राजस्थानी हस्तशिल्प उत्पादों री विदेशां माय बढ़ती मांग
जयपुर । राजस्थानी हस्तशिल्प उत्पादों रै वास्तै दक्षिणी अमेरिकी बाजार वरदान साबित हो रियो है। अर्जेंटीना, चिली अर पनामा जस्या देशों माय आपणा प्रदेश रा विभिन्न हैंडीक्राफ्ट्स खूब बिक रिया हैं। अणी मांग नैं देखा थका हस्तशिल्प निर्यात संवद्र्धन परिषद (ईपीसीएफएच) इण देशों माय आपणै फेयर आयोजित करवा री योजना माथै काम तेज कर दियो है। नुवां निर्यात बाजारों री मांग नैं देखता इण बार राजस्थान सूं हस्तशिल्प निर्यात माय पाछले साल रै मुकाबले 30 फीसदी री बढ़ोतरी रै आसार बण ग्या हैं।
हस्तशिल्प निर्यातकों रै अनुसार दिसंबर 2013 तक प्रदेश रो हस्तशिल्प निर्यात 6000 करोड़ रुपया रै कन्नैं पहुंच चुक्यो है। अबै वित्त वर्ष रै शेष तीन माह रै भीतर इण माय 1000 करोड़ रुपया रै इजाफे री उम्मीद है, जिणसूं 7000 करोड़ रुपया रो लक्ष्य अर्जित हो सकेला। यो लक्ष्य लैटिन अमेरिकी और कैरिबियन देशों माय होवा वाळा फेयर माय राजस्थानी हस्तशिल्प निर्यातकों रै भाग लेवा सूं अर्जित होवा री उम्मीद है।
जयपुर अर जोधपुर हैं मुख्य उत्पादक
हैंडीक्राफ्ट्स माय जयपुर और जोधपुर मुख्य उत्पादक शहर हैं, जठै कुशन कवर, रजाई, बगरू प्रिंट्स, बैड शीट्स, लकड़ी रै फर्नीचर, आयरन उत्पाद बणाया जावै हैं। इणरै अलावा, चुरु अर उदयपुर भी फर्नीचर अर चांदी रै हैंडीक्राफ्ट्स उत्पादों रै नामी स्थान हैं।
देव दर्शन, सूर्य पूजन और सितोलिया रै साथै मनी संकरात
सूर्य उपासना रो पर्व संकरात 14 जनवरी मंगलवार नैं उत्साह सूं मनायो गयो। मंदिरों माय पूजा-अर्चना, दान-भेंट रै साथै कांई बच्चा अर कांई बड़ा संगळा सितोलियां खेल नव ऊर्जा रो संचार कियो।
५ हजार लोगों रै बीच खेल्यो गयो दड़ो
दूनी (टोंक)। मकर संक्रांति माथै आवां कस्बे माय ७० किलो वजनी दड़े सूं खेल्या जावा वाळा पारंपरिक खेल माय इण बार भी क्षेत्र रै गांवों रै ५ हजार सूं वत्ता लोग भैळा व्या। मान्यता अनुसार खेल माय दड़ो दूनी दरवाजे री ओर आवै है तो खुशहाली और अखनेश्वर दरवाजे री ओर जावै है तो अकाल मान्यो जावै है। इण बार दड़ो अनिर्णीत स्थिति माय रियो। इणसूं अनुमान लगायो गयो कै इण साल नीं अकाल वंगा ना ही सुकाल, साल मध्यम ही रेवेगा।
जुरासिक रॉक सिस्टम पे रिसर्च करवा पहुंच्या वैज्ञानिक : मिल्या डायनासोर के जीवाश्म
 
जैसलमेर। जैसलमेर माय जुरासिक रॉक सिस्टम माथै अध्ययन करवा रै वास्तै 32 वैज्ञानिकों रौ दल 11 जनवरी शनिवार नैं जैसलमेर पहुंच्यो। दल माय 32 विदेशी वैज्ञानिक भैळा हैं जो जिले रै विभिन्न क्षेत्रों रो दौरो कर जुरासिक रॉक सिस्टम इन जैसलमेर माथै रिसर्च करी। ये संगळा वैज्ञानिक राजस्थान विश्वविद्यालय री तरफ सूं रॉक सिस्टम माथै शोध करी। जैसलमेर पहुंचवा माथै वैज्ञानिक ग्राम आकल, थईयात, खुहडी रोड अर जैसलमेर दुर्ग रै अैड़े-नैड़े रै क्षेत्र रो भ्रमण कर संभावना नै तलाशी। अणा संगळा वैज्ञानिक जैसलमेर माय तीन दिन तक रिसर्च करी। जिण क्रम माय थईयात गांव रै कन्नैं गैरालेटर तथा यूबरान्टिस गीगान्टिअस प्रजाति रा डायनासोर रा फुट प्रिंट मिल्या हैं।
पोलैंड रै वैज्ञानिक डॉ. पीनोकोवस्की रै अनुसार गैरालेटर प्रजाति रा डायनासोर मुर्गी जतरा मोटा रिया व्हेला। अर युबरान्टिस गीगान्टिअस रा डायनासोर वर्तमान माय पाया जावा वाळा मगरमच्छ जस्या हा। ये 3-4 मीटर तक मोटा और तेज भागवा वाळा रेप्टाइल्स रिया व्हैला। अणारा दांत मजबूत अर ये शेर जतरी ताकत राखता व्हैला। अणा डायनासोर रा थईयात गांव माय जो फुटप्रिंट मिल्या हैं, वे लगभग 30 सेंटीमीटर बड़े हैं।
परिवार सहित रणथंभौर पहुंच्या मुकेश अंबानी
सवाई माधोपुर। उद्योगपति मुकेश अंबानी 11 जनवरी शनिवार नैं परिवार रै साथै रणथंभौर अभयारण्य पहुंच्या। वणा नेशनल पार्क माय भ्रमण कियो और बाघिन टी-१७ रै शावकों री अठखेलियां देखीं। अंबानी तीन दिन री यात्रा माथै रणथंभौर आया हा।
चंद्रावती सूं निकळी ब्रह्माजी री मूर्ति
आबूरोड। आबूरोड रै कन्नैं स्थित प्राचीन नगरी चंद्रावती माय पुरातत्व विभाग द्वारा चाल रियाहे उत्खनन कार्य माय अबै ब्रह्माजी री उबी प्रतिमा निकळी है। बतायो जावै है कै इण नगरी माय एक साथै 999 मंदिर हा। इणरै साथै चामुंडा माता, भैरव देव री प्रतिमा भी निकळी। करीब 32 किलोमीटर री परिधि माय अमीरगढ़, मावल, चंद्रावती, सियावा, सांतपुर, मूंगथला व पालड़ी तक इण नगरी रा अवशेष बिखरिया हैं।
गणतंत्र दिवस : 1000 बच्चां एक साथै करी रिहर्सल
गणतंत्र दिवस माय हाल थोड़ा दिन बाकी हैं। पण इण दिन तहसील, जिला अर राज्य स्तर माथै समारोह तो वेगा ही, स्कूल-कॉलेजों माय भी विभिन्न प्रस्तुतियों रै साथै तिरंगो वंदन वेगा। इणरी तैयारियां जोरों माथै हैं। उदयपुर शहर रै सेंट्रल पब्लिक स्कूल परिसर माय इण तैयारियों रो अस्यो नजारो दिख्यो, जद एक हजार बच्चा एक साथै पीटी, परेड और दूजी प्रस्तुतियों री रिहर्सल कर रिया हा।
पाला : फसल नैं ओढ़ाई चुनरिया
जयपुर। अजमेर रोड माथै ठिकरिया गांव माय फसल नैं पाले सूं बचावा रै वास्तै साडिय़ों सूं ढंक्यो गयो।
प्रदेश माय कठै कतरो पारो
राज्य माय 12 जनवरी नैं अठै हो अतरो पारो, चांधन 0.5, चूरू 1.3, श्रीगंगानगर 3.3, पिलानी 4.1, पाली 4.2, बीकानेर 4.6, चित्तौडग़ढ़ 4.0, जैसलमेर 4.8, जयपुर 5.6 , भीलवाड़ा 5.5, अजमेर 6.9, जोधपुर : 7.1, फलौदी : 5.0, बाड़मेर : 6.4, कोटा : 8.0, उदयपुर : 5.5
जिला जज कैडर रै 107 पद और बढ़्या
जोधपुर। प्रदेश माय इण साल जिला जज कैडर रा स्वीकृत पदों री संख्या अबै 372 वेगी। पैल्या स्वीकृत पद २६५ हा, इणमाय १०७ पद और बढ़ा दिया गया हैं। राजस्थान हाईकोर्ट रै रजिस्ट्रार जनरल या जानकारी दी।
सीए फाइनल माय झुंझुनूं रै जितेंद्र री चौथी रैंक
सीकर। भारतीय सीए संस्थान री ओर सूं सीपीटी और सीए फाइनल कोर्स रो रिजल्ट घोषित कियो गयो। फाइनल माय ऑल इंडिया लेवल माथै अकोत (महाराष्ट्र) रा गौरव सरावगी (800 माय सूं 534 अंक) पेहलो स्थान प्राप्त कियो। दिल्ली री मरिदू गर्ग 530 अंक प्राप्त कर दूजी और कोलकाता रै अक्षय लोसालका 524 अंकों रै साथे तीजी रैंक हासिल करी है। अणीज क्रम माय झुंझुनूं जिले रै दोरासर निवासी जितेंद्र शर्मा चौथी रैंक पाई है। वणा 522 अंक प्राप्त किया।
विधायक साब सूं एक अरज
मानजोग,
विधायक साब। आपनै राजस्थान विधान सभा रा सदस्य चुणीजवा री घणी घणी बधाई अर शुभ कामना अरज होवै सा। आप आपरा मतदाता, राजस्थान प्रान्त, भारत देश, सगळी मानवता अर जीवाजूण रा अंजस जोग प्रतिनिधि इण कार्यकाल माय सिद्ध व्हेवो। इसी म्हारी भावना ईश्वर पूरी करै। आपनै परमात्मा इसी सामरथ बक्सावै 'क आप मंसा, वाचा, कर्मणा सूं जन जन री भावना नै आदर दे सको। विधायिका, कार्यपालिका, न्यायपालिका , मिडिया री मरजाद नै मानता थका भारत रा संविधान नै सिरोधार्य राख सको। इण भांत आप राजस्थान अर देश रै बहुआयामी विकास री गंगा रा भागीरथ बण सको। आपरौ नाम आपरा गांम, नगर, प्रदेश अर देश रै वास्तै गरब अर गुमेज रौ कारण बणै अर इतियास माय सोना रा आखरां सूं लिखीजै। राजस्थानी भाषा नै संविधान री 8 वी अनुसूची माय जोड़वा रा काम नै आगै बधावो । 25 अगस्त 2003 रै दिन राजस्थान विधान सभा सर्व सम्मति सूं एक संकल्प प्रस्ताव पास कर'र राजस्थानी भाषा री संवैधानिक मान्यता वास्तै केंद्र सरकार नै भेज राख्यो छै । जिण संकल्प माय राजस्थान री भावना अर पिछांण जुड़ी थकी छै । राजस्थानी भाषा अर्थात जिणरी डिंगळ -पिंगळ शास्त्रीय कविता शैलियाँ अर ढूंढाड़ी, मेवाड़ी, वागड़ी, ब्रज, हाड़ौती, माळवी, पहाड़ी, मारवाड़ी, भीली, खानाबदोशी बोलियां छै । 2011 री जनगणना माय 4 करोड़ 83 लाख जणा मातृभाषा राजस्थानी लिखवाई। आप इतियास माय अमर काम रा भागी बणो। घणी घणी बधाई अर मंगळ कामनावां रै साथै । जै भारत, जै राजस्थान, जै राजस्थानी।
-अरजवंत
डॉ राजेंद्र बारहठ, प्रदेश महामंत्री,
अखिल भारतीय राजस्थानी भाषा
मान्यता संघर्ष समिति राजस्थान
श्रीनाथजी धरायो छप्पन भोग
नाथद्वारा। छप्पनभोग श्रीनाथजी मंदिर माय होवा वाळा मनोरथों माय सबसूं बड़ो है। साल माय ५६ भोग रै दो मनोरथ मंदिर री ओर सूं होवै हैं जिणनैं अधकी मनोरथ कैवे हैं। बाकी मनोरथ वैष्णव परिवारों री ओर सूं करवाया जावै हैं। मनोकामना पूर्ण होवा माथै मनोरथी परिवार री ओर सूं ५६ व्यंजनों रो भोग धराया जावै है और विशेष शृंगार कियो जावै है। इस मनोरथ माय भक्त दिल खोलर खर्च करै हैं। अणीज आधार माथै श्रीनाथ मंदिर माय 9 जनवरी गुरुवार नैं इंदौर रै बाहेती परिवार री ओर सूं छप्पन भोग मनोरथ व्यो। मनोरथी परिवार नाचता-गाता श्रीजी मंदिर पहुंच्यो।
खाटू मंदिर के गर्भगृह माय लागेगा ३० किलो सोनो: दर्शणां रै वास्तै वीआईपी कल्चर वेगा खत्म
सीकर । खाटू नरेश रै दर्शणों रै वास्तै अबै कोई वीआईपी नीं वेगा। संगळा नै आम भक्तों री लाइन माय लागणो वेगा। खाटू मंदिर ट्रस्ट वीआईपी कल्चर खत्म करवा रो फैसला कियो है। खाटू मेळा माय हर साल करीब 30 लाख श्रद्धालु जुटै हैं। मंदिर कमेटी अध्यक्ष मोहनदास बताया कै गर्भ गृह माय मंदिर री चमक बढ़ावा रै वास्तै 30 किलो सोना काम माय लियो जावेगा। श्रद्धालुओं नै तावड़ा सूं बचावा रै वास्तै भी पक्का शेड तैयार किया जावेगा।
कुंभलगढ़ फेस्टिवल 28 सूं
कुंभलगढ़। कुंभलगढ़ फेस्टिवल इण साल 28 जनवरी सूं 30 जनवरी तक चालेगा। तीन दिवस तक चालवा वाळा इण समारोह माय कच्ची पुड़ी सहित भोजपुरी व राजस्थानी कार्यक्रम मुख्य आकर्षण रेवेगा। पर्यटन विभाग सूं मिली सुचना रै अनुसार समारोह री शुरूवात 28 जनवरी नैं यज्ञ वैदी चौक माय राजस्थानी कार्यक्रमो रै साथै व्हैगी।
हर सोमवार नैं नो व्हीकल डे
सीकर। पर्यावरण बचावा रै वास्तै शहर माय प्रशासनिक अधिकारी हर सोमवार नैं नो व्हीकल डे मनावेगा। इणरै तहत दफ्तर तक साइकिल सूं आवेला। शुरुआत कलेक्टर एसएस सोहता व एसपी हैदर अली जैदी करी। वकील भी प्रशासनिक अधिकारियों रै साथै आया। वे भी सोमवार नैं साइकिल माथै कोर्ट पहुंच्या।
मकर संक्रांति और ईद मिलादुन्नबी एक साथै: दो मजहब रै दान-पुण्य, उल्लास रो त्योहार एक ही दिन
जयपुर। इण साल 14 जनवरी नैं मकर संक्रांति रै साथै ईद मिलादुन्नबी भी मनाई जावेला। हिंदू-मुस्लिम समाजों री ओर सूं दोई पर्व उत्साह सूं मनावा री तैयारियां शुरू कर दी गी है। एक ओर मकर संक्रांति माथै दान-पुण्य रो दौर चालेगा, वठै ही दूजी ओर मिलादुन्नबी री खुशियां छाई रेवेगा।
हिंदू कलेंडर रै अनुसार 14 जनवरी दोपैरा 1.11 बज्या सूं संक्रांति रो पुण्यकाल दिनभर रेवेगा। मकर संक्रांति रै साथै ही सूर्य उत्तरायण माय आवेगा। मलमास खत्म वेगा और शुभ कार्यों री शुरुआत व्है जावेला। इणरै साथै ही इस्लामिक कैलेंडर माय ईद मिलादुन्नबी भी 14 जनवरी नैं ही मनेला। इणरै अनुसार मिलादुन्नबी रो जश्न 12, 13 नैं मनायो जावेगा। 14 नैं जुलूसे मोहम्मदी रो आयोजन वेगा।
चंद्रावती माय निकळियो कमरा
आबूरोड़। शहर सूं ७ किमी छेटी प्राचीन चंद्रावती नगरी रा अबै आपणै सामै वेगा। पुरातत्व विभाग द्वारा 4 जनवरी शनिवार सूं शुरू करी गई इस नगरीरै अवशेषों री खुदाई माय एक कमरा, मोटो मटको मिल्यो है अर सुरंग भी दिखाई दी है। खुदाई माय मिल्यो मटका अतरो मौटो है कै इणमाय आराम सूं एक आदमी समां सकै है। अठै यो उल्लेखजोग है कै ११वीं सदी माय आबद ही चंद्रावती। इतिहासकारों रै अनुसार या नगरी घणी समृद्ध और वैभवपूर्ण ही। पछै बारला आक्रमणकारियों रै कारण इणरो वैभव खतम व्है ग्यो और धीरे धीरे या खंडहर माय तब्दील व्है गी। इणरो अधिकांश हिस्सा भूमिगत व्है ग्यो। इणरा अवशेष आज भी आबूरोड रै अैड़े-नैड़े बिखरिया पड़्या हैं।
अबै जोधपुर से होगी चित्तौड़ दुर्ग माथै निगरानी
चित्तौडग़ढ़ । भारतीय पुरातत्व सर्वेक्षण विभाग राजस्थान माय जयपुर रै बाद अबै जोधपुर माय भी अलग सूं अधीक्षक कार्यालय सृजित कर दियो है। विश्व धरोहर चित्तौडग़ढ़ दुर्ग सहित प्रदेश रा तीन प्रमुख किला अबै जोधपुर कार्यालय रै अधीन रेवेगा। पैल्या ये संगळा संरक्षित किला जयपुर कार्यालय रै अधीन ही हा।
राजस्थान माय स्थित 162 प्राचीन और ऐतिहासिक स्मारकों रै संरक्षण और उणरी सार संभाल रै वास्तै केन्द्र सरकार बरसों पैल्या जयपुर माय केन्द्रीय पुरातत्व विभाग रै निर्देशन माय अधीक्षण पुरातत्वविद् कार्यालय खोलर वठै अधिकारी नियुक्त कियो हा। गत साल यूनेस्को द्वारा राज्य रै छह दुर्ग नैं वल्र्ड हैरिटेज साइट्स माय शामिल होवा माथै चित्तौडग़ढ़ माय विभाग री केंद्रीय मंत्री चंद्रेशकुमार कटोच री उपस्थिति माय समारोह व्यो। इस समारोह रै बाद केन्द्र सरकार तय किया कै राजस्थान माय एएसआई रै दो सुपरिटेडेंट कार्यालय संचालित व्हैण चावै। इण प्रस्ताव नैं मंजूरी देता थका नौ जनवरी सूं दूजो कार्यालय केंद्रीय मंत्री चंद्रेश कुमारी रै निर्वाचन क्षेत्र जोधपुर माय शुरू कियो गयो। चित्तौडगढ़ रै अलावा कुंभलगढ़ और जैसलमेर दुर्ग भी अबै जयपुर री बजाय जोधपुर कार्यालय रै अधीन रेवेला।
बागोर री हवेली माय दिखी गांव री संस्कृति
उदयपुर। बागोर की हवेली माय कलाकार तस्लीम जमाल री कलाकृतियों माय रियलिस्टिक व मॉडर्न आर्ट रो लाजवाब अंदाज देखवा नैं मिल्यो। कलाकार ग्रामीण दृश्यों नैं थीम बणाई। इणमाय वणा 35 कलाकृतियों रो प्रदर्शन कियो। इणमाय फास्ट कलर्स रो प्रयोग कियो जिणनैं टैक्सचर रै जरिए निराले अंदाज माय पेश कियो है। कृतियों माय गांव री दिनचर्या व रोजमर्रा रै काम नै दर्शायो है। इणमाय गांव री औरता, खेतों रै किनारे, टहलती गायां, रूंखा माथै बैठी चिडकळ्यां आदि प्रमुख हीं।
उड़ ग्यो दो हंसा रो जौड़ो: पत्नी रै अंतिम संस्कार रै दौरान पति री सांसा भी थमीं
चूरू। नाकरासर गांव माय करीब साठ वर्ष तक साथै रिया पति-पत्नी 6जनवरी सोमवार नैं साथै ही दुनिया सूं विदा व्है ग्या। पत्नी रै अंतिम संस्कार री तैयारियों रै बीच बुजुर्ग पति भी दम तोड़ दियो। पछे दोया रो अंतिम संस्कार एक ही चिता माथै कियो गयो। अस्सी वर्षीय गीतादेवी चोटिया री मौत रो कारण हृदयघात बताया गयो। श्मशान माय वणारी अंत्येष्टि सूं पैल्या री धार्मिक क्रियाएं करी जा री ही। अणी बीच गीतादेवी रै पति सीताराम चोटिया (८५ वर्ष) रै भी निधन री खबर आयगी। पछै दोया रो गठजोड़ा कर एक ही चिता माथै अंत्येष्टि करी गई।
बावजी चतुर सिंह रो आत्मसाक्षात्कार दिवस मन्यौ
डबोक। नऊवा स्थित चतुर साधना धाम माथै पौष शुक्ल तीज नैं बावजी चतुरसिंह रौ आत्मसाक्षात्कार दिवस धूमधाम सूं मनायो गयो। चतुर साधना डवलपमायट फाउंडेशन रै सचिव दिलीप गर्ग बताया कै तीज नैं बावजी री विशेष पूजा अर्चना करी गई। दिन माय संगोष्ठी रो आयोजन व्यो। इणरै साथै ही भजन संध्या व रात्रि जागरण रौ आयोजन कियो गयो।
राजस्थान नैं २०१४ माय ये मिलणौ है
रावतभाटा देश नैं देवेगा न्यूक्लियर फ्यूल
रावतभाटा माय २०२४.१९ करोड़ रु. री लागत रै न्यूक्लियर फ्यूल बंडल बणावा रै संयंत्र पे काम शुरू वेगा। अठै सूं गुजरात, हरियाणा सहित उत्तर भारत माय लागवा वाळै ७०० मेगावाट रै संयत्रों माय फ्यूल बंडलों री आपूर्ति वेगी।
जोधपुर माय फरवरी सूं शुरू वेगा एम्स
नया साल माय फरवरी तक एम्स रो अस्पताल शुरू हो जावेगा। मरीज भर्ती हो सकेला। शुरुआत माय १५० सूं २०० बैड वेगा। यूं अठै मल्टी स्पेशलिटी सहित कुल 960 बैड रो अस्पताल प्रस्तावित है। अबार अठै १७ विभागों री ओपीडी व जांच सुविधावां उपलब्ध है।
जयपुर माय जून तक शुरू वेगा एलिवेटेड रोड अर जुलाई सूं शुरू वेगा मेट्रो माय सफर
गोपालबाड़ी सूं सोडाला स्कूल (२.६ किमी) तथा क्वींस रोड सूं गोपालबाड़ी (४.७ किमी) तक बण्यो एलिवेटेड रोड मई-जून, २०१४ तक शुरू वेगा। ट्रैफिक जाम री समस्या सूं मुक्ति मिलेगी। ५५ फीसदी वाहन इण रोड रै जरिये जयपुर सूं अजमेर री राह आसान व्है जावेगी। एलिवेटेड रोड नवंबर २०१० माय बणणौ शुरू हुई ही। इण पे २०० करोड़ रुपए री लागत आवेगी। इणरै साथै ही जुलाई सूं आमजन जयपुर मेट्रो माय मानसरोवर सूं चांदपोल तक रो सफर कर सकेला। ९.२ किमी लंबा इण ट्रैक पे ८ एलिवेटेड और एक अंडरग्राउंड मेट्रो स्टेशन वेगा। एक ट्रेन माय एक बार माय १,०३४ लोग सफर करेला।
उदयपुर रै सौर वेधशाला माय सूरज और कन्नैं
फतहसागर रै बीच स्थित सौर वेधशाला माय मल्टी एप्लीकेशन सोलर टेलीस्कोप (मस्त) री स्थापना कर दी गी है। इणसूं नया साल माय सूर्य रो ज्यादा बारीकी सूं अध्ययन कियो जा सकेला। युवा वैज्ञानिकों नैं सूर्य री सतह और उणरै आसपास रै वायुमंडल पे भी अनुसंधान रौ मौको मिलेला। अबार तक अठै पुराणी तकनीक पे आधारित टेलीस्कोप सूं अध्ययन हो रियो है।
24 घंटे मिलेला बिजली : वसुंधरा
जयपुर। मुख्यमंत्री वसुंधरा राजे कैयो कै उणरी प्रथम प्राथमिकता है कै घरेलू उपभोक्ताओं नैं 24 घंटे बिजली री आपूर्ति करी जाए। इणरै साथै ही मुख्यमंत्री कृषि उपभोक्ताओं नैं दिन माय साढ़े छह घंटे ब्लॉक और रात नैं 7 घंटे ब्लॉक माय बिजली री आपूर्ति करवा रा अधिकारियां नैं निर्देश दिया। मुख्यमंत्री सीएमओ माय ऊर्जा विभाग रै प्रजेंटेशन रै दौरान या बात कही। वणा प्रजेंटेशन माय 60 दिनों री कार्य योजना माथै चर्चा करी। मुख्यमंत्री विभाग री 5 वर्षीय योजना रै प्रस्तुतीकरण नैं भी देख्यो। वसुंधरा राजे कैयो कै बिजली री गुणवत्ता बणाया राखवा माय कोई कोर-कसर नीं छोड़ें, ताकि उपभोक्ताओं नैं बिना व्यवधान रै बिजली री सप्लाई हो सकै। विद्युत सप्लाई री प्रति सप्ताह समीक्षा व्है। उत्पादन निगम री इकाइयों माय जठै उत्पादन कम व्है है, वठै सुधार करें, जिणसूं उत्पादन और बढ़ सकै।
बढ़े सौर ऊर्जा रो उपयोग
मुख्यमंत्री सोलर ऊर्जा नैं बढ़ावा देवा माथै जोर देता कैया कै सरकारी भवनों री छत्तों माथै सौर ऊर्जा उत्पादन संयंत्र लगाया जावै, जिणसूं सरकारी कार्यालयों माय इणरो उपयोग कियाक जा सकै। इणसूं आम नागरिकों माय भी सौर ऊर्जा रै प्रति जागरूकता बढ़ेला।
संशोधित महंगाई भत्ते रा आदेश जारी
जयपुर। राज्य सरकार अस्या सरकारी एवं वर्कचार्ज कर्मचारियों नैं संशोधित महंगाई भत्ता देवा रो आदेश जारी किया है जणारो वेतन स्थिरीकरण छठे वेतन आयोग रै अनुसार कणी कारण सूं नीं हो सक्यो है या जो कणी भी कारण सूं आपणो वेतन पांचवें वेतन आयोग री वेतन श्रृंखला माय प्राप्त कर रिया हैं। आदेश माय कैया गया है कै अणा कर्मचारियों नैं संशोधित महंगाई भत्ता एक जुलाई 2013 सूं देय वेगा। सत्रह प्रतिशत री दर सूं बढ़्या थका भत्ते री प्रथम दो माह री राशि संबंधित कर्मचारी रै सामान्य भविष्य निधि खाते माय जमा वेगी एवं सितंबर, 2013 सूं भुगतान नकद किया जावेगा। राजस्थान राज्य कर्मचारी संयुक्त महासंघ (एरीकृत) रै प्रदेशाध्यक्ष गजेंद्र सिंह रो कैणो है कै इण आदेश सूं पीएचईडी और पीडब्ल्यूडी रै वर्कचार्ज कर्मचारियों नैं राहत मिलेला। इन वर्कचार्ज कर्मचारियों नैं नियमित तो कर दिया गया हा, लेकिन महंगाई भत्ता नीं मिल्या हा। साथै ही पांचवे वेतन आयोग री वेतन शृंखला वाळा कर्मचारियों नैं भी राहत मिलेला। वे लंबे समै सूं इणरी मांगों नैं लेयर संघर्ष कर रिया हा।
आर्ट फ्यूजन : शिल्पग्राम माय अतुल्य भारत
शिल्पग्राम मेळा माय देशभर सूं आया कलाकार आपणै हुनर और संस्कृति सूं शहरवासियों नैं रू-ब-रू करवाया हैं। फोटो माय बाएं सूं-सहरिया स्वांग (राजस्थान), राठवा (गुजरात), कवड़ी-कडग़म (तमिलनाडु), थांग-ता (मणिपुर), भांगड़ा (पंजाब), पुंग चोलम (मणिपुर), मांगणियार (राजस्थान), बिहू (असम), भपंग (राजस्थान) और सिद्दी धमाल (गुजरात) रै कलाकार हैं। सबसूं आगे राजस्थान रो कालबेलिया नृत्य है।
जहाजनुमा टापू रो वेगा लोकार्पण
उदयपुर। गोवर्धन सागर रै बीच जहाजनुमा टापू विकसित करवा रो काम अंतिम चरण माय है। नगर निगम इण साल रै शुरुआत माय ही इणरै लोकार्पण री तैयारी माय है। शहर माय पानी रै मध्य इण तरह रो यो पेहला जहाज तैयार हो रियो है। अणी जहाज माय नगर निगम पन्नाधाय दीर्घा भी विकसित करवा रियो है। इण माय पन्नाधाय रै बलिदान री झलक नजर आवेगी। शहर रो यो एक नुवो ट्यूरिस्ट प्वांइट बणेला। इण प्रोजेक्ट माथै अबार तक एक करोड़ खर्च हो चुक्या हैं।
नुंवा साल माय पोलियो मुक्त हो सकै है भारत-अनूप पाराशर
उदयपुर। नुंवा साल माय भारत नैं पोलियो मुक्त घोषित कैयो जा सकै है। 13 जनवरी 2014 तक अगर पोलियो वायरस नीं मिल्यो तो विश्व स्वास्थ्य संगठन री ओर सूं भारत नैं पोलियो मुक्त देश होवा रो प्रमाण पत्र मिल जावेगा। इणरै वास्तै देश माय राष्ट्रीय स्तर री आठों लेबोरेट्रीज माय सूं पोलियो वायरस रै तीनों तरह रै सैम्पल नष्ट कराया जा रिया हैं। अणी कड़ी माय संगळा सरकारी व निजी मेडिकल कॉलेज, लेबोरेट्रीज, रिसर्च सेंटर्स सूं यो लिखवायो जा रियो है कै उणरै कन्नैं पोलियो वायरस संरक्षित नीं हैं। उदयपुर जिले माय अबार तक 200 अस्या संस्थानों सूं इण आशय रो प्रमाण लियो जा चुक्यो है। डब्ल्यूएचओ री ओर सूं अणा लेबोरेट्रीज री भी जांच करी जावेगी। कणी भी देश माय तीन साल तक पोलियो रो कोई केस नीं मिलवा माथै उण देश नैं पोलियो मुक्त मान्यो जावै है और आापणा देश माय 13 जनवरी 2011 (पश्चिमी बंगाल माय) रै बाद कोई पोलियो कैस सामै नीं आयो है।
बारहवीं माय 80 फीसदी नंबर आया तो फ्री कॉलेज एजुकेशन
उदयपुर।पूर्व शिक्षा राज्यमंत्री व अजमेर विधायक प्रो. वासुदेव देवनानी कैयो कै शिक्षा नैं बढ़ावो देवा रै लिए सरकार 12वीं माय 80 प्रतिशत अंक लावा वाळा विद्यार्थियों नैं कॉलेज शिक्षा नि:शुल्क उपलब्ध करावेला।
प्रो. देवनानी फतह सीनियर सेकंडरी स्कूल परिसर माय दो दिवसीय राजस्थान शिक्षक संघ (राष्ट्रीय) रो प्रांतीय अधिवेशन नैं बतौर मुख्य अतिथि संबोधित कर रिया हा। वणा कैयो कै शिक्षा री गुणवत्ता रै लिए नियामक आयोग रो गठन वेगा, साथै ही चयनित स्थानों पे द्रोणाचार्य आवासीय विद्यालय खोल्या जावेगा।
परदेसी जोड़ा नैं रास आया अठैरा रिवाज, राजस्थान माय लिदा फेरा
स्पेन रा दंपति हिंदू रीति रिवाज सूं अतरा प्रभावित व्या कै वणा राजस्थान माय आयर फेरा लिया। शादी माय संगळी रस्मा निभाई गी। जद बारात निकाळी गई इणमाय दूजा पर्यटक भी भारतीय वेशभूषा माय नाचते-गाता शरीक व्या। होटल रै बारणैर पहुंचर तोरण दस्तूर किया गयो तथा पंडित रै श्लोक उच्चारण रै साथै सात फेरा लिया। मेहमानों री संख्या 30 सूं अधिक ही। जिणरै वास्तै खावा-पीवा रो इंतजाम कियो गयो हो। भोजन माय परंपरागत व्यंजन बणाया गया थे।
नेपाल राजपरिवार आयो सालासर बालाजी
सालासर (चूरू)। सिद्धपीठ सालासर बालाजी धाम माय नेपाल राज परिवार रै ज्ञानेंद्र विक्रमसिंह शाह आपणै परिवार सहित बालाजी रै धोक लगार पूजा-अर्चना करी। पुजारी परिवार राजपरिवार रै सदस्यों नैं बालाजी री तस्वीर भेंट करी। ज्ञानेंद्र विक्रमसिंह शाह रै साथै उणरी पत्नी कोमल व पुत्रवधू हिमानी सहित दूजा रिश्तेदार हा।
लालबत्ती १३ मोटा पद वाळा नैं ही-नरेश वशिष्ठ
जयपुर। सुप्रीम कोर्ट रै आदेश रै पछै अबै प्रदेश माय 13 उच्च पदों माथै तैनात व्यक्ति और अफसर ही लाल बत्ती लगा सरैला। पुलिस और परिवहन विभाग रै अधिरोरी नीली बत्ती रो उपयोग करेला। परिवहन विभाग की ओर सूं जल्द ही जारी होवा वाळी अधिसूचना रै पछै भिन्न-भिन्न विभागों माय रोर्यरत अतिरिक्त मुख्य सचिव, प्रमुख शासन सचिव, मेयर, सचिव, जेडीसी, संभागीय आयुक्त, जिला मजिस्ट्रेट, डीजीपी और निगम सीईओ लाल बत्ती नीं लगा सकेला। डीजीपी, संभागीय आयुक्त एवं जिला मजिस्ट्रेट नीली बत्ती रो उपयोग कर सकेला। इणसूं पैल्या प्रदेश माय 27 पदों माथै कार्यरत अधिकारी लाल बत्ती लगाणै रै वास्तै अधिकृत हा। परिवहन विभाग कोर्ट रै आदेश रै अनुसार प्रारूप तैयार कर लियो है। अबै इणनैं विधि विभाग सूं मंजूरी रै वास्तै भेज्यो जावेगा। अठै सूं मंजूरी रै पछै सरकार रै कन्नै अनुमोदन रै वास्तै भेज्यो जावेगा। स्वीकृति मिलवा माथै विभाग अधिसूचना जारी करेला।
खनन तो खनन है: फैर वैध कांई अर अवैध काई ?
हाईकोर्ट और सुप्रीम कोर्ट रै निर्देशों री आड़ माय मनमर्जी...!-पुरूषोत्तम जोशी
जयपुर। प्रदेश माय हो रिया खनन नैं लेयर चारों ओर हो-हल्लो हो रियो है पण कणी भी नेता,अधिकारी और कोर्ट यो ध्यान देवा री कोशिश नीं करी कै बढ़ता खनन सूं आपणै प्रदेश री पुरा सम्पदा लुप्त होवा रै कगार माथै पौंच जावेला। ना ही स्वयं नै सामाजिक कार्यकर्ता केहवा वाळा प्रदेश रै दर्जनों संगठन सामै आ रिया है, जो संगठन छोटी-छोटी बातां माथै धरणा प्रदर्शन करवा रोड़ माथै पौंच जावै है, वे आखिर प्रदेश रै अतरा मोटा मुद्दा माथै कियां चुप्पी साधे है। इण संगळी बातां सूं कांई यो सवाल नीं उठै है कै सरकार रै वास्तै खनन मात्र एक मोटी कमाई रो जरियो है जो लीज रै नाम माथै करवायो जा रियो है। खनन तो खनन ही है, जो अवैध है...फैर लीज सूं वैध कियां हो सकै है ?
खनन नैं लेयर हाईकोर्ट और सुप्रीम कोर्ट कतरो ही कड़ो हो पण नेता इण माथै भी राजनीति री रोटियां सेंकवा सूं नीं चूकै। फैर चावै खनन मिट्टी रो हो या पत्थर रो रसूखदारां नैं फायदा पौंचाणै रै वास्तै आक्खो सरकारी अमलो लाग जावै है। नुवी सरकार बणता ही बजरी खनन नैं सहमति दे दी गी उणसूं तो चुनाव माय होया खर्चे री रिकवरी री बू आणी शुरू व्हैगी है । अठै उल्लेखजोग है कै मुख्यमंत्री वसुंधरा राजे हाईकोर्ट रै निर्देश माथै लीज धारकों नैं खनन करवा री अनुमति दी है जिणसूं प्रदेश रै परेशान भवन निर्माण मालिकों नैं कुछ राहत मिल सकै साथै ही राजधानी जयपुर शहर रै ठप पड़्या विकास कार्य फैर सूं गति पकड़ सकै पण लीज धारकों री मनमानी सूं प्रदेशवासियों और निर्माण कम्पनियों माय भी विरोध रा सुर मुखर व्है रिया है। पण अणारी समस्या री ओर अबार कणी भी विभाग रै मंत्री और अधिकारियों रो ध्यान नीं ग्यो है।
पक्षी प्रेमी यादगार बणायो 'परिंदा रो मेळो'
डूंगरपुर। बर्ड फेयर रै वास्तै स्कूलां माय अठै रै प्राकृतिक नजारां नैं कैमरा माय नैड़े सूं देखवा री होड़ लाग री ही। शहर री गेपसागर झील इलाके माय दो दिन रै इण मेळा रौ जिला प्रशासन पक्षियों रै संरक्षण रै वास्तै आयोजन करै है।
तीन राज्यों री मिट्टी सूं आकार ले रियो है रक्षक
उदयपुर। शिल्पग्राम महोत्सव रै माय तमिलनाडु सूं आया रमैया तंगैया संगम सभागार रै कन्नै विशालकाय मूर्ति शिल्प रो सृजन कर रिया हैं। तकरीबन 60 बसंत देख चुक्या तंगैया सुबह सूं शाम तक आपणै साथियों रै साथै मिट्टी सूं विशालकाय प्रतिमा नैं बणावा माय लाग्या रैवे हैं। तंगैया बतावै हैं कै वणा इणसूं पैल्या अतरी मोटी प्रतिमा कदैही नीं बणाई। राजस्थान, गुजरात व तमिलनाडु री मिट्टी रै मिश्रण सूं त्यार इण मूर्ति रो आकार करीब 8 सूं 10 फीट हो सकै है। मिशेल ओबामा रै सामै कला प्रदर्शन कर चुक्या तंगैया बतावै हैं कै वे शिल्पग्राम माय एक रक्षक री प्रतिमा बण रिया हैं। अणीरी खासियत मोटा नैन-नक्श रै साथै इणरी मोटी-मोटी मूछ्या हैं। रक्षक रै हाथ माय शस्त्र भी हैं।
मोहनलाल सुखाडिय़ा विश्वविद्यालय रो 21वां दीक्षांत समारोह सम्पन्न
 
