टाई रो नजारो

पेंट – शर्ट न टाई लगावेन,
म्हूं निकळ्यो बीच बाजार में।
हमझ रियो हो खुद ने अफसर,
वेच घर – घर रा सामान ने।
हाथ में ठेलो न गला में टाई,
न पेन लटकायो सान ऊं।
हमझाई रियो हो मनखां ने,
नवीं – नवीं स्कीमा,
टाई री गांठ हमाळ ने।
थाक्यो दनभर तावड़ा में फर – फर,
टाई फैंकी गांठ निकाळ ने।
पण सूबे दादा हाचो फसग्यो,
जदी टेम आयो टाई री,
गांठ लगावा रो।
चाल्यो हो म्हूं अंग्रेज वणवा,
पण हालत व्है गई गंवार सी।
टाई री गांठ लगावा रे चक्कर में,
मोड़ो व्है ग्यो काम रो।
नौकरी गुलामी री छूट गी,
आगले दन हीज परबात में।
टाई रो पिण्ड छुट्यो गला सूं,
हां (सांस) लिदो आराम रो।
पण देख म्हने मन में हांसी आईगी,
आगे उबा नवा विन्द राजा ने।
काले टाई तो म्हैं भी पेरी ही,
पण कनेई नीं देख्यो, पेर्यो सूट उनाला में।
अंग्रेज घणा फरया हा चड्डा में,
न वो गबराई रियो हो टाई सूट में।
वणवा रे चक्कर में हीरो,
वो घूम रियो हो पेर न पट्टो।
आगे नजरे आयो एक टाबर,
लौट रियो हो इस्कूल वापस।
पकड़ वन्ने न पुछ्यो में,
अतरी थन्ने क्युं है आगत।
वो बोल्यो मारे कोड़े नीं है वत्ती वगत,
पाछो पोछणो है टाई लगावेन,
स्कुल झटपट।
मने आई घणी हरम,
हरमा – हरमी में पूछ्यो।
कई भाया कई देला थने या टाई,
वो आकत आकत में बोल्यो सुणो भाई।
ई स्कुला वाला अणा टाबरा परे,
क्युं नी करे रहम,
आंखा मिचेन ये तो करता जावे है,
आपणा खोटा करम।
हाय मनख मारे हिन्दुस्तां रा,
क्यूं नीं हमझ रिया हा चक्कर।
वा गला री टाई नीं,
वो है गुलामी रो पट्टो,
ज्यो वणाई रियो है गुलाम,
मानसिक शासन ऊं।
यूं हीज मानसिकता,
बदल – बदल आपणी,
वणाई रिया है आपाणे निरर्थक।
फैक पट्टो न घूमो आजादी ऊं,
अणी में ही है सच्चो आनन्द।
म्हूं ओर अब थाने कई हमझाऊं,
अणी टाई रे पाछे रो चक्कर।
हमझदार हो हमझ गया व्होगा,
म्हारा अणी एक हीज उदाहरण ऊं।
छोड़ गुलामी रा पट्टा ने,
वण जाओ पाछा.....!

जेठ

च्यार ज पाया मूळ का, तपै जेठ के मास
च्यार पाख में जाणियै, अत घण पावस आस।

असाढ

आसाढां री सूद नम, घण बादळ घण वीज
नाळा कोठा खोल कर, राखो हळ नै बीज।