. केन्द्रीय साहित्य अकादमी, नई दिल्ली री सदस्यता (राजस्थान सलाहकार मंडल)
6. राजस्थानी महिला लेखन (संकलन प्रेस में)

पद
व्याख्याता, संस्कत वांगमाया स्नातकोत्तर संस्कृत महाविधालय, सीकर

ठिकाणो
'आशादीप' पिपराली रोड,
सीकर (राज.) 332001

श्रीमती शारदा कृष्ण जी री रचना

जय-जय राजस्थान
(राजस्थान दिवस पर विशेष)

सूरवीर सांगा री मायड मानी भामाशाह री,
गरबीलै राणां री जामण दुरगादास महान री,
गोरा-बादल, आल्हा, ऊदल, जोधा, बीका, राव री,
पन्ना रो बलिदान बखाणै दुर्गाधरा मेवाड री,
रण खेतां तलवार उगै, निपजै वीरां री खान,
धन-धन धरती राजस्थान।

आडावळ स़ा सीधा डूंगर गढ लूंठो चित्तौड जी,
एकलिंग नाकोडा भैरू नाथद्वार महावीर जी,
सालासर री हरस जीण लोहागर गोगा पीर जी,
सिद्ध गणेसर अपै बलेसर तेज त्रिवेणी तीर जी,
कण कण सूं सोनो निपजै मोती मूंगा रो धान,
धन धन धरती राजस्थान।

रूणेचा रा धाम रामसा पीरां परचौ पावणो,
अजमेरी ख्वाजा री थळीया फरियादी रो जावणों,
गळता तीरथ सरगा सूळी न्हावण पार लगावणो,
सगती भगती प्रेम प्रीत सूं खाटू धाम सिधावणो,
करमां रै खीचडलै प्रगटयो श्याम धणी रो मांन,
धन धन धरती राजस्थान।

कैर, सांगरी, फळी, फोफळया, राबोडी रो साग जी,
मोठ, बाजरो, ज्वार, जौं, चणां म्है जीमां धन भाग जी,
गोरा धोरा रात च्यानणी फड पाबूजी ख्यात जी,
कूंचां कूचां अळगोजा गीदड अर चंग री थाप जी,
तीज तिवारां गिणगौरा रा कितरा करां बखाण,
धन धन धरती राजस्थान।

पदमण री जौहर ज्वाला आ वीर भौम चित्तौड री
मीरा-गिरधर भगती भावां माणक माथै मोड री
रामू-चनणा, ढ़ोला-मारू सोरठडी अर नाग जी
राम स्नेही जसनाथी दादू पीपा रैदास जी
भगती प्रेम त्याग भावा सूं वारां तन मन प्राण
धन धन धरती राजस्थान।