उदयपुर।. मोहनलाल सुखाडिय़ा विश्वविद्यालय रो 21वां दीक्षांत समारोह 21 नवम्बर संपन्न व्यो। इण समारोह माय राज्यपाल मारग्रेट अल्वा 81 विद्यार्थियों नैं उपाधियां अर 46 नैं स्वर्ण पदक सूं नवाज्या। समारोह माय विद्यार्थियों रै साथै उणरै परिजन भी आया हा थे। इण कारण सभागार खचाखच व्है यो। इणी बीच दीर्घा माय एक बाळक मां रै माथा सूं गाउन कैप उतारकर आपणै माथा माथै रख ली अर यूं खिलखिलायो कै अैडे़-नैड़े बैठा लोगों रै चेहरां माथै भी मुळकाण तैर गी।
१०वीं री मेरिट माय आठ और विद्यार्थी भेळा
अजमेर। राजस्थान माध्यमिक शिक्षा बोर्ड सेकंडरी परीक्षा, 2013 री स्थाई मेरिट सूची जारी कर दी। संवीक्षा उपरांत जारी स्थाई मेरिट सूची माय प्रदेश रै 8 ओर प्रतिभावान विद्यार्थी जगह बणाई है। अबै मेरिट सूची माय पैल्या 15 स्थानों माथै 59 परीक्षार्थी हो ग्या हैं। पूर्व माय जारी अस्थाई मेरिट सूची माय 51 परीक्षार्थी हा। करौली जिले रै आदर्श विद्या मंदिर सीनियर सेकंडरी स्कूल, हिमालय गर्ग रै संवीक्षा उपरांत 20 अंक वृद्धि सूं प्राप्तांक 575 हो ग्या वो योग्यता सूची माय 11वें स्थान माथै आ ग्यो है। जयपुर जिले रै सनराइज पब्लिक सीनियर सैकंडरी स्कूल, कुमारी पूजा चौधरी रै 05 अंक बढऩे सूं 12वें स्थान माथै आ गी है। नैंटा जिले रै उत्कर्ष बाल वीएन सीनियर सेकंडरी स्कूल, हर्षित गौतम रै 04 अंक वृद्धि सूं 12वां स्थान प्राप्त कियो है।
लौटकर पाछौ आ रियो है आजादी रौ साल:-
1947 रौ कैलेंडर दुबारा 2014 माय
भारत नैं अंग्रेजों सूं आजादी वाळा ऐतिहासिक साल 1947 रो कैलेंडर एक दाण फैर 67 साल पछै 2014 माय रिपीट व्है रियो है। 1947 अर साल 2014 रो कैलेंडर हूबहू एक जस्यो है। उण साल माय जो तारीख अर वार हा ठीक वस्या ही 2014 माय भी रैवेला। सोशल मीडिया माथै भी इण कैलेंडर री घणी चर्चा है। लोग कमेंट कर रिया हैं कै 1947 माय अंग्रेजी हुकूमत सूं छुटकारो मिल्यो हो। कांई साल 2014 माय भ्रष्टाचार, महंगाई आदि सूं मुक्ति मिलेला? साल 2014 माय होवा वाळे लोकसभा चुनाव नैं लेयर भी सोशल साइट माथै खूब चर्चाएं हो री है। 1947 बुधवार नैं शुरू हुयो हो अर अणी ही वार नैं समाप्त भी हुयो हो। ठीक अणी तरह सूं 2014 भी बुधवार सूं शुरू होयर बुधवार नैं ही खत्म वेगा। संयोग तो यो भी कै फरवरी भी इण बार 28 दिन रो है। 1947 माय 15 अगस्त नैं शुक्रवार हो। साल 2014 माय भी 15 अगस्त शुक्रवार नैं ही मनेगा। दोनों ही वर्षों माय आजादी का पर्व मनाने का दिन समान होवा सूं इणनै मनावा रो का उत्साह भी दुगुणो रेवेगा।
13 घंटे 42 मिनट लंबी रात, दिन 10.18 घंटे रौ
साल रो सबसूं छोटो दिन व सबसूं लंबी रात 21 दिसम्बर नैं रिया। विण दिन सूं दिन री अवधि बढणी शुरू व्हैगी। यानी सूर्य दक्षिणायन सूं उत्तरायण माय प्रवेश कर ग्यो। दिन री अवधि इण दिन 10 घंटे 18 मिनट अर रात री अवधि 13 घंटे 42 मिनट री रही ही। सूर्य रातै 10.41 बज्या सायन मकर माय उत्तरायण माय प्रवेश कियो। इणरै साथै ही शिशिर ऋतु प्रारंभ व्हैगी।
रेत रै समंदर थार माय कड़ाका री ठण्ड, आकड़ा भी लाग्या मरवा
बाड़मेर। पाछले कैई दिन सूं उत्तर भारत माय हो री भारी बर्फबारी रो असर सीमावर्ती जिले बाड़मेर माय भी दिख्यो। हाड़कंपाती सर्द हवाओं सूं बचणै रै वास्तै लोग गर्म लबादा माय लिपट्या नजर आय रिया है साथै ही ठौर-ठौर अलाव जलार भी सर्दी सूं बचणै रो जतन कर रिया है। हाड़ कंपा देवा वाळी ठंड सूं अठै मिनख तो मिनख रूंखड़ा भी कांप रिया है।
:फोटो- सबलसिंह भाटी
स्वतंत्रता सेनानी बोड़ा रो निधन
जोधपुर। स्वतंत्रता सेनानी जोरावरमल बोड़ा रो लंबी बीमारी रै पछै निधन व्है गयो। वे 90 वर्ष रा हा। उणरो अंतिम संस्कार 25 दिसम्बर बुधवार शाम सिवांची गेट स्थित श्मशान माय राजकीय सम्मान रै साथै कर दियो गयो। उणरै पुत्र सुरेंद्र मुखाग्नि दी। बोड़ा स्वतंत्रता संग्राम रै दौरान जोधपुर माय स्टेडियम बम कांड नैं अंजाम देवा वाळी टीम रै प्रमुख सदस्य रिया। वे स्वतंत्रता सेनानी संघ रै अध्यक्ष भी हा। बोड़ा रै निधन माथै मुख्यमंत्री वसुंधरा राजे व गहलोत सहित कैई गणमान्य नागरिक शोक व्यक्त कियो। मुख्यमंत्री वसुंधरा राजे री ओर सूं एडीएम तृतीय ओपी बुनकर बोड़ा री पार्थिव देह माथै पुष्पचक्र चढ़ायो। वठे ही पूर्व मुख्यमंत्री अशोक गहलोत चौपासनी हाउसिंग बोर्ड 17वें सेक्टर स्थित उणरै निवास माथै पौंचर पुष्पांजलि अर्पित करी।
नवनिर्वाचित विधायको नैं राजस्थानी भाषा माय शपथ लेवा रो आग्रह
बाड़मेर। राजस्थान रै संगळा नवनिर्वाचित विधायकों नैं राजस्थानी भाषा मान्यता संघर्ष समिति पत्र लिखर विधानसभा माय राजस्थानी भाषा माय शपथ लेवा री जिद करवा रो आग्रह कियो हैं। प्रदेश उप पाटवी चन्दन सिंह भाटी बतायो कै प्रदेश महामंत्री राजेंद्र सिंह दाणहट रै निर्देशानुसार विधानसभा रै वास्तै नवनिर्वाचित समस्त विधायकों नैं राजस्थानी भाषा माय शपथ लेवा री जिद करवा रो आग्रह किया है। पत्र माय लिख्यो हैं कै आपनै राजस्थान विधान सभा रा सदस्य चुणीजवा री घणी घणी बधाई अर शुभ कामना अरज होवै सा ।आप आपरा मतदाता, राजस्थान प्रान्त, भारत देश, संगळी मानवता अर जीवाजूण रा अंजस जोग प्रतिनिधि इण कार्यकाल माय सिद्ध व्हेवो। इसी म्हारी भावना ईश्वर पूरी करै। आपनै माथैमात्मा इसी सामरथ बक्सावै कै आप मंसा, वाचा, कर्मणा सूं जन जन री भावना नै आदर दे सको । विधायिका, कार्यपालिका, न्यायपालिका, मिडिया री मरजाद नै मानता थका भारत रा संविधान नै सिरोधार्य राख सको । इण भांत आप राजस्थान अर देश रै बहुआयामी विकास री गंगा रा भागीरथ बण सको। आपरौ नाम आपरा गांम, नगर, प्रदेश अर देश रै वास्तै गरब अर गुमेज रौ कारण बणै अर इतियास माय सोना रा आखरां सूं लिखीजै। आपरी विधान सभा सदस्य रै रूप माय शपथ व्हैसी। जो भारत अर दुनियाँ री 22 भाषावां माय राजस्थान री विधान सभा माय व्है सरी, पण राजस्थान री मायड़ भाषा राजस्थानी माय नीं व्है सरी ,औ राजस्थान री जनता, जनतंत्र, संविधान रौ अपमान छै। गुजरात, पंजाब अर दूजा प्रांत री विधानसभा माय उठै रा जनप्रतिनिधि आपरी जनता री भाषा माय शपथ ले सकै, तो राजस्थान रा विधायक, नै आ सुविधा क्यूकै नी? आप सूं इतिहासिक अरज छै 'क राजस्थान विधानसभा माय शपथ री टैम मायड़ भाषा राजस्थानी माय शपथ वास्ते अड़ो अर राजस्थान री जनता रा साचा प्रतिनिधि बणो। राजस्थानी भाषा नै संविधान री 8 वी अनुसूची माय जोड़वा रा काम नै आगै बधावो। 25 अगस्त 2003 रै दिन राजस्थान विधान सभा सर्व सम्मति सूं एक संकल्प प्रस्ताव कन्नै कर 'र राजस्थानी भाषा री संवैधानिक मान्यता वास्तै केंद्र सरकार नै भेज राख्यो छै । जिण संकल्प माय राजस्थान री भावना अर पिछांण जुड़ी थरी छै । राजस्थानी भाषा अर्थात जिणरी डिंगळ -पिंगळ शास्त्रीय कविता शैलियाँ अर ढूंढाड़ी, मेवाड़ी, वागड़ी, ब्रज, हाड़ौती, माळवी, पहाड़ी, मारवाड़ी, भीली, खानाबदोशी बोलियां छै। 2011 री जनगणना माय 4 करोड़ 83 लाख जणा मातृभाषा राजस्थानी लिखवाई। आप इतियास माय अमर काम रा भागी बणो। घणी घणी बधाई अर मंगळ कामनावां रै साथै।
सीएम अमर जवान ज्योति माथै किया शहीदों नैं नमन
जयपुर। मुख्यमंत्री वसुंधरा राजे शनिवार सवेरे अमर जवान ज्योति पहुंची अर शहीदों नैं श्रद्धांजलि अर्पित करी। वणा शहीदों रै सम्मान माय कुछ क्षण मौन रैहर वणानैं नमन किया। इण दौरान सेना रै आला अधिकारी भी मौजूद हा। वसुंधरा राजे रै साथै कार्यवाहक मुख्य सचिव सीएस राजन, डीजीपी ओमायद्र भारद्वाज, अतिरिक्त मुख्य सचिव सामान्य प्रशासन विभाग राकेश श्रीवास्तव, जयपुर रै संभागीय आयुक्त मधुकर गुप्ता, जेडीसी अभय कुमार आदि उपस्थित हा। इणरै साथै ही साउथ वेस्टर्न कमांड रै लेफ्टिनेंट जनरल ऑफिसर कमांडिंग ज्ञान भूषण अर 61 सब एरिया रै जनरल ऑफिसर कमांडिंग मेजर जनरल सोमनाथ झा भी शहीदों नैं श्रद्धांजलि अर्पित करी।
हर लाल बत्ती माथै रुक्यो वसुंधरा का काफिला
जयपुर। मुख्यमंत्री वसुंधरा राजे रो काफिला हर लाल बत्ती माथै रुक्यो अर यातायात रै नियमों रो पूरा पालन किया। अबार तक मुख्यमंत्री रो काफिला लाल बत्ती माथै नीं रुकतो हो। वसुंधरा मुख्यमंत्री पद री शपथ ग्रहण करता ही कैयो कै उणरै काफिले री वजह सूं ट्रैफिक व्यवस्था माय कोई बदलाव नीं कियो जाई। वणा काफिले माय गाडिय़ों री संख्या भी कम कर दी है। 16 दिसंबर सोमवार सांझ वे दिल्ली सूं सांगानेर एयरपोर्ट आई ही अर आपणै सरकारी आवास सिविल लाइन जा री ही। उणरै काफिले माय पांच गाडिय़ां ही। वणा सबसूं आगे चालवा वाळी वार्निंग गाड़ी अरथा पाछे चालवा वाळी टेल कार भी हटा दी है। इणसूं पैल्या करीब 13 गाडिय़ां होती ही।
माणक अलंकरण री घोषणा, राजेंद्र श्रेष्ठ जनसंपर्ककर्मी
जोधपुर। दैनिक जलतेदीप रै संस्थापक माणक मेहता री स्मृति माय दिया जावा वाळा माणक अलंकरण-13 व दूजा पुरस्कारों री घोषणा करी गई। चयन समिति रै संयोजक व जलतेदीप रै प्रधान संपादक पदम मेहता बतायो कै खोजपूर्ण व रचनात्मक पत्रकारिता रै वास्तै माणक अलंकरण-2013 राजेश दीक्षित नैं दियो जावेगा। जनसंपर्क श्रेणी माय सहकारी विभाग रै प्रचार अधिकारी डॉ.राजेंद्र कुमार शर्मा, छायाकार-अर कार्टूनिस्ट श्रेणी माय जन टीवी जयपुर रै कमलकिशोर शर्मा अर विशिष्ट पुरस्कार रै वास्तै जलतेदीप समूह रै एमआर सिंघवी रो चयन कियो गयो। इलेक्ट्रॉनिक मीडिया श्रेणी माय पुरस्कार राजीव गौड़ नैं दिया जावा रो निर्णय लियो गयो।
उदयपुर सूं रामेश्वरम रै वास्तै इण साल री आखिरी तीर्थयात्रा संपन्न
उदयपुर । वरिष्ठ नागरिक तीर्थयात्रा योजना रै तहत उदयपुर सूं इण साल री अंतिम रेल रामेश्वरम रै वास्तै रवाना व्है चुकी है। इण रेल माय 216 यात्री कम ग्या। अठै सूं 926 यात्री जाण हा। अस्या माय वेटिंग वाळा 60 यात्रियों नैं भी जावा रो मौको मिल्यो। यात्रियों नैं विदा करवा रै वास्तै बड़ी संख्या माय परिजन भी स्टेशन माथै पहुंच्या। रेल री वापसी 21 दिसंबर नैं व्ही।
शिल्पग्राम उत्सव रो आगाज
उदयपुर। शहर सूं सट्या हवाला गांव माय शिल्प ग्राम महोत्सव री शुरुवात 21 दिसंबर शनिवार नैं राज्यपाल मारग्रेट अल्वा रै हाथों व्ही। पैला ही दिन गुजरात रै बधिर विद्यार्थियों रै दल रंग जमायो। अणारी कृष्ण लीला प्रस्तुति दर्शकों नैं खूब रास आई। शिल्पग्राम माय लोकानुरंजन रो यो पर्व दस दिन तक चालेगा। इस उत्सव माय देशभर रै लोक कलाकार शिरकत कर रिया हैं अर अनूठी कलाकृतियां प्रदर्शित करी जा री हैं।
पसंद करी जा री है लुप्त व्हैती शिल्पकारी
उदयपुर। टाउन हॉल माय चाल रिया राष्ट्रीय क्राफ्ट मेळा 'गांधी शिल्प बाजार 2013' माय खरीदारी रै वास्तै बड़ी संख्या माय शहरवासियों री आवाजाही बण थकी है। रूडा (रूरल नॉन फार्म डवलपमायट एजेंसी) री ओर सूं आयोजित दस दिवसीय मेळे माय कैई राज्यों सूं आया शिल्पकार आपणै क्षेत्र री विशेषता वाळी हस्त शिल्प कलाकृतियां प्रस्तुत कर रिया हैं। रूडा रै महाप्रबंधक दिनेश सूंठी बताया कै मेले माय अबे तक 33 लाख री बिक्री हो चुकी है।
जालोर सूं कॉटन दरी रो शिल्प लेयर आया नरसिंघराम प्रजापत बतावै हैं कै उणरो यो हस्त शिल्प लुप्त होवा रै कगार माथै है। करीब 10 वर्ष पैल्या उणरै गांव भंवरानी माय 50 सूं अधिक कारीगर हा, जो घटर सिर्फ 10 रैह ग्या हैं। आधुनिकता रै दौर माय कद्रदानों री कमी रै चालते शिल्पकार कम हो रिया हैं, लिहाजा यो शिल्प विलुप्त होवा लाग्यो है। जालोर री कॉटन दरियां लेयर क्राफ्ट मेळा माय आया कारीगर रै कन्नै 80 सूं 150 रिप्या कीमत री न्यारी - न्यारी आकारों, डिजाइनों री दरियां हैं, जिणनै शहरवासी पसंद कर रिया हैं। इण शिल्प नैं बचावा रै वास्तै सरकार री ओर सूं सहयोग दियो जा रियो है।
सोशल साइट रै संपर्क सूं बण्या काव्य संग्रह शुभमस्तु रो उदयपुर माय व्यो विमोचन, कई राज्यों रै साहित्यकार जुट़्या
उदयपुर। नवोदित साहित्यकार मंच रै माध्यम सूं फेसबुक माथै जुड़्या कवियों, शायरों द्वारा कविता, गजल अर नज्म रो संग्रहण कियाक। अणानै घणी सराहणा मिली। सोशल साइट माथै बण्या 25 दोस्त इण काव्य संग्रह 'शुभमस्तु' नैं पुस्तक रूप माय प्रकाशित करी। इणरौ विमोचन उदयपुर माय कियो गयो। इण खास मौकै माथै ये दोस्त पेहली दाण लेकसिटी माय ही मुलाकात करी।
उदयपुर री साहित्यिक संस्था युगधारा अर नवोदित साहित्यकार मंच रै साझे माय फेसबुक रै माध्यम सूं जुड़्या रचनाकारों रै काव्य संग्रह शुभमस्तु रो विमोचन किया गयो। समारोह विज्ञान भवन सभागार माय शायर हबीब अनुरागी रै मुख्य आतिथ्य माय संपन्न व्यो। अध्यक्ष डॉ. ज्योतिपुंज कैयो कै अेड़ै नेड़ै रै वातावरण माय चाहे गाय रै दूध निकालवा री आवाज हो या कुम्हार रै चाक घूमावा री, सब माय कविता है।
यूं व्ही शुरुवात अर कारवों बण ग्यो
पटियाला रै नीरज सिंह कौड़ा नवोदित साहित्यकार मंच नैं फेसबुक माथै लेयर आया। सबसूं पैल्या उदयपुर रै मुकैश पंड्या, दीपक कुमार नगायच मंच सूं जुड़्या अर मंच रो एक पेज बण दियो। इण प्रयास नैं देशभर रै साहित्यकार पसंद किया अर तीन दोस्तों राक कारवों 650 लोगों माय बदल ग्यो। मुरैश पंड्या बतावैं है कै फेसबुक माथै गपशप नाम री गतिविधि आयोजित करी जाती ही। इणमाय रोज एक शायरी लिखी जाती ही।
राजस्थान री बेटी नै आस्ट्रेलिया री क्वींस लैंड यूनिवर्सिटी री तरफ सूं 1.20 करोड़ रिप्या री स्कॉलरशिप
लेकसिटी री वंदना राठौड़ नैं आस्ट्रेलिया री क्वींस लैंड यूनिवर्सिटी री तरफ सूं 1.20 करोड़ रिप्या री स्कॉलरशिप मिली है। या स्कॉलरशिप ब्रेस्ट कैंसर री दवा रो जेब्रा फिश माथै प्रभावों रै अध्ययन रै वास्तै दी गई है। वंदना बतायो कै जेब्रा फिश एक पारदर्शी मछली होवै है, इण माय दवाओं रो प्रभाव बाहर सूं प्रत्यक्ष रूप सूं देख्यो जा सकै है। इण फिश माय 80 प्रतिशत जीनोम मानव रै समान होवै हैं। इणरै वास्तै आस्ट्रेलिया माय ही लैब स्थापित करी जावेगी। वंदना बीएन इंस्टीट्यूट ऑफ फार्मास्युटिकल साइंसेज री छात्रा है। इणसूं पूर्व संस्थान री ओर सूं वंदना नैं शॉल ओढ़ाकर व 11 हजार रिप्या देयर सम्मानित किया गयो। मुख्य अतिथि डॉ.औंकार सिंह कैलवा व डॉ.डीएस राठौड़ हा।
इंडियन आइडल-२ विजेता संदीप आचार्य नीं रिया
बीकानेर। युवा गायक अर इंडियन आइडल-टू रै विजेता संदीप आचार्य रो 15 दिसंबर रविवार नैं निधन व्है ग्यो। २९ वर्षीय संदीप नैं लीवर इन्फेक्शन हो। वे गुडग़ांव रै एक अस्पताल माय भर्ती हा। बीकानेर निवासी संदीप रो एक साल पैल्या ही ब्याव व्यो हो
देवल री राजस्थानी कृति 'हिरणा मौन साध वन चरणा’नैं बिहारी पुरस्कार
बीकानेर। अजमेर निवासी डॉ.चंद्र प्रकाश देवल री राजस्थानी कृति 'हिरणा मौन साध वन चरणा’ नैं के.के.बिड़ला फाउंडेशन रै
23वें बिहारी पुरस्कार रै लिए चयनित करी गई है। इणरी घोषणा 11 दिसंबर बुधवार नैं व्ही। देवल नैं वर्ष 2011 में पद्मश्री सूं भी नवाज्या जा चुक्या है।
शासन रै साथै प्रशासन भी बदल्यो
शपथ ग्रहण करता ही वसुंधरा सबसूं पेल्या मुख्य सचिव और डीजीपी नै हटाया
जयपुर । वसुंधरा राजे 13 दिसंबर शुक्रवार नैं मुख्यमंत्री पद री शपथ ली। इणरै साथै ही प्रदेश में शासन और प्रशासन रै नुंवा दौर री भी शुरुआत व्हैगी। वसुंधरा पद संभालता ही सबसूं पेल्या मुख्य सचिव और डीजीपी नै हटा दिया। इणसूं पेल्या विधानसभा परिसर में आयोजित शपथ ग्रहण समारोह में पूर्व उपप्रधानमंत्री लालकृष्ण आडवाणी, गुजरात रै मुख्यमंत्री नरेंद्र मोदी, भाजपा रै राष्ट्रीय अध्यक्ष राजनाथ सिंह, मध्यप्रदेश रै मुख्यमंत्री शिवराज सिंह, छत्तीसगढ़ रै मुख्यमंत्री रमन सिंह समेत देश री कैई जानी-मानी राजनीतिक हस्तियां मौजूद ही। जनपथ पे हजारों भाजपा कार्यकर्ता और आमजन समारोह रा गवाह बण्या।
शिल्पग्राम उत्सव : रिहर्सल अर तैयारी
शहर सूं लाग्या हवाला गांव स्थित शिल्पग्राम में लोक महोत्सव री शुरुआत इण महीने रै आखिरी हफ्ते में वेगी। इणरी त्यारियां जोर-शोर सूं चा री हैं। लोक संस्कृति री झलक दिखावा वाळा शिल्पग्राम में इण दिनों एक ओर लोक कलाकार प्रस्तुतियों री रिहर्सल कर रिया हैं तो दूजी त्यारियां भी चाल री हैं।
शिल्प री दुनिया, गांव रो माहौल
कलाकार कठै ही टापरा बणा चुक्या हैं तो कठैई रंग-रोगन चाल रियो है। झोपडिय़ां नै मेवाड़ी शैली सूं सजाया-संवारा जा रिया है। एक झोपड़े री देहरी पे बाळकां रै साथै महिला शहर रै बीच गांव री परिकल्पना नै जीवंत कर री है।
एक दिन में 10 फीट चाल्यो घर
चांदाना गांव सूं निकळ रिया फोरलेन रै कारण शिफ्ट कर रिया हैं घर, एक महीना में चालेगो 500 फीट
शिवगंज। शहर सूं करीब एक किलोमीटर छेटी चांदाना गांव में लिफ्टिंग व सिफ्टिंग जैक्स रै जरिए लोहे रै गडरों सूं बणाया ट्रेक पे राव करणसिंह रै मकान नैं सरकाणो शुरू कर दियो हैं। पेले दिन करीब 10 फीट तक मकान नैं पाछे री ओर सरकायो गयो। फोरलेन निर्माण रै बीच आया इण मकान नैं करीब 500 फीट री दूरी पे ले जा’र स्थापित कियो जावेगा। इणरै लिए कंपनी रै इंजीनियर राजेश चौहान री देखरेख में पाछले करीब एक महीने सूं काम चाल रियो है। मकान नैं एल आकार में सरकायो जा रियो है। पेला चरण में इनै दक्षिण दिशा री ओर करीब 60 फीट तक चलायो जावेगा। इणरै बाद विनै लगाबगा साढ़े चार सौ फीट तक पश्चिम दिशा री ओर ले जायो जावेगा। या दूरी तय कर मकान नैं नुंवी जगह पे स्थापित करवा में अबै लगाबगा एक महीने रो समै लाग सकै है।
पैला भी हटाया है पांच मकान
एमसीएम इंजिनिरिंग वक्र्स प्रा.लि कंपनी रै इंजीनियर राजेश चौहान बताया कै कंपनी अस्या ही पांच मकानां नै एक जगह सूं उठा’र दूजी जगह पे ले जा’र स्थापित किदा है। जदकै मकानां नैं ऊपरै उठावा रा काम तो कैई जगह पे किदा है। इस मकान नै उत्तर दिशा में ले जावा रै वास्तै करीब 7 दिन एवं पश्चिमी दिशा री ओर ले जावा में करीब 20-22 दिन लाग सकै हैं।
यूं लागै है समै
मकान नै चलावा रै वास्तै पेल्या प्लेटफार्म बणायो जावै है। इणरै लिए सीमेंट, पत्थर, रेत, ईंटों सूं नींव भरवा रै पछै विनैं मकान रै निचला भाग तक समतल कियो जावै एवं उण पे लोहे रा गडरों रो ट्रेक बणायो जावै है। उणी ही ट्रेक पे लिफिटंग व सिफ्टिंग जैकों रै माध्यम सूं मकान नै धकेल्यो जावै है। इण काम रै वास्तैए 155 सिफ्टिंग जैक व 350 लिफ्टिंग जैक रो उपयोग कियो जा रियो है। निर्धारित स्थल तक पहुंचावा में करीब एक महीनो लाग सकै है। मकान नैं पेले नींव सूं जैकों पे उठायो गयो हो। उणरै पछै नुवीं जगह पे प्लेटफार्म रौ निर्माण कर उण माथै लोहे रै गडर सूं बणाया ट्रेक पे चलाणो शुरू कियो है। मकान ज्यूं ज्यूं आगे सरकतो जावेगा, त्यूं-त्यूं पाछे री ओर ट्रेक रै खाली होवा पे उणनैं फैर सूं आगे लगा दी जावेला।
पासपोर्ट रै वास्तै अबै आपएौ ही जिले में इंटरव्यू
उप्र सूं योजना री शुरुआत, फैर राजस्थान में लागू वेगी
जयपुर। जो पासपोर्ट लेणो चावै हैं, वणानै अबै इणरै वास्तै रीजनल पासपोर्ट ऑफिस जावा री जरूरत नीं वेगा। आवेदन रै कैड़े वणानै आपणै ही जिले या वत्ता सूं वत्ता पड़ोस रै जिले में पासपोर्ट रै इंटरव्यू री व्यवस्था वेगी। अणी आधार पे वणानै पासपोर्ट दियो जावेगा। योजना रो नाम वेगा 'पासपोर्ट आपके द्वार'। इणरी शुरुआत उप्र रै फर्रुखाबाद सूं 14-15 दिसंबर नैं व्हैगी है। आगले चरण में राजस्थान सहित मध्यप्रदेश, झारखंड-बिहार, छत्तीसगढ़ और महाराष्ट्र में योजना पे
अमल वेगा।
यो वेतो हो अबार तक
अबार तक पासपोर्ट हासिल करवा रै वास्तै या इणनै रिन्यू करावा रै वास्तै ऑनलाइन फार्म भरणो होवै है। इणरै पछै आवेदक नैं आपणा संगळा दस्तावेज ले’र इंटरव्यू रै लिए रीजनल पासपोर्ट ऑफिस जाणो होवै है। राज्यों में पासपोर्ट रै रीजनल ऑफिस राजधानी या कुछ चुनिंदा शहरों में ही होवै हैं।
अबै यो वेगा
'पासपोर्ट आपके द्वार' योजना रै तहत विदेश मंत्रालय मेळो आयोजित करेला। इणमें आवेदक री फोटो खींचवा सूं ले’र उंगलियों रै निशाण लेवा तक री मशीन वेगी। आवेदकों नैं जिले में पासपोर्ट अधिकारियों रै आवा रो समै बतायो जावेगा। संगळी औपचारिकता मेळा में ही पूरी की जावेगी। इणरै पछै पासपोर्ट डाक सूं भेज्या जावेगा।
आदिवासियों री समस्यावां पे आठ राज्यों रै राज्यपाल रो मंथन
जयपुर। आदिवासियों री समस्याओं रै मुद्दे पे 8 राज्यों रा राज्यपालों री कॉन्फ्रेंस जयपुर में व्ही। कांफ्रेंस में राज्यपाल आपणै राज्यों में आदिवासियों री स्थिति रो ब्यौरा पेश कियो। साथै ही राज्यों री ओर सूं चलाई जा री योजनावां री जाणकारी दी। इणमें आदिवासियों नैं राज्यों री ओर सूं कांई सुविधाएं दी जा री हैं। उण सुविधावां रो लाभ वे प्राप्त कर पा रिया है या नीं। केंद्र री ओर सूं कतरो फंड राज्य नैं मिल रियो है। कॉन्फ्रेंस में राजस्थान री राज्यपाल मारग्रेट अल्वा, आंध्रप्रदेश रै राज्यपाल ई.एस.एल. नरसिम्हन, गुजरात री राज्यपाल डॉ.कमला, हिमाचल री राज्यपाल उर्मिला सिंह, झारखंड रै राज्यपाल सैयद अहमद, मध्यप्रदेश रै राज्यपाल रामनरेश यादव, उड़ीसा रै राज्यपाल एस.सी. जमीर और छत्तीसगढ़ रै राज्यपाल शेखर दत्त भैळा व्या।
प्रायोगिक प्रदर्शन सूं बताया गेहूं उत्पादन बढ़ावा रा गुर
सराड़ा। भारतीय उर्वरक संघ दिल्ली व कृषि विज्ञान केंद्र उदयपुर रै साझे में गेहूं उत्पादन रो प्रायोगिक प्रदर्शन नावड़ा निवासी किसान हूरमा मीणा रै खेत माथै कियो गयो।
इण दौरान मिट्टी जांच रै आधार माथै ही देशी खाद, रासायनिक उर्वरक, जीवाणु, कल्चर व सूक्ष्म पोषक तत्वों रै उपयोग सूं मिट्टी नैं उर्वरक व स्वस्थ बणाता थका गेहूं रो वत्तो उत्पादन प्राप्त करवा रा गुर किसानां नैं बताया। अणी रै साथै किसानों नैं मिट्टी रै जांच रो महत्व व गेहूं री फसल रै समन्वित पोषक तत्व प्रबंधन कर’र वत्ती सूं वत्ती उपज प्राप्त करवा रो आह्वान कियो गयो। किसानों नैं मृदा स्वास्थ्य कार्ड भी वितरीत किया गया। शस्य विज्ञानी मोती सिंह राठौड़ गेहूं उत्पादन री वैज्ञानिक विधियों रो विस्तार पूर्वक प्रदर्शन कियो।
टीम बालिका रा सदस्य सम्मानित
जालौर। एजूकेट गल्र्स (भारत में लड़कियों री शिक्षा रै वास्तै कार्यरत गैर सरकारी संगठन) इंटरनेशनल वॉलंटियर डे पे जालौर में आपणै 1600 वॉलंटियर्स नैं सम्मानित किया। अणा वॉलंटियर्स नैं टीम बालिका सदस्य रै रूप में जाण्या जावै है।
एजूकेट गल्र्स री छठी वर्षगांठ पे यो कार्यक्रम आयोजित कियो गयो हो। इणमें करीब दो हजार लोग हिस्सो लियो। टीम बालिका सदस्य रै रूप में विख्यात ये स्वेच्छा कर्मी सरकारी स्कूलों रै साथै ही गांव रै समुदायों में कार्यरत हैं और राजस्थान रै तीन जिलों जालौर, पाली और सिरोही में लड़कियों री शिक्षा पे जागरुकता फैला रिया हैं। ये सामुदायिक उत्प्रेरक रै तौर पे कार्य करै हैं और लड़कियों रै नामांकन, रिटेंशन और अध्ययन परिणामों में सुधार लावा में मददगार हैं। एजुकेट गल्र्स री संस्थापक और कार्यकारी निदेशक सफीना हुसैन पांवणा रो स्वागत कियो।
शिक्षक भर्ती ग्रेड सैकंड परीक्षा 21 फरवरी सूं
अजमेर। राजस्थान लोक सेवा आयोग द्वारा शिक्षक भर्ती ग्रेड सैकंड प्रतियोगी परीक्षा 21 सूं 25 फरवरी तक आयोजित की जावेगी। आयोग सचिव डॉ. केके पाठक रै मुताबिक परीक्षा प्रदेश रै संगळा जिला मुख्यालयों माथै वेगी। 9500 पदों रै वास्तै होवा वाळी इण परीक्षा में 9 लाख सूं अधिक अभ्यर्थी प्रविष्ट वेंगे।
आरटेट-२०१३ स्थगित
अजमेर। राजस्थान माध्यमिक शिक्षा बोर्ड री ओर सूं 29 दिसंबर नैं प्रस्तावित राजस्थान अध्यापक पात्रता परीक्षा (आरटेट) स्थगित व्हैगी है। बोर्ड अबै राज्य सरकार रै मार्गदर्शन रो इंतजार कर रियो है।
बोर्ड सचिव और आरटेट समन्वयक मिरजूराम शर्मा बतायो कै उक्त तारीख नै विश्वविद्यालय अनुदान आयोग री नेट व अन्य प्रतियोगी परीक्षावां होवा रै कारण आरटेट नैं स्थगित करवा रो निर्णय लियो गयो। नुंवी तारीख पछै घोषित वेगी।
राजस्थान माय भाजपा री ऐतिहासिक जीत १९९ में सूं १६२ सीट
राज्य माय पैहली बार कणी दल नैं अतरी सीटां। कांग्रेस २१ सीटां माय सिमटी। प्रदेश रै ३३ जिलों में सूं १७ जिलों में कांग्रेस रो खाता भी नहीं खुल्यो। १३ दिसंबर नैं वसुंधरा राजे ले सकै हैं मुख्यमंत्री पद री शपथ।
जयपुर। भारतीय जनता पार्टी राजस्थान में 162 सीटा जीतर इतिहास रच दियो है। कांग्रेस महज 21 सीटां पे सिमट’र रैयगी। या उणरी अबार तक री सबसूं मोटी हार है। चुनाव नतीजां दोई ही दलां नैं चौंकाया। भाजपा नैं अतरी मोटी जीत देयर और कांग्रेस नैं करारी मात देयर। एक ओर मुख्यमंत्री अशोक गहलोत हार री जिम्मेदारी लेता थका राज्यपाल इस्तीफो सौंप दियो है अर दूजी ओर वसुंधरा राजे 13 दिसंबर नैं पार्टी कार्यकर्ताओं रै बीच जनपथ पे शपथ लेंगी। कांग्रेस री हार रो अंदाजो अणी सूं ही लगायो जा सकै है कै ३३ में १७ जिलों में तो कांग्रेस रो खातो ही नीं खुल पायो। विधानसभा अध्यक्ष दीपेन्द्र और नगरीय विकास मंत्री शांति धारीवाल सहित २२ मंत्री चुनाव हार ग्या।
एक संदेशो विधानसभा सदस्या रै नाम
आपनै राजस्थान विधान सभा रा सदस्य चुणीजवा री घणी घणी बधाई अर शुभ कामना अरज होवै सा। आप आपरा मतदाता, राजस्थान प्रान्त, भारत देश, सगळी मानवता अर जीवाजूण रा अंजस जोग प्रतिनिधि इण कार्यकाल में सिद्ध व्हेवो। इसी म्हारी भावना ईश्वर पूरी करै। आपनै परमात्मा इसी सामरथ बक्सावै 'क आप मंसा, वाचा, कर्मणा सूं जन जन री भावना नै आदर दे सको। विधायिका, कार्यपालिका, न्यायपालिका, मिडिया री मरजाद नै मानता थका भारत रा संविधान नै सिरोधार्य राख सको। इण भांत आप राजस्थान अर देश रै बहुआयामी विकास री गंगा रा भागीरथ बण सको। आपरौ नाम आपरा गांम, नगर, प्रदेश अर देश रै वास्तै गरब अर गुमेज रौ कारण बणै अर इतियास में सोना रा आखरां सूं लिखीजै। आपरी विधान सभा सदस्य रै रूप में शपथ व्हैसी। जो भारत अर दुनियाँ री 22 भाषावां में राजस्थान री विधान सभा में व्है सकै, पण राजस्थान री मायड़ भाषा राजस्थानी में नीं व्है सकै, औ राजस्थान री जनता, जनतंत्र, संविधान रौ अपमान छै। गुजरात, पंजाब अर दूजा प्रांत री विधानसभा में उठै रा जनप्रतिनिधि आपरी जनता री भाषा में शपथ ले सकै तो राजस्थान रा विधायक नै आ सुविधा क्यू कोनी? आप सूं इतिहासिक अरज छै 'क राजस्थान विधानसभा में शपथ री टैम मायड़ भाषा राजस्थानी में शपथ वास्ते अड़ो अर राजस्थान री जनता रा साचा प्रतिनिधि बणो। राजस्थानी भाषा नै संविधान री 8 वी अनुसूची में जोड़वा रा काम नै आगै बधावो। 25 अगस्त 2003 रै दिन राजस्थान विधान सभा सर्व सम्मति सूं एक संकल्प प्रस्ताव पास कर 'र राजस्थानी भाषा री संवैधानिक मान्यता वास्तै केंद्र सरकार नै भेज राख्यो छै। जिण संकल्प में राजस्थान री भावना अर पिछांण जुड़ी थकी छै। राजस्थानी भाषा अर्थात जिणरी डिंगळ-पिंगळ शास्त्रीय कविता शैलियाँ अर ढूंढाड़ी, मेवाड़ी, वागड़ी, ब्रज, हाड़ौती, माळवी, पहाड़ी, मारवाड़ी, भीली, खानाबदोशी बोलियां छै। 2011 री जनगणना में 4 करोड़ 83 लाख जणा मातृभाषा राजस्थानी लिखवाई। आप इतियास में अमर काम रा भागी बणो। घणी घणी बधाई अर मंगळ कामनावां रै साथै।
जै भारत, जै राजस्थान, जै राजस्थानी।
अरजवंत
डॉ राजेंद्र बारहठ, प्रदेश महामंत्री
अखिल भारतीय राजस्थानी भाषा मान्यता संघर्ष समिति ,राजस्थान
प्रदेश री सबसूं बुजुर्ग महिला सूरजादेवी कियो मतदान
कोटा। यूथ तो बूथ तक पहुंच्यो ही, पण बुजुर्ग भी पाछे नीं हैं। कोटा में 113 वर्षीय महिला सूरजा देवी भी रविवार नैं मतदान किदो। वे स्यात: प्रदेश री सबसूं बुजुर्ग महिला हैं। स्टेशन क्षेत्र रै केंद्रीय विद्यालय नंबर एक रै पास रैहवा वाळी सूरजा देवी रै नूवां दांत आवा लाग्या हैं। इण उम्र में भी वे किणी रै भरोसे नीं हैं। आपणौं संगळो कामकाज वे खुद करै हैं। सुई में डोरो पिरो लेवै हैं। रोजाना परभाते 5 बज्या उठर मिट्टी रा चूल्हा नैं जलार उणरै कन्नैं बैठ जावैं हैं। वे रविवार नैं आपणै घर रै कन्नैं स्कूल में बणाया गया पोलिंग बूथ पे पौंचर मतदान किदो।
लोक गीतों में भी व्हैता हा नेता-वोटर
कोटड़ा। शहरी क्षेत्र में चुनावी रंगत जसी भी व्है, बीत्या साला में गांव में वोट न्हांकणो मेळा सूं कम नीं व्हैतो हो। आस-पड़ोस री युवतियां-बुजुर्ग महिलावां एक-दूजे रै घर सूं बुलातीं। फैर संगळी झुंड में निकल’र बूथ री ओर जाती। गैला माय वे गीत भी अस्या ही गावतीं, जो चुनावी माहौल में सटीक हो। इण गीतां में कठैई नेता दूल्हा और वोटर बनिया होवै तो
कदैई वोट रै लिए नेतावां रा पगरखा घिसणे रा चुटीला जिक्र होवै। यो सब भले ही अबै नीं होवै पण दानी डोकरियां रै जैहन में आज भी जिवता है...
अस्या है ये लोकगीत
1
बींद राजा की मारली हाटो मा, बापो भी हाट बजार मा।
हेडतु फिरतु, वोलनिया के वाजार में।
लाडी वहु की ओडनी रे कीमत करे।
विन राजा वागलियों मोलवे।
यानी : बिंद रै रूप में नेता बाजार में लवाजमे रै साथै आया हैं, अठी-वठी घूम रिया हैं। वोट री ओढऩी रै लिए मतदाता (बनिए) सूं मोल-भाव कर रिया हैं।
2
हिंदवारा नू मोसी आयो मोजरी लाया, वेवन सेल माय लाया।
मोची कोंय लायो रे, मोजरी लाया।
यानी : नेतावां री चालता-चालता मोजडि़या घिसगी तो हिंदवारा सूं मोची आया है और नूंवी मोजड़ी लाया है। महिलावा मोची सूं पूछै हैं कै कांई लाया, तो मोची बतावै कै मोजड़ी लाया हूं।
चुनाव सूं एक दिन पैल्या रिटायर व्या, पण निभाई जिम्मेवारी
उदयपुर। पुलिस लाइन में ३० साल सूं जाप्ते री ड्यूटी लगावा वाळा भोपाल सिंह राठौड़ 30 नवंबर नैं रिटायर व्है ग्या, पण वणा कैयौ कै चुनाव करावा रै बाद ही खुद नै सेवानिवृत्त मानूंला। राठौड़ बतायो
कै वणा 1977 सूं 2013 तक रा चुनाव देख्या हैं। हर दाण वणा बारणै सूं आवा वाळी पेरा मिलिट्री फोर्स और पुलिस रै जवानों नैं ड्यूटी पे भेज्या है। कैई दाण कठैई घटना घटित होवै तो तुरंत अतिरिक्त जाप्तो भेजवा रै लिए दूजा जवाना नै भेजै है। यो नौवों चुनाव है। शुरू सूं लेयर आखिरी
तक जवानां री ड्यूटी लगावा सूं लेयर वणानैं भेजवा तक री व्यवस्था संभाळी ही। अस्या माय एक दिन पैल्या भले ही सेवानिवृत्त व्है ग्या पण चुनाव तो पूरो करवायो ही।
हिंयाळा री साता, हीळी-हीळी रातां
उदयपुर। साहित्यिक संस्था युगधारा री हिंयाळा री साता विषय पे राजस्थानी जाजम ज्ञानगोठ 8 दिसम्बर रविवार नैं राजबाग सभागार में व्ही। गोष्ठी में गौरी शंकर गर्ग हिंयाळा री साता, हीळी-हीळी राता, लालदास पर्जन्य आयो हिंयाळो ठर-ठर ठरती रातां लायो...आदि सुणार घणी दाद पाई। हबीब अनुरागी, भवानी शंकर गौड़ आदि भी काव्य पाठ किदो। मुख्य अतिथि डॉ. अनिल शर्मा हा तथा अध्यक्षता डॉ. औंकार सिंह राठौड़ करी।
पीएफ सेवा में उदयपुर रो देश में श्रेष्ठ स्थान
उदयपुर । कर्मचारी भविष्य निधि संगठन री ओर सूं दी जा री सेवा में उदयपुर डिवीजन देशभर में श्रेष्ठ स्थान पे बण्यो थको है। या उपलब्धी पीएफ दावां रै निस्तारण तीन दिन में करवा पे हासिल व्ही है। पीएफ कार्यालय में पहुंचवा वाळा दावां में सूं 90 प्रतिशत दावां रौ निस्तारण इण तरह सूं कियो गयो है। उदयपुर रै साथै दिल्ली रै लक्ष्मी नगर, आगरा, सिद्धिपेट, ग्वालियर, जबलपुर, उज्जैन, वापी रै कार्यालय भी दावां रौ निस्तारण तीन दिन में कर रिया हैं। पीएफ क्षेत्रीय कार्यालय रै आयुक्त अरुण कुमार बतायो कै केंद्रीय भविष्य निधि आयुक्त के.के. जालान उदयपुर रै कार्य री समीक्षा करी । समीक्षा रिपोर्ट में बतायो कै देशभर में नवंबर में 13672 शिकायतों रो निपटारो कियो गयो। विभिन्न संस्थानों रै अंशदान में वृद्धि व्ही। कुल 3.31 लाख संस्थानों सूं 60.87 करोड़ रुपया जमा व्या।
सांवलियाजी रै भंडार सूं निकळया दो करोड़ 68 लाख
सांवलियाजी । राजस्थान रै सुप्रसिद्ध कृष्णधाम सांवलियाजी में मासिक मेळा रै पैला दिन राजभोग आरती रै बाद मंदिर मंडल अध्यक्ष भैरूलाल गुर्जर एवं मुख्य कार्यपालक अधिकारी मनवीर सिंह अत्री री मौजूदगी में भगवान रौ भंडार खोल्यो गयो।
भंडार सूं दो करोड़ 68 लाख 20 हजार 184 रुपया नकद, 153 ग्राम 400 मिलीग्राम सोनो अर 2 किलो 299 ग्राम चांदी प्राप्त व्ही। इणी रै साथै भेंट कक्ष व कार्यालय में नकद व मनीआर्डर सूं 15 लाख 11 हजार 219 रुपया 10 ग्राम सोनो तथा 2 किलो 785 ग्राम चांदी भेंट स्वरूप प्राप्त व्ही। इणरै अलावा 79 हजार 233 रुपया सीधा भगवान रै बैंक खाता में भक्तगण जमा करवाया। भंडार गणना में मंदिर मंडल सदस्य ममतेश शर्मा, मनोहर सोनी, भंवरदास, प्रशासनिक अधिकारी भगवानलाल चतुर्वेदी तथा विभिन्न बैंकों एवं मंदिर मंडल रै अधिकारीगण व कर्मचारीगण भाग लियो। मेळा रै अवसर पे पुजारी नारायणदास भगवान नै अंगरखी व पगड़ी पैहणार विशेष श्रृंगार करायौ।
जेएनयू रै कुलपति बख्शी नैं साहित्य रै क्षेत्र में डॉक्टर री उपाधि
जयपुर। जयपुर नेशनल यूनिवर्सिटी (जेएनयू) रै कुलपति संदीप बख्शी नैं मंगलवार नैं मानवतावादी सेवा में उत्कृष्ट योगदान रै लिए साहित्य रै क्षेत्र में डॉक्टर री उपाधि सूं नवाज्या ग्या। ओपन इंटरनेशनल यूनिवर्सिटी ऑफ कॉम्पलीमेंट्री मेडिसन, कोलंबो, श्रीलंका वल्र्ड कांग्रेस ऑफ इंटीग्रेटेड मेडिसन रै समारोह में बख्शी नैं या उपाधि दी। इणसूं पूर्व भी बख्शी नैं वर्ष 2009 सूं 2013 रै बीच कैई प्रतिष्ठित अवार्ड मिल चुक्या हैं। इणमें उच्च शिक्षा रै क्षेत्र में वोकेशनल एजूकेशन एंटरप्रेन्योरशिप रिसर्च (वीर) अवार्ड (वर्ष 2009), इंजीनियर्स वॉच री ओर सूं द एड्यूप्रेन्योर अवार्ड, इंडियन सोलिडॉरिटी काउंसिल री ओर सूं भारत विद्या शिरोमणि अवार्ड (वर्ष 2013) एवं अंतरराष्ट्रीय शिक्षण एवं प्रबंधन संस्थान री ओर सूं राजीव गांधी एजूकेशन एक्सीलेंस अवार्ड (वर्ष 2013) मिल चुक्या है। इण मौके पे कुलपति बख्शी बतायौ कै उणरी आगली परियोजना गुलाबी नगरी में मेडिकल कॉलेज व रिसर्च सेंटर बणावा री है, जिणसूं राजस्थान व देश रै विद्यार्थियों नैं मौलिक अनुसंधान करवा रा कैई अवसर मिल सकेला। साथै ही राजस्थान रौ नाम विश्वव्यापी वेगा।
अराफात दिलाई राजस्थान नै जीत
जयपुर अराफात खान री शानदार गेंदबाजी (६/४२) री बदौलत राजस्थान कूच बिहार ट्रॉफी में सौराष्ट्र नैं 27 रन सूं हरायो। राजसमंद में खेल्या गया इण मैच में २५३ रै लक्ष्य रो पीछो करता थका सौराष्ट्र टीम 226 रन पे ढेर व्है गी। अराफात 42 रन पे छह विकेट लिया। नाथू सिंह नै दो सफलता मिलीं। सौराष्ट्र री ओर सूं सिर्फ एसबी व्यास ही लंबी पारी खेल पाया।
लोकतंत्र रौ एक जागरूक रूखवाळो
आदित्यवार (रविवार) नैं विधानसभा चुनाव रै लिए प्रदेशभर में मतदान व्यौ। दूरदराज रा इलाकां रै लिए पोलिंग पार्टियां शुक्रवार नैं रवाना व्ही। हनुमानगढ़ में मतदान कराणै रै लिए रवाना व्ही एक पोलिंग पार्टी रै कर्मचारी रै पगा माय तकलीफ ही। इणरै बावजूद वो ईवीएम लेयर मतदान करावा पौंच्यो।
हाईकोर्ट कर्मचारियों रै जींस व टी-शर्ट पैहरवा पै रोक
रजिस्ट्रार प्रशासन जारी किया आदेश
जोधपुर। राज्य सरकार रै कार्यालयों में भले ही कणी कर्मचारी व अधिकारी रै लिए कणी तरह री कोई ड्रेस कोड निर्धारित नीं है, पण राजस्थान हाईकोर्ट आपणै कर्मचारियों रै लिए ड्रेस कोड रै निर्देश जारी किया हैं। हाईकोर्ट रै कर्मचारी व अधिकारी कार्यालय समय में जींस व टी-शर्ट 'कैजुअल' नीं पहन सकेला। हाईकोर्ट रै रजिस्ट्रार प्रशासन द्वारा जारी आदेश रै मुताबिक कार्यालय समै में जींस व टी-शर्ट पेहरणौ हाईकोर्ट री गरिमा रै खिलाफ है। यो आदेश हाईकोर्ट री जोधपुर स्थित मुख्यपीठ रै साथै जयपुर पीठ रै कर्मचारियों पे भी लागू वेगा। स्यात यो पेहलो मौको है, जद हाईकोर्ट प्रशासन कर्मचारियों रै ड्रेस-कोड निर्धारित किदा। आदेश में महिला कर्मचारियां रौ उल्लेख नीं है।
पत्नी आय रा पांचवा हिस्से री ही हकदार
जोधपुर। अपर जिला एवं सेशन न्यायालय 'घरेलू हिंसा सूं महिलावा रै संरक्षण' कानून रै तहत एक मामला में फैसलो सुणाता थका निर्धारित कियो कै पत्नी, पति री आय रो अधिकतम पांचवो हिस्सा ही भरण-पोषण राशि रै रूप में प्राप्त करणै री हकदार है।
न्यायाधीश शिवानी सिंह उत्तरप्रदेश में गाजियाबाद निवासी अर्पणा माथुर री अपील खारिज करता थका यो निर्णय सुणायो। अर्पणा अधीनस्थ अदालत रै उण आदेश नैं चुनौती देता अपील दायर करी ही, जिणमें अदालत अर्पणा रै भरण-पोषण रै लिए विणरै पति अनूप माथुर नैं पंद्रह सौ रुप्या मासिक गुजारो भत्तौ अदा करवा रौ निर्णय सुणायो हो। अर्पणा रौ कैहणौ हा कै या राशि घणी कम है। जोधपुर निवासी वंडा ससुराल वाळा विणरै साथै क्रूरतापूर्ण व्यवहार कर रिया हा। अनूप रै अधिवक्ता हैदर आगा कैयौ कै अर्पणा रै प्रति कोई घरेलू हिंसा नीं व्ही है। वंडो पति कंप्यूटर इंजीनियर है, जिणरी मासिक आय मात्र 8 हजार 500 रुप्या है। असी स्थिति में विचारण न्यायालय 1500 रुप्या मासिक गुजारा भत्तौ सही निर्धारित कियो है। कोर्ट इन्नैं वाजिब ठहरायो।
टीना अंबानी करी मार्बल पे नक्काशी
मकराना। अनिल अंबानी री पत्नी टीना 26 नवम्बर मंगलवार नैं मकराना पौंचीं। वणी अठै मार्बल री कलाकृतियां बणावा, गढ़ावा अर नक्काशी रा गुर सीख्या। वे करीब पांच घंटा मकराना में रुकीं। अठै उल्लेखजोग है कै टीना री शिल्पकला में गैहरी रुचि है।
आंधा बाळकां री रौटियां छीणता
गडूरा नैं देख जाग्यो सेवा रौ भाव -पंकज वैष्णव
उदयपुर। अठै रा बैंक कर्मी परबत सिंह राठौड़, जो आंधा बाळाकं री मदद रै लिए हमेश तैयार रैहवै हैं। इण सेवा रै पाछे छिपी है एक करुण कैणी। घटना दस साल पुराणी है। एक अखबार में खबर पढ़ी, जिणमें लिख्यो हो कै मल्लातलाई में प्रज्ञा चक्षु अंध विद्यालय रै बाळक जद खाणौ खावै हैं, अैडै-नैडै घूमता गडूरा (सूअर) थाळी सूं रोटियां झपट लेवै हैं। देख नीं पावा रै कारण बाळक समझ नीं पावैं कै उणरै हिस्से री रोटी कूण छीण रियो है। खबर पढ़ राठौड़ घणा विचलित व्या और वणी ही दिन सूं अस्या बाळकां री मदद करवा री ठाण ली। विद सूं ही वे अंधता सूं ग्रस्त बाळकं नैं शिक्षा और सुविधावां रै लिए मदद करै हैं।
डूंगरपुर रै बैंक ऑफ बड़ौदा में कार्यरत राठौड़ अंध विद्यालय रै शिक्षकों सूं मिल्या। वणा कुछ लोगां नैं आगे लायर स्कूल री फाटक लगवा दी। साथै ही वणा 4 जनवरी नैं लुई ब्रेल जयंती पे स्कूल रै वार्षिकोत्सव रौ खर्च उठाणौ शुरू कर दियो। अंध विद्यालय में आता-जाता शिक्षकों री सलाह पे बाळकां री आर्थिक मदद भी करणौ शुरू कर दियो।
अणज स्कूल में पढ़्या ललित मीणा री उच्च शिक्षा रौ खर्च वणा पांच साल तक उठायो। अंधता सूं ग्रसित मीणा अबार अलसीगढ़ पंचायत में क्लर्क है। अणीज तरह सूं मनोहर सिंह गुर्जर नैं जोधपुर सूं बीएड करवाई। अबै वणा फलोद (डूंगरपुर) स्थित अंध विद्यालय रै दो बाळकां और डूंगरपुर कॉलेज में पढ़ रिया दो मोट्यारा नैं भी आर्थिक सहायता देणौ शुरू कियो है। राठौड़ दोई अंध विद्यालयों रै बाळकां नैं शिक्षा और मूलभूत सुविधावां रै लिए मदद करवा रौ जिम्मौ उठायो है।
साथी नैं कैंसर, बचावा में जुट्या १२५ कॉलेजां रै छात्र रविंद्र शर्मा
बीकानेर । जोधपुर और बीकानेर सहित प्रदेश रै १२५ इंजीनियरिंग कॉलेजों और २२५ कोचिंग संस्थानों रै करीब 800 छात्र आपणै कैंसर पीडि़त साथी छात्र री जिंदगी बचावा में जुट्या हैं। बीकानेर इंजीनियरिंग कॉलेज रै छात्र चूरू निवासी मृणाल शर्मा (परिवर्तित नाम) नैं ब्लड कैंसर है। विणरै सहपाठियों नैं जद पता चाल्यो कै विणरा परिजन उपचार करवाणै में असमर्थ हैं तो यो जिम्मा वणा खुद उठावा रौ निर्णय लियो। तय कियो बीकानेर व दूजा जिला रै इंजीनियरिंग छात्रों रै सहयोग सूं मृणाल रै उपचार व विणरो सुपणौ पूरा कराला। आठ दिन में 9.70 लाख रुप्या और 90 यूनिट ब्लड साथी मृणाल रै लिए जुटा लियो। हालांकि मुंबई रै टाटा मेमोरियल हॉस्पिटल बोन मेरो ट्रांसप्लांट रै लिए 25 लाख रुप्या रौ खर्चो बतायो है। छात्रों रौ कैवणौ है कै या रकम भी जुटा लेवांगा। कैई कॉलेजों में सहयोग पात्र लगाया ग्या हैं।
मृणाल बीपीएल परिवार सूं हैं। इंजीनियरिंग कॉलेज री फीस वंडी मां आपण गैहणा बेचर भरी ही। पिता घर पे ही रैहवै हैं। कुछ समै पेल्या तक प्राइवेट नौकरी करता हा, पण एक सड़क हादसा रै बाद नौकरी छूट गी। मृणाल मेधावी हैं। कक्षा में हमेश टॉप थ्री पोजिशन रीहै। फिलहाल मैकेनिकल ब्रांच में सैकंड सेमेस्टर में पढ़ रियो है। जुलाई में जद परीक्षा देता वखत खून री उल्टी व्ही तो बीमारी रो पतो चाल्यो।
आप भी कर सको हो मदद
मृणाल रै भाई अंकित सूं मदद रै वास्तै इण मोबाइल नंबर 8503042428 माथै संपर्क कियो जा सकै है।
प्रतिभा खोज परीक्षा में 95 फीसदी विद्यार्थी शामिल
अजमेर। राजस्थान माध्यमिक शिक्षा बोर्ड रै तत्वावधान में 24 वनम्गर आदित्यवार (रविवार) नैं आयोजित राष्ट्रीय प्रतिभा खोज परीक्षा में 95 प्रतिशत अभ्यर्थी प्रविष्ट व्या। परीक्षा शांतिपूर्वक संपन्न व्ही। अजमेर रै गुजराती सीनियर सेकंडरी स्कूल और सेंट्रल गल्र्स स्कूल समेत प्रदेश रै 53 परीक्षा केंद्रों पे इण परीक्षा रो आयोजन कियो गयो। परीक्षा में एक ही दिन में तीन सत्र व्या। प्रथम सत्र में बौद्धिक योग्यता परीक्षा, द्वितीय सत्र में भाषा योग्यता परीक्षा तथा तृतीय सत्र में शैक्षिक योग्यता परीक्षा रौ आयोजन व्यो।
अक्षय ऊर्जा निगम नैं राष्ट्रीय पुरस्कार
जयपुर। राजस्थान अक्षय ऊर्जा निगम नैं हाल ही नई दिल्ली में सातवां इनर्शिया पुरस्कार 2013- इंडिया अवाड्र्स फार सस्टेनेबल एनर्जी एंड पॉवर रै तहत सर्वश्रेष्ठ राष्ट्रीय नोडल एजेंसी रै पुरस्कार सूं सम्मानित कियो गयो। तकनीकी निदेशक बीके माखीजा यो पुरस्कार ग्रहण कियो।
गणतंत्र दिवस परेड रै लिए उदयपुर रै पांच विद्यार्थियों रौ चुणाव
    
अमित वर्मा, अर्पिता आचार्य, अनिल मेवाड़ा, सविता व्यास अर हितेश सुरियाल (क्रमश: डावा सूं जिमणै हाथ)
उदयपुर। सुखाडिय़ा विश्वविद्यालय रै संघटक लॉ कॉलेज रै पांच विद्यार्थियों रौ गणतंत्र दिवस परेड रै लिए राष्ट्रीय स्तर पे चुणाव व्यौ है।राजस्थान सूं चयनित 8 विद्यार्थियों में सूं 5 विद्यार्थी उदयपुर सूं ही हैं। भारत सरकार रै युवा कार्यक्रम एवं खेल मंत्रालय द्वारा 1 से 13 जनवरी तक नई दिल्ली में आयोजित गणतंत्र दिवस परेड शिविर में ये विद्यार्थी हिस्सा लेवैला। चयनित विद्यार्थियों में अनिल मेवाड़ा, अमित वर्मा, हितेश सुरियाल, अर्पिता आचार्य एवं सविता व्यास भैळा है।
मानवादित्य राठौड़ जीत्या दो स्वर्ण
जयपुर। जयपुर रै मानवादित्य राठौड़ नई दिल्ली री डॉ. करणी सिंह रेंज पे आयोजित नॉर्दर्न जोन शूटिंग चैंपियनशिप में दो स्वर्ण पदक जीत लिया। ओलिंपिक रजत पदक विजेता राज्यवद्र्धन सिंह राठौड़ रै बेटे मानवादित्य आईएसएसएफ (इंटरनेशनल) पुरुष वर्ग में 125 में से 114 अंक हासिल कर स्वर्ण जीत्यो। महिपाल सिंह शेखावत नै रजत मिल्यो। आईएसएसएफ जूनियर वर्ग में भी मानवादित्य स्वर्ण पे निशाणो लगायो। रजत पदक सुलेमान इलाही रै खाता में आयो। नेशनल रूल्स पुरुष वर्ग में जय सिंह राठौड़ स्वर्ण व भवानी कालवी कांस्य जीत्यो। वणा 50 में सूं क्रमश: 41 व 40 अंक हासिल किया। जूनियर वर्ग में सुलेमान 50 में सूं 30 अंकों रै साथै रजत पदक जीत्यो। २५ नवंबर नैं संपन्न व्या इण टूर्नामेंट में नॉर्दर्न जोन रै कैई शूटर्स भाग लियो।
राजस्थानी रै बाल कथा संग्रह ‘अणमोल भेंट’ नैं मिल्यो राष्ट्रीय पुरस्कार
 
साहित्य अकादमी, नई दिल्ली द्वारा 24 भारतीय भाषावां रै बाल साहित्य पुरस्कार गोआ राज्य वस्तुसंग्रहालय सभागार, पणजी में गोआ, 15 नवंबर नैं प्रदान किया गया। राजस्थानी भाषा रो बाल कथा संग्रह ‘अणमोल भेंट’ नैं इण वर्ष पुरस्कार रै लिए चयन कियो गयो हो। अणमोल भेंट री रचनाकार डॉ. विमला भंडारी नैं यो पुरस्कार दियो गयो। इणरै तहत साहित्य अकादमी रै अध्यक्ष विश्वनाथ प्रसाद तिवारी वणानैं स्मृति रै स्वरूप साहित्य अकादमी रो प्रतीक चिन्ह अर पुरस्कार राशि पचास हजार रूप्या रौ ड्राफ्ट प्रदान कियो। अठै उल्लेखजोग है कै बाल साहित्य रै क्षेत्र में राजस्थानी भाषा में लिखी गई अणमोल भेंट नैं पाछले वर्ष राजस्थान रो राज्य पुरस्कार भी प्राप्त हो चुक्यो है।
राजस्थानी भाषा घोषणा-पत्र में शामिल करवा री मांग
जोधपुर। अखिल भारतीय राजस्थानी भाषा मान्यता संघर्ष समिति रै अंतरराष्ट्रीय संयोजक व 'राना' रै मीडिया चेयरमैन प्रेम भंडारी मांग करी कै प्रदेश रै राजनीतिक दलां नैं आपणै चुनाव घोषणा पत्र में राजस्थानी भाषा नैं मान्यता दिलावा रो एजेंडो भैळो करणो चावैं। भंडारी एक प्रेसवार्ता में कैयो कै कांग्रेस व भाजपा ही नीं दूजा दलां नैं भी घोषणा पत्र में यो संकल्प लेणो चावैं कै राजस्थानी भाषा नैं संविधान री आठवीं अनुसूची में भैळी करवावेला।
'थंडर-बर्ड' नै कलर अवार्ड मिल्यो
जोधपुर। भारतीय वायुसेना री 'थंडर-बर्ड' रै नाम सूं विख्यात जोधपुर एयर स्टेशन में तैनात मिग-21 री 32 वीं व 220वीं स्क्वाड्रन नैं 20 नबम्बर बुधवार नैं राष्ट्रपति प्रणब मुखर्जी कलर अवॉर्ड सूं सम्मानित कियो। पंजाब रै हलवारा एयर-बेस में आयोजित समारोह में वायुसेना प्रमुख री मौजूदगी में राष्ट्रपति यो अवार्ड दियो। रक्षा प्रवक्ता कर्नल एसडी गोस्वामी रै अनुसार 'थंडर बर्ड' रौ गठन 15 अक्टूबर 1963 नैं पंजाब रै आदमपुर जिले में व्यो हो। 1965 रै युद्ध में थंडर बर्ड पाकिस्तानी फौज नै निशाणौ बणायो हो। वर्तमान में यो स्क्वाड्रन भारतीय वायुसेना रै सबसूं आधुनिक लड़ाकू विमान 'मिग-21 बाइसन' सूं सुसज्जित है।
राज्य में अन्नकूट री धूम
 
उदयपुर। इण दिनां राज्य रै विभिन्न मंदिरा माय अन्नकूट महोत्सव री धूम है। या तस्वीर बदनोर री हवेली स्थित मंशापूर्ण हनुमान मंदिर अर पीछोला घाट पे स्थित हनुमान मंदिर रै अन्नकूट री है। इण दौरान दर्शनार्थियों री घणी भीड़ री।
रेल माय चोरी करवा वाळा नैं पकड़ेला क्विक रिस्पांस टीम
लंबी दूरी री रेलां माय यात्रियों रै साथै सफर करेला टीम रा सदस्य
उदयपुर । रेल में सफर करने वाळा यात्रियों रौ सामान चुरावा वाळा री धरपकड़ रै लिए क्विक रिस्पांस टीम (क्यूआरटी) रो गठन कियो जा रियो है। जो लंबी दूरी री रेल में यात्रियों रै साथै सफर करेला।
इणमें सफर करवा वाळा यात्रियों री मदद सूं ही अणा आपराधिक तत्वों नैं पकड़्या जा सकेला। जीआरपी एसपी वीरभान अजवानी कैवै हैं कै सफर रै दौरान यदि यात्रियों नैं आपणै कोच में सहयात्री या अचानक सवार यात्री पे शंका होवै है या विणरी गतिविधियां संदिग्ध लागै हैं तो वे टीम नैं सूचित करेला। सूचना मिलवा पे वणारी धरपकड़ की जा सकेला। क्यूआरटी टीम रात्रि गश्त करेला। गश्त रै दौरान टीम हर कोच में भी जावेला तथा यात्रियों सूं बातचीत भी करेला।
पर्यटक नैं भाइ सर्दी री खुराक
उदयपुर। अणा दिनां दुकानों पे सर्दी री खुराकां सजी थकी है और शहर में विदेशी सैलानी भ्रमण पे आया थका हैं। देहलीगेट पे सजी असी ही दुकान पे विदेशी सैलाणियों रो खरीदतो थको।
बूंदी उत्सव में दिख्यो लोकनृत्यों रौ रंग
बूंदी। बूंदी उत्सव रै तहत निकळी शोभायात्रा रै दौरान नृत्य करती लोक कलाकार। परदेशी पांवणा भी लिदो उत्सव रौ आनंद।
स्वतंत्रता सेनानी री राजकीय सम्मान सूं अंत्येष्टि
राजगढ़ (अलवर)। स्वतंत्रता सेनानी रामजीलाल ग्वाला रो 20 नवम्बर बुधवार नैं देवलोकगमन व्है ग्यो। वे 93 वरस रा हा। वणारी शवयात्रा निवास सूं शुरू होयर रामबाग मुक्तिधाम पौंची जठै राजकिय सम्मान रै साथै वांरी अंत्येष्टि व्ही। स्वतंत्रता सेनानी रै पार्थिव शरीर पे तहसीलदार बाबूलाल मीणा एवं शहर कोतवाल आहद खान पुष्प चक्र अर्पित कियो।
सीबीएसई री परीक्षावां एक मार्च सूं ही
अजमेर। सीबीएसई री 10वीं व 12वीं री परीक्षावां 1 मार्च सूं ही शुरू व्हैला। अप्रैल में लोकसभा चुनाव नैं देखता या मांग उठरी ही कै परीक्षावां एक महीना पैल्या आयोजित कर ली जावै। पण अस्यौ नीं व्यो।
सेट रै लिए अबै 30 तक फॉर्म जमा वेगा
अजमेर। राजस्थान लोक सेवा आयोग द्वारा राज्य पात्रता परीक्षा (सेट) रै लिए ऑनलाइन आवेदन री अंतिम तिथि अबै 30 नवंबर तक कर दी है। आयोग प्रबंधन फुल कमीशन रै निर्णय रै बाद अंतिम तिथि बढ़ाई गई। पूर्व में सेट रै लिए आवेदन री अंतिम तिथि 15 नवंबर ही। परीक्षा जनवरी में होवा री संभावना है।
पद्मश्री विजेता जादुई लोक कथाकार विजयदान देथा रो निधन
 
बोरुंदा (जोधपुर)। हिंदी और राजस्थानी साहित्य जगत में 'बिज्जी' नाम सूं विख्यात, लोक राग और लोग आग सूं कथा-रस पैदा करवा वाळा विजयदान देथा रो 10 नवम्बर रविवार परभातै पैतृक गांव बोरुंदा में निधन व्है ग्यो। वे 87 वरस रा हा और घणा समै सूं अस्वस्थ हा। वे आपणै पाछै तीन पुत्र प्रेम दान, कैलाश कबीर व महेंद्र देथा तथा एक पुत्री कौशल्या नैं छौड़ ग्या। देथा रै निधन री खबर मिलता ही गांव में शोक री लहर छा गी।
मृत्यु तो जीवन रो शृंगार है...
बाळक री तरह सरल और निश्छल विजयदान देथा मृत्यु रै बारे में एक दाण कैयो हो 'मृत्यु तो जीवन रो शृंगार है। यो नीं व्है तो ककिस तरह सूं काम चाले? सोचो, म्हारा संगळा पुरखा आज जिंदा वेता तो कांई वेतो?
प्यार सूं नाम मिल्यो 'बिज्जी'
विजयदान देथा रौ जन्म 1 सितंबर 1926 नै जोधपुर सूं करीब १०० किमी छेटी छोटे से गांव बोरूंदा में व्यो। वठै संगळा वणारो पतो जाणै हैं, क्यूंकै बाळपणै सूं ही वे वणारी कहाणियां जो पढ़ता आया हैं। जद चार साल रा हा, वणारै पिता रो निधन हो यो। मोटा व्या पण गांव नीं छोड़्यो। जिंदगी भर राजस्थानी में लिखता रिया। लिखवा रै अलावा और कुछ नीं करियो। हमेशा दो जोड़ी कपड़ा में संतोषी जीवन जियो।
श्री देथा चारण जाति सूं हा। पिता सबलदान देथा और दादा जुगतीदान देथा भी राजस्थानी रा नामी कवि हा। पिता री मृत्यु रै बाद विजयदान भाई सुमेरदान रै साथै जैतारण चल्या ग्या। जठै वणारै भाई सिविल कोर्ट में काम करता हा। चौथी कक्षा तक वणारी पढ़ाई वठै ही व्ही। विजयदान री स्कूलिंग बिहार और बाड़मेर में भी व्ही।
विजयदान नैं प्यार सूं लोग 'बिज्जी' कैहता हा। बिज्जी री कहानियों में राजस्थानी लोक जीवन री झलक मिलै है। अबै लोककथावा रा जादूगर नीं रिया। चतुर गड़ेरियों, मूर्ख राजाओं, चालाक भूतों और समझदार राजकुमारियों री जो कहाणियां बिज्जी गुंथी, वे वणारै बाद भी पढ़ी जावेला। वणारै किरदारों रो सम्मोहन हमेशा बण्यो रेवेला। आपणी कहाणियां सूं बिज्जी हमेश अमर रैवेला।
लौटर आवैला विजयदान देथा -जयप्रकाश चौकसे
 
महान विजयदान देथा री मृत्यु पे भारत रै संगळा साहित्य प्रेमी दु:खी हैं और चुनाव री सरगर्मी में डूब्या राजस्थान में शोक री लहर चुनावी लहर सूं ऊंची व्हैणी चावती क्यूंकै चुनाव तो पांच वर्षीय तमाशो है पण विजयदान जसी विरल प्रतिभा कदै’क ही जन्म लेवै है। चारण जाति में जन्तिया विजयदान रै पिता, दादा लेखक हा और वणारै पुत्र भी लिखै है अर राजस्थानी भाषा में लिखी वणारी कहाणिया रो अनुवाद भी कियो है। हर क्षेत्र में कुछ दादा नुमा लोग होवै हैं जणरो दखल वणी क्षेत्र में भी होवै है जिणरो वांनैं ज्ञान नीं व्है। अस्या ही माफियानुमा लोग विजयदानरी राजस्थानी में लिखी रचनावां नैं हिन्दी साहित्य रो मानवा सूं इनकार कियो, पण मानव करुणा सूं ओतप्रोत रचनावा कालातीत होवै हैं और पूरी मानवता रो उण माथै अधिकार होवै है। संजय चौहान डॉ. नामवर सिंह रै मार्गदर्शन में विजयदान पे शोध कियो है। यो सच है कै विजयदान राजस्थान री लोक कथावां नैं ही लिखी है पण वणारी मौलिक दृष्टि शताब्दियों सूं सुणी-सुणाई कथावां नैं नुवो अरथ प्रदान कियो तथा वर्तमान सूं गुजरी सदियों नैं जोड़ दी। मौलिकता मात्र एक दृष्टिकोण है और विजयदान रो यो दृष्टिकोण ही राजस्थान री मिट्टी और रेत नैं आक्खा संसार में ले जावै है, उणसूं मोटो राजस्थान रो सांस्कृतिक राजदूत कोई नीं व्यो। राजस्थान में प्रांतीय शोक घोषित कियो जाणो हो और झंडा झुकाया जाणा चावता। सबसूं पेल्या हबीब तनवीर 'चरणदास चोर' रो मंचन बस्तर रै लोक कलाकारों रै साथै कियो, बाद में श्याम बेनेगल विजयदान री इण कथा पे फिल्म बणाई। इणीज तरह मणिकौल वणारी 'दुविधा' बणाई और बाद में अणीज कथा पे अमोल पालेकर शाहरुख खान और रानी मुखर्जी नैं लेयर 'पहेली' फिल्म बणाई। अगर विजयदान री एक ही कहानी पे कैई दाण फिल्में बणी है तो स्वयं विजयदान भी आपणी लिखी कुछ कथावां नैं दुबारा लिखी है और या दुबारा लिखी जाणो महज जुगाली नीं ही वरन, नुवां दृष्टिकोण सूं लिख्यो जाणो हो जो यो सिद्ध करै है कै उणरी विचार प्रक्रिया सतत प्रवाहित ही और वे कभी मुतमइन नीं हा कै वणा अंतिम शब्द लिख दिया है- इन्नै म्है उणरी सबसूं मोटी विशेषता मानू हूं। प्रकाश झा री 'परिणति' नैं राष्ट्रीय पुरस्कार मिल्यो हो और फिल्म देखर राजकपूर अतरा प्रभावित व्या कै वणा प्रकाश झा नै आपणै घर आमंत्रित किया तथा विजयदान री कुछ कथावा सुणी। युवा पत्रकार उमाशंकर सिंह जो आजकल मुंबई में अरबाज खान रै लिए फिल्म लिख रिया हैं वे भी विजयदान रा मुरीद हैं और वणारी दिली इच्छा है कै विजयदान री 'बैंडमास्टर इब्राहिम' पे फिल्म बणावे। हजारों शादियां में बैंड बजावा वाळा इब्राहिम स्वयं कुंआरा ही रैय ग्या और अगर वणारी शादी होवे तो शायद वे स्वयं ही दूल्हा भी वेता और बैंडवाला भी जस्या कै केए अब्बास री महान 'चार दिल चार राहों' में नायक राजकपूर चांवली चमारन सूं शादी करणै जा रिया है तो कोई बराती साथै जावा नैं तैयार नीं है, वे स्वयं हाथ में मशाल लिया गाता थका शादी करवा जावै है। या बात गौरतलब है कै हिन्दुस्तानी फिल्मों रै वे ही गीत कालजयी व्या हैं जिन्हें बैंडमास्टर शादियां में बजावै हैं और वे केवल सरल हृदय नैं छूवा वाळा गीत ही बजा पावै हैं जदकि आज संगीत में कंप्यूटर जनित अजीबोगरीब ध्वनियों रै कारण यो संभव नीं है। विजयदान देथा री 'सिकंदर और कौआ' कहानी में अमर हो जावा री लालसा रै खोखलेपन नैं उजागर कियो गयो है और उदयप्रकाश इण पे फिल्म बणा चुक्या हैं। 'महाभारत' में मोक्ष री अवधारणा पे या बात कैई गई है कै आपणै निजत्व नैं क्यूं कणी विराट में मिलार विन्नै शून्य करा और स्मृति पटल रै बिना स्वर्ग जावा या पुन: जन्मिया जावा रो कांई अरथ है। अबै अणी तरह अगर विजयदान देथा रै कपड़़ों सूं राजस्थान री मिट्टी और रेत झटकणे रो आदेश ईश्वर दें तो संभव है विजयदान देथा इनकार कर दें और लौट आवै क्यूंकै वणारै लिए कण-कण रेत ही आपणै अस्तित्व रो महत्वपूर्ण हिस्सो है। साभार- (मूल हिन्दी, दैनिक भास्कर)
साहित्यकार ओंकार श्री रो निधन
साहित्यकार ओंकार श्री रो 15 नवम्बर शुक्रवार नैं निधन व्है ग्यो। बीकानेर में जन्मिया ओंकार श्री 80 साल रा हा। जात-पांत रै खिलाफ विचारधारा रो असर हो कै वणा आपणै नाम सूं जाति हटाकर श्री लिखणो शुरू कियो। राजस्थानी भाषा साहित्य और संस्कृति अकादमी तथा राजस्थान साहित्य अकादमी में सहायक सचिव भी रिया। वणा कैई साहित्यकारों रै संस्मरण लिखकर साहित्य रै खोजी विद्वानों में जग्या बणाई।
जीत रै साथै व्ही सचिन री विदाई, अबे मिलेगा भारत रत्न
 
अतरी कम उम्र में भारत रत्न पावा वाळा सचिन पेहला आदमी।
अनगिनत सम्मान सूं नवाज्या जा चुक्या सचिन रमेश तेंडुलकर...अबै भारत रत्न सूं सम्मानित वेगा। आखिर सरकार या घोषणा कर ही दी। सचिन नैं यो सम्मान 26 जनवरी नैं दियो जावेला। पेहली दाण कणी खिलाड़ी नैं यो सम्मान मिल रियो है। अंडे अलावा भारत रत्न पावा वाळा सचिन सबसूं न्हानी उम्र रा व्यक्ति व्हैला।
एक आड़ी वानखेड़े स्टेडियम में सचिन री विदाई व्है री ही अर दूजी आड़ी देशभर में मांग उठ री ही- सचिन नैं भारत रत्न दो। या मांग पेल्या भी उठ चुकी ही। इण विदाई सूं पेल्या स्यात सरकार नै सचिन रै प्रति भावनावां रो अंदाजो नीं हो। 16 नवम्बर शनिवार नैं सरकार सक्रिय व्ही और भारत रत्न री घोषणा कर दी। सरकार नियमों में बदलाव भी किदो क्यूंकै पेल्या यो खिलाडिय़ां नै नीं दियो जातो हो। सचिन यो अवार्ड मां नैं समर्पित कियो है।
फेसबुक री खामियां बताईं, मिल्या ३ लाख रु.
जयपुर। राजस्थान रै इथिकल हैकर राजशेखर राजहरिया (23) नैं फेसबुक री खामियां बतावा रै लिए फेसबुक सूं पांच हजार डॉलर (करीब 3 लाख रु.) रो इनाम दियो है। राजशेखर झुंझुनूं रो हैं और सॉफ्टवेयर इंजीनियरिंग छात्र हैं। राजशेखर फेसबुक सिक्योरिटी रिसर्च टीम नैं 10 अस्या बग सुझाया जिणरै चालता फेसबुक री सिक्योरिटी में सेंध लगाई जा सकै है।
उदयपुर रै रिदम री फिल्म रो इंटरनेशनल फिल्म फेस्टिवल में चयन
उदयपुर। उदयपुर फिल्मकार रिदम जानवे री फिल्म कंचे और पोस्टकार्ड रो चयन इंटरनेशनल फिल्म फेस्टिवल में व्यो है। इण फिल्म रो प्रदर्शन 15 व 19 नवंबर नैं हैदराबाद में होवा वाळा अंतरराष्ट्रीय बाल फिल्म समारोह तथा 23 नवंबर नैं गोवा में होवा वाळा 44वें इंडियन पेनारोमा फेस्टिवल में वेगा। इण फिल्म रो लेखन, संपादन, निर्देशन रिदम जानवे द्वारा ही कियो गयो है। फिल्म में उदयपुर रै प्रद्युम्न सिंह चौधरी लीड रोल निभायो है, जो पांचवीं कक्षा रो छात्र है। फिल्म में उदयपुर रै सतीश आशी, उषा रानी भटनागर और विलास जानवे भी भूमिका निभाई है।
गुरु नानक जयंती पर्व मनायो
उदयपुर।सीपीएस सीनियर सेकंडरी स्कूल में गुरुनानक जयंती पर्व उत्साह सूं मनायो गयो। इण अवसर पे निदेशक अलका शर्मा बाळकां नैं पर्व रै बारे में बतायो। मुख्य अतिथि गुरुद्वारा श्री गुरु अर्जन दरबार रै उपाध्यक्ष अमरजीत सिंह चावला हा।
बेटियां दियो मां री अर्थी नैं कांधो
भरतपुर। सूरजमल नगर निवासी राजस्थान पुलिस सूं सेवानिवृत निरंजन लाल शर्मा री पत्नी लक्ष्मी देवी री 9 नवम्बर शनिवार नै असाध्य बीमारी रै कारण मृत्यु व्हैगी। वणारी चार बेटियां गीता, बबीता, भावना एवं सोनू अर्थी नैं कांधा दियो तो मौजूद लोग भावविह्वल व्है ग्या। निरंजनलाल बतायो कै वणारी पत्नी री अंतिम इच्छा ही कै चारों बेटियां ही वणारी अर्थी नै कांधो दें।
मां री देखभाल नीं करवा वाळा सस्पेंड
जोधपुर। मां और पत्नी री देखभाल नीं करवा वाळा कर्मचारी नैं रेलवे निलंबित कर दियो। पारिवारिक दायित्व नीं निभावा पे या कार्रवाई करी गई है। विन्नै बर्खास्त भी कियो जा सकै है। 2004 में पिता री मौत रै बाद रेलवे बालोतरा निवासी स्वरूपराम नैं बुकिंग क्लर्क रै पद पे नियुक्ति दी ही। वंडी मां जतना देवी शिकायत करी ही कै 2008 में शादी रै बाद सूं बेटा पराया जस्यो बर्ताव कर रिया है। पोकरण में कार्यरत स्वरूपराम मां और पत्नी नैं छोड़र न्यारो रैवे है। वणी आपणी पत्नी रै साथै कदी पति धर्म नीं निभायो। वंडो शारीरिक और मानसिक शोषण करतो आयो है। पत्नी रो आरोप है कै स्वरूपराम रो रेलवे री एक महिला कर्मचारी सूं संबंध है। वंडे खिलाफ आरोपां री जांच व्है री है। आरोप पत्र थमायो है। रेलवे सर्वेंट (कंडक्ट) रूल 3 (1)(3) और 3 बी (11) रै तहत आरोप साबित होवा पे विन्नै सेवा सूं हटायो जा सकै है।
रेलवे भर्ती परीक्षा अबै एक नीं, 8 दिसंबर नैं
उत्तर पश्चिम रेलवे भर्ती कक्ष दुर्गापुरा री ओर सूं मतदान रै दिन 1 दिसंबर रै दिन व्हैवा वाळी भर्ती परीक्षा नैं स्थगित कर दियो। रेलवे प्रशासन इण दिन होवा वाळी परीक्षा नैं 8 दिसंबर नैं करावा रो निर्णय लियो। रेलवे सूं मिली जाणकारी रै अनुसार वर्णमाला में आर, ओ, पी और क्यू सूं शुरू होवा वाळा नाम रै अभ्यर्थियों री परीक्षा 1 दिसंबर नैं होणी ही। अबै अणा अभ्यर्थियों री परीक्षा 8 दिसंबर नैं दो पारियों में वेगी। पेहली पारी में सुबह 11 सूं दोपैरा 12:30 बजे तक सी, डी, ई, एफ, जी, के, एन, एच, एल सूं शुरू होवा वाळा नाम रै अभ्यर्थियों री परीक्षा वेगी। दूजी पारी में दोपहर 3 सूं 4:30 बजे तक आर, ओ, पी व क्यू अक्षर सूं शुरू होवा वाळा नाम रै अभ्यर्थियों री परीक्षा वेगी। इसके अलावा 17 नवंबर व 24 नवंबर नैं व्हैवा वाळी परीक्षावां यथावत हैं।
राजस्थान रो वागड:जठै री बोली नाटकों रै संवाद में ही स्वीकृत
- डॉ. श्रीकृष्ण 'जुगनू'
दक्षिण राजस्थान में कविता रचवा री परंपरा घणी पुराणी है। अठै रो भाषाशास्त्रीय अध्ययन नाट्य शास्त्र रै समै सर्वप्रथम हुवो हो। काव्यमीमांसा री रचना, 10 सदी तक अठै स्थानीय भाषा में कविता होवा लागी ही। जैन ग्रंथों में परिगणित जंबूसामिचरिउ में इण क्षेत्र नैं आदिवासी क्षेत्र रै रूप में देख्यो गया है, खासकर वागड प्रदेश नैं।
वागड नाम सर्वप्रथम स्कंदपुराण में आयो है और इण पुराण रै रचनाकाल तक यो 'मंडल' स्वीकारियो जा चुक्यो हो जिणमें दस हजार गांवों री संख्या आई है। निश्चित ही या संख्या अतिशयोक्तिपूर्ण हो सकै है पण यो तय है कै अठै राज्य री अवधारणा रो विकास हो चुक्यो हो और खासकर गुजरात रै चालुक्यों रो प्रभुत्व कायम हो। वागड मंडल में मेवाड रै जगत और गातोड जस्या गांव भी शामिल हा, जो वर्तमान में उदयपुर जिलांतर्गत आवै हैं, मूल गातोड गांव जयसमंद में डूब ग्यो हो। इण गांव सूं चालुक्य राजा भीमदेव रो ताम्रपत्र मिल्यो है, वो 12वीं सदी रो है और इणमें स्पष्टत: वागड रो मंडल कैया गयो है।
इणसूं पूर्व 10वीं सदी में काव्यमीमांसा रा रचनाकार राजशेखर जो दशपुर या मंदसौर में होवा वाळी काव्यगोष्ठियों रो जाणकार हो, लिखै है कै अठै कवियों री भाषा नैं समझणो कठिन है। वे कविता करै हैं और मंदसौर रै राजदरबार में उणरो स्थान भी निर्धारित है, वे दक्षिण री ओर वाळा आसन पे विराजै हैं और भूतभाषा में कविता करै हैं। राजशेखर इण भाषा रो उदाहरण भी दियो है, जो वागड री भाषा रै पूर्व रूप रो परिचायक हो सकै है। इण क्षेत्र री भाषा रै व्यवहार रो जिक्र दामोदर गुप्त 'कुट्टनीमतम' में भी दियो है।
भरताचार्य चंबल सूं लेयर आबू तक रो भाषा शास्त्रीय अध्ययन कियो हो और इन्नैं 'तकार' बोली वाळो प्रदेश कैयो है, इणमें बोल्या जावा वाळा नाट्य संवादों में इण भाषा रै प्रयोग री स्वीकृति दी है। यो निश्चित ही वागड़ी राजस्थानी भाषा रै लिए गौरव री बात है। वागडी नैं हीन बोली समझणे वाळा नैं समझणो चावै कै कदी अठारी भाषा रो प्रयोग नाटकों रै संवादों में कियो जातो हो।
कठपुतली नाटक स्वामी विवेकानंद रो मंचन
 
उदयपुर। स्वामी विवेकानंद री 150वीं जयंती रै मौके पे लोक कला मंडल रै रंगमंच पे 'स्वामी विवेकानंद' कठपुतली नाटक रो मंचन व्यो। लोक कला मंडल, रामकृष्ण मिशन नई दिल्ली और इंदिरा गांधी राष्ट्रीय कला केंद्र नई दिल्ली रै भैळप माय व्या आयोजन सूं स्वामी जी रै जीवन दृश्य और संदेश दर्शाया गया। मुख्य अतिथि संभागीय आयुक्त डॉ. सुबोध अग्रवाल, विशिष्ट अतिथि रामकृष्ण मिशन रै प्रमुख स्वामी शांतात्मानंद और अध्यक्ष आयकर आयुक्त रोली अग्रवाल कलाकारों रो सम्मान कियो। मंडल रै मानद सचिव रियाज तहसीन बताया कै परिकल्पना और निर्माण मंडल रै सहायक निदेशक श्याम माली व लेखन डॉ. लइक हुसैन रो है।
धूम्रपान करवा वाळा नैं नीं मिलेला सरकारी नौकरी -सुरेन्द्र स्वामी
जयपुर। राज्य में धूम्रपान करवा वाळा नैं सरकारी नौकरी नीं मिलेला। सीधी भर्ती रै दौरान नियुक्ति पावा वाळा अभ्यर्थियों नै नौकरी जॉइन करवा सूं पेल्या धूम्रपान एवं गुटखा सेवन नीं करवा री अंडरटेकिंग (वचनबद्धता) देणी वेगा। कार्मिक विभाग 4 अक्टूबर नै अतिरिक्त मुख्य सचिव, प्रमुख सचिव, सचिव, राज्य रै संगळा विभागाध्यक्षों, संभागीय आयुक्तों और जिला कलेक्टरों रै नाम यो आदेश जारी कियो। स्टेट नोडल अधिकारी (टोबेको कंट्रोल सेल) रै डॉ. सुनील सिंह रै अनुसार देश में इण तरह री अनूठी पहल शुरू करवा वाळो राजस्थान पेहलो राज्य है।
बीएसएफ : स्थापना दिवस माथै कैमल सफारी
जैसलमेर। जैसलमेर सीमा सुरक्षा बल राजस्थान सीमांत रै स्थापना दिवस नैं यादगार रूप में मनावा तथा आम जनता रै बीच सीमा सुरक्षा बल री लोकप्रियता तथा छाप छोडवा रै लिए चलाया जा रिया कार्यक्रमों में 6 नवंबर बुधवार नैं 103 वीं वाहिनी अनुशासित और भव्य कैमल सफारी रो आयोजन कियो गयो। सम रोड स्थित सीमा सुरक्षा बल रै समादेष्टा जितेंद्र कुमार द्वारा ध्वज दिखार सफारी नैं रवाना करी। इस अवसर माथै उप समादेष्टा अनिल कुमार वर्मा, उप समादेष्टा नरेंद्र कुमार यादव, उप समादेष्टा वीएन थपलियाल, सहायक समादेष्टा आरटी व सतीश कुमार अपणी उपस्थिति दर्ज करवाई। समारोह में सीमा सुरक्षा बल रै कार्मिक अर वणारा परिवारजन भी भैळा व्या ।
12वीं कला री स्थायी मेरिट में लालसोट री प्रीति भैळी
अजमेर। माध्यमिक शिक्षा बोर्ड री 12वीं कला वर्ग री जारी स्थायी मेरिट में लालसोट (दौसा) री प्रीति शर्मा नैं 8वों स्थान मिल्यो है। अस्थायी सूची में उणरो नाम नीं हो। बोर्ड री संविक्षा में प्रीति रै तीन नंबर बढ़र ४५७ अंक हो ग्या। बोर्ड री 12वीं साइंस, कॉमर्स, वरिष्ठ उपाध्याय रै साथै ही प्रवेशिका परीक्षा री स्थायी मेरिट में परिवर्तन नीं व्यो है।
राजस्थान माय ब्याव रै बंधन में बंध्यो स्पेनिश युगल
जैसलमेर। विदेशी युगल जैसलमेर आयर ब्याव कर रिया हैं। श्री गणेशम ट्रेवल्स प्रा. लि. रै नरेन्द्रसिंह बतायो कै 8 नवंबर शुक्रवार नैं पुष्करणा बेरा में स्पेन सूं आया जॉन निकेल व सेन्ड्रा भारतीय संस्कृति रै अनुसार फेरा लिया और ब्याव रै बंधन में बंध ग्या। सेन्ड्रा बतायो कै वा और उणरा प्रेमी जॉन निकेल पाछले घणा समै सूं ब्याव रै बंधन में बंधणो चावै है। इण दिनों वे भारत भ्रमण पे आया थका हैं और जैसलमेर में वणा दोई भारतीय परंपरा रै अनुसार ब्याव कियो
बोहरा समाज रै धर्मगुरु रै उत्तराधिकारी गलियाकोट में करी जियारत
चीतरी (डूंगरपुर)/ उदयपुर। दाऊदी बोहरा समाज के धर्मगुरु डॉ. सैयदना साहब रै शहजादे एवं उत्तराधिकारी मुफद्दल मौला 6 नवंबर बुधवार नैं गलियाकोट पौंच्या। वणा अठै विश्व प्रसिद्ध पीर फखरूद्दीन री दरगाह में जियारत कर देश में अमन चैन री दुआ मांगी। मुफद्दल मौला बुधवार सुबह गुजरात स्थित हसन पीर दरगाह सूं हेलिकॉप्टर सूं गलियाकोट रै पुराणा खेल मैदान रै समीप बण्या हेलीपेड पे उतरिया। विधायक सुरेंद्र बामनिया मौला मुफद्दल रो स्वागत कर वणानैं गुलदस्तो भेंट कियो। धर्मगुरु डॉ.सैयदना री ओर सूं मजार पे चादर चढ़ाई।
अणुव्रत लेखन पुरस्कार ललित गर्ग नैं
लाडनूं(नागौर)। अणुव्रत महासमिति री ओर सूं उत्कृष्ट नैतिक एवं आदर्श लेखन रो 'अणुव्रत लेखक पुरस्कार' 28 अक्टूबर सोमवार नै आयोजित समारोह में लेखक, पत्रकार एवं समाजसेवी ललित गर्ग नैं प्रदान कियो गयो। आचार्य महाश्रमण रै सान्निध्य में जैन विश्व भारती में आयोजित समारोह में अणुव्रत महासमिति रै अध्यक्ष बाबूलाल गोलछा गर्ग नैं इक्यावन हजार रुप्या री राशि रो चैक, स्मृति चिह्न और प्रशस्ति पत्र प्रदान कर सम्मानित किया।
अबै स्कूलां में शिक्षक ही पढ़ावेगा कम्प्यूटर
बीकानेर।राज्य री स्कूलां माय अबै कंप्यूटर शिक्षा नियमित शिक्षक ही देवेगा। आईसीटी प्रोजेक्ट री अवधि पूरी होता देख शिक्षा विभाग शिक्षकों नैं ट्रेनिंग देवा री त्यारी कर ली है।
पेहला चरण में राज्य री ढाई हजार माध्यमिक और उच्च माध्यमिक स्कूलां में आई सीटी प्रोजेक्ट 31 दिसंबर नैं पूरा वेगा। अणा स्कूलां में कंप्यूटर शिक्षण रो ठेका प्रोजेक्ट रै तहत एक प्राइवेट एजेंसी नैं दिया थको है, जो समाप्त व्है जावेला। इन्नैं आगे नीं बढ़ायो जावेगा। विभाग अबै आपणै नियमित शिक्षकों सूं ही कंप्यूटर शिक्षण करवावा रो निर्णय लियो है। इणरै लिए शिक्षकों नैं ट्रेनिंग दी जावेला। पेहला मास्टर ट्रेनर प्रशिक्षण जयपुर में पाछले दिनों व्है चुक्यो है।
गीत- गाओ टाबरों,
गीत- गाओ टाबरों,
थारा मुलकबा सूं देश हरखसि
थे ही तो हो आगला टेशण
जमाना रे साथै करो खूब फैशन
पण याद राखो बुजुर्गा री बातां
बे मुस्किल घडी री रातां
जोबन रो मद भी चढ़सी
कुटुंब कबीलो भी बड़सी
प्रणय की भूलभुलइया में
प्रियतमा की आकृष्ट सय्या में
भूल मत जाज्यो ज्ञान की सीख
मत छोड़ज्यो पुरखां का पगां री लीक
थे ही घर, गांव,परिवार ,रास्त्र री अनमोल थाती हो
जीवन रूपी दीया री, बिन जळी बाती हो|
दक्षिण राजस्थान में प्रचलित ही ब्राह्मी लिपि
-डॉ. श्रीकृष्ण 'जुगनू'
वागड रै अैड़े-नैड़े रै क्षेत्र में ब्राह्मी लिपि पांचवीं सदी तक प्रचलन में ही। इणरै पठन पाठन री प्रक्रिया लोक समुदाय रै शिल्पियों में भी प्रचलित ही। खासकर गृहोपयोगी वस्तुओं, मर्तबानों पे नाम लिखवा री परंपरा वणी तरह प्रचलन में ही, जण तरह आज धातुओं रै बर्तनों पे आपणो, उपयोगकर्ता या खरीददार रा नाम लिखवा री परंपरा है।
डूंगरपुर सूं लाग्या शामलाजी री देवनमगरी रै अैड़े-नैड़े 1962 में जो खुदाई व्ही ही, उणमें मिल्या एक मिट्टी रा ठीकरा पे ब्राह्मी में लिख्या चार अक्षर मिल्या हैं।
ये अक्षर बर्तन बणावा वाळा कुंभकार रा लिख्या हैं। वणी आपणो नाम लिख्यो या खरीदवा वाळा रो, कैयो नीं जा सकै है। अणा चारों ही अक्षरों रै आधार पे 'बदशले' या 'बहशले' अथवा 'बहधाले' शब्द बणै है। इणरो कांई आशय है यो तो मालूम नीं पण पुराविद् आरएन मेहता और एजे पटेल इण अक्षरों नैं पांचवीं या छठवीं सदी रो स्वीकार कियो है। या गुप्तकाल रै अैड़े-नैड़े रा हो सकै हैं पण इण समै अठै यूनानीयां रो अधिकार हो। वागड सूं उणरा सिक्का भी मिल्या हैं ।
राजस्थानी साहित्य रै विकास में तेरापंथ रो योगदान' रो विमोचन
उदयपुर। श्री जैन श्वेतांबर तेरापंथी द्वारा मुनि रवींद्र कुमार व मुनि पृथ्वीराज रै सानिध्य में डॉ. नीता कोठारी री लिखी राजस्थानी साहित्य रै विकास में तेरा पंथ रो योगदान विषयक ग्रंथ रो लोकार्पण कियो गयो। सभा अध्यक्ष राजकुमार फत्तावत बताया कै जैन विश्व भारती यूनिवर्सिटी लाडनूं द्वारा प्रकाशित 250 वर्षों रै इतिहास में तेरा पंथ राजस्थानी साहित्य रै विकास में जो योगदान दियो, वो इण ग्रंथ में प्रस्तुत कियो गयो है। समारोह रै मुख्य अतिथि श्रमण संस्कृति रै विख्यात विद्वान प्रो. प्रेम सुमन जैन हा। अध्यक्षता राजस्थानी भाषा साहित्य एवं अकादमी रै पूर्व अध्यक्ष डॉ. देव कोठारी करी। शासनमुनि रविन्द्र कुमार कैयो कै यो ग्रंथ तेरापंथ रै राजस्थानी साहित्य री सहिष्णुता, मानवीयता, दया, उदारता, अहिंसा व करूणा री अंतर्धारा नैं उजागर करै है। मुनि पृथ्वीराज लोक भाषा रै महत्व नैं उजागर कियो। विशिष्ठ अतिथि सुविवि जैन एवं प्राकृत्य विभाग रै विभाध्यक्ष डॉ. जिनेन्द्र जैन, आगम ज्ञाता डॉ. पारसमल अग्रवाल थे। सुबोध दुग्गड़ आभार जतायो, संचालन मंत्री अर्जुन खोखावत कियो।
दशहरा-दीपावली मेळो शुरू
उदयपुर। टाउन हॉल में दशहरा-दीपावली मेळा रो आगाज 25 अक्टूबर शुक्रवार नैं व्यो। मेळो दस दिन चालेगा, जिणमें सात दिन तक सांस्कृतिक प्रस्तुतियां वेगी। पेल्या दिन स्थानीय प्रतिभा नाइट रो आयोजन राख्यो गयो। मेयर रजनी डांगी बतायो कै उद्घाटन अस्थल आश्रम रै महंत रास बिहारी शरण कियो। मेळा संयोजक हेमलता शर्मा बतायो कै दीपावली पे 3 नवंबर नैं टाउन हॉल में आतिशबाजी वेगी। राजस्व समिति अध्यक्ष दुर्गेश शर्मा बतायो कै निगम नैं इण बार स्टॉल व झूला स्थल री नीलामी सूं 36 लाख 30 हजार री आय व्ही।
रंग जम्यो माता रो मेळा माय
मावली। कस्बा रै विशन जी का छापर में 35 वां चावंडा माता पशु मेळा खूब रंग जम्यो। कस्बा सहित अैड़े- नैड़े रा ग्रामीण मेळा रो घणो मजो लिदो। मेळा माय चकरी, डोलर, सर्कस, जादू शो, मौत रो कुड़ो, प्यारेलाल रो गदेड़ो शो में आदमी-लुगाया री भीड़ री। इणरै अलावा गांवा रा मिनख खरीदारी करवा भी पौंच्या।
रात 10 बज्या केड़े लाउड स्पीकर बजायो तो वेगा कार्रवाई
राजस्थान ध्वनि नियंत्रण अधिनियम 1963 एवं ध्वनि प्रदूषण नियम 200 रै तहत शैक्षणिक संस्थाओं, छात्रावास चिकित्सालयों एवं व्यावसायिक तथा आवासीय क्षेत्रों नैं ध्वनि रहित शांत क्षेत्र घोषित कियो गयो है। संभागीय आयुक्त डॉ. सुबोध अग्रवाल बतायो कै रातै 10 बज्या सूं परभाते 6 बज्या तक लाउडस्पीकर, एंप्लीफायर अर दूजा इलेक्ट्रॉनिक उपकरणों रै उपयोग माथै रोक लगाई गी है। ध्वनि प्रदूषण नैं फैलाने सूं रोकवा अर ध्वनि नियंत्रण अधिनियम री सख्ती सूं पालणा करवा रा निर्देश कलेक्टर व पुलिस अधीक्षक नैं दिया हैं।
भारत-रूस सेना दिखायो युद्ध कौशल
श्रीगंगानगर/जोधपुर /बीकानेर। जोधपुर-बीकानेर रै रेगिस्तानी इलाके में महाजन फील्ड फायरिंग रेंज में भारतीय युद्ध कला रा गुर सीखवा आई रूस री फौज धोरों में युद्ध री बिसात बिछा दी। रणक्षेत्र में मिलिट्री उपकरणों व हथियारों रै साथै रूसी बटालियन तैनात करी हैं। फायरिंग रेंज में काल्पनिक युद्ध में भारतीय सेना रूस रै सैनिकों नैं रेगिस्तान री परिस्थितियों में ढालर युद्ध कला रो प्रशिक्षण दियो। संयुक्तस्टाफ मुख्यालय रो सृजन कर दोन्यू देशों री सेनावां शांति सेना रै ऑपरेशन री योजणा बणाकर रण कौशल दिखायो
बीकानेर रै महाजन फील्ड फायरिंग रैंज में युद्धाभ्यास रै दौरान दुश्मनों नैं ढेर करता रूसी सैनिक।
परदेशी पांवणा लियो मारवाड़ उत्सव रो आनंद
जोधपुर। मारवाड़ समारोह में पेहले दिन 16 अक्टूबर बुधवार नैं घंटाघर में सांस्कृतिक संध्या रो आनंद लेता परदेशी पांवणा।
एनआरआई नै वोट रो हक मिल्यो पण नाम जुड़ावा कोई नीं आयो
- संजय डिमरी
जोधपुर। विदेश में रैहवा वाळा 25 लाख सूं वत्ता राजस्थानियों (एनआरआई) नैं पेहली दाण चुनाव लडवा और वोट देवा रो अधिकार मिल्यो है। इणरै बावजूद चुनाव लडणो तो छेटी, राजस्थान रै एक भी एनआरआई मतदाता सूची में नाम तक दर्ज नीं करवायो है। पेल्या
एनआरआई आपाणो हक मांग्यो, मिल्यो तो उत्साह नीं दिख्यो। 2008-09 में प्रवासी भारतीय सम्मेलन में वोट रो अधिकार मांगवा पे देश में पेहली दाण वर्ष 2010 में इणरै लिए पॉलिसी तय करी ही। निर्वाचन आयोग सूं इण संबंध में विशेष प्रशिक्षण लेयर आया एडीएम (द्वितीय) डॉ. भागचंद बधाल रै अनुसार मतदाता सूची में नाम जोडवा रै लिए पाछले पांच साल में कैई अभियान चलाया ग्या। वोटर लिस्ट में एनआरआई नैं जोडवा रै लिए जमर प्रचार-प्रसार कियो गयो। इणरै बावजूद जोधपुर सहित आक्खा प्रदेश में एक भी एनआरआई आपणौ नाम मतदाता सूची में नीं जुड़वायो।
नेट व डाक सूं चावै वोटिंग सुविधा
राजस्थान एसोसिएशन ऑफ नॉर्थ अमेरिका (राना) रै मीडिया चेयरमैन प्रेम भंडारी कैवै हैं कै मतदान रो अधिकार तो दियो है पण यो संभव नीं है कै विदेश सूं मतदान रै लिए स्वदेश आयो जावै। राजस्थान ही नीं, कर्नाटक में भी कणी वोटर बणवा रो रजिस्ट्रेशन नीं करवायो। यदि इंटरनेट या डाक सूं मतदान री सुविधा व्है सकै तो प्रवासी इण बारां माय गंभीर वहै सकै हैं। दूतावास में भी मतदान कियो जा सकै है।
आरएएस में दृष्टिबाधितां नैं अबै एक घंटो वत्तो
अजमेर । राजस्थान लोक सेवा आयोग राजस्थान राज्य एवं अधीनस्थ सेवा संयुक्त प्रतियोगी परीक्षा 2013 री प्रारंभिक परीक्षा में दृष्टिबाधित अभ्यर्थियों नैं एक घंटे रो अतिरिक्त समै देवा रो निर्णय लियो। अबार तक अस्या अभ्यर्थियां नै 30 मिनट रो अतिरिक्त समै दियो जातो हो। बढ़्यो थको 30 मिनट रो अतिरिक्त समै दृष्टिबाधित अभ्यर्थियों (सूर्यमुखी, दोई हाथों सूं नि:शक्त अभ्यर्थी नैं नीं) नैं ही उपलब्ध करायो जावेगा।
वरिष्ठ खेल प्रशासक एमएल जादम रो देवलोकगमन
जयपुर। भारतीय एथलेटिक्स संघ रै पूर्व महासचिव मदनलाल जादम रो 19 अक्टूबर शनिवार नैं अजमेर में देवलोकगमन व्है ग्यो। वे 80 वरस रा हा और पाछले घणा समै सूं बीमार चाल रिया
हा।
जादम भारतीय एथलेटिक्स संघ रै अलावा भारतीय ओलिंपिक संघ में कैई साल तक विभिन्न पद पे रिया। 60 रै दशक में राज्य एथलेटिक्स संघ रै सचिव बण्या जादम 1966 सूं 1972 तक भारतीय एथलेटिक्स संघ रै महासचिव हा। 1971 सूं 1976 तक वणा एशियन एथलेटिक्स संघ रै महासचिव रो पद संभाळ्यो। 1952 सूं वे भारतीय ओलिंपिक संघ रै सदस्य हा और करीब 30 साल तक संघ रै कैई प्रमुख पद पे आपणी सेवावां दीं।
मृणशिल्प कार्यशाला रो समापन
उदयपुर। पश्चिम क्षेत्र सांस्कृतिक केंद्र द्वारा १० दिवसीय राष्ट्रीय मृण शिल्प कार्यशाला रो समापन समारोह शिल्पग्राम रै संगम हॉल में 12 अक्टूबर शनिवार परभाते 11 बज्या व्यो।
कार्यशाला में तमिलनाडु रै थंगैया मोटा बळद (बैल), मोटा बर्तन रै अलावा साढ़े चार फुट री कामधेनु बणाई। उड़ीसा रै मुकुंद राणा हनुमान और खपरैल पे चिडकली, उल्लू, कछुओ आदि बणार सुसज्जित कियो। बिहार रै लाला पंडित राजा शैलेष अर अन्य कलाकृतियां रो निर्माण कियो। गोरखपुर, उत्तर प्रदेश रै भोला प्रसाद पारंपरिक हाथी-घोड़ा बणाया। कर्नाटक रै हरीश मल्लप्पनवार यक्ष और यक्षी रा मुखौटा बणाया तो प्रमोद करांडी घर रै द्वार पे लगावा वाळा घोड़ा रै कलात्मक सिर बणाया। छत्तीसगढ़ रै सियाराम चक्रधारी बस्तर व गोंड जनजाति रै देवी देवता और हाथी बणाया। समापन समारोह में सांस्कृतिक केंद्र रै निदेशक शेलेंद्र दशोरा संगळा संभागियों नैं प्रमाण पत्र दिया। शिल्पकारों द्वारा बणाई माटी री कृतियों नैं पकार शिल्पग्राम उत्सव रै दौरान आम लोगों रै लिए प्रदर्शित किया जावेगा। बाहर सूं आया संगळा शिल्पकार उदयपुर रै सौंदर्य सूं अभिभूत व्या।
लौट’र आयो इतिहास
उदयपुर। अंतिम दौर री बारिश सूं फतहसागर 14 अक्टूबर सोमवार तड़के तीन बज्या १३ फीट रो स्तर पार कर छलक ग्यो। इससूं पेल्या 1985 में भी अस्यो अवसर आयो जद फतहसागर 14 अक्टूबर नैं ही छलक्यो हो। फतहसागर फुल टैंक लेवल पे 2.56 वर्ग किमी व अधिकतम भराव लेवल पे 4 वर्ग किमी में फैल्यो थको है। इणरै अेड़े-नैड़े 500 हेक्टेयर क्षेत्र में पहाडिय़ा फैली थकी हैं व इणरी गहराई 11.5 मी. है।
ज्ञानशाला रै 101 बाळकां रो दल लाडनूं रवाना
उदयपुर। जैन श्वेतांबर तेरा पंथ सभा री ओर सूं उपनगरों में चाल री ज्ञान शालाओं रै 101 बाळकां रो दल बसों सूं आचार्य महाश्रमण रै दर्शन रै लिए 11 अक्टूबर शुक्रवार रात तेरा पंथी सभा रै अध्यक्ष राजकुमार फत्तावत रै नेतृत्व में रवाना व्यो। आचार्य तुलसी जन्म शताब्दी वर्ष रै तहत इण यात्रा रो उद्देश्य लाडनूं में आचार्य श्री रै दर्शन कराणा तो है, ज्ञान शालाओं रै जरिए बाळकां में जाग रिया संस्कारों नैं भी दिखाणो है।
शिक्षक बण रोशनी दिखा रिया हैं दृष्टिहीन डूंगर
पायरा रै 80 पटेल परिवारों में सरकारी नौकरी पावा वाळा एकलो आदमी हैं डूंगर
भबराना। मन में कुछ कर गुजरवा रो जज्बो व इरादों में मजबूती हो तो कोई भी अड़चन आदमी रै मारग में रुकावट नीं बण सकै है। जन्म सूं दृष्टिहीन पायरा निवासी डूंगर पटेल आपणो सहारो स्वयं बणे। एक निजी संस्था सूं ऋण लेयर पढ़ाई करी व नौकरी कर प्रतियोगी परीक्षा री तैयारी रै लिए शिक्षण सामग्री खरीदी। परिस्थितियों नैं हराणे वाळा गरीब किसान रै बेटे डूंगर आज सरकारी अध्यापक होवा रै साथै ही गांव रै 80 पटेल परिवारों में एक मात्र स्नातक मोट्यार है।
सौभाग्य रो वरदान देयर देवी अंतध्र्यान
जयपुर। बंगाली समाज री ओर सूं शहर में अलग-अलग स्थानों पे चाल रिया दुर्गा पूजा महोत्सव दशमी पूजन रै साथै संपन्न व्यो। कैई स्थानों सूं बैंड-बाजों रै साथै विसर्जन यात्राएं निकाळी गी।
बळ ग्यो बुराई रो पुतळो
जयपुर। रविवार नैं विजयादशमी पे प्रदेशभर में जग्या–जग्या रावण रा पुतळा रो दहन कियो गयो। जयपुर शहर में रामलीला मैदान, मालवीय नगर, मानसरोवर, शास्त्री नगर सहित गली-मोहल्लों में रावण, मेघनाद और कुंभकरण रा पुतळा जळाया। इण दौरान कैई जगह सांस्कृतिक कार्यक्रम भी व्या। फोटो मालवीय नगर में जलाया गया ६५ फीट रै रावण रै पुतळा रो है
रावण रै 'सासरिया वाळा' कियो दशहरा माथै सूतक स्नान
जोधपुर। रावण री पत्नी मंदोदरी रै पीहर पक्ष नैं मानवा वाळा जोधपुर रै श्रीमाली ब्राह्मण दवे (गोधा) व सारस्वत परिवार रै लोगां दशहरा रै मौका माथै 13 अक्टूबर रविवार नै रावण दहन रै बाद सूतक स्नान कियो। वे रावण दहन तक भूखा रैहर पूजा रै बाद स्नान कर जनेऊ बदली। ये पीढिय़ों सूं हर साल दशहरा पे आपणै समाज री मंदोदरी रै पति रै निधन पे सूतक स्नान करै हैं।
दीपावली पे रोडवेज री अतिरिक्त बसें
जोधपुर। दीपावली रै उपलक्ष्य में यात्रियों री सुविधा रै लिए जोधपुर- जयपुर व अहमदाबाद सहित कुछ रूट पे रोडवेज री अतिरिक्त बसां चालेंगी। रोडवेज जोधपुर डिपो रै मुख्य प्रबंधक मदन चौधरी बतायो कै दीपावली रै त्योहार पे आपणै घर जावा रै लिए रेल में सीट नीं मिलवा या बस में यात्रा पसंद करवा वाळा नैं अतिरिक्त बसें उपलब्ध कराई जावेगी। इणरै लिए यात्री चुनिंदा बसों में एडवांस सीट बुक करवा सकै हैं। भीड़ सूं बचवा रै लिए या सुविधा दी गई है।
चित्तौड़ में खुलेगा पर्यटन पुलिस थाणो
चित्तौडग़ढ़। विश्वविख्यात चित्तौड़ फोर्ट रै वल्र्ड हेरिटेज साइट्स में भैळा होवा रै बाद अठै अबै देशी और खासकर विदेशी पांवणा री संख्या में और इजाफो वेगा। अस्या में पर्यटकों री सुरक्षा रै लिए अलग सूं पर्यटन पुलिस थाणा खोलवा रो प्रस्ताव तैयार कियो गयो है। या जाणकारी राज्य पर्यटन विभाग जयपुर रै डीएसपी डा. राजीव दत्ता दी। दत्ता बतायो कै पर्यटकों री सुरक्षा रै लिए राज्य सरकार ट्यूरिस्ट एक्ट 2010 रै प्रभावी क्रियान्वयन रै निर्देश दिए हैं।
लपकागिरी खासकर अनाधिकृत गाइड रो काम करवा वाळा लोगों और भिखारियों रै खिलाफ कार्रवाई वेगी। पर्यटकों नैं माल सप्लाई कर कमीशन कमावा वाळा पे भी नजर रेवेगी। वणा मान्यो कै इण एक्ट रै तहत अबार चित्तौडग़ढ़ में घणी कम कार्रवाई व्ही है। इणरो कारण साधन-संसाधन री कमी होणो भी है। लिहाजा आज भी अठै आठ पर्यटक सुरक्षा जवान नियुक्त कर दिया गया। पर्यटकों नैं परेशान करवा और नुकसान पहुंचावा वाळा लोगों रै खिलाफ ज्यादा सूं ज्यादा कार्रवाई वेगी। सरकार उदयपुर, जोधपुर व जयपुर में पर्यटन सहायता पुलिस थाण खोल्या हैं। फिलहाल चित्तौडग़ढ़ री मोनेटरिंग उदयपुर सूं वेगी, पण अठै अलग सूं पर्यटन पुलिस थाणो खोलवा रो प्रस्ताव तैयार कियो गयो है।
महाराज चतुरसिंहकृत बाळकां री पोथी
- डॉ.श्रीकृष्ण 'जुगनू'
मेवाड रै योगीवर्य संत बावजी चतुरसिंह महाराज गीता री गंगाजलि टीका, तूही अष्टक, चतुरप्रकाश, चतुरचिंतामणि, हनुमत्चरित्र, शेष चरित्र जसी कैई कृतियां लिखी हैं और वणारो नाम जन-जन री जुबां पे है किंतु वणा बाळकां रै लिए आज सूं 90 साल पैल्या पेली पौथी री रचना भी करी ही। या पौथी 'बाळकां री पोथी' रै नाम सूं उण समै विद्यालयों में पढाई जाती ही। इणमें राजस्थानी माध्यम सूं पढाई करवा रै लिए पहचाण रा अक्षर, शब्द और वाक्य संरचना बताई गी है। हजारों विद्यार्थी इणनैं पढी और इणी सूं ही आपणी शिक्षा री शुरुआत करी। या पौथी लांबा समै सूं अनुपलब्ध ही, बीकानेर रै राजस्थानी रै विद्वान श्री किरणचंदजी नाहटा हाल ही माय इणरो पुनर्प्रकाशन करवाया है। या एक अपूर्व उपलब्धि है, खासकर बावजी चतुरसिंह रै भक्तों रै लिए। इण्में बावजी रो एक पद भी है : समै रो उलटो आज सुधारो, अणी में बधग्यौ म्हारो थारो। केवा रा उपदेश धरम सब, मन में मतलब न्यारौ। कैसो और करै सौ और ही वीर पणो वातां रो...।
पौथी ‘मायड भासा राजस्थानी’ रो विमोचन अर श्री गौराण रो सम्मान-गौतम अरोड़ा
 
मायड़ भासा राजस्थानी छात्र मोर्चे री और सूं संघ लोक सेवा आयोग रै अध्यक्ष श्री हवीब खा गौराण नैं ताम्र पत्र देयर सम्मान कियो गयो। छात्र मोर्चे रै प्रदेश महामंत्री गौतम अरोड़ा बतायो कै राजस्थानी भासा नैं सेट परीक्षा में पुनः शुरू करवाणे, राजस्थानी भासा रै स्कूल व्याख्याता रै 22 पदो री भर्ती निकाळणे अर प्रतियोगी परीक्षावां में 20% प्रश्न राजस्थान सूं संबधित अनिवार्य करवा जस्या एतिहासिक निर्णयों नैं लेवा में श्री गौराण री महत्वपूर्ण भूमिका री है अर वणारै राजस्थानी भासा रै प्रति असीम स्नेह नैं देखता थका मोर्चे रै प्रदेश अध्यक्ष अशोक गहलोत व संरक्षक सुखदेव राव रै नेतृत्व में मोर्चे रै प्रतिनिधी मंडल अजमेर में श्री गौराण रो आभार व्यक्त करता थका उणनैं ताम्र पत्र भेंट कर सम्मानित किया । मोर्चे इण एतिहासिक निर्णयों रै लिए राजस्थान रै मुख्यमंत्री अशोक गहलोत रो भी आभार व्यक्त कियो। साथै ही इस अवसर पर श्री गौरण हनुमानगढ़ रै साहित्यकार ओम पुरोहित कागद री पौथी मायड भासा राजस्थानी रो विमोचन भी कियो ।
राजस्थानी भाषा मान्यता रै लिए संगळा आगे आवै
जैसलमेर। राजस्थानी भाषा साहित्य और संस्कृति अकादमी अर थार साहित्य संस्था रै तत्वावधान में एक दिवसीय राजस्थानी समारोह रो आयोजन 5 अक्टूबर शनिवार नैं जगाणी पंचायत भवन में कियो गयो। मुख्य अतिथि यूआईटी अध्यक्ष उम्मेदसिंह तंवर कैयो कै राजस्थानी भाषा री मान्यता रै लिए संगळा वर्ग रै लोगों नैं जन जागरण करवा री आवश्यकता है।
देशनोक री तरह जोधपुर में भी उंदरा (चूहा) वाळी माताजी रो मंदिर
जोधपुर। बीकानेर रै देशनोक री तरह जोधपुर में भी उंदरा वाळी माताजी रो मंदिर है। संयोग सूं यो मंदिर भी करणी माता रो है। इणरी स्थापना पांच दशक सूं पेल्या रायपुर हाउस में व्ही ही। आज यो मेडिकल कॉलेज परिसर में है। अठै प्रतिदिन पूजा-अर्चना होवै है और कॉलेज में यो आस्था रो केंद्र है। नवरात्र में विशेष पूजा-अर्चना और अनुष्ठान होवै हैं। मेडिकल स्टूडेंट्स रै साथै शहर भर रै लोगों रै बीच यो आस्था रो केंद्र है। मंदिर में सफेद उंदरा री भी पूजा करी जावै है।
-साभार दैनिक भास्कर
योशिता जीत्यो स्वर्ण पदक
उदयपुर। सेंट मेरिज तीतरड़ी री छात्रा योशिता व्यास रायपुर (छत्तीसगढ़) में गत दिनों व्ही सीबीएसई वेस्ट जोन तैराकी प्रतियोगिता में 800 मीटर फ्री स्टाइल में स्वर्ण पदक जीत्यो। योशिता सोनीपत हरियाणा में आगामी 5 सूं 8 नवंबर नैं होवा वाळी सीबीएसई नेशनल प्रतियोगिता में राजस्थान रो प्रतिनिधित्व करेला।
वन्य जीव संरक्षण प्रतियोगिता में जसाराम प्रथम
बाड़मेर। वन्य जीव संरक्षण सप्ताह रै तहत पोस्टर एवं निबंध प्रतियोगिता रामनगर स्थित शारदा हॉस्टल में आयोजित व्ही। प्रतियोगिता में छात्र वन्य जीवों रै चित्रों नैं उकेरिया, इण प्रतियोगिता में 20 छात्र भाग लियो जिणमें जसाराम जाणी प्रथम, भोमाराम सियोल द्वितीय एवं हरीश जाखड़ तृतीय रिया। विजेता प्रतियोगियों नैं निदेशक जगदीश खोथ स्मृति चिन्ह देयर सम्मानित किया। इण मौके पे मुरारदान चारण, बाबूलाल जाणी, हनुमानराम खोथ मौजूद हा।
राज्य स्तरीय फुटबॉल प्रतियोगिता 30 सूं
बांसवाड़ा। राजस्थान आदिवासी संघ री मेजबानी में राज्य स्तरीय फुटबॉल प्रतियोगिता रो आयोजन 30 अक्टूबर सूं भीम कुंड धाम जिला बांसवाड़ा में कियो जावेगा। तीन दिवसीय प्रतियोगिता रै लिए दीपक मईड़ा नैं संयोजक बणायो गयो है। प्रतियोगिता कराणै रो निर्णय राजस्थान आदिवासी संघ री जयपुर में व्ही बैठक में लियो गयो है।
मलकाना की छात्राएं राज्य स्तर पर अव्वल
मलकाना खुर्द। सवाई माधोपुर में व्ही 58 वीं राज्य स्तरीय जूडो (14 वर्षीय) प्रतियोगिता में गांव रै राजकीय बालिका उच्च माध्यमिक विद्यालय री छात्रावां आच्छो प्रदर्शन कियो। छात्रा पूजा प्रथम तथा जशनदीप कौर दूजो, कविता ने तीजो स्थान प्राप्त कियो। छात्रावां री इण उपलब्धि पे विद्यालय प्रधानाचार्य व ग्रामीण विणनैं तथा शा.शि. सुनीता देवी नैं बधाई देता थका छात्रावां रै उज्ज्वल भविष्य री कामना करी।
काव्य कृति रो विमोचन सम्पन्न
श्रीगंगानगर। संस्कृत साहित्य रै मर्मज्ञ डॉ. सत्यव्रत वर्मा कैयो है कै काव्य कर्म प्रेम सूं होवै है, कवि प्रजापति सम है, कवि दृष्टा और सृष्टा दोई होवै हैं। कविता में अनुभूति होवै है तथा साहित्य स्वांत: सुखाय होवै है। वे 6 अक्टूबर रविवार नैं अठै बिहाणी फार्मेसी कॉलेज रै सेमिनार हॉल में सृजन सेवा संस्थान री ओर सूं आयोजित उदीयमान कवयित्री मीनाक्षी आहुजा री सद्य प्रकाशित काव्यकृति 'मैं अनजान नहीं’ रै विमोचन करवा रै बाद अध्यक्षीय उद्बोधन दे रिया हा। कवयित्री मीनाक्षी आहुजा कैयो कै संवेदनावां नैं कचोटवा पे कविता बणै है। परिवार एवं मित्रों रै सहयोग सूं उणनैं इण क्षेत्र में सफलता मिली है। वणा जो देख्यो, महसूस कियो, उणनैं कविता रै रूप में उतारवा रो प्रयास कियो है। सृजन सेवा संस्थान के अध्यक्ष डॉ. कृष्णकुमार आशु अतिथियों रो स्वागत कियो। शायर डॉ. अरुण शहैरिया 'ताइर’ कवयित्री रो परिचय दियो। संचालन सचिव डॉ. संदेश त्यागी कियो।
विमला भंडारी नैं मिल्यो बाल वाटिका पुरस्कार
सलूंबर। सलूंबर री साहित्यकार डॉ. विमला भंडारी नैं गत दिवस भीलवाड़ा में राष्ट्रीय बाल साहित्य संगोष्ठी रै दौरान बाल वाटिका पुरस्कार दियो गयो। नकद पुरस्कार रै साथ सम्मान-पत्र, शॉल व श्रीफल दियो गयो। यो पुरस्कार भंडारी रै किशोर उपन्यास ‘सितारों से आगे’ रै लिए दियो गयो।
सेट में पेहली बार वेगा राजस्थानी भाषा रो पेपर
जयपुर। आरपीएससी री ओर सूं होवा वाळी राज्य पात्रता परीक्षा (सेट) में पेहली बार राजस्थानी भाषा नैं शामिल कियो गयो है। आगामी परीक्षा में इण भाषा रो प्रश्न-पत्र भी वेगा। आरपीएससी अध्यक्ष हबीब खां बतायो कै यूजीसी इणरी अनुमति दे दी है।
शारदीय नवरात्र प्रारम्भ, घर-घर व्ही घटस्थापना
मंदिरां सहित घरां में चालेगा नौ दिवसीय पूजा-अर्चना रो दौर
जयपुर। आद्या शक्ति री आराधना रै महा पर्व शारदीय नवरात्रि 5 अक्टूबर शनिवार नैं शुरू व्ही। घट स्थापना रै साथै ही राज्य भर रै शक्ति स्थलों, देवी मंदिरों और देवरों में देवी पूजन रै नवान्ह अनुष्ठान री शुरूआत व्ही। नौरात्रि रै नौ ही दिन श्रद्धालु दिन भर माता री भक्ति में रम्या रेवेला अर सांझ रा पांडालों में गरबा री धूम मचेला। देवी प्रतिमावां रै भव्य श्रृंगार किया जावेला। आमेर रै शिलामाता मंदिर में परभातै 7.05 बजे घट स्थापना करी गई। पुजारी बनवारी लाल शर्मा बतायो कै नवरात्रा में प्रतिदिन परभाते 6 सूं दोपहर 12.30 और सांझ रा 4 सूं 8.30 बज्या तक पट खुला रेवेगा।
रूंखा री रूखाळी रो संदेश देवती गवरी रो गड़ावण-वळावण
गवरी रै समापन रै लिए गजारुढ गौरजा री मूर्ति बणाती कुम्हारण।
- श्रीकृष्ण 'जुगनू'
राखी रै दूजे दिन सूं आरंभ व्यो गवरी नाट्य रो इण दिनों समापन हो रियो है। धन्य है वे मेवाड़ी कलाकार जणा गवरी रै दिनां माय जद फसलां लहलहा री ही, ताजा (हरा) मक्का रो दाणो तक नीं चाख्यो। महिलावां तक वणारी सफलता रै लिए व्रतधारिणी री। गांव गांव इण नृत्य रा प्रदर्शन होया। चौराहा, तिराहा और चौपाल रंगमंच बण ग्या।
नाटक रै तीन रूप आपां रै अठै प्रचलित रिया हैं-
1. गेलू (पथीय या रास्ता में होवा वाळा),
2. घरेलू (घरों में होवा वाळा)
3. छपरेलू (मंच बणार किया जावा वाळा)।
इणमें सूं गवरी गेलू कोटि रो है। जठै वागड री सीमा मेवाड सूं लागै है, वठै सूं लेयर मारवाड और जठै मालवा री सीमा मिलै है, उण मेवाड तक इणरो मंचन होवै है। इणरौ समापन गौरजा या पार्वती देवी री गजारूढ प्रतिमा नैं जल में विसर्जन रै साथै होवै है। पार्वती री प्रतिमा जिण दिन बणाई जावै है, वो 'गडावण' यानी बणाणै रो दिन व्है और जिण दिन विसर्जन होवै है, वो 'वलावण' पर्व व्है। इणरै बाद मांदल खूंटी पै रख दी जावै है। कलाकारों रै लिए परिजन, रिश्तेदार पोशाका लावै, या पहिरावणी परंपरा है। समापन रै दिन रूंखा री रूखाळी रो संदेश देवा वाळो नाटक 'बडलिया हिंदवा' जरूर मंचित होवै है।
इणरै अलावा भींयावड नाटक होवै है। भीयावड दरअसल महिषासुर मर्दिनी रै आख्यान पे आधारित है। भीया सूं आशय महिष है, वठै हठिया है, हठ करने वाला औरा दाणव है अर्थात दानव है। देवी उणरो वध करै, और फैर नौरात्रि आ जावै है, देवी पुन: सृष्टि रै सुनियमन रै लिए कृषि री ओर उन्मुख होवै है। जवांकुर बोया जावै हैं। या नुवीं फसल री तैयारी रो संदेश देवै है। यो नाटक पूरी तरह कृषि और रूंखां रै साथै जुड़्यो थको है।
साइकिल चलार दिया पर्यावरण बचावा रो संदेश
उदयपुर। वन विभाग री ओर सूं 1 अक्टूबर परभाते साइक्लोथोन रै साथै वन्य जीव सप्ताह री शुरुआत करी गई। साइक्लोथोन में 500 सूं वत्ता प्रकृति प्रेमी और विद्यार्थी हिस्सो लियो। कलेक्टर आशुतोष पेडणेकर भी बच्चों और संभागियों रै साथै साइकिल चलार पर्यावरण बचावा रो संदेश दियो। पूर्व प्रधान मुख्य वन संरक्षक एस.के. वर्मा झंडी दिखार इण साइकिल क्वार्टर मैराथन नैं रवाना किदी।
राजस्थान रो इंजीनियर झारखंड में उगा रियो बेबी-कॉर्न
-अभिषेक चौबे
नीतिश सिंह हैं तो राजस्थान रो पण, कर्मभूमि चुणी झारखंड स्थित गुमला रो छोटो सो गांव हाफामुनी। घोर नक्सल प्रभावित क्षेत्र। मात्र 27 वर्षीय इण सॉफ्टवेयर इंजीनियर खेती जस्यो मेहनतकश काम चुण्यो और आज वंडा उगाया बेबी कॉर्न (छोटी मकई) री मांग प्रमुख भारतीय शहरों सूं लेयर अरब देशों तक है। वठैरा कैई फाइव और सेवन स्टार होटलों री अतरी मांग है कै पूरो करणो मुश्किल है। नक्सलियों सूं बेखौफ उणरी मेहनत रो प्रतिफल आज 40 सूं वत्ता लोगां नैं रोजगार रै रूप में मिल रियो है। वो भी सिर्फ दो साल में।
पत्नी रितू भी नीतिश रो भरपूर साथ दियो। जबकि, वा भी इंफॉर्मेशन टेक्नोलॉजी में एमएससी हैं। नीतिश भूमि लीज पे ले राखी है। इणरै अलावा पत्नी रितू री पैतृक भूमि रो भी वे उपयोग कर रिया हैं। वा उत्पादन रै साथै रखरखाव, पैकिंग और ट्रांसपोटेशन पे भी खासा ध्यान राखे हैं।
जड़ी-बूटी की भी पैदावार
नितीश बेबी कॉर्न रै अलावा चेरी, टमाटर, अजवाइन, लेमन ग्रास, स्टीविया वगैर शामिल हैं। इणरै अलावा हाथों-हाथ बिकवा वाळी कुछ जड़ी-बूटियां भी अणारै उत्पादन में भेळी हैं। मोट्यारां नैं संदेश देता नीतिश कैवे है कै सफलता यूं ही नीं मिलै। हर सफलता रै पाछे कड़ी मेहनत और पक्की धुन होवै है। जो सोच लियो, वो जरूर करै। नीं तो बाद में पछतावो ही होवै है।
लोक रंग में रंग्या परदेसी पामणा
उदयपुर। विश्व पर्यटन दिवस माथै 27 सितम्बर शुक्रवार नैं परदेसी पामणा रो पारंपरिक रूप सूं स्वागत कियो गयो। पर्यटन विभाग और पर्यटन सूं जुड़्या संगठनों री ओर सूं अणा पामणा री खास अगवाणी करी गई। अठै सहेलियों री बाड़ी, मोतीमगरी और जगदीश चौक क्षेत्र में लोक कलाकारों री रंगारंग प्रस्तुतियां असी जमी कै सैलाणी भी साथै थिरक उठ्या। कच्छी घोड़ी, केसरिया बालम पधारो म्हारे देश... री प्रस्तुतियों रै बीच एसोसिएशन रै पदाधिकारी पर्यटकों रो माल्यार्पण कर स्वागत किदो। होटलो, रेलवे स्टेशन और हवाई अड्डे पे भी मालावां पहराई गईं।
बाड़मेर रिफाइनरी री क्षमता बढ़ाई जावेला: मोइली
बाड़मेर। पचपदरा में हिंदुस्तान पेट्रोलियम कॉरपोरेशन लिमिटेड (एचपीसीएल) और राजस्थान सरकार रै सहयोग सूं लगणे वाळी रिफाइनरी री वार्षिक क्षमता 90 लाख टन सूं बढ़ार 5 करोड़ टन री जावेला। वठै तेल रै कुड़ा नैं चलाणे वाळी कंपनी केयर्न इंडिया रो उत्पादन बढ़ रियो है और इणरो पूरा उपयोग कियो जावेगा। या जाणकारी केंद्रीय पेट्रोलियम एवं प्राकृतिक गैस मंत्री वीरप्पा मोइली दी। केयर्न इंडिया द्वारा अठै आयोजित ग्लोबल एचएसई कांफ्रेंस रै दौरान मोइली बतायो कै राजस्थान में केयर्न एनर्जी रै तेल कुड़ा में क्रूड ऑयल रो उत्पादन लगातार बढ़ रियो है। इण समै वठै प्रति दिन 1.80 लाख बैरल क्रूड ऑयल रो उत्पादन हो रियो है जो आगले चरण में 2.15 लाख बैरल तक पौंच जावेगा। चालू वित्त वर्ष रै दौरान ही इन्नैं तीन लाख बैरल तक पहुंचावा री योजणा है। वठै ज्यूं-ज्यूं क्रूड ऑयल रो उत्पादन बढ़ेला, त्यूं-त्यूं राजस्थान रिफाइनरी री क्षमता बढ़ाई जावेला।
सादगी भरिया निष्ठावान राजनेता अब्दुल अल्हाज़ हादी
आधुनिक राजस्थान री रचना साकार करणै रै लिए रख्यो राजनीति में कदम
-चन्दन सिंह भाटी
बाड़मेर। बाड़मेर राजनीति रा केंद्र बिंदु रिया है अब्दुल हादी। बाड़मेर री राजनीति दशकों तक उणरै एैड़े नैड़े घुमती री। वणारै जावा रै बाद वणारी जग्या कोई नीं भर पायो।
चौहटन रै बुरहान का तला निवासी अल्हज अब्दुल हादी रो जन्म 5 मई 1926 नैं व्यो हो। आपणै संघर्ष सूं भरिया जीवन में वे सात बार विधायक चुण्या गया। वे एक प्रसिद्ध मार्शल जाति शम्मा ( सिंधी ) परिवार सूं हा। उणरो परिवार धार्मिक अनुयायी हो और पिता अलहाज़ मोहम्मद हसन आपणै समै रा एक महान मौलवी हा। वे सिंधी , उर्दू, फारसी और अरबी भाषा रा विद्वान कवि हा।
अब्दुल हादी नैं सिन्धी ,उर्दू ,हिंदी राजस्थानी और अंग्रेजी का अद्भुत ज्ञान हो। साथै ही हादी राज्य रै स्वतंत्रता सेनानी जयनारायण व्यास रा अनुयायी भी हा। हादी आधुनिक राजस्थान री रचना साकार करणै रै लिए राजनीति में कदम रख्यो। बुरहान का तला में वे किशोर अवस्था में ही सरपंच बण ग्या। उण दिनों किसानो पे लाग्या भूमि कर रै खिलाफ भी वणा जंग लड़ी अर किसानो नैं रहत दिलाई।
वे एक अनुशासित राजनीतिज्ञ हा साथै ही इमानदार और सादगी पसंद हा और तल्ख़ टिपणी करवा सूं चुकता नीं हा, लोग वण्ण्नैं सीमान्त गांधी रै रूप में जाणता हा। बहरहाल राजनीति में हादी मील रो पत्थर हा। उणरी स्वच्छ राजनीति एक मिशाल ही। छ नवम्बर दौ हज़ार दस नैं हादी साब अंतिम सांस ली।
परेश रावल री पत्नी बांसवाड़ा में सिखावेला जीवन कौशल रा गुर
बांसवाड़ा। आपणै जमाने रै लोकप्रिय टीवी धारावाहिक ‘ये जो है जिंदगी’ री मशहूर अदाकारा व अभिनेत्री स्वरूप संपत उर्फ रावल (फिल्म अभिनेता परेश रावल री पत्नी) बांसवाड़ा जिले में जनजाति ड्रापआउट बालिकावां नैं जीवन कौशल व सामाजिक जीवन रै लिए तैयार करेला। इणरै लिए स्वरूप रावल बांसवाड़ा जिले सूं चुण्या गया शिक्षक, शिक्षिकावां, केजीबीवी होस्टलों री वार्डन एवं सेवानिवृत्त शिक्षक री एक टीम नैं ड्रापआउट बालिकावां नैं प्रशिक्षण देवा रै लिए तैयार करेला। सर्वशिक्षा अभियान एवं वागधरा संस्थान द्वारा संयुक्त रूप सूं ड्रापआउट बालिकावां नैं जीवन कौशल व सामाजिक जीवन रै लिए तैयार करवा री दिशा में इण दिनों विशेष योजना चलाई जा री हैं।
पेहली फ्लाइट में 266 हजयात्री रवाना
जयपुर। प्रदेश सूं हज यात्रा रै लिए सांगानेर एयरपोर्ट सूं पेहली उड़ान में 266 हजयात्री रवाना हुए। इनमें जयपुर निवासी 3 माह रो बच्चो मोहम्मद उम्मेद और नागौर निवासी सबसे बुजुर्ग 82 वर्षीय अब्दुल्ला भी हैं। हजयात्रियों नैं विदा करता समै परिजनों री आंख्या सूं खुशी रा आंसू झलक आया। हजयात्रियों में सबसूं वत्ता जयपुर रै 118, जोधपुर रै 37, जैसलमेर रै 5, अजमेर रै 25, झालावाड़ रै 9, सीकर रै 6, बीकानेर रै 3, कोटा रै 14, झुंझुनूं रै 4, भरतपुर रै 4, सिरोही रै 1, पाली रै 18, अलवर रै 5, नागौर रै 9 व बाड़मेर रै 8 हजयात्री हैं। फ्लाइट में 139 पुरुष और 127 महिलाएं रवाना व्ही।
हरेक राजस्थानी सारू भोत जरूरी किताब।
मातृभाषा सारू जबरी समझ पैदा करणवाळी अर राजस्थान री सगळी भर्ती परीक्षावां सारू घणी उपयोगी।
ओम पुरोहित ‘कागद’ री महताऊ पोथी ‘मायड़ भाषा राजस्थानी’ बपरावण सारू संपर्क करो सा।
वितरक: कथेसर प्रकाशन, परलीका 9829176391, 7742814567
धाम रंग्यो केसरिया रंग में नाथ चाल्या जद नगर भ्रमण नैं
ऋषभदेव। भगवान केसरिया नाथ (आदिनाथ) री नगरी ऋषभदेव में 20 सितम्बर शुक्रवार नैं दिवाळी सो नजारो दिख्यो। सज्यो-धज्यो कस्बो और केसरिया वेशभूषा में लुगायां। २१ बंदूकां री सलामी अर अतरा ही ढोलां री ठमक। मौको हो रथयात्रा महोत्सव रो। दिगंबर समाज रै पर्युषण समाप्ति माथै निकाळी जावा वाळी इण यात्रा में राजस्थान सहित मध्यप्रदेश, गुजरात और खाड़ी देशों रै भगत भी भाग लियो।
जग्या बदल दी पण रूंखां नैं कटवा नीं दियो
राजसमंद। गौमती सूं उदयपुर तक फोरलेन रो निर्माण कार्य चाल रियो है। जद इण तरह रो काम व्है सैकड़ों रूंखां री बलि चढ़ जावै है। पण इण काम में मिराज ग्रूप नाथद्वारा रै अैड़े-नैड़े अस्यो व्हैवा सूं रोक लियो है। मिराज ग्रुप मशीनां री मदद सूं अस्या रूंखा नैं जड़ा समेत उखाडवा रै बाद दूजी जग्या लगवा दिया। ग्रुप रै सीएमडी मदनलाल पालीवाल इण काम रै लिए ट्रांसप्लांट एक्सपर्ट और वैज्ञानिकों री मदद लीदी। पालीवाल बतायो कै मिराज ग्रुप ही नाथद्वारा सूं एकलिंगजी तक पौधरोपण करवायो हो।
ओखा सूं रवाना होयर नाथद्वारा पौंची रेल
नाथद्वारा। नाथद्वारा सूं ओखा तक साप्ताहिक रेल रो संचालन 24 सितम्बर मंगलवार सूं शुरू व्यो। इण रेल रो मारग चित्तौड़, नीमच, रतलाम, बड़ोदरा, अहमदाबाद रेवेला। रेल संख्या 09575 ओखा- नाथद्वारा रेल 24 सितंबर नैं सांझ 4.30 बज्या ओखा सूं चालर 25 नैं सांझ 5.20 बज्या नाथद्वारा पौंची। वापसी में रेल संख्या (09576) नाथद्वारा- ओखा रेल 26 सितंबर नैं परभाते 8.30 बज्या नाथद्वारा सूं चालर 27 सितंबर नैं परभाते 7.30 ओखा पौंची।
राज्य री सबसूं मोटी अफोर्डेबल हाउसिंग स्कीम रो लोकार्पण
कोटा। राज्य सरकार री आर्थिक दृष्टि सूं कमजोर वर्ग रै लिए खुद रा घर दिलावा री योजना रै अंतर्गत यूआईटी, कोटा नवभारत निर्माण कंपनी और विनम्र एंटरप्राइजेज द्वारा अफोर्डेबल हाउसिंग योजना रै अनुसार सहभागिता आवासीय योजना रै 1728 मकानों रो मुख्यमंत्री अशोक गहलोत 23 सितम्बर सोमवार नैं प्रेमनगर में लोकार्पण कियो। नवभारत निर्माण कंपनी रै निदेशक इंजीनियर अजय बाकलीवाल और विनम्र एंटरप्राइजेज रै निदेशक आरके वर्मा गहलोत नैं पागड़ी-शॉल ओढ़ार व स्मृति चिन्ह देयर अभिनंदन कियो।
टाउनहॉल में दस दिवसीय दशहरा-दीवाळी मेळो 25 अक्टूबर सूं
उदयपुर। नगर निगम दशहरा-दीवाळी मेळे री तैयारी शुरू कर दी है। इण बार दस दिवसीय मेळा रो आगाज 25 अक्टूबर नैं वेगा। मेळा री तैयारी रे लिए सांस्कृतिक समिति री पैहली बैठक व्ही। हेमलता शर्मा री उपस्थिति में व्ही बैठक में मेळा री आरंभिक तैयारियों नैं लेयर चर्चा करी गई। मेळा सूं जुड़्या अनुभवां नैं देखता थका सांस्कृतिक समिति रै पूर्व अध्यक्ष धनपाल स्वामी नैं बैठक में विशेष आमंत्रित सदस्य रै रूप में बुलाया। बैठक में राजस्व निरीक्षक नीतिश भटनागर व तरंग यादव सदस्यों नैं आय व्यय सूं जुड़ी जानकारी दी। बैठक में यो भी निर्णय लियो गयो कै मेळा में पार्किंग इण बार भी निशुल्क राखी जावेगी।
तृतीय श्रेणी शिक्षक भर्ती परीक्षा 11 नैं
जयपुर। तृतीय श्रेणी शिक्षकों री सीधी भर्ती रै लिए परीक्षा 11 अक्टूबर नैं वेगी। पंचायती राज विभाग रै तहत जिला परिषदों रै माध्यम सूं होवा वाळी इण परीक्षा रै लिए 20,000 शिक्षक पदों रै लिए 5.36 लाख सूं वत्ता आवेदन मिल्या हैं।
नीमच लोकल रेल में तीन कोच बढ़ेला
उदयपुर। नीमच सूं उदयपुर सिटी रै बीच चालणे वाळी लोकल रेल रा 3 कोच बढ़ावा रो आदेश रेल प्रबंधन दियो हैं। इणमें जनरल रा तीन कोच शीघ्र बढ़ाया जावेला। रेलवे रै क्षेत्रीय प्रबंधक हरफूल सिंह चौधरी बतायो कै नीमच सूं चालर दोपैरा 11 बज्या उदयपुर आवा तथा तीजापैरा 3 बज्या पाछी नीमच रै लिए प्रस्थान करवा वाळी लोकल रेल में कोच बढ़ावा री मांग करी जा री है। वर्तमान में इण रेल में सात कोच चाले हैं जणानैं बढ़ार शीघ्र ही 10 कर दिया जावेला।
बाड़मेर रै सांग सिंह लुणु रै कन्नै हें सुलेमानी शाही तलवार
-चन्दन सिंह भाटी
बाड़मेर। भारत रै इतिहास में तलवारों रो बड़ो महत्त्व रियो हैं। आज तलवार राखणो शौक और स्टेट्स सिम्बल बण गयो हैं। बाड़मेर जिले रै लुणु गाँव में एक ऐतिहासिक तलवार लुणु रै जागीरदार ठाकुर सांग सिंह राठौड़ पुत्र जालम सिंह रै घर इतिहास री गवाह बण री हैं। या तलवार आम नीं हैं। नीलामी में इणरी कीमत चार करोड़ डोलर लगाई जा चुकी हैं।
इण तलवार रै बारे में सांग सिंह लुणु बतायो कै ये तलवार विशेष है, लम्बे समै तक या शाही तलवार फकिराबाद, हल हैदराबाद सिंध रै दरबार में री, इण दरबार में सिंध प्रान्त निवासी सिद्दीक पुत्र दीन मोहम्मद रै वंशजो नैं मुगल भेंट करी ही। इण परिवार रो सदस्य पांधी खान जद भारत आयो तो लुणु गाँव रै जागीरदार नैं शाही तलवार नज़राने में दी ही। करीब नब्बे सेंटीमीटर लम्बी इण तलवार री मूठ सोने री हैं इण तलवार पे सोने री कलम सूं उर्दू में इशरत अली इब्ने मेरे मोहम्मद फकिराबाद, हैदराबाद लिख्यो हैं। वणा यो भी बतायो कै करीब पांच सौ साल पुराणी हैं या तलवार। शमशीर ऐ सुलेमानी मीरपुर तालपुर री इण तलवार सूं शाही युद्धों में बेरिया रा माथा कलम किया है। इन्नैं नाथल तलवार कैवे है। जिण तलवार सूं बेरियां रा सर काट्या गया व्है विणरी विशेषता बढ़ जावैं है। इस तरह री तलवारा आज कठै भी नीं हैं। हैदराबाद सिंध रै शाही शस्त्रागार री इण तलवार री चमक देखता ही बणै हैं।
१९ साल रै भाई नैं रोज गोद में कॉलेज पहुंचावैं है बैण
-लोकेश डिंगोरिया नागदा। गोद में छोटो भाई चंदन है। उम्र १९ साल दोई पगा सूं नि:शक्त। शहर सूं चार किमी दूर सरकारी कॉलेज और कोचिंग छोडवा री रोज री जिम्मेदारी बैण प्रभा री है। चंदन नैं बचपन में एक गंभीर बीमारी व्ही। घणो इलाज करायो पण वो चाल-फिर नीं सक्यो। पिता रामसिंह राठौड़ ग्रेसिम में श्रमिक हैं। कमाई रो एकमात्र जरियो। बैना ठाण्यो कै वे भाई नैं कमजोर नीं पडवा देगी। छह बैन सुलोचना, अवंता, जशोदा, माया, प्रभा और भूमिका बारी-बारी सूं आपणै इकलौते भाई रो साथ निभायो। अवंता, जशोदा और माया आपणै भाई नैं इलाज रै लिए रोज उज्जैन रै अस्पताल ले जावै फैर स्कूल। वणारो ब्याव हो ग्यो और वे दूजे शहर चली गी। फैर प्रभा या जिम्मेदारी निभावा लागी। पाछले साल वंडो भी ब्याव हो ग्यो। पति गुजरात में नौकरी करै है, इणलिए वा नागदा में ही रुक गी। ताकि भाई री मदद कर सके। जद वा भी चली जावेगी तो या जिम्मेदारी छोटी बैण भूमिका निभावेगी। चंदन बी.कॉम. प्रथम सेमस्टर रो छात्र है। बेणा विन्नै सीए बणाणो चावै हैं, इणलिए वणा कदी भी पैसों रो भार पिता पे नीं डाल्यो। पण गृहिणी मां नैं मलाल है कै इण त्याग में उणरी बेटियां १२वीं सूं वत्ती नीं पढ़ पाईं।
प्रो. जहूर खां मेहर नैं पूनम चंद बिश्नोई राजस्थानी समग्र पुरस्कार
बीकानेर। राजस्थानी भाषा, साहित्य एवं संस्कृति अकादमी, बीकानेर द्वारा पूनमचंद बिश्नोई राजस्थानी समग्र पुरस्कार रै लिए इण बार जोधपुर में जन्मिया प्रो. जहूर खां मेहर रो चयन कियो गयो है। पुरस्कार री राशि एक लाख रु. है।
मेट्रो सिटी जयपुर रो पेहलो संचालन महिला ड्राइवर रै हाथों:
जयपुर । जयपुर मेट्रो रै ट्रायल री औपचारिक शुरुआत 18 सितम्बर बुधवार नै व्ही। मानसरोवर स्टेशन पे सुबह १०:२५ बज्या मुख्यमंत्री अशोक गहलोत हरी झंडी दिखाई। मेट्रो मानसरोवर सूं श्याम नगर आउटर तक रो चार किमी रो सफर पूरा कियो। स्पीड ही ६० किमी प्रति घंटा अर ड्राइवर ही बीकानेर निवासी योगिता तिवारी। अबार दो ढाई महीना तक ट्रायल चालेगा और आमजन रै लिए या दिसंबर सूं संचालित वेगी। पेहला चरण में १० ट्रेना चालीगी। समय वेगा परभाते ५ सूं रातै ११ बज्या तक। मानसरोवर सूं चांदपोल तक १८ मिनट में पौंचेगी। हर स्टेशन पे २५ सूं ३० सैकंड रुकेला।
विद्यापीठ रै जनभारती केंद्र बणेगा आइडियल सेंटर: प्रो. गर्ग शॉर्ट टर्म, लघु उद्योग, बालिका स्वास्थ्य कोर्स वेगा शुरू
उदयपुर। जनार्दन राय नागर राजस्थान विद्यापीठ विश्वविद्यालय रै दस सामुदायिक केंद्र प्रदेश में शिक्षा, स्वास्थ्य, लघु उद्योग, बालिका शिक्षा तथा रोजगारोन्मुखी शिक्षा रै आइडियल केंद्र बणेगा। विश्वविद्यालय रै कुलाधिपति प्रो. भवानी शंकर गर्ग 20 सितम्बर शुक्रवार नैं प्रताप नगर स्थित प्रशासनिक भवन में जन शिक्षण विस्तार निदेशालय रै अंतर्गत संचालित विभाग तथा आदिवासी बाहुल्य क्षेत्रों में संचालित 10 जन भारती केन्द्रों रै अधिकारी तथा कर्मचारियों री बैठक में या बात कही।
शॉर्ट टर्म व लघु उद्योग कोर्स रो संचालन :
कुलपति प्रो. एस.एस. सारंगदेवोत कैयो कै इण केंद्रों पे शॉर्ट टर्म कोर्सेस रै अन्तर्गत प्रजनन, स्वास्थ्य, शिशु स्वास्थ्य, जननी स्वास्थ्य, संक्रमण सूं बचाव, प्राथमिक उपचार पे आधारित कोर्स संचालित किया जावेला। इस दिशा में केंद्रों पे लघु उद्योग रै तहत चॉक, मोमबत्ती, चूल्हा निर्माण, कागज व कपड़े री थैलियां बणाणा, घरेलू उपकरणों री मरम्मत तथा ब्यूटी पार्लर कोर्स, सिलाई आदि रो प्रशिक्षण दियो जावेगा। बैठक में रजिस्ट्रार डॉ. प्रकाश शर्मा, डॉ. लक्ष्मी नारायण नंदवाना, महिला अध्ययन विभाग री निदेशक डॉ. मंजु मांडोत, कम्युनिटी सेंटर रै निदेशक हरीश गंधर्व, ग्रामीण प्रौद्योगिकी विभाग रै प्रो. वी.पी. शर्मा, एम.एस.डब्लू रै डॉ. सुनील चौधरी आदि मौजूद हा।
घाट- घाट माथै श्रद्धा री हिलोरां जलझूलनी एकादशी: ठाकुरजी रै स्नान मनोरथ में उमड़्या हजारों श्रद्धालु
 
जलझूलनी एकादशी री दोपैर कैड़े राज्य भर रा मंदिरों सूं सजी-धजी राम रेवाडिय़ां निकळी। ढोल-ढमके, झालर-डंके, थाली-मांदल री गूंज उठवा लागी। रैह-रैहर जयकारा लाग रिया हा। सेवक बेवाण नैं कांधा पे उठावा सूं पेल्या ठाकुर जी नै हिंडोलणा दिया। राम रेवाडिय़ों रो रुख घाट-ताळाव री ओर हो। संझ्या 5 बज्या सूं घाट पे श्रद्धा री हिलोरें उठवा लागी। घाट पे कदी 'हाथी घोड़ा पालकी, जय कन्हैया लाल की...' जयकारा गूंज रिया हा तो कदी 'ओम जय जगदीश हरे...' आरती। आरती रै बाद जल रा छींटा लेवा नैं हर कोई लालायित दिख्यो। मंत्रों री गूंज, घंटियों री आवाज और शंख ध्वनियां श्रद्धा भाव जागृत कर री ही। गाजे-बाजे और लवाजमे रै साथै घाट माथै पौंच्या ठाकुरजी नैं भगतां जल में झुलाया।
घूमर पे झूमी महिलावां विदेशी भी रम्या
उदयपुर रै गणगौर घाट पे राम रेवाडिय़ां पहुंचवा पे बैंड-बाजे और ढोल री गूंज उठी तो महिलावां घूमर नृत्य कियो। विदेशी पर्यटक भी पूजा-अनुष्ठान, बेवाण रै फोटो कैमरे में कैद किया, वठै ही कुछ पर्यटक झूमता भी नजर आया।
तेजा दशमी पै व्ही तेजाजी महाराज री महाआरती
तेजा दशमी रै मौके पे 14 सितम्बर शनिवार नैं वीर तेजाजी महाराज रो जन्मोत्सव कार्यक्रम मनायो गयो। राज्य भर रा लगाबगा संगळी तेजाजी प्रतिमावां रो आकर्षक शृंगार कर आरती करी गई। दिनभर मंदिरा माय दर्शनार्थियों री आवाजाही लागी री। उदयपुर रै तेजाजी सेवा समिति रै चंद्रप्रकाश खोखावत बताया कै आयोजन नै लेयर स्थानक व आसपास में विद्युत सजावट करी गई। भजन कीर्तन रै दौर रै कैड़े महिलावां तेजाजी बावजी रा गीत गाया अर रात 12.15 बजे महाआरती रै साथै जन्मोत्सव कार्यक्रम रो समापन हुयो।
श्राद्ध: पितृदैव रै प्रति श्रृद्धा रो पखवाड़ो
पितरों, पूर्वजों नैं याद करता थका उणरै लिए धूप, दीप और नैवेद्य करवा रो समै श्राद्ध पक्ष भाद्र शुक्ल पूर्णिमा नैं 19 सितम्बर गुरुवार नैं शुरू व्है ग्यो। कागला रै लिए कागवाळ अर कुत्ता व गायां रै लिए बलियां (भोजन) निकाळी गी। सर्व पितृ अमावस्या रै साथै चार अक्टूबर नैं श्राद्ध पक्ष संपूर्ण वेगा। मान्यता है कि श्राद्ध करवा सूं पूर्वजा रो आशीर्वाद मिलै है, घर में धन, धान्य, यश, वैभव, री वृद्धि होवै है।
12वीं पूरक परीक्षा में छोरियां मारी बाजी
अजमेर। राजस्थान माध्यमिक शिक्षा बोर्ड द्वारा 19 सितम्बर गुरुवार नैं घोषित किया गया सीनियर सेकंडरी पूरक परीक्षा रै परिणाम में छोरियां बाजी मार ली है। पूरक परीक्षा रो कुल परिणाम 69.67 प्रतिशत रियो है। सीनियर सेकंडरी पूरक परीक्षा रै लिए कुल 41 हजार 51 विद्यार्थी प्रविष्ट होया। इणमें 26 हजार 524 छोरा और 14 हजार 527 छोरियां ही। इण परीक्षा में कुल 28 हजार 601 विद्यार्थी उत्तीर्ण घोषित किया गया। इणमें प्रथम श्रेणी में 3 हजार 984, द्वितीय श्रेणी में 21 हजार 787 विद्यार्थी और तृतीय श्रेणी में 2 हजार 830 विद्यार्थी उत्तीर्ण घोषित किए गए।
राजस्थान रै बजरंग भारतीय रोइंग टीम में
जयपुर। राजस्थान रै बजरंग लाल ताखर नैं भारतीय रोइंग टीम में शामिल किया गया है। २२ सूं २९ सितंबर तक चीन में होवा वाळी १५वीं सीनियर एशियन रोइंग चैंपियनशिप रै लिए २२ सदस्यीय भारतीय टीम री 19 सितम्बर गुरुवार नैं घोषणा करी गई।
परीक्षित सिंह जीत्यो स्वर्ण
जयपुर। नेशनल राइफल एसोसिएशन ऑफ इंडिया री ओर सूं शूटिंग चैम्पियनशिप अंडर-21 में उदयपुर रै परीक्षित सिंह राणावत ट्रेप शूटिंग में स्वर्ण पदक जीत्यो। नई दिल्ली में व्ही प्रतियोगिता में राणावत राजस्थान सूं खेलता थका 30 अंक हासिल किए हैं। अबै वे मालवंकर व सीनियर नेशनल चैम्पियनशिप री तैयारी कर रिया हैं। अंडर-21 में सफलता हासिल कर वणा इण दोई प्रतियोगिता रै लिए क्वालिफाई कियो। उणरै पिता अभिमन्युसिंह राणावत बताया कै उदयपुर शहर में प्रशिक्षण री व्यवस्था नीं होणे रै कारण बेटा नैं जयपुर व जोधपुर री शूटिंग एकेडमी में प्रशिक्षण दिला रिया हैं।
राज्य स्तरीय शतरंज प्रतियोगिता 27 सूं
उदयपुर। ऑल राजपूताना शतरंज संघ रै तत्वावधान में राज्य स्तरीय सीनियर ओपन शतरंज प्रतियोगिता 27 सितंबर नैं मीरा स्पोट्र्स एकेडमी परिसर में आयोजित की जावेला। प्रतियोगिता नैं लेयर व्ही बैठक में विभिन्न कमेटियों रो गठन कियो गयो। प्रतियोगिता में सीनियर वर्ग रै साथै अंडर -7, 9, 11, 13, 15, 17, 19 वर्ग में राज्य भर रै खिलाड़ी भाग लेवेगा। प्रतियोगिता में प्रथम 4 स्थान पे रहणे वाळे खिलाड़ी भोपाल, मध्यप्रदेश में होवा वाळी 51वीं राष्ट्रीय चैलेंजर प्रतियोगिता में राज्य रो प्रतिनिधित्व करेला।
राजस्थानी भाषा मान्यता रै लिए मोट्यारां भरी हुंकार
जोधपुर। मायड़ भाषा राजस्थानी छात्र मोर्चा, राजस्थान रै आह्वान माथै प्रदेश भर सूं कैई भाषा सर्मथक अर छात्र राजस्थानी भाषा री मान्यता, स्कूलां माय खाली पड़्या राजस्थानी व्याख्यातावां रै पदां नैं भरवा रै लिए और राजस्थानी विश्वविद्यालय री स्थापना री मांग रै साथै ही दूजी 14 सूत्रीय मांगा नैं लेयर एक महा रैली रो आयोजन कियो गयो।
मोर्चा रै प्रदेश मंत्री सर्वेश चारण बतायो कै इण रैली माय मेड़ता, नागौर, भोपालगढ़, मथानिया, बालोतरा, बाड़मेर, हनुमानगढ़, सूरतगढ़, नोहर अर बीकानेर सहित कैई जिले सूं छात्र मोर्चा रै कार्यकर्ता अर लोग भेळा व्या।
रैली रै बाद व्ही सभा में छात्र संध अध्यक्ष महेंद्र जाखड, पूर्व अध्यक्ष गजेन्द्र सिंह राठौड़, हनुमानगढ़ रै विनोद स्वामी, दुलीचंद भोभारिया, सूरतगढ़ रै मनोज स्वामी, जागो पार्टी रै मोती सिंह राठौर, एस.ऍफ़.आई रै किसन खुरीवाल, मथानिया रै कमल किशोर डागा, मेड़ता रै राम रतन लटियाल, समाजवादी पार्टी रै संतोष राय, कला संकाय उपा सूरज पाल सिंह, राजस्थान संघर्ष समिति रै पुखराज जैन आदि लोगां ने संबोधित करता आपांरा विचार व्यक्त किदा।
माटी रै खातिर मिट ग्या थार रै लाल: गडरा में शहीद मेळौ, शहीदा नैं दी श्रद्धांजलि
बाड़मेर। देश रै खातिर आपणो संगळो न्यौछावर करवा वाळे 17 रेलवे कर्मचारियों री याद में गडरारोड स्थित शहीद स्मारक पे शहीद मेळा रेा आयोजन कियो गयो । हर वर्ष गडरारोड स्थित शहीद स्मारक पे नौ सितंबर नैं शहीद मेळा रो आयोजन कियो जावै । रेलवे री ओर सूं आयोजित इण मेळा में सैकड़ों देशवासी भैळा व्या और शहीदां नै श्रद्धांजलि दी। अठै उल्लेखजोग है कै यो शहीद मेळो उण 17 बहादुर रेल कर्मचारियों री याद में लगायो जावै है जणा सितंबर 1965 में भारत-पाक युद्ध रै समै आपणौ कर्तव्य निभाता थकां मातृभूमि री सेवा में आपणा प्राण न्योछावर कर दिया।
दो अक्टूबर सूं डायलिसिस फ्री राज्य कैबिनेट रो फैसलो: थैलीसीमिया रै रोगियों नैं ७ लाख रु. तक री मदद
जयपुर। राज्य में अबै हरैक गुर्दा रोगी रै लिए डायलिसिस फ्री वेगा। या सुविधा गांधी जयंती पे 2 अक्टूबर सूं शुरू कर दी जावेला। राज्य मंत्रिमंडल री बैठक में थैलीसीमिया रोगियों नैं 7 लाख रुपए तक री मदद दिया जावा रो भी फैसला कियो गयो है।
हर माह बचेगा 8 हजार रुप्या : डायलिसिस फ्री किया जावा सूं प्रत्येक मरीज पे कम सूं कम 7 सूं 8 हजार रुप्या हर माह रो भार कम वेगा। एसएमएस अस्पताल में 12 मशीना हैं, जठै हर दिन 15 सूं 20 डायलिसिस व्है है। औसत 1000 सूं 1200 रुप्या रो खर्च आवै है।
साभार- दैनिक भास्कर
राजस्थान रो ताज मोहम्मद रंगरेज
राजस्थान रै ताज पेहरियो 'कौन बनेगा करोड़पति सीजन-7’ रै पेहला करोड़पति रो ताज
कानोड़/फतहनगर। 'कौन बनेगा करोड़पति' रै सीजन-7 में एक करोड़ रुपए जीत’र 8 सितम्बर रविवार सांझ रा आपणै घर कानोड़ और वठै सूं फतहनगर लौट्या व्याख्याता ताज मोहम्मद रंगरेज रो जोरदार स्वागत कियो गयो। अठै उल्लेखजोग है कै ताज मोहम्मद रंगरेज इण सीजन रा ही नीं अबार तक रै कौन बनेगा करोड़पति रा पेहला आदमी है, जो एक करोड़ रुप्या जीतवा रै साथै ही आपणी दो लाईफ लाइनां भी जीवती छोड़ ग्यो। राउमावि फतहनगर में इतिहास रै व्याख्याता ताज मोहम्मद पत्नी व बेटी रै साथै फतहनगर में किराए घर लेयर रैवे हैं। बाकी परिवार कानोड़ में है। सोनी टीवी पे इण एपिसोड रो प्रसारण 14, 15 सितंबर नै व्यो।
राजस्थान रै रजत व अपूर्वी करेला भारत रो प्रतिनिधित्व : रजत वल्र्ड चैंपियनशिप री तीरंदाजी टीम में, शूटर अपूर्वी नैं एशियन निशानेबाजी टीम में जग्या
 
जयपुर। राजस्थान रै दो मोट्यार खिलाडिय़ों नैं भारत रो प्रतिनिधित्व करवा रो मौको मिलेगा। रजत चौहान नैं भारतीय तीरंदाजी टीम में जग्या मिली है अर अपूर्वी चंदेला नैं निशानेबाजी टीम में भैळा व्हैवा रो सौभग्या मिल्यो है। सीनियर वल्र्ड चैंपियनशिप व एशियन चैंपियनशिप रै लिए औरंगाबाद में व्ही चयन ट्रायल में जयपुर रै रजत 23 अंकों रै साथै तीजे स्थान माथै रिया। दिल्ली रै अभिषेक वर्मा व हरियाणा रै संदीप कुमार नैं भी टीम में लिया गया है। रजत नैं हाल ही जूनियर वल्र्ड चैंपियनशिप रै लिए भी टीम में शामिल कियो गयो हो। दूजी ओर महिला निशानेबाज अपूर्वी चंदेला नैं तेहरान में होवा वाळी एशियन चैंपियनशिप रै लिए टीम में जग्या मिली है। 10 मीटर एयर राइफल रै क्वालिफाइंग टूर्नामेंट में वे पैहला स्थान पे री।
गणेशचौथ माथै री गणेशोत्सव री धूम
 
उदयपुर।विघ्न हरण मंगल करण लम्बोधर गजराज भगवान गणेश रै जन्मोत्सव पै 9 सितम्बर सोमवार नैं गणेश मय माहौल रियो। कांई मंदिर और कांई घर, सब जग्या गणेश उत्सव री धूम मची री। शहर रा बोहरा गणेश जी सहित संगळा गणेश मंदिरा में विशेष पूजन व्या। भक्ता रो कैणो है कै गणेश चतुर्थी सूं अनंत चतुर्दशी तक मंदिरों अर गळी-मोहल्ला में गणेशोत्सव री धूम रेवेला।
सप्त ऋषियां री पूजा कर 'सामा' सूं खोल्या व्रत
भादवा री ऊजाळी पांचम पे 10 सितम्बर मंगलवार नैं ऋषि पंचमी पर्व मनायो गयो। अण दिन व्रतधारी ब्रह्म मुहूर्त में उठ’र स्नान और पूजा अर्चना करी। प्राचीन परंपरा रै इण पर्व नैं लेयर राज्य भर माय घरा अर मंदिरा में सुबह सूं दोपहर तक पूजा-अर्चना रो माहौल रिया। परंपरा रै अनुसार व्रतधारी महिलावां भोजन में 'सामा' (विशेष प्रकार री घास रा बीज) रो उपयोग कियो। मान्यता है के इण दिन हळ सूं हांक’र बोया अनाज रो उपयोग वर्जित मान्यो जावै। व्रतधारी महिलावां लीली घास सूं सात ऋषियां रै प्रारूप बणार मौळी, कंकु, धूप-दीप, नैवेद्य आदि अर्पण कर पूजा करी अर एकत्रित होयर सप्त ऋषियों री कथा श्रवण करी। उल्लेखजोग है कै ऋषि पंचमी पाप मुक्ति रो पर्व मान्यो जावै है, जिणमें ऋषियों री पूजा कर पवित्रता री कामना करी जावै है।
बाबा रामदेव रा मेळा माय श्रद्धा रो सेलाब
रामदेवरा/जोधपुर। बाबा रामदेव री समाधि पे मंगला आरती एवं स्वर्ण मुकुट प्रतिष्ठापना रै साथै 629वां अंतरप्रांतीय बाबा रामदेव मेळो 7सितम्बर शनिवार सूं शुरू व्यो। बाबा रातदेव जयंती 14 सितम्बर शनिवार तक इण मेळा माय लाखों श्रद्धालु आपणै आराध्य ररा दर्शण किया।
यो कांई कीदो राम विषय माथै राजस्थानी जाजम ज्ञानगोठ
उदयपुर।साहित्यक संस्था युगधारा री ओर सूं ‘यो कांई कीदो राम’ विषय पे राजस्थानी जाजम ज्ञान गोठ 8 सितम्बर नैं सम्पन्न व्ही। इणमें भंवरलाल नागदा ‘भ्रष्टाचार सूं भर्या महकमा...,’ सुरेश बतरा दर्दी ‘आपणा मन ने किणंतर जांचू...,’ भवानी शंकर भाव ‘मारकाट मचरी भारत में....’ आदि सुणार खूब दाद पाई। प्रवीण भावसार, लालदास पर्जन्य आदि भी काव्यपाठ कियो। मुख्य अतिथि प्रकाश तातेड़ हा तथा विशिष्ट अतिथि मनमोहन मधुकर रिया।
बाल साहित्य पुरस्कार 2013
सलूम्बर। स्वतंत्रता सैनानी औंकारलाल शास्त्री स्मृति पुरस्कार रै लिए बाल साहित्य री 4 पौथियां अर एक बाल पत्रिका नैं चुण्यो गयो है। बाल काव्य, काल कथा, बाल नाटक, बाल उपन्यास रै लेखकों एवं बाल पत्रिका रै संपादक नैं बाल साहित्य में दिया गया उणरै संगळा योगदान वास्तै चुण्या गया है।
सलिला संस्था री अध्यक्ष डॉ. विमला भंडारी री अध्यक्षता में निर्णायक मंडल एवं चयनित सदस्यों री बैठक में 5 पुरस्कार अर 2 सम्मान हेतु अनुमोदन कियो गयो। पुरस्कारों री घोषणानुसार बाल काव्य में उ.प्र. बिजनौर रै डॉ. अजय जनमेजय नैं उणरी पौथी ‘‘निंदिया सबसे प्यारी तू’’ रै लिए, बाल कहानी हेतु उ.प्र. शाहजहांपुर रै डॉ. देशबन्धु शाहजहांपुरी नैं उणरी पौथी ‘उपहार’ रै लिए , बाल नाटक हेतु हरियाणा गुड़गांव रै घमण्डीलाल अग्रवाल नैं उणरी पौथी ‘दादाजी ने पेड़ लगाया’ रै लिए, बाल उपन्यास हेतु जोधपुर री सुषमा चैहान ‘किरण’ नैं उणरी पौथी ‘जब मम्मी ने सर्कस देखा’ रै लिए अर बाल पत्रिका हेतु उ.प्र. अलीगढ़ सूं प्रकाशित होवा वाळी बालपत्रिका नैं चुण्यो गयो। इणरै तहत 2500 रूप्या री नकद राशि पुरस्कार रै साथै सम्मान पत्र, शॉल व स्मृति चिन्ह हरैक नैं भेंट किया जावेगा।
सलम विशेष साहित्यकार सम्मान रै लिए दो रो चयन
हर वर्ष दिया जावा वाळा सलम विशेष साहित्यकार सम्मान हेतु इण वर्ष राजस्थान श्रीगंगानगर रै स्वतंत्र पत्रकार एवं साहित्यकार डॉ. कृष्ण कुमार ‘आशु’ नैं एवं भीलवाड़ा मासिक पत्रिका शब्द सामयिकी रै संपादक श्याम सुन्दर ‘सुमन’ नैं सम्मानित किया जावेगा। सम्मान स्वरूप 1100 रूप्या री नकद राशि, सम्मानपत्र, स्मृति चिन्ह व शॉल ओढ़ार सम्मानित किया जावेगा। पुरस्कृत व सम्मानित होवा वाळे लेखको नैं यो सम्मान 28-29 सितम्बर नैं सलिला संस्था द्वारा आयोजित राष्ट्रीय बाल साहित्यकार सम्मेलन में मुख्य अतिथि रघुवीर मीणा सांसद, उदयपुर एवं श्री वेद व्यास अध्यक्ष, राजस्थान साहित्य अकादमी रै हाथों सूं प्रदान कियो जावेगा।
सात विभूतियां नै राजस्थान रत्न अलंकरण :जवाहर कला केंद्र में व्या आयोजन में राज्यपाल किया अलंकृत
राज्य री ख्यातनाम 7 विभूतिया नैं राजस्थान रत्न सूं नवाज्या गया। यो अलंकरण जवाहर कला केंद्र रै रंगायन में राज्यपाल मारग्रेट अल्वा प्रदान कियो। समारोह में मुख्यमंत्री अशोक गहलोत समेत राज्य मंत्रिमंडल रै कैई सदस्य मौजूद हा। संगळी विभूतियों नैं राज्यपाल प्रशस्ति पत्र और एक लाख रुप्या रो चेक भेंट कियो। मुख्यमंत्री पुष्पगुच्छ और स्वर्ण पदक देयर सम्मानित किया। पर्यटन अर कला-संस्कृति मंत्री बीना काक शॉल ओढ़ार विभूषित किया।
अणानैं मिल्यो राजस्थान रत्न : समाज सेवा रै लिए डी.आर. मेहता तथा रेडियो-दूरदर्शन रै महान कॉमेंट्रेटर जसदेव सिंह नैं राजस्थान रत्न सूं सम्मानित किया। सारंगी वादन रै कलाकार पंडित रामनारायण रो सम्मान उणरै पुत्र ब्रज नारायण ने, कला एवं साहित्य रै लिए स्व. हसरत जयपुरी रो सम्मान उणरै पुत्र अख्तर हसरत जयपुरी ने, पर्यावरण संरक्षण रै लिए स्व. कैलाश सांखला रो सम्मान उणरै पुत्र कुलदीप सांखला ने, कानून एवं न्याय रै लिए स्व. नगेन्द्र सिंह रो सम्मान उणरै पुत्र हर्षवर्धन सिंह ने और लोक संगीत रै लिए स्व. गवरी देवी रो सम्मान उणरै प्रपौत्र जितेन्द्र वर्मा ने प्रदान कियो गयो। राजस्थान रत्न विभूतियों री यशोगाथा सामान्य प्रशासन विभाग रै प्रमुख सचिव राकेश श्रीवास्तव पढ़ी। इण अवसर माथै खादी मंत्री बाबूलाल नागर, महापौर ज्योति खंडेलवाल, विभिन्न आयोगों रै अध्यक्ष, मुख्य सचिव सी.के. मैथ्यू सहित कैई प्रशासनिक अधिकारी मौजूद हा। कार्यक्रम रो संचालन ज्योति जोशी कियो।
राजस्थानी भाषा ने जाणो विषयक प्रतियोगितावां वेगी आयोजित:भामाशाहो सूं सहयोग री अपील
बाड़मेर। अखिल भारतीय राजस्थानी भाषा मान्यता संघर्ष समिति बाड़मेर द्वारा राजस्थानी भाषा रै व्यापक प्रचार प्रसार और भाषा नैं संवेधानिक मान्यता रै महत्त्व री आम जन नैं जाणकारी रै लिए ‘राजस्थानी भाषा ने जाणो’ विषय पै विभिन प्रतियोगितावां आयोजित करवा रो निर्णय लियो गया है। राजस्थानी भाषा समिति रै संभाग उप पाटवी चन्दन सिंह भाटी बतायो कै राजस्थानी भाषा नैं लेयर जन प्रतिनिधि लोगा में भ्रम पैदा करवा में लागा हैं। दूजी ओर भाषा विरोधी लोग भी इण तरह री अफवावा फेला रिया हैं कै राजस्थानी भाषा नैं मान्यता मिलवा सूं कांई फायदो। वणा बतायो कै आम जन और खास कर विद्यार्थी वर्ग नैं राजस्थानी भाषा रै महत्त्व और संवेधानिक मान्यता रै बाद विणसूं होवा वाळा लाभ नैं लेयर समिति आम लोगो रै बीच चर्चा करेला साथ ही विभिन्न विद्यालयों और महाविद्यालयों में प्रतियोगितावां आयोजित कर राजस्थानी भाषा रै महत्वता रै बारे में जाणकारी देवा रै साथै प्रश्नोतरी, भाषण और निबन्ध वाद विवाद जसी प्रतियोगितावां आयोजित करेला। राजस्थानी चिंतन परिषद् रै जिला संयोजक सोनाराम बेनीवाल रै अनुसार राजास्थानी भाषा नै संवेधानिक मान्यता क्यूँ जरूरी हैं इणरी जाणकारी आम जन और छात्र छात्रावां नैं उपलब्ध कराई जावेला। विभिन विद्यालयों और महाविद्यालयों में प्रतियोगितावां आयोजित करा’र पैहला तीन स्थानों माथै आवा वाळा नैं सम्मानित और पुरष्कृत किया जावेला। जिला पाटवी रिडमल सिंह बतायो कै राजस्थानी भाषा नै संवेधानिक मान्यता मिलवा तक समिति रो अभियान जारी रेवेगा। अणा प्रतियोगितावां रै लिए भामाशाहो रो सहयोग लियो जावेगा ।
भीलवाड़ा रै अभिजीत नैं अर्जुन अवॉर्ड
भीलवाड़ा। राष्ट्रपति प्रणब मुखर्जी राष्ट्रपति भवन में आयोजित समारोह में भीलवाड़ा रै शतरंज खिलाड़ी अभिजीत गुप्ता नैं अर्जुन अवार्ड सूं सम्मानित किया।
स्कूल और अस्पताल में सेवा देवा रै लिए 50 पेंशनर आगे आया: नीं लेवेगा वेतन और मानदेय, विभागीय तालमेल रै साथै महत्वपूर्ण योजनावां में भी निभावेंगे भूमिका
विभिन्न सरकारी विभागों में स्वैच्छिक सेवाएं देणै रै लिए 50 पेंशनर्स आगे आया हैं। ये पेंशनर सरकारी स्कूलों, अस्पतालों एवं अन्य विभागों में तालमेल बैठाणै रै साथै दूजी महत्वपूर्ण योजनावा नैं लागू करवा तथा आमजन तक विणरौ लाभ पहुंचावा में आपणी भूमिका निभावेगा। इणरै लिए पेंशनर्स समाज री तरफ सूं कलेक्टर आशुतोष पेंढणेकर नैं पैहली सूची थमाई है। जिणमें अणा पेंशनर्स स्वैच्छिक सेवा देवा री बात करी है। उदयपुर पेंशनर्स समाज रै संरक्षक भंवर सेठ बतायो कै शहर रै 9 हजार पेंशनर्स में धीरे-धीरे इण मामले नैं लेयर अलख जाग री है। योही कारण है कै हर रोज स्वैच्छिक सेवा देवा वाळा री संख्या में भी बढ़ोत्तरी होय री है। यो प्रशासन नैं तै करणो वेगा कै अणा पेंशनर्स सूं किण तरह सेवा लेणी हैं।
आर्ट सिंपोजियम में बणी कृतियां रो प्रदर्शण
रणकपुर में व्या आर्ट सिंपोजियम में बणी कलाकृतियों रो प्रदर्शन सिटी पैलेस में कियो गयो। अलग-अलग थीम माथै बणी लगभग पचास कृतियों नैं विदेशी मेहमान भी देखी। गौरतलब है कै इण कृतियां नै देश रै कैई जान्या मान्या वरिष्ठ कलाकार तैयार करी। जिणरो सार्वजनिक रूप सूं प्रदर्शन रै लिए तथा कला री समझ करवाणे रै उद्देश्य सूं प्रदर्शित कियो गयो है।
तीन सौ सूं वत्ता कलाकारों रो सम्मान
फिल्म महाराणा प्रताप : दी फस्र्ट फ्रीडम फाइटर में कला परिचय देवा वाळे तीन सौ सूं वत्ता कलाकारों रो सम्मान कियो गयो। मुख्य अतिथि आईजी अमृत कलश कलाकारा नैं सम्मानित किया। अध्यक्षता आलोक संस्थान रै संस्थापक चेयरमैन श्यामलाल कुमावत करी। डॉ. प्रदीप कुमावत बतायो कै या फिल्म अखिल भारतीय प्रदर्शन रै लिए संघर्ष कर री है। कार्यक्रम में फिल्म में विशेष सहयोग देवा रै लिए 6 कलाकारों व तकनीशियनों रो अभिनंदन कियो गयो। जिणमें डॉ. प्रेम भंडारी, नारायण सिंह सिसोदिया, संजय सोनी, मनमोहन भटनागर, पुष्कर शर्मा हैं।
लोहार्गल धाम: २४ कोसी परिक्रमा में उमड़्या श्रद्धालु
सीकर। महाभारत कालीन प्रसिद्ध तीर्थ स्थल लोहार्गल धाम सूं गोगानवमी रै दूजे दिन शुरू व्ही अरावली पर्वत शृंखला री छह दिवसीय 24 कोसीय परिक्रमा पूरी व्है गी है। यात्रा में राजस्थान रै अलावा हरियाणा सहित आस-पास रै करीब एक लाख श्रद्धालु भैळा व्या। परिक्रमा में आगे आगे ठाकुरजी री पालकी चाली ही।
राज्यपाल किदो 62 शिक्षकों रो सम्मान
48वां राज्य स्तरीय शिक्षक पुरस्कार समारोह ५ सितंबर नैं जयपुर रै बिड़ला ऑडिटोरियम में मनायो गयो। राज्यपाल मारग्रेट आल्वा राज्यभर में चयनित 62 शिक्षकों नैं पुरस्कृत करिया। माध्यमिक शिक्षा निदेशक डॉ. वीना प्रधान रै अनुसार प्रारंभिक व माध्यमिक शिक्षा रै 26-26 और संस्कृत शिक्षा रै 10 शिक्षकों नैं राज्य स्तरीय पुरस्कार प्रदान किया गया।
अणारो व्यो सम्मान
माध्यमिक शिक्षा : दिनेश सिंह शेखावत जयपुर, सुआलाल शर्मा जयपुर, डॉ. भरतसिंह ओला हनुमानगढ़, नवाबसिंह भरतपुर, रेण तिवारी पाली, ओम प्रकाश दोतानिया बगवाड़ा, महेन्द्र कुमार श्रीगंगानगर, विजयलक्ष्मी दीक्षित अलवर, प्रेमचंद निर्मल कोटा, शिवशंकर बोहरा लाडनूं, अल्का सक्सेना धौलपुर, उदयलाल रेगर राजसमंद, प्रकाश चंद्र सिंगाडिय़ा पाली, हरेन्द्र सिंह चौहान डूंगरपुर, बसंत सिंह मान हनुमानगढ़, हीरालाल सैनी अलवर, घेवरराम सोजत, रूप पारीक भीलवाड़ा, सुधीर भीलवाड़ा, सुभाष कुमार झालावाड़, सोहनलाल चौधरी चित्तौडग़ढ़, नरेन्द्र सिंह रावत ब्यावर, रितेश कुमार पंडिया डूंगरपुर, मनोहर सिंह देवड़ा बीजापुर, मिश्रीलाल खारोल भीलवाड़ा और प्रीति जैन जयपुर।
प्रारंभिक शिक्षा : रामावतार चौधरी फागी, बाबूलाल टेलर गोविंदगढ़, डॉ. मीना जांगिड़ जोधपुर, अनिल कुमारी राठौड़ जोधपुर, कृष्णकांत 'जुगनू' उदयपुर, जैसाराम धायल बाड़मेर, सुरेन्द्र सिंह धौलपुर, गोपाललाल साधु अजमेर, डॉ. शेरसिंह श्रीकरणपुर, अरुण कुमार चूरू, जानकीलाल शर्मा अजमेर, सत्यनारायण शर्मा जयपुर, गोपाललाल व्यास चित्तौडग़ढ़, क्वीना मेरी उदयपुर, सांवल कुमार ओझा भीलवाड़ा, डॉ. राधाकृष्ण सोनी बीकानेर, निर्मला भंडारी भरतपुर, मनोज कुमार कोटा, विष्णुदयाल शर्मा नागौर, जगदीश चंद्र गर्ग भीलवाड़ा, हनुमानराम बिश्नोई बाड़मेर, जमालुद्दीन खां अलवर, राजकुमार वर्मा टोंक, सुमन नेहरा जालौर, मानसिंह चौहान डूंगरपुर और मुरारीलाल जांगिड़ अलवर ।
संस्कृत शिक्षा : अशोक कुमार शर्मा, बसंत कुमार, सुभाष चंद्र, प्रदीप कुमार, विनोद कुमार शर्मा, सुशीला शर्मा (संगळा जयपुर), महेन्द्र कुमार पारीक व रामदयाल सैनी सीकर, सीताराम शर्मा झुंझुनूं और सतीश चंद्र शर्मा भरतपुर।
राजस्थान री रीनी इंडिया बुक ऑफ रिकॉर्ड में
उदयपुर । शहर री रीनी भाणावत भारतीय मुद्रा रो संग्रह कर राष्ट्रीय कीर्तिमान स्थापित कियो है। वणी १० रुपए रै करेंसी नोटों रो संग्रह कर इंडिया बुक ऑफ रिकॉर्ड में नाम दर्ज करायो है। रिकॉर्ड प्रबंध समिति री शोभा सेमसन बतायो कै रीनी असेंडिंग ऑर्डर 010203 सूं 979899 तक और डीसेंडिंग ऑर्डर 030201 से 999897 तक संख्या रै नोट रै अलावा सात अंकों री संख्या 1000000 नंबर रै दुर्लभ नोटों रो सर्वाधिक संग्रह कियो है। रिकॉड्र्स रै मुख्य संपादक डॉ. बिस्वस्वरूप रॉय चौधरी रीनी भाणावत नैं प्रमाण-पत्र, आईडी कार्ड, इंडिया बुक ऑफ रिकॉड्र्स बेज सूं सम्मानित कियो। रीनी मुद्रा नोट संग्रह रै मामले में देश री पैहली महिला बण गी हैं।
जीत री जंग...
सेमारी। जिला स्तरीय 19 वर्ष आयु वर्ग री खो-खो प्रतियोगिता में 5 सितम्बर गुरुवार नैं सेमारी और सरेरा रै बीच मुकाबलो व्यो। जिणमें सरेरा री टीम विजयी री।
राजस्थानी भाषा ही राजस्थानी संस्कृति री पहचाण है: साधु संत और मातृ शक्ति किया राजस्थानी भाषा संकल्प रा हस्ताक्षर
अखिल भारतीय राजस्थानी भाषा मान्यता संघर्ष समिति बाड़मेर रै तत्वाधान में संकल्प पखवाड़े रै तहत संकल्प हस्ताक्षर अभियान चलायो गयो। हस्ताक्षर अभियान में बाड़मेर रै लोग विशेष कर मातृ शक्ति उत्साह और संकल्प रै साथै हस्ताक्षर कर राजस्थानी भाषा नैं संवेधानिक मान्यता री बात पुरजोर तरीके सूं उठाई। साधु संतो और मातृ शक्ति राजस्थानी भाषा रै लिए संकल्प हस्ताक्षर कर अभियान नै गति दी। इण अवसर माथै प्रताप पुरी जी महाराज कैयो कै राजस्थानी अत्यन्त मिठास एवं सम्मान रै भाव री भाषा है। आपाणी पीढ़ीयों रो लोक शिक्षण राजस्थानी भाषा में हुयो है। असी रूपाळी भाषा री संवेधानिक मान्यता आवश्यक है। राजस्थानी राजस्थान रै अलावा दूजा प्रान्तों में भी बोली जावै है। महाराणा कुंभा रसिक प्रिया टीका राजस्थानी में लिखी। इणी तरह मारवाड़ रै लेखकों, कवियों और साहित्यकारों ने आदिकाल सूं आधुनिक काल सूं राजस्थानी भाषा लेखन नैं समृद्व करवा में ऐतिहासिक भूमिका निभाई।
इण अवसर पै संभाग उप पाटवी चन्दन सिंह भाटी कैयो कै राजस्थानी भाषा राजस्थान रै लोगों री मातृभाषा होवा रै साथै ही राजस्थानी संस्कृति री पिचाण है। भाषा लोगों नैं बान्धे राखै है, भाषा ही संस्कृति नै आगे ले जावै है और भाषा रै बिना राजस्थान री संस्कृति री कल्पना कोरी है। भाटी यो भी बतायो कै राजस्थानी नै आठवी अनूसूची में जोडवा हेतु 25 अगस्त 2003 नैं विधानसभा में सकल्प प्रस्ताव पास कियो गयो। जिन्नै दस साल पूर्ण व्है ग्या है। दस सालों सूं राजस्थानी भाषा नैं मान्यता रो मामलो संसद में अटक्यो है।
संकल्प पत्र सौंप्या
अखिल भारतीय राजस्थानी भाषा मान्यता संघर्ष समिति बाड़मेर राजस्थानी संकल्प पखवाड़े रै तहत जिला कलेक्टर नै संकल्प पत्र और ज्ञापन सौंप्या। मोटियार परिषद् रै जिला सह संयोजक दिग्विजय सिंह चुली बतायो कै संकल्प पखवाड़े री समस्त गतिविधियां खून सूं ख़त और संकल्प हस्ताक्षर बेनर और संकल्प पत्र ज्ञापन रै साथै जिला कलेक्टर रै माध्यम सूं मुख्यमंत्री अशोक गहलोत नै भेज्या गया।
बेटा री मां मनाई बच्छ बारस: नीं खायो चाकू रो काट्यो
राज्य भर माय बेटा री मांवां 2 सितम्बर नैं बछ बारस पर्व मनायो। इण पर्व में हरख रै साथै कैड़ा वाळी गाय री पूजा करता मांवां बेटा री सकुशलता री कामना करी। परंपरा रै अनुसार इण दिन लुगायां चाकू सूं कटी भोजन सामग्री सूं परहेज करै।
मक्की री रोटी सूं खोल्या व्रत
इण मौके पे व्रतधारी महिलावां गाय और बछड़े री पूजा करी अर व्रत खोलवा रै लिए भोजन में कड़ी और मक्की री रोटी, मूंग, चने रा बरवा, भुजिया आदि बणाया।
बेटा नै झेलाया खोपरा
गाय, बछड़े री पूजा रै बाद महिलावां आपणै बेटा नै नारियल और खोपरे झेला’र, तिलक लगा’र वणारी सकुशलता व लंबी उम्र री कामना करी। कैई घरां माय मांवां बेटा रै स्कूल या ऑफिस जावा सूं पेली ही वांरै तिलक कर’र नारियल झेला दिया।
बछ बारस व्रत री कथा
दो सास-बहू ही। वणारै घर में गाय और दो कैड़ा हा। एक दाण घर सूं बारणै पूजा करवा जावती सास बहू सूं गंवलिया और जंवलिया (खेत माय नुवा उग्या गेहूं व जौ) काट’र पकावा रो कैयगी। गाय रै बछड़ा रा नाम भी गंवलिया और जंवलिया होवा सूं नादान बहू दोई कैड़ा नैं काट’र पकाणै रै लिए चूल्हा पै चढ़ा दै। पूजा कर पाछी लौटी सास घर में गाय रै कैड़ा नीं होवा पे बहू सूं जवाब मांग्यो। बहू कैयो कै म्हैं गंवलिया और जंवलिया नैं पकावा रै लिए चूल्हा पै चढ़ा दिया है। यो सुण’र पीड़ा में डूबी सास दोई कैड़ा रै पाछा लौटावा री कामना भगवान सूं करी। ईश्वर री कृपा सूं वे दोई कैड़ा दौड़’र आ जावै। विण दिन सूं बेटा री मांवा बछ बारस रै दिन गाय कैड़ा री पूजा करै और चाकू रा काट्या अर गेहूं व गाय रै दूध सूं बण्या खाणा नै नीं खावै।
सबसूं मोटी किताब रो सबसूं छोटी महिला कियो विमोचन
 
जयपुर। दुनिया री सबसूं छोटी महिला ज्योति आमगे (हाइट २० इंच) 18 अगस्त रविवार नै ३० फीट ऊंची पुस्तक रो विमोचन कियो। जैन मुनि तरुण सागर रै कड़वे प्रवचन रै सातवें अंक री इण पुस्तक नै लिम्का बुक ऑफ रिकॉर्ड और वल्र्ड रिकॉड्र्स ऑफ इंडिया री टीम विश्व री सबसूं मोटी पुस्तक रोका खिताब दियो है। यो कार्यक्रम तरुण क्रांति मंच दिल्ली आयोजित कियो।
असी है किताब
30 फीट ऊंची, 24 फीट चौड़ी है। वजन 2000 किलो। इन्नै बणावा में 1500 किलो लोहा, 100 लीटर कलर, 400 किलो फ्लेक्स लाग्यो।
इणसूं पेली सबसूं मोटी पुस्तक रो रिकॉर्ड दुबई में 16 फीट ऊंची व 26 फीट चौड़ी पुस्तक रो हो। यह रिकॉर्ड 27 फरवरी, 2012 नै बण्यो हो
मेवाड़ में गवरी री धूम
मेवाड़ क्षेत्र में ठंडी राखी सूं गवरी री धूम शुरू व्है गी है। सवा माह तक आदिवासी (भील) समाज रै लोग विभिन्न स्थानों पे जायर गवरी रो मंचन करेला। इणमें गवरी रै पात्र हरैक दिन गौरज्या देवी, पार्वती व महादेव री कथावां, महाकाली द्वारा दैत्यों रै विनाश, कान-गुजरी जस्या प्रसंगा रो मंचन करै हैं। इणमें भाग लेवा वाळा लोग सवा माह तक आपणै परिवार सूं अलग रैवे है अर ब्रहमचारी व्रत रो पालण करै हैं। पगा में जूता, चप्पल नीं पैहरै हैं अर गांव रै चौराहा या मंदिर में ही सोवै हैं।
कलाकार कैनवास पे उकेरी कल्पनावां
रणकपुर। अरण्यवास में 21 अगस्त नैं देश-विदेश रै नामी चित्रकारों रो संगम होयो। मौको हो इंटरनेशनल आर्ट सिम्पोजिया 2013 रो, जिणरो आगाज पद्मभूषण सूं सम्मानित फेलो ऑफ एकेडमी ऑफ फाइन आर्ट (नई दिल्ली) रै प्रो. ए. रामचंद्रन कियो।
अरावली री गोद में यो आयोजन 11 दिन तक चाल्यो। आयोजन सूं जुड़्या दिनेश कोठारी (क्षेत्रीय उपनिदेशक, स्थानीय निकाय विभाग) बतायो कै आर्ट सिम्पोजियम के दौरान कलाकार आपणो हुनर दिखावा रै साथै ही कला सूं जुड़्या विषयों पे चर्चा भी करी।
जणरै पिता नीं, वणा बेटिया रो ब्याह करावेगा कल्लाजी ट्रस्ट
ऋषभदेव । नेशनल हाइवे 8 स्थित शक्तिपीठ मइया धाम कल्लाजी मंदिर पे कल्लाजी संप्रदाय रै महंतों रो अधिवेशन हुयो। खुली चर्चा में समस्यावां और सुझाव लिया गया। साथै ही मइया धाम पे हर साल असी पांच बेटियों रो विवाह करवावा रो निर्णय हुयो, जणरै पिता रो देहांत हो चुक्यो हो। शादी रो खर्च ट्रस्ट उठावेगा, पण रिश्तो बेटिया रै परिवार नैं ही ढूंढणो वेगा।
मरणोपरांत सम्मानित वेगा रम्मत रै लोक कलाकार खेत सिंह जंगा
  जैसलमेर। जैसलमेर री प्रसिद्ध लोक नाट्य रम्मत रै मंझे लोक कलाकार खेत सिंह जंगा नै मरणोपरांत जैसलमेर स्थापना दिवस पै यु आई टी सम्मानित करेला। जैसलमेर स्थापना दिवस पै खेत सिंह जंगा नै दियो जा रियो यो सम्मान वणारै पुत्र रमण जंगा ग्रहण करेला
खेत सिंह जंगा रै बिना अधूरी है रम्मत
राजस्थान में होली रै समै आयोजित नाट्यशैली रो कार्यक्रम "रम्मत" लोकप्रिय कलाकार खेत सिंह जंगा रै बिना अधूरी लागवा लागी है। ऐतिहासिक एवं पौराणिक अख्यानों पै रचित काव्य रचनावां कामंचीय अभिनय "रम्मत" री शुरुआत बीकानेर क्षेत्र में करीब 100 साल पैल्या होली एवं सावन आदि रै अवसर माथै व्हैवा वाळी लोक काव्य प्रतियोगितावां सूं व्ही ही। आरंभ में रम्मत पाठशालावां में खेली जाती ही। बीकानेर में रम्मत होलाष्टक रै प्रारंभ सूं चतुर्दशी या पूर्णिमा तक खेली जावै है। जैसलमेर रै अलावा रम्मतें बीकानेर, पोकरण, फलौदी और आसपास रै क्षेत्रां में खेली जावै है। रम्मत रै ख्यातिनाम कलाकार और फाग गायक खेत सिंह जंगा जैसलमेर रै प्रसिद्व कलाकार हा। वणा आपणै जीवनकाल में कैई दाण यादगार अभिनय किदा। जैसलमेर में हजुरी समाज रै साधारण परिवार में लाधू सिंह जंगा रै अठै जन्मिया खेत सिंह जंगा नैं बाळपणै सूं ही रम्मत देखवा रो शौक हो। रम्मत रै बढ़ता आकर्षण वणानै एक बेहतरीन कलाकार बण दियो। वणारी फाग गायकी नै तो जैसलमेर रै राजदरबार भी मान्यता दे राखी ही। इणरै बावजूद वणानै वो सम्मान नीं मिल्यो जिणरै वे हकदार हा।
जाणै स्वर्ग में आ ग्या
उदयपुर। वन विभाग रै ईको टूरिज्म रै तहत 125 प्रकृति प्रेमी कुंभलगढ़ अभयारण्य व रणकपुर रो भ्रमण कियो। वन विभाग रे एक्सपर्ट रै नेतृत्व में प्रकृति प्रेमी कुंभलगढ़ अभयारण्य में 2 किलोमीटर री ट्रेकिंग करी। चारों ओर पहाडिय़ां और वन संपदा सूं गिरिया कुंभलगढ़ में ट्रेकिंग रै दौरान संगळा रै मुंडा सूं एक ही बात निकली, जाणै स्वर्ग में ही आ ग्या।
मीडिया एक्शन फोरम री पत्रकार कार्यशाला 21 सितम्बर नैं दिल्ली में
मीडिया एक्शन फोरम री राष्ट्रीय स्तर री पत्रकार कार्यषाला दिल्ली में 21 सितम्बर नैं आयोजित वेगा। इण पत्रकार कार्यशाला में राजस्थान, उत्तर प्रदेश, मध्यप्रदेश, छत्तीसगढ़ और दिल्ली रै पत्रकार सम्मिलित वेगा। मीडिया एक्शन फोरम रै अध्यक्ष अनिल सक्सेना रै दिशा निर्देश में आयोजित राष्ट्रीय स्तर री पत्रकार कार्यशाला रो विषय ‘वर्तमान पत्रकारिता री दिशा और हमारा लोकतंत्र है।‘ पत्रकार कार्यशाला में दिल्ली में कार्यरत राजस्थान मूल रै पत्रकारां नै सम्मानित किया जावेगा और फोरम रै द्वारा राजस्थान रै विभिन्न संभागों में आयोजित पत्रकार कार्यशालाओं नैं सफल बणाणै रै लिए पांच पत्रकारों नैं प्रशंसनीय कार्य करवा हेतु सम्मानित किया जावेगा। राजस्थान सूं सम्मानित होवा वाळा पांच पत्रकारों में उदयपुर सूं शकुन्तला सरूपरिया, जयपुर संभाग सूं महिपाल, जोधपुर सूं पत्रकार शेख रईस अहमद, अजमेर संभाग से अशोक कुमार लोढा और दौसा सूं पत्रकार महेश शर्मा सम्मिलित है। फोरम रै प्रवक्ता अशोक कुमार लोढा बतायो कै फोरम अध्यक्ष अनिल सक्सेना दिल्ली में आयोजित पत्रकार सम्मेलन री तैयारियों हेतु सहप्रभारी दिल्ली री पत्रकार श्वेता रष्मि और सहयोगी टी.एम.शिन्दे नैं नियुक्त किदा है।
राजस्थानी भाषा री मान्यता रै लिए लिख्या पोस्टकार्ड
सिवाना। मोट्यार परिषद रै राजस्थानी भाषा संकल्प पखवाड़े रै अंतर्गत क्षेत्र री कैई स्कूलां में पोस्टकार्ड अभियान चलाया गया। जिणमें छात्र बढ़ चढ़’र हिस्सो लियो अर प्रधानमन्त्री और राष्ट्रपति नैं खत लिख’र राजस्थानी भाषा नैं संवेधानिक मान्यता दे’र राजस्थान री राज्यभाषा बणावा री मांग करी। इणरै अंतर्गत निकटवर्ती मूठली ग्राम स्थित श्री विनायक विद्या मन्दिर में सम्बोधित करता थकां मोट्यार परिषद रै ब्लॉक अध्यक्ष जितेन्द्र जांगिड राजस्थानी भाषा री मान्यता रै लिए चलाया जा रिया अभियान रै बारे में जानकारी दी। इस अवसर पै पुखराज, प्रेमसिंह, भावेशकुमार, उत्तमाराम, देवी चौधरी, कुमारी सरोज सहित आक्खो विद्यालय परिवार और मोट्यार परिषद रै पदाधिकारी उपस्थित हा।
बजाता रेवो जगाता रेवो: राजस्थानी संकल्प पखवाड़ा माय निकाळी ढोल थाळी रेल्ली
बाड़मेर। अखिल भारतीय राजस्थानी भाषा मान्यता संघर्ष समिति बाड़मेर द्वारा राजस्थान विधानसभा सूं राजस्थानी भाषा नै मान्यता सम्बंधित संकल्प प्रस्ताव पारित करवा रै दस साल पै आयोजित राजस्थानी संकल्प पखवाड़े रै तहत राज्य सरकार नैं जगाणे रै लिए बजाता रेवो जगाता रेवो ढोल थाळी रेल्ली रो आयोजन कियो गयो। इण विशाल रेली में सेकड़ो राजस्थानी भाषा प्रेमी भाग लिदो। संभाग उप पाटवी चन्दन सिंह भाटी बतायो कै राज्य सरकार नै पारित संकल्प री याद दिलावा रै उद्देश्य सूं आक्खा शहर में ढोल थाळी बजा’र केंद्र सरकार सूं राजस्थानी भाषा नै आठंवी अनुसूची में भेळी कर मान्यता देवा री मांग करी गई। रेली शहर रै मुख्य मार्ग हनुमान मंदिर, गाँधी चौक, अहिंसा चौराहा, विवेकानंद चौराहा सूं होयर कलेक्ट्रेट रै आगे सभा में तब्दील व्ही जठै समिति रै प्रदेश महामंत्री राजेंद्र सिंह बारहट सभा नैं संबोधित करी।
फूली लेयर बैणा रै सासरै पौंच्या वीर: मिठाई रै साथै मेहंदी, कुंकुम, कपड़े देयर राखी पै आवा रो न्यौतो दियो
उदयपुर। रक्षाबंधन सूं पैल्या आया रविवार नैं घरां में वीर फूली पर्व मनायो गयो। इण परंपरागत पर्व नैं लेयर महिलावां व्रत-उपवास रख्या। शहर सूं लेयर ग्रामीण क्षेत्रां तक यो पर्व उत्साह सूं मनायो गयो। छोटी उम्र रै भाई बैणा रै बीच इण परंपरा नैं परिजन निभाई।
वीर फूली रै मौके पै ब्याहता बैणा रै घर वणारै भाई पौंच्या। बैणा शुभ मुहूर्त में भाई नैं तिलक लगा’र आरती उतारी, श्रीफल भेंटकर मुंडो मीठो करायो। परम्परा रै अनुसार राखी सूं पेली आवा वाळा दो रविवारां में सूं पेला रविवार नै बैणा चूड़ा पे फूली रै नाम रो एक पीळो डोरो बांधे जिन्नै दूजा यानी राखी सूं ठीक पेली आवा वाळा रविवार नैं भई खोले। घर आया भाई नैं भोजन करावा रै लिए चूरमा-बाटी री गोठ करी।
राखी रो सांकेतिक पर्व है बीर फूली
भाई-बहन रै प्यार सूं जुड़्यो यो पर्व रक्षाबंधन रो सांकेतिक पर्व मान्यो जावै है। इण दिन भाई आपणी बैण नै रक्षाबंधन पै राखी बांधवा आवा रो न्यौतो देवा अर फूली खोलवा नै पौंचे। परंपरागत रूप सूं राखी रो पर्व हरियाली अमावस्या सूं ही शुरू व्है जावै। हरियाली अमावस्या रै बाद पैला रविवार नै फूली बांधी जावै अर दूजे रविवार नै गौठ रै साथै बीर फूली मनाई जावै है। इणरै साथै ही रक्षाबंधन रै लिए बैणा रो पीहर पहुंचणो शुरू व्है जावै है।
राज्य भर में मन्यो राखी पर्व
राज्य भर माय रक्षाबंधन पर्व 20 अगस्त मंगलवार नैं मनायो गयो। देवतावां नै रक्षा सूत्र अर्पित करवा रै बाद बैणा भाई री कलाई सजाई और बदले में रक्षा रो वचन तो लिया ही, उपहार भी पाया।
ठंडी राखी भी मनाई
मेवाड़ अंचल में राखी रै दूजे दिन ठंडी राखी मनावा री भी परंपरा है। जो लोग कणी कारणवश रक्षाबंधन पै राखी नीं बांध सकै वे लोग दूजे दिन राखी मनावे हैं।
श्रावणी उपाकर्म
श्रावणी उपाक्रम परंपरा रै अनुसार राखी रै दिन ब्राह्मणजन झीलां नदियां अर तालावां माथै पवित्र स्नान कर यज्ञोपवीत भी बदले।
कन्या हत्या रै लिए बदनाम गाँव भी मनायो धूमधाम सूं राखी पर्व
चन्दन सिंह भाटी
जैसलमेर। अबार तक बाळकिया नैं पैदा वेता ही मारणे रो कलंक झेल रिया बसिया क्षेत्र में अबै इण कलंक सूं निजात मिलगी है। बसिया में अबै कन्यावां नै लक्ष्मी रो रूप मान वणानै उचित मान सम्मान दे’र पढ़ायो लिखायो जा रियो है। इण क्षेत्र रै बुजुर्ग मलसिंह भाटी बतायो कै विभाजन सूं पैल्या जैसलमेर रै इण गांवों में अफगानी आतताइयों रो आंतक हो। अफगानी छोरियां नैं उठा’र ले जाता हा। इण सूं बचणे रै लिए भाटियां रे संगळा 13 गांव सामुहिक निर्णय कियो कै घर में कन्या रो जन्म व्हेता ही वानैं मार देवा ताकि घर री इज्जत नैं बचाई जा सकै। इणरै बाद इण कुप्रथा रो जन्म व्यो। इणरै बाद तो अठै रक्षा बन्धन रो पतो गांव में तब लागतो जद शहर सूं ब्राहमण राखी बांधवा नै गांव आवतो। अबै बदलाव रो बायरो चाल ग्यो अणरै चालता सिंहडार में 20, देवडा में 43, बहिया में 30 कन्यावां घरां रो उजाळो बण री हैं।
म्हाणी कलाईयां पै कदी राखी नीं बंधी। म्हाणी कलाईयॉ आज भी सूनी हैं। पण आज री पीढ़ी रै हर भाई री कलाई पै राखी सजै है।
इण क्षेत्र री बुजुर्ग महिला श्रीमती राम कंवर बतायो कै दस साल पैल्या तक इण क्षेत्र में राखी रो त्यौहार मनायो ही नीं जातो हो। क्यूंकि बैणा ही नीं ही। अबै हर घर में कन्या होवा सूं राखी सामुहिक रूप सूं मनाई जावै हैं। अबै इण गांवां में रक्षाबन्धन रो पर्व धूमधाम सूं मनायो जावै हैं। परम्परागत रूप सूं मांगणियार गाणे बजाणे आवै हैं। हंसी खुशी सूं बाणा भाया रै राखी बांधै हें। क्षेत्र री दिव्या कंवर नैं वंडे पिता दुर्जन सिंह भाटी प्रेरणा देकर एन सी सी री परीक्षा भी उतीर्ण कराई। दिव्या रो कैणो है कै विन्नै सेना में अफसर बणणो है। आपणै अणी सपणे नै पूरो करवा रै लिए आपणे गाँव सूं कोसो दूर विद्या वाड़ी होस्टल में रैह’र भणाई कर री हैं। यो बदलाव शकुन देवा वाळो है ।
अमरखजी में भरियो ठंडी राखी रो मेळो, शुरू व्ही गवरी
उदयपुर। शहर सूं सट्या अंबेरी रै कन्नैं अमरखजी महादेव मंदिर परिसर में ठंडी राखी का मेळो 21 अगस्त बुधवार नै लाग्यो। अंचल में इण पैहला भादवी मेळा रै साथै ही गवरी री धूम भी शुरू व्हैगी।
अमरखजी संरक्षण मंडल और अंबेरी पंचायत बतायो कै मंदिर में भादवा री एकम पै विशेष पूजा व्है। इस अवसर पै भगवान महादेव रो दुग्धाभिषेक कर श्रावणी अनुष्ठान नैं विराम दियो जावै।
रोडवेज में 14 हजार 537 महिलावां करी मुफ्त यात्रा
राखी रै अवसर माथै रोडवेज बसों में 14 हजार 537 महिलावां मुफ्त यात्रा करी। यात्री भार देखता थकां आठ अतिरिक्त बसा चलाई गी। रात्रि नौ बज्या तक लौटी बसों रै वे-बिल रै अनुसार राखी पै बहना रै लिए इण सुविधा पै रोडवेज 11 लाख 33 हजार 557 रुपए खर्च किया।
वीर दुर्गादास जयंती मनाई
बाड़मेर। अखिल भारतीय राजस्थानी भाषा संघर्ष समिति बाड़मेर द्वारा महावीर पार्क में वीर शिरोमणि दुर्गादास री जयंती मनाईगी। जिला प्रवक्ता रमेश सिंह इन्दा बतायो कै वीर दुर्गा इण राजस्थानी इतिहास रै शौर्य ,स्वाभिमानी ,स्वामिभक्त पुरुष हा। उणसूं ही राजस्थान री संस्कृति नै विश्व में जाणी जावै हैं।
लोक कलाकार पद्मश्री साकर खान रो देवलोक गमन।
-चन्दन सिंह भाटी
जैसलमेर। मरुधर री माटी रो लाल पद्मश्री साकार खान रो देवलोक गमन व्है ग्यो। देश भर में राजस्थान रै लोक गीत संगीत नै ख्याति दिलावा वाळा कमायचा वादक साकार खान रै निधन सूं जैसलमेर ही नीं आक्खो राजस्थान एक लोक हीरा खो दिया। जैसलमेर जिले नैं विश्व मानचित्र माथै सुर्खियां में लावा वाळा पद्मश्री साकर खां नैं अंतिम विदाई रै दौरान हर चेहरो उदास हो।
पद्मश्री मिलने पै झूम उठ्यो हो गांव
साकर खां नैं पदमश्री सम्मान मिलवा पै आक्खो हमीरा गांव झूम उठ्यो हो। पद्मश्री सम्मान मिलवा री घोषणा वेवा पै 31 जनवरी 2012 नै जद संवाददाता जैसलमेर सूं 25 किमी छेटी वणारै गांव हमीरा पौंच्या तो जीवन रै 75 बसंत पार कर चुक्या साकर खां मे वणानैं किशोर कलाकार री तरह कला रै प्रति उत्साह अर नयो करवा री हसरत देखवा नैं मिली। वणा आपणै अनुभव बताता कैयो कै गांव वाळो सम्मान अर आदर ही वणारै लिए सबसूं मोटो सम्मान है।
कैई विदेश यात्रा अर सम्मान
देश-विदेश में थार संगीत री स्वर लहरियां बिखेर’र मरूस्थलीय जैसलमेर जिले रो नाम रोशन करवा में विशेष योगदान देवा वाळा साकर खां गत 50 वर्षो सूं संगीत साधना सूं जुड़्या है अर कैई दाण विदेश यात्रावां कर चुक्या हैं। वणानै कैई पुरस्कारां सूं सम्मानित किया गया। वणारै पुरस्कारो री फेहरिस्त में पदमश्री व राज्यस्तरीय सम्मान रै अलावा केन्द्रीय संगीत नाटक अकादमी री ओर सूं वर्ष 1991, मध्यप्रदेश सरकार रै प्रतिष्ठित तुलसी अवार्ड सूं वर्ष 1990, राजस्थान संगीत नाटक अकादमी जोधपुर री ओर सूं अकादमी री स्वर्ण जयंती समारोह रै अवसर पै वर्ष 2009, राज्य सरकार री ओर सूं जोधपुर में आयोजित राज्यस्तरीय स्वाधीनता दिवस समारोह रै अवसर पै 15 अगस्त 2007 में मिल्यो सम्मान भी भेळो है। इणरै अलावा वणनै जिला स्तर पै भी राष्ट्रीय पर्वो पै सम्मानित किया गया। वणा फ्रांस, रूस, स्विट्जरलेंड, जिनेवा, बेल्जियम, जर्मनी, अमरीका, जापान, हांगकांग सहित कैई देश री यात्रावां भी कीदी।
खमा घणी, अन्नदाता मोटा है...
देश रै प्रतिष्ठित सम्मान प्राप्त करवा वाळे साकर खां अक्सर यो ही कैवता हा कि खम्मा घणी, अन्नदाता मोटा है, म्है तो धोरां री धरती मे पैदा होया हां.। आम, शीशम रै काष्ठ व हाथीदांत सूं तैयार व्हैवा वाळे कमायचे नैं बजाणे में माहिर साकर खां तोनरिया, बनड़ा, घूमर, बरसाले रा मौसम, चौमासा, मूमल, मणियारा, सियालो, हालरिया सूं हर कणी नैं कायल कर देता हा। यो नीं वे कमायचे पै रेल रै चालणे व घोड़ा रै दौड़वा री आवाज निकालवा में भी महारथ हासिल किदी ही। साकर खां करीब 33 साल पैल्या इंदिरा गांधी रै साथै रूस में आयोजित इंडिया फेस्टिवल में जावा रै मौके नैं जीवन रो सबसूं यादगार दिन मानता हा।
कला में उकेरियो तिरंगो
मोतियां रो तिरंगा
शिल्पकार चंद्रप्रकाश चित्तौड़ा भारत देश रै नक्शे पै कांच का तिरंगा बणायो है, इणमें मोतियां केसरिया, सफेद व हरा रंग नैं सुंदर मीनाकारी कर’र देश भक्ति री प्रेरणा दी है।
मार्बल सूं बणायो तिरंगो
मार्बल शिल्पकार मोहम्मद हनीफ मार्बल सूं सूक्ष्म तिरंगो बणायो। एक इंच ऊंचो और दो इंच चौड़ो तिरंगा पे रंग कर’र आकर्षक बणायो गयो है।
26 फीट लंबो परिचय
सुंदरवास निवासी दिनेश कुमार जैन 26 फीट लंबी शीट पे देशभक्ति रो परिचय उतारियो है। इणमें राष्ट्रध्वज सूं ले’र खानपान, रीति रिवाज आदि नैं भेळा किया है।
तिरंगे री सूक्ष्म पौथी
मोहम्मद सईद सक्का सूक्ष्म पौथी बणाई है। दो गुणा एक इंच री पौथी में 67 पान्ना हैं। इणमें राष्ट्रीय गीत और 15 अगस्त री जाणकारी सूक्ष्म अक्षरां में लिखी है।
राजस्थानी संक्ल्प पखवाड़े रो आगाज
संघर्ष समिति रै प्रदेशाध्यक्ष के.सी. मालू गहलोत, चंद्रभान व चंद्रेश कुमारी नैं सौंप्या ज्ञापन, प्रदेशभर में सभाओं-बैठकों रो दौर शुरू, बाड़मेर रै युवा लिखेला खून सूं खत, जोधपुर सूं भी लिख्या जावेगा लाखों पोस्टकार्ड अर रैली रै साथै सौंपेंला ज्ञापन
-डॉ. सत्यनारायण सोनी-
जयपुर। अखिल भारतीय राजस्थानी भाषा मान्यता संघर्ष समिति 11 अगस्त रविवार नै राजस्थानी संकल्प पखवाड़े रो आगाज कियो। समिति रै प्रदेशाध्यक्ष के.सी मालू रविवार नैं जयपुर स्थित प्रदेश कांग्रेस कमेटी कार्यालय में मुख्यमंत्री अशोक गहलोत, केन्द्रीय संस्कृति मंत्री चंद्रेश कुमारी तथा प्रदेश कांग्रेस कमेटी अध्यक्ष डॉ. चंद्रभान नैं ज्ञापन सौंप’र मान्यता रै लिए केन्द्र पै दबाव बणावा री अपील करी।
समिति रै प्रदेश मंत्री डॉ. सत्यनारायण सोनी रै अनुसार राजस्थान विधानसभा में 25 अगस्त 2003 नै राजस्थानी मान्यता रै सर्वसम्मत संकल्प नैं दस वर्ष पूर्ण होवा नैं है और राज्य सरकार आपणै इण संकल्प नैं पूर्ण करवाणे में असक्षम री है।
यो लिख्यो गयो है ज्ञापन में
ज्ञापन में लिख्यो गये है कै डोगरी, मैथिली, संथाली सहित देश री 22 भाषावां रै माध्यम सूं आईएएस बणणे री सुविधा है, जदकि देश री अत्यंत समृद्ध अर मोटा समुदाय री भाषा राजस्थानी में या सुविधा नीं है। संवैधानिक मान्यता होवा सूं आईएएस री मुख्य परीक्षा में 2000 में सूं 600 अंक रो राजस्थानी भाषा-साहित्य रो प्रश्न पत्र एवं राजस्थानी माध्यम री सुविधा देश रै अन्य प्रांतों रै मोट्यारां रै समान राजस्थानी मोट्यारां नैं मिल सकेला। केन्द्र री दूजी सगळी नौकरिया री भर्ती परीक्षावां में दूजा राज्यों रै मोट्यार रै समान राजस्थानी मोट्यारां नैं आपणी भाषा री सुविधा मिल सकेला। ज्ञापन में यो भी बतायो गयो है कै राजस्थानी भाषा नैं 8 वीं अनुसूची में जोडवा री मांग अबै सगळा राजस्थानियों द्वारा प्रदेश व प्रवास सूं जोर-शोर सूं उठाई जा री है। जनगणना 2011 में भी राजस्थान रै 4 करोड़ 83 लाख लोग आपणी मातृभाषा राजस्थानी दर्ज करवाई है। प्रवासी राजस्थानियों री संख्या भी कम नीं है। वठै हीं 'घूमर’ लोकनृत्य नै दुनिया रै टोप टैन नृत्यों में चौथा स्थान मिलणो, कालबेलिया नृत्य नै यूएनओ द्वारा विश्व विरासत घोषित कियो जाणो, अमेरिका री लायब्रेरी ऑफ कांग्रेस द्वारा राजस्थानी नै दुनिया री तेरह समृद्धतम भाषाओं में शुमार कियो जाणो, अमेरिका री शिकागो, रूस री मास्को, लंदन री कैंब्रिज सहित दुनिया री श्रेष्ठ यूनिवर्सिटियों में राजस्थानी रो अध्ययन-अध्यापन, अमेरिका सरकार री नौकरियों रै लिए राजस्थानी नै मान्यता दिया जाणे सहित कैई अस्या प्रमाण हैं जो राजस्थानी नै समृद्ध और मोटा समुदाय री भाषा ठहरावै हैं।
खून नीं चौदह करोड़ राजस्थानियां री भावना
बाड़मेर। अखिल भारतीय राजस्थानी भाषा मान्यता संघर्ष समिति बाड़मेर द्वारा सोमवार 12 अगस्त संझ्या रां राजस्थानी भाषा री संवेधानिक मान्यता रै लिए संकल्प पखवाड़े रो आगाज़ अहिंसा चौराहे माथै युपीऐ अध्यक्षा श्रीमती सोनिया गांधी नैं खून सूं ख़त लिख’र कियो, इस अवसर माथै राजस्थानी भाषा समिति रै पदाधिकारी संभाग उप पाटवी चन्दन सिंह भाटी ,खुशवंत खत्री, महासचिव जीतेन्द्र छंगाणी, जिला प्रवक्ता रमेश सिंह इन्दा, दिग्विजय सिंह चुली, हिन्दू सिंह तामलोर, बाबु भाई शेख, मुबारक खान, महेश गौड़, ओम प्रकाश त्रिवेदी, सवाई चावड़ा, जीतेन्द्र फुलवरिया, दीपक जेलिया, स्वरुप सिंह भाटी, लोकेन्द्र सिंह सहित कैई कार्यकर्ता उपस्थित हा। इण अवसर पै संभाग उप पाटवी चन्दन सिंह भाटी कैयो कै राजस्थानी भाषा नैं मान्यता रै लिए राज्य सरकार द्वारा विधानसभा में संकल्प पारित किया दस वर्ष पूर्ण होवा माय हैं पण मान्यता री दिशा में कोई ख़ास कार्य केंद्र सरकार नीं कर पाई। चौदह करोड़ राजस्थानिया री भावनावां नैं खून सूं ख़त लिख कर श्रीमती सोनिया गांधी, राहुल गाँधी तथा मुख्यमंत्री अशोक गहलोत तक पहुंचाई जा री हैं। जीतेन्द्र छंगानी कैयो कै राजस्थानी भाषा रै प्रति मोट्यारा रो समर्पण काबिले तारीफ है। केंद्र सरकार नैं अणारी भावना री क़द्र कर अबै मानसून सत्र में मान्यता दे देणी चावै। अंहिंसा चौराहे पै बरखा रै मौसम रै बावजूद मोटी संख्या में मोट्यार खून सू ख़त लिखवा पौंच्या। वणा आपणै डील सूं बैवता खून सूं ख़त लिख मार्मिक अपील करी कै अबै तो म्हानैं संवेधानिक मान्यता दो, म्हाणो अधिकार दो। संकल्प पखवाड़े रै तहत आयोजित इण कार्यक्रम में सीमा सुरक्षा बल रै बाड़मेर में तैनात राजस्थान रै दूजा जिला रै जवान भी आपणी भावना रोक नीं पाया, वणा भी खून सूं ख़त लिख राजस्थानी नै मान्यता देवा री अपील करी।
एतिहासिक हुवेला राजस्थानी भाषा पखवाडो:-जांगिड़
सिवाना। मोट्यार परिषद री बैठक कस्बे रै रामदेव मन्दिर में 11 अगस्त नैं सम्पन्न हुई, जिणमे राजस्थानी भाषा पखवाडे री रुपरेखा तय करी गयी। बैठक नैं सम्बोधित करता थकां संगठन रै ब्लॉक अध्यक्ष जितेन्द्र जांगिड कैयो कै ऑ राजस्थानी पखवाड़ो इण बार सिवाना मायं एतिहासिक हुवेला।अठेरे मिनखा री आवाज़ ठेठ जेपर तक सुणिजेला। इण रे वास्ते सगळा कारजकरणिया कमर कसने तेयार हुई जावो।उपाध्यक्ष सुधिर शर्मा कैयो कै आपणी मायड भाषा ने मानता दिरावा रे खातर 11 सुं 25 अगस्त तक राजस्थानी भाषा पखवाड़ो मनावाला अरं राजकरणिया सूं राजस्थानी भाषा ने संविधान री आठवी सूचि मायं भेळेण मानता देवण री मांग करालां।
समय रै साथै आधुनिक व्ही पणिहारियां, मटका री जग्या बैग में लावैला पाणी
 
बाड़मेर। आधुनिक व्हेता प्रदेश में अबै पणिहारियां भी रूप बदल लियो है। कदी मटका (इनसेट) में पाणी लावा वाळी महिलावां अबै स्कूल बैग जस्या वाटर बैग में पाणी लावैला। पेयजल संकट सूं जूझणे वाळे बाड़मेर जिले सूं योजना री शुरुआत करी गई है। 6०० रु. मौल रो ये बैग सरकारी कंपनी बामर लॉरी लि. बणाया हैं। सरकार अणानै मुफ्त में बांटेंगी। विशेषज्ञों रै मुताबिक बैग सूं दूर सूं पाणी लावा वाळी महिलावां नैं माथा व रीढ़ संबंधी बीमारियों सूं बचाया जा सकेला।
फोटो - शैलेष वासु
साहित्य रौ निर्णय गुणवत्ता रै आधार पै व्है, जाति रै नीं
जोधपुर। राजस्थान साहित्य अकादमी एवं भारतीय दलित साहित्य अकादमी (राजस्थान) रै साझे में राष्ट्रीय संगोष्ठी हाल ही जोधपुर रै सूचना केन्द्र में व्ही। संगोष्ठी में चर्चा व्ही कै साहित्य रौ निर्णय गुणवत्ता रै आधार पै व्है, जाति रै नीं। अकादमी सचिव डॉ. प्रमोद भट्ट बतायौ कै ''साहित्य में सामाजिक न्याय की अवधारणा'' विषय माथै केन्द्रित गोष्ठी रै उद्घाटन स़त्र रै मुख्य अतिथि प्रख्यात साहित्यकार मोहनदास नेमिशरण राय हा। अध्यक्षता राजस्थान साहित्य अकादमी रै अध्यक्ष वेद व्यास कीदी।
इण साल रात में बंधेला राखी, 13 साल बाद वेगा अस्यो
इण साल सावणी पूर्णिमा माथै 10 घंटे सूं वत्ती भद्रा लगणै सूं 13 साल बाद रक्षाबंधन पर्व रात में मनेगा। बैणा भाया री कलाई माथै रात रै शुभ चौघड़िया में राखी बांध सकेला। पूनम दो दिन 20-21 अगस्त नैं व्हैवा सूं रक्षाबंधन पर्व मनाया जावा नैं ले’र कैलेंडर-पंचांगों में दी गई तिथियां में अंतर है। ज्योतिर्विद डॉ. एचसी जैन रै अनुसार 19 अगस्त री शाम 4.07 बज्या श्रवण नक्षत्र लागेला, जो 20 अगस्त री दोपहर 1.39 बजे तक रेवेला। अणीज दिन 20 अगस्त नै सुबह 10:30 बजे सूं भद्रा प्रारंभ व्हैर रात 8:45 बजे तक रेवेला। भद्रा काल में रक्षाबंधन करणो शुभ नीं मान्यो जावै है, इणलिए रक्षाबंधन 8:45 बज्या मनायो जा सकेला। भद्रा रै साथै ही पूर्णिमा प्रारंभ व्हैला, जो 21 अगस्त नैं परभाते 7:15 बजे तक रैवैला। लिहाजा भद्रा काल समाप्त होया रै बाद ही रक्षाबंधन मनायो जा सकेला। ज्योतिषाचार्य नरेंद्रनाथ पांडेय रै अनुसार काशी पंचांग रै अनुसार 20 अगस्त नैं दिनभर भद्रा व्हेवा सूं 21 अगस्त नैं उदियात पूर्णिमा तिथि में भी श्रावणी रै साथै राखी बांधी जा सकेला। ज्योतिषाचार्य विजयभूषण वेदार्थी बतायो कै इणसूं पैल्या सन् 2000 में भी दिनभर भद्रा आई ही अर रात में ही राखी बांधी गई ही। अबै यो संयोग सन् 2022 में आवेला।
बाड़मेर में 36 अर बीकानेर में 12 नुवां गांव बणेला
जयपुर । राज्य सरकार अलग अलग अधिसूचना जारी कर बाड़मेर जिले में 36 अर बीकानेर जिले में 12 नुवां राजस्व गांव बणाया हैं। इण संबंध में जारी अधिसूचनाओं रै अनुसार बाड़मेर जिले में नुवा राजस्व गांव, शिव बाड़मेर, गुढ़ामालानी, सिणधरी अर रामसर तहसील क्षेत्र में बणाया हैं।
शूटर महेंद्रसिंह जीत्या 2 रजत
उदयपुर। अंतरराष्ट्रीय शूटर महेंद्रसिंह रावल दिल्ली में 13वीं केएसएस शूटिंग चैम्पियनशिप रै 25 मीटर रेपिड फायर पिस्टल वर्ग में दो रजत पदक जीत्या। दिल्ली रै डॉ. करणी सिंह शूटिंग रेंज में व्ही पांच दिवसीय प्रतियोगिता में रावल रै साथै ओलिंपिक पदक विजेता विजय कुमार स्वर्ण पदक जीत्यो। महेंद्रसिंह बतायो कै अबै वे भारतीय टीम रै प्रशिक्षण शिविर में भाग लेवैला, जठै सूं आगलै अंतरराष्ट्रीय प्रतियोगिता रै लिए खिलाडिय़ों रो चयन कियो जावेला।
राजस्थान रै सुरेश वॉलीबॉल टीम में
उदयपुर रै सुरेश खोईवाल नैं भारतीय जूनियर वॉलीबॉल टीम में शामिल किया गया है। भारतीय वॉलीबॉल फैडरेशन इण महीने ट्यूनीशिया में व्हैवा वाळा इंटरनेशनल जूनियर टूर्नामेंट रै लिए १२ सदस्यीय भारतीय टीम री घोषणा कर दी है। खोईवाल अंतरराष्ट्रीय खिलाड़ी दिलीप खोईवाल रै भाई है। टीम में अनूप डीकोस्टा, कार्तिक, विनायक, सुरेश खोईवाल, नरेंद्र कुमार, मरसद सुहैल, श्रवण यादव, अमित सिन्हा, दीपेश कुमार सिन्हा, सतनाम सिंह, हरमिंदर पाल सिंह व अमनदीप कुमार आदि शामिल है।
लैपटॉप एवं चैक वितरण समारोह
नसीराबाद। राजकीय बालिका उच्च माध्यमिक विधालय नसीराबाद में राज्य सरकार द्वारा वर्ष 2012-13 में राज्य में स्टेट फ्लैगशिप कार्यक्रम रै रूप में शुरू करी गई योजणा रै अंतर्गत माध्यमिक शिक्षा बोर्ड री 10वीं और 12वीं कक्षा री परीक्षा में मेरिट रै अनुसार, प्रथम 10-10 हजार बालक-बालिकाओं एवं प्रदेश रै सगळा 35 हजार 819 राजकीय उच्च प्राथमिक व उच्चतर विधालय में, आठवीं कक्षा में प्रथम स्थान प्राप्त करवा वाळा नै ‘लैपटॉप‘ पुरस्कार रै रूप में उपलब्ध करवाया जा रिया है। इण कड़ी में 10 अगस्त नै स्थानीय विधालय नसीराबाद में लैपटॉप एवं चैक वितरण समारोह स्थानीय विधायक महेंद्र सिंह गुर्जर रै मुख्य आतिथ्य एवं छावनी परिषद् रै उपाध्यक्ष माणक चंद खीची री अध्यक्षता में आयोजित कियो गयो
इण समारोह में स्थानीय विधायक महेंद्र सिंह गुर्जर द्वारा नसीराबाद री माध्यमिक शिक्षा बोर्ड री 10वीं और 12वीं कक्षा री परीक्षा में मेघावी छात्र – छात्रावां नै लैपटॉप एवं 9वीं कक्षा री सगळी 202 छात्रावां नै साइकिल क्रय करणे हेतु चैक वितरित किया गया l
आरपीएससी री विज्ञप्ति में राजस्थानी पद नीं
अखिल भारतीय राजस्थानी भाषा मान्यता संघर्ष समिति जताई नाराजगी, सौंप्यो ज्ञापन
जयपुर/उदयपुर. अखिल भारतीय राजस्थानी भाषा मान्यता संघर्ष समिति राजस्थान लोक सेवा आयोग द्वारा जारी व्याख्याता भर्ती परीक्षा री विज्ञप्ति में राजस्थानी विषय रो एक भी पद नीं रख्या जावा पै नाराजगी व्यक्त करी है। समिति रै प्रदेश महामंत्री डॉ. राजेन्द्र बारहठ रै अनुसार इण मुद्दे नैं ले’र समिति रै अग्रिम संगठन राजस्थानी मोट्यार परिषद, मायड़भाषा राजस्थानी छात्र मोर्चा, राजस्थानी चिंतन परिषद व राजस्थानी महिला परिषद रै कार्यकर्ता प्रदेशभर सूं मुख्यमंत्री रै नाम ज्ञापन प्रेषित किया। बारहठ आक्रोश व्यक्त कियो कि आरपीएससी री विज्ञप्ति में राजस्थानी व्याख्याता रै लिए पद नीं वेवा सूं उण हजारों योग्यताधारी मोट्यारी री मंशावा पै पाणी फिर ग्या है जो इण विषय रै व्याख्याता बणरै रो सुपणो संजोया है। वणा जानकारी दी कै प्रदेश में राजस्थानी व्याख्याता रै 50 सूं वत्ता पद रिक्त हैं अर अणा पदों हेतु राज्य सरकार स्कूलों नैं बजट भी आवंटित कर राख्या है। बारहठ कैयो
एण विषय रै व्याख्याता रै पद रिक्त व्हेवा सूं शिक्षण बाधित व्है रियो है। वणा कैयो कै आरपीएससी आरएएस परीक्षा में तो राजस्थानी नैं कुछ महत्त्व दियो है, मगर स्कूलां में इणरै व्याख्याता रै पद नैं भरवा री ओर ध्यान नीं दियो जावा सूं प्रदेश रै भावी प्रतिभागियों रो भाषा-ज्ञान सुदृढ़ नीं वेगा और वे आपणै ही प्रांत में पिछड़ जावेला।
मुख्यमंत्री नैं याद दिलाणै 10 वरस पुराणो संकल्प, संघर्ष समिति मनावेला 11 सूं 25 तक राजस्थानी संकल्प पखवाड़ो
-डॉ. राजेन्द्र बारहठ
जयपुर/उदयपुर। विधानसभा में लिया गए राजस्थानी मान्यता रै संकल्प नैं दस वरस पूर्ण व्हैवा पै अखिल भारतीय राजस्थानी भाषा मान्यता संघर्ष समिति 11 सूं 25 अगस्त तक राजस्थानी संकल्प पखवाड़ा मनावेला। राजस्थानी मान्यता हेतु राजस्थान विधानसभा में 25 अगस्त 2003 नैं सर्वसम्मत संकल्प पारित कर केन्द्र नैं भेज्यो गया हो, जिन्नैं 10 वरस होया रै बाद भी राज्य सरकार रो संकल्प पूरा नीं व्यो है। संकल्प पखवाड़े रै दौरान राजस्थानी मान्यता आंदोलन सूं जुडि़या कार्यकर्ता आपणै-आपणै गांव व शहर सूं मुख्यमंत्री अशोक गहलोत रै नाम पत्र भेज’र वण्णनैं वणारी सरकार रो संकल्प याद दिलवेला। पखवाड़े रो आगाज समिति रै प्रदेशाध्यक्ष के.सी. मालू रविवार नैं जयपुर में मुख्यमंत्री अशोक गहलोत नैं ज्ञापन सौंप’र करेला। इण ही दिन वे केन्द्रीय संस्कृति मंत्री चंद्रेश कुमारी, विधानसभा अध्यक्ष दीपेन्द्रसिंह शेखावत अर प्रदेश कांग्रेस कमेटी अध्यक्ष डॉ. चंद्रभान नैं भी ज्ञापन सौंपेगा। पखवाड़े रै दौरान राजस्थानी भाषा रै मुद्दे पै सभा, गोष्ठियां व प्रदर्शणियां भी आयोजित वेगी। बारहठ जानकारी दी कि प्रदेश रै 35 लोकसभा व राज्यसभा सांसदों नैं इण संबंध में 51 सूत्री पत्र भेज्या जा चुक्या हैं अर दूजा नेतावां नैं पत्र भेजवा रो सिलसिलो जारी है।
राजस्थानी भाषा री मान्यता री मांग दोहराई
जयपुर/उदयपुर। अखिल भारतीय राजस्थानी भाषा मान्यता संघर्ष समिति राजस्थानी भाषा री मान्यता री मांग दोहराई है। समिति रै प्रदेश महामंत्री डॉ. राजेंद्र बारहठ बतायौ कै हाल ही एक इंटरनेशनल ऑनलाइन ट्रैवल पोर्टल राजस्थानी लोकनृत्य घूमर नैं दुनिया में चौथा स्थान दियौ है। इणसूं साबित व्है कै राजस्थानी भाषा, साहित्य, संगीत अर संस्कृति दुनियाभर में देश रौ गौरव बढ़ा री है, पण इन्नैं आपणै ही प्रदेश में उपेक्षा रौ शिकार वेणौ पड़ रियौ है।
राजस्थानी भाषा, साहित्य एवं संस्कृति अकादमी, बीकानेर किदी विभिन्न पुरस्कारां री घोषणा
बीकानेर। राजस्थानी भाषा, साहित्य एवं संस्कृति अकादमी री ओर सूं दिया जाणै वाला 1.51 लाख रुप्या रौ महाकवि पृथ्वीराज राठौड़ पुरस्कार जोधपुर रै साहित्यकार डॉ. शक्तिदान कविया नैं दियो जावेगा। बीकानेर रै मधु आचार्य नैं वणारै उपन्यास 'गवाड़' रै लिए 51 हजार रुप्या रौ मुरलीधर व्यास राजस्थानी कथा साहित्यकार पुरस्कार दियौ जावेला। अकादमी अध्यक्ष श्याम महर्षि बतायौ कि अकादमी 71 हजार रु. रौ सूर्यमल्ल मीसण शिखर पुरस्कार जयपुर रै साहित्यकार नंद भारद्वाज नैं वण्णरी कहाणियां री पौथी 'बदळती सरगम' रै लिए घोषित कियौ है। 51 हजार रु. रौ शिवचंद भरतिया गद्य पुरस्कार चिड़ावा रै श्याम जांगिड़ नैं वणारी व्यंग्य पुस्तक 'म्हारो अध्यक्षता कांड' रै लिए दियौ जावेगा। पद्य विधा रौ 51 हजार रु. रौ गणेशीलाल व्यास उस्ताद पुरस्कार राजेश व्यास, जयपुर नैं 'कविता देवै दीठ' रै लिए प्रदान कियौ जावेगा। 31 हजार रु. रौ बावजी चतुरसिंह अनुवाद पुरस्कार बीकानेर रै रवि पुरोहित नै वणारी पौथी 'कैवती ही मां' रै लिए प्रदान कियौ जावेगा। 31 हजार रु. रौ सांवर दइया पैली पोथी पुरस्कार झालावाड़ रै कवि शिवचरण सेन 'शिवा' नैं 'सिरजण हिलोळ' रै लिए दियौ जावेगा। जवाहरलाल नेहरू राजस्थानी बाल साहित्यकार पुरस्कार भीलवाड़ा रै सत्यनारायण सत्य नैं वणारी पौथी 'धन धन म्हारो राजस्थान' रै लिए दियौ जावेगा।
मोत्यां सूं मैंगी : बाळकां री पौथियां
बीकानेर। राजस्थानी भाषा साहित माय ‘बाल साहित’ लिखीजणौ बोत कमती हुयौ है अर बोत कम लेखक है जो इण दिशा माय पग धरै । इण गेले एक पांडवो बढ़ाता कवेसर मईनुदीन कोहरी आपणी लेखणी सूं बाळकां रै सारूं सहारणजोग रचनावां रच रिया है। अबार हाल ही माय छपी वांरी बाळ कविता पौथी ‘म्है भारत मां रा लाल’ हिवडै माय हिवळास दिरावै अर मिनखपणौ थ्यावस थरपावै। कवेसर री पैली बाळ कविता पौथी ‘मोत्या सूं मैंगी’ भी उजास में आई, जो टाबर टोळ्यां सारू कंठा माय बसण जोग है।
नूठी पहल: यात्री छत माथै तो गार्ड रोक दी रेल।
अलवर। 20 जुलाई शनिवार शाम जयपुर-मथुरा पैसेंजर रेल री छत माथै यात्रियों रै बैठा व्हैवा रै कारण गार्ड रेल चलावा सूं मना कर’र एक अनूठी पहल किदी। हालांकि इण कारण रेल 1.18 घंटे स्टेशन माथै ऊबी री। इणसूं रेल री छत माथै बैठा यात्री शोर शराबो कियौ। रैल निर्धारित समै शाम 7.30 बजे स्टेशन पै आई। दो दिन बाद 22 जुलाई नैं गुरु पूर्णिमा रौ पर्व व्हैवा रै कारण इण रेल सूं गोवर्धन अर मथुरा जावा वाळा यात्रियों सूं रैल रै कोच खचाखच भरिया थकां हा।
राजस्थान री अपूर्वी जीत्या दो पदक
जयपुर। राजस्थान री युवा निशानेबाज अपूर्वी चंदेला नई दिल्ली में आयोजित कुमार सुरेंद्र सिंह मैमोरियल शूटिंग चैंपियनशिप में दो पदक जीत लिया। उदयपुर री अपूर्वी 10 मीटर एयर राइफल जूनियर स्पद्र्धा में स्वर्ण पदक जीत्यौ। वणी फाइनल में 416 अंक बणा’र बाजी मारी। यौ नेशनल रिकॉर्ड है।
राजस्थान टीम नैं कांस्य
महिला वर्ग में अपूर्वी रै प्रदर्शन रै कारण राजस्थान नैं कांस्य पदक मिल ग्यौ। इण टीम में सुहासिनी शेखावत व हर्षिता गुप्ता भी ही। राजस्थान टीम रै कुल 1212 अंक बने। महाराष्ट्र (1230) स्वर्ण व रेलवे (1224) रजत जीत्यौ।
भणाई रै खातर पौंची पुलिस रै कन्नैं
पुलिस बाल कल्याण समिति रै सहयोग सूं कस्तूरबा स्कूल में दाखिला दिलवायौ
राजसमंद। दारूड़्या बाप द्वारा स्कूल में एडमिशन नीं दिलावा सूं नाराज शहर री एक किशोरी पुलिस रै पास पौंच गी। वंडी रिपोर्ट पै पुलिस पैले तो समझाइश करवा री कोशिश करी, पण बाद में विन्नैं बाल कल्याण समिति रै सहयोग सूं कस्तूरबा गांधी बालिका आवासीय स्कूल में दाखिला दिलवा दियौ।
कांकरोली निवासी ज्योति (१5) पुत्री सोम नाथसिंह पंजाबी पिता रै खिलाफ शिकायत ले’र राजनगर थाणै पौंची। वणी पुलिस नैं बतायौ कै आठवीं प्रथम श्रेणी में पास करी ही, पण इण साल पिता विन्नैं 9वीं कक्षा में एडमिशन नीं दिलवा रिया हैं। वणी जिद करी तो पिता मारपीट किदी अर धमकाई भी। ज्योति पुलिस नैं सौंप्या परिवाद में बतायौ कै वा आगे पढणौ चावै है, इणरै लिए विन्नैं पिता सूं अलग रैहणौ पड़े तो वा अलग रैवैगी। एएसआई भगवतीलाल पालीवाल बतायौ कै ज्योति नै घणौ समझायौ गयौ, पण वा नीं मानी। बाद में बाल कल्याण समिति में संपर्क कर पिन्नैं हाथों हाथ शहर रै कस्तूरबा गांधी बालिका आवासीय स्कूल में दाखिला दिलवा दियौ गयौ।
डॉ. देव स्वरूप राजस्थान यूनिवर्सिटी रै कुलपति
जयपुर। यूनिवर्सिटी ग्रांट्स कमीशन (यूजीसी) रै संयुक्त सचिव डॉ. देव स्वरूप नैं राजस्थान यूनिवर्सिटी रा नया कुलपति बणाया गया है। राजभवन 20 जुलाई शनिवार नैं इणरी औपचारिक घोषणा करी। नुवां कुलपति रौ कार्यकाल तीन वर्ष तक रै लिए रैवेगा। यूनिवर्सिटी में छह महीने सूं स्थायी कुलपति रौ पद खाली हो।
विधालय विकास कार्यों रै लिए विभिन्न प्रस्ताव पारित
-अशोक जैन
नसीराबाद । राजकीय बालिका उच्च माध्यमिक विधालय नसीराबाद में 31 जुलाई नैं विधालय विकास समिति एवं अभिभावक संघ री सयुक्त बैठक रो आयोजन कियो गयो l जिणरै अंतर्गत शिक्षा सत्र 2013 -2014 में विधालय में करवाया जाणे वाळे विकासात्मक कार्यों हेतु विभिन्न प्रस्ताव पारित किया गया अर पूर्व में करवाया गया कार्यों पै होवा वाळे व्यय रो अनुमोदन कियो गयो l इण बैठक में प्रधानाचार्य श्रीमती सुनीता यादव द्वारा विधालय में शिक्षिको रै रिक्त पद भरवाणे हेतु विधालय विकास समिति अर अभिभावक संघ रै सदस्यों सूं विधायक एवं उच्चाधिकारियों नैं पत्र लिखणे हेतु आग्रह कियो। बैठक में छावनी परिषद् रै उपाध्यक्ष माणक चंद खीची रामराय टाक रामेश्वेर दयाल महेश जिंदल महेश खिची आदि भाग लियो l
राजस्थानी लेखिकावां लिदी संस्कृति री रखवाळी री जिम्मेवारी
बीकानेर। राजस्थानी भाषा, साहित्य एवं संस्कृति अकादमी, बीकानेर एवं शब्दश्री साहित्य संस्थान रै भैलप माय दो दिवसीय राजस्थानी लेखिका सम्मेलन बाबू हैरिटेज हॉटल रै सभागार माय 27 जुलाई सूं 28 जुलाई तक आयोजित कियौ गयौ।प्रदेशभर री सौ सूं वत्ती लेखिकावां अणी कार्यक्रम में भाग लियौ। इण सम्मेलन माय सृजन री दिशा और दशा माथै चर्चा की गई। रविवार सुबह चर्चा रै सत्र माय उदयपुर री अनुश्री राठौड़ 'संस्कृति री रुखाळीदार राजस्थानी महिलावां' विषय माथै परचौ वांच्यौ।
सम्मेलन संयोजक एवं अध्यक्ष शब्दश्री मोनिका गौड़ रौ कैणौ है कै दो दिनां तक गहन विचार मंथन रै साथै ही हर सामाजिक विसंगति माथै खुल’र कलम री तलवार चलावां अर संस्कृति री रखवाळी रौ सकल्प ले’र प्रदेशभर री लेखिकावां 28 जुलाई नैं बीकानेर सूं विदा ली। विदाई सूं पेहले लेखिकावा नैं लहरियौ ओढ़ा’र सम्मान कियौ गयौ।
अकादमी रै अध्यक्ष श्याम महर्षि इण सम्मेलन नै महिला लेखन नैं बढ़ावौ देवा रै लिहाज सूं मील रौ पत्थर बतायौ। कार्यक्रम रौ संचालन शब्दश्री संस्था री अध्यक्ष मोनिका गौड़ अर महासचिव मनीषा आर्य सोनी कियौ। अकादमी सचिव पृथ्वीराज रतनू कार्यक्रम री रिपोर्ट बांची ।
संस्कृति री रुखाळीदार राजस्थानी महिलावां' विषय माथै परचौ वांचती अनुश्री राठौड़।
राजस्थानी त्रैमासिक पत्रिका ’पारस मणि’ रै पैहला अंक रौ लोकार्पण
 
बीकानेर। राजस्थानी भाषा, साहित्य एवं संस्कृति अकादमी, बीकानेर एवं शब्दश्री रै भैलप माय में आयोजित दो दिवसीय राजस्थानी लेखिका सम्मेलन रै द्वितीय सत्र में हैरिटेज हॉटल रै सभागार में हनुमानगढ़ सूं प्रकाशित बाळकां री राजस्थानी त्रैमासिक पत्रिका ’पारस मणि’ रै पैहला अंक रौ लोकार्पण कियौ गयौ। उल्लेखजोग है कै केन्द्रीय साहित्य अकादमी दिल्ली री ओर सूं 2012 में बाल साहित्य रै क्षेत्र में पुरस्कृत वरिष्ठ बाल साहित्यकार दीनदयाल शर्मा रै साथै-साथै अणारी 14 वर्षीया बेटी मानसी शर्मा भी ’पारस मणि’ रै संपादन रौ कार्य देख री है। मानसी शर्मा सम्पादन व लेखन रै साथै-साथै नृत्य, गायन, चित्रकला, मेहंदी, रंगोली आदि कैई क्षेत्र माय रूचि राखे है।
पारस मणी री नान्ही संपादक 14 वर्षीया मानसी शर्मा।
साइकिल क्रय करवा हेतु चैक वितरित
-अशोक जैन
नसीराबाद। राजकीय बालिका उच्च माध्यमिक विधालय नसीराबाद में 25 जुलाई नैं शिक्षा सत्र 2012 -2013 में कक्षा नवमी में अध्यनरत छात्राओं नैं साइकिल क्रय करवा हेतु चैक वितरण समारोह राख्यो गयौ।
इस समारोह में स्थानीय संस्था री 225 छात्राओं नैं साइकिल क्रय करवा हेतु 2500 रुप्या रौ चैक प्रति छात्रा रै हियाब सूं वितरित किया गया।
विधिक साक्षरता शिविर रौ आयोजन
राजकीय बालिका उच्च माध्यमिक विधालय नसीराबाद में विधिक साक्षरता शिविर रौ आयोजन भी कियौ गयौ। विधिक साक्षरता शिविर में मुंसिफ मजिस्ट्रेट नसीराबाद अनामिका सारण एवं सी जी एम् नसीराबाद शंकर लाल मारू छात्राओं नैं महत्त्वपूर्ण क़ानूनी जानकारी प्रदान करी। विधिक साक्षरता शिविर में छात्राओं नैं बाल-विवाह, नशा मुक्ति, दहेज़ प्रथा, मानसिक एवं शारीरिक उत्पीडन आदि रै प्रति जागरूक रैहवा एवं समाज में जागरूकता लावा हेतु प्रेरित करी।
इण अवसर माथै छात्राओं नैं विधिक जानकारी सम्बन्धी पुस्तिका भी वितरित करी गयी।
आयो सावणियौ चालेगा व्रत उपवास रौ दौर
उदयपुर । श्रवण नक्षत्र रै कारण इण माह नै श्रावण मास कैवै हैं। इणरौ स्वामी चंद्रमा है, जो जल तत्व प्रधान है। कुंवारी कन्याओं नैं वैधव्य दोष मुक्ति रै लिए सावण रै मंगलवार नैं मंगला-गौरी व्रत कराणौ श्रेष्ठ मान्यौ गयौ है। महिला-पुरुष जीवन साथी री लंबी उम्र री कामना सूं श्रावणी बीज नैं अशून्य शयन व्रत करै हैं। नाग पंचमी व्रत संतान री लंबी आयु रै लिए कियौ जावै है। हरियाली तीज माथै सुहागणा द्वारा सासु या जेठानी नैं मिठाई भेंट करणौ पति-पत्नी में विग्रह दूर करवा वाळौ मान्यौ गयौ है।
सावण रे अनुष्ठानों री शुरुआत
शिव मंदिरा में सावण रे अनुष्ठानों री शुरुआत 23जुलाई मंगलवार नैं व्ही। महादेव रौ बिल्व पत्र व फूलां सूं विशेष शृंगार कियौ गयौ।
सावण मास रै पैले दिन मेवाड़ रै प्रमुख शिव धाम एकलिंगजी मंदिर, शहर रै प्रमुख शिवालय महाकालेश्वर, कोर्ट चौराहा स्थित हजारेश्वर, तीतरड़ी स्थित गुप्तेश्वर, शहर रै कन्नैं स्थित नांदेश्वर महादेव मंदिर में भक्तों री काफी आवाजाही री। अणा शिवालयों रै अलावा संगळा शिव मंदिरा में हर सोमवार, प्रदोष अर मास शिवरात्रि माथै रुद्राभिषेक अर पूजन अनुष्ठान वेगा।
मंदिरों में शुरू व्याए हिंडोलणा
सावण मास रै अवसर माथै पुष्टिमार्गीय मंदिरों, बाईजी राज कुंड मंदिर व अस्थल मंदिर और जगदीश मंदिर में हिंडोलणा शुरू व्है ग्या। ठाकुरजी रै हिंडोलने रै दर्शन रै लिए भक्तों री आवाजाही बढ़री है।
बाजार में छाया लहरिये रा रंग
परंपरा रै अनुसार श्रावण में लहरिया ओढिया जावै हैं, बहू, बेटियों नैं लहरिया भेंट किया जावै हैं। सगाई रै बाद भावी बहू रै लिए लहरिया ले जावा री परंपरा भी श्रावणी तीज नै निभाई जावै है। कैई समाज-संगठनों री ओर सूं लहरिया प्रतियोगिताएं भी व्है है। इनैं देखता थका बाजारा में लहरिया सज ग्या हैं।
संगीत, साहित्य व ललित कलाओं रौ भी आयोजन करेगा सांस्कृतिक केंद्र
उदयपुर। वेस्ट जोन कल्चरल सेंटर अबै शिल्प कलाओं रै साथै संगीत, साहित्य अर ललित कलाओं रौ भी आयोजन करेगा। इस संबंध में शीघ्र ही प्रस्तावित कार्यक्रमों री रूपरेखा त्यार की जावेला। यो निर्णय गोवा री राजधानी पणजी में व्ही गवर्निंग बॉडी व एक्जीक्युटिव बोर्ड री बैठक में लियौ गयौ। बैठक में राज्यपाल माग्र्रेट अल्वा केंद्र रै सदस्य राज्यों में अधिकाधिक कार्यक्रम आयोजित करणै अर नुवीं प्रतिभाओं नैं अवसर देवा री बात करी।
रीना मेनारिया नैं युवा लेखन पुरस्कार
बीकानेर। राजस्थानी महिला लेखन पुरस्कार कोटा री डॉ. प्रेम जैन नैं वंडी काव्य पुस्तक 'रोशनी रा रूंख' रै लिए दियौ जावा रौ निर्णय व्यौ है। प्रेमजी प्रेम राजस्थानी युवा लेखन पुरस्कार उदयपुर री रीना मेनारिया नै वंडे कहानी संग्रह 'घी रो दिवळो' रै लिए घोषित व्यौ है।
दूरदर्शन रै प्रश्नोत्तरी शो पूरा किया 20 वर्ष: एक ही चैनल, एक ही फार्मेट, एक ही एंकर अर स्क्रिप्ट राइटर
जयपुर। दूरदर्शन जयपुर रै लोकप्रिय क्विज शो प्रश्नोत्तरी आपणै प्रसारण रै 20 वर्ष पूरा कर लिया हैं। इण अवसर माथै 23 जुलाई मंगलवार नैं दूरदर्शन सूं एक विशेष प्रश्नोत्तरी कार्यक्रम प्रसारित कियौ गयौ। इण कार्यक्रम री पैली कड़ी 23 जुलाई, 1993 नै प्रसारित व्ही ही। तब सूं प्रतिमाह दो एपिसोड पाक्षिक रूप सूं प्रसारित व्है रिया हैं। इण कार्यक्रम नै लिम्का बुक ऑफ वल्र्ड रिकॉड्र्स रै 2003 रै संस्करण में लॉन्गेस्ट रनिंग टेलीवाइज्ड क्विज शो रै रूप में भैळौ कियौ गयौ। यो कार्यक्रम अतरा लाम्बा समै सूं एक ही चैनल, एक ही फार्मेट, एक ही एंकर अर स्क्रिप्ट राइटर पूर्व आईएएस डॉ. महेन्द्र सुराणा द्वारा प्रसारित व्है रियौ है। इणमें सांस्कृतिक, साहित्यिक अर ऐतिहासिक पृष्ठभूमि पै आधारित कार्यक्रमों रै अलावा गीत, संगीत, नृत्य, खेलकूद, धर्म, इतिहास, विज्ञान, रीति रिवाज, मेलों, त्यौहारों, पर्वों विशिष्ट दिवसों पै आधारित अर सामान्य ज्ञान अर करंट अफेयर पै आधारित प्रश्न पूछिया जावै हैं। प्रश्नोत्तरी कार्यक्रम में अबार तक लगभग 500 एपिसोड प्रसारित व्है चुक्या हैं।
जयपुर दूरदर्शन रै प्रश्नोत्तरी शो रौ संचालन करता डॉ. महेंद्र सुराणा।
मानव रहित फाटकों रै कन्नैं पहुंचता ही मिलेगा एसएमएस
पश्चिम मध्य रेलवे मानव रहित फाटकों पै १८ जुलाई सूं नुवीं व्यवस्था शुरू की है। ज्यूं ही कोई व्यक्ति फाटक रै कन्नैं पहुंचेगा, विनैं एसएमएस आवेगा कि 'सावधान' आप संभल’र पटरी पार करज्यौ । मानव रहित फाटकों नै संबंधित इलाके रै सर्वर सू जोड़ दियौ गयौ है। इलाके री रेंज में आते ही मोबाइल पै मैसेज आवैगा। योजना मध्यप्रदेश रै गुना, कटनी, शिवपुरी, ग्वालियर अर राजस्थान रै बूंदी में शुरू करी गई है। इण योजना रौ ४० दिनों तक ट्रायल वेगा। इणरै बाद आगे फैसलौ कियौ जावेगा।
सामूहिक छुट्टी पै ग्या कर्मियों नै विण अवधि रो वेतन नीं
जयपुर। राज्य सरकार सामूहिक अवकाश पै चाल रिया कर्मचारियों नैं जुलाई माह रै अवकाश रौ वेतन नीं देवा रौ फैसला कियौ है। वित्त विभाग इण आशय रा आदेश जारी कर दिया है। जिण कर्मचारियों रै अवकाश सक्षम अधिकारी द्वारा स्वीकृत नीं हैं, विणनैं अवकाशकालीन वेतन नीं मिलेला।
विभिन्न क्षेत्रों में उल्लेखनीय कार्यों के लिये 17 लोगां नैं पुरस्कार
राजस्थान रत्नाकर द्वारा विभिन्न क्षेत्रों में उल्लेखनीय कार्यों रै लिये डॉ. राजेन्द्र सिंह बारहट, डॉ. जेबा रशीद, डॉ. ओ.पी. यादव, डॉ. महेश चन्द्र मिश्रा अर सुमन कुमार गुप्ता सहित 17 लोगा नैं पुरस्कार दिया गया ।
केन्द्रीय संचार, विधि एवं न्यायमंत्री श्री कपिल सिब्बल एवं दिल्ली रै परिवहन मंत्री श्री रमाकांत गोस्वामी पुरस्कृत लोगां रो सम्मान करता थका।
नई दिल्ली। दिल्ली री प्रमुख समाज सेवी संस्था राजस्थान रत्नाकर द्वारा विभिन्न क्षेत्रों में उल्लेखनीय कार्यो रै लिए 15 जुलाई, रविवार सांझ नई दिल्ली रै फिक्की ऑडिटोरियम में आयोजित संस्था रै वार्षिक समारोह में 17 लोगां नैं पुरस्कार दे’र सम्मानित किया गया अर निर्धन वर्ग रै 598 मेघावी छात्रों नैं विशेष छात्रावृत्तियॉ प्रदान करी गई।
समारोह रै मुंगा पामणा केंद्रीय संचार, विधि एवं न्यायमंत्री श्री कपिल सिब्बल अर खास पामणा दिल्ली रै परिवहन मंत्री श्री रमाकांत गोस्वामी संस्था रै वरिष्ठ सदस्य अर प्रख्यात कवि श्री सुरेन्द्र शर्मा रो पद्मश्री अवार्ड मिलवा पै नागरिक अभिनन्दन कियो।
संस्था री गतिविधियों में खास योगदान रै लिए श्री बी.आर. गर्ग नैं ‘‘रत्नाकर-रत्न’’ अर श्री विनोद तुलस्यान, श्री अजय मित्तल अर श्री राजकुमार केडिया नैं ‘‘रत्नाकर श्री’’ री उपाधि सूं सम्मानित कियो। राजस्थान साहित्य री सर्वश्रेष्ठ सेवा रै लिए उदयपुर रै डॉ. राजेन्द्र सिंह बारहट नैं दीपचंद जैन साहित्य पुरस्कार, राजस्थानी भाषा री श्रेष्ठ पुस्तक ‘‘वाह रे मर्द री जात’’ रै लिए जोधपुर री डॉ. जेबा रशीद नैं श्री महेन्द्र जाजोरिया साहित्य पुरस्कार, राजस्थानी लोकगायन रै लिए नागौर रै श्री हजारी लाल नैं श्री शिव रूपराम लोकगीत पुरस्कार, पत्राकारिता एवं मीडिया रै क्षेत्रा में खास योगदान रै लिए डी.डी. न्यूज, नई दिल्ली रै डॉ. ओ.पी. यादव नै श्री नरसिंह दास गुप्ता स्मृति पुरस्कार, चिकित्सा रै क्षेत्रा में उत्कृष्ट योगदान रै लिए एम्स, नई दिल्ली रै चिकित्सक डॉ. महेश चंद्र शर्मा नैं श्री लोकनाथ सराफ स्मृति पुरस्कार, सामाजिक कार्यो में विशेष योगदान रै लिए दिल्ली रै श्री सुमन कुमार गुप्ता नैं अभिप्रा समाज सेवा पुरस्कार अर प्रशासनिक क्षेत्रा रै माध्यम सूं समाज सेवा रो कार्य करवा रै लिए आई.पी.एस. श्री देवेश श्रीवास्तव नैं श्री वासुदेव डालमिया स्मृति पुरस्कार प्रदान किया गया।
संस्था रर ओर सूं ‘राजस्थान’ विषय पै स्कूली छात्रों रै लिए आयोजित बागला निबंध पुरस्कार रै विजेता में कुमारी आरती गुप्ता एवं रितिका शुक्ला नैं प्रथम, कुमारी मेघा एवं कुमारी कंचन गुप्ता नैं द्वितीय अर श्री सूरज शर्मा एवं कुमारी रीतिका नैं तृतीय पुरस्कार सूं पुरस्कृत कियो गयो।
राजस्थानी लोकनृत्य घूमर री ग्लोबल धूम
लोकप्रियता में विश्व में चौथा स्थान, टॉप टेन में भारत रो एकलो नृत्य
राजस्थान रै पारम्परिक एवं सर्वाधिक लोकप्रिय लोकनृत्य घूमर नैं विश्व रै सर्वोत्कृष्ट 10 स्थानों में सूं चौथो स्थान मिल्यो है। एक इन्टरनेशल ऑनलाइन ट्रैवल पोर्टल दुनिया रै संगळा नृत्यों नैं विभिन्न मानदण्डों पै परखते हुए ‘घूमर’ नै चौथो स्थान दियो गयो है। इण कड़ी में यो भारत रो एकमात्र नृत्य है। पेहले स्थान माथै हवाई, दूसरे स्थान माथै जापान रो बोन ओडोरी और तीजे स्थान माथै आयरलेण्ड रो नृत्य रियो है। इण घोषणा सूं राजस्थान रै संगीत एवं नृत्य री दुनिया में धाक नैं बढाता थका राजस्थान ही नीं बल्कि आक्खा भारत नैं गौरवान्वित कियो है।
श्रीगंगानगर में राज्य रो पैहलो एग्रो ट्रेड टावर
श्रीगंगानगर। सूरत अर मुंबई री तर्ज पै कृषि जिंसों रै कारोबार नै बढ़ावो देने रै लिए श्रीगंगानगर में राज्य रो पैहला एग्रो ट्रेड टावर बणेगा। सात मंजिला टावर रो भवन बणावा पै 20 करोड़ रुप्या खर्च वेगा। इनैं कृषि विपणन निदेशालय मंजूरी दे दी है। अबै इणरी फाइल राज्य सरकार रै कन्नैं भेज दी गई है। कृषि विपणन विभाग रै अधिकारियों रै अनुसार टावर भवन में बेसमेंट रै अलावा सात मंजिला वेगी। इणमें वणा व्यापारियों नैं दफ्तर बणावा रै लिए दुकाना दी जावेला, जणरै कन्नैं मंडी परिसर में दुकाना नीं हैं। भवन में 128 दुकाना बणेगी और बेसमेंट पै बैंक, एटीएम, पार्किंग सहित अन्य सुविधा वेगी। 150 गुना 160 फुट में बणवा वाळा भवन रै लिए मंडी परिसर में गेट नंबर दो रै कन्नैं जमीन चिन्हित करी गई। अठै पैहले लक्कड़मंडी लागती ही। ट्रेड टावर बणने सूं कैई लाइसेंसधारियों नैं दुकाना मिल जाइ।
पानी व्यर्थ बहाणे वाले मोहल्ले पै लागेगा 500 रुप्या रो जुर्माणो
गोगुंदा। गोगुंदा तहसील री भूताला पंचायत रै वार्ड चार में पानी व्यर्थ बहाणे वाले मोहल्ले वाळा नैं 500 रुप्या जुर्माणो देणो पड़ेला। वार्ड सभा में उपस्थित 92 लोग सर्व सम्मति सूं इण फैसले पै मुहर लगाई। इणमें 39 महिलावा भी भेळी ही।
आंगनबाड़ी कार्यकर्ता-सहायिका री मानदेय सेवा मुक्त अवधि 60 साल
जयपुर। महिला एवं बाल विकास विभाग रै तहत कार्यरत आंगनबाड़ी कार्यकर्ता एवं सहायिकाओं री मानदेय सेवा मुक्त अवधि नैं दो साल बढ़ाता थका 60 साल कर दियो है। अबार तक अधिकतम 58 साल री आयु में मानदेय सेवा सूं मुक्त कियो जातो हो। विभाग रै डायरेक्टर एम.पी. स्वामी कैयो कै इण संबंध में आदेश जारी कर दिया गया हैं।
अलवर में देश री तीजी महिला बटालियन
अलवर। सीआरपीएफ री महिला बटालियन 213 रो ट्रेनिंग सेंटर अलवर रै बहादुरपुर पट्टी-कटला में बणेगा। इणरे लिए 17 जुलाई, बुधवार नैं भूमि पूजन व्यो । 500 बीघा भूमि पै बणवा वाळा इण सेंटर री लागत । 450 करोड़ रु. आवेला अर इण ट्रेनिंग सेंटर पै अर १२०० महिलावां देशभर सूं अठै हर साल ट्रेनिंग लेवेला। कार्यक्रम में केंद्रीय गृहमंत्री सुशील कुमार शिंदे, मुख्यमंत्री अशोक गहलोत, रक्षा राज्यमंत्री जितेंद्र सिंह मौजूद रिया। इण दौरान सीआरपीएफ री महिला जवान परेड करी और बैंडवादन कियो
> सीआरपीएफ री पैहली महिला बटालियन-88 रो गठन 1986 में नई दिल्ली में हुआ था।
> दूजी बटालियन-135 गांधीनगर (गुजरात) में है।
> अलवर में देश री या तीजी महिला बटालियन वेगी।
सेना भर्ती परीक्षा 28 नैं
डूंगरपुर। जनजाति उपयोजना क्षेत्र डूंगरपुर में सेना भर्ती प्रक्रिया 20 सूं 28 जुलाई तक पुलिस लाइन मैदान में चाल री है।
अणा पदा पै वेगी भर्ती: या वेण चावै योग्यता
1. सैनिक क्लर्क/एसकेटी:12वीं में 50 प्रतिशत अंक अर हरैक विषय में 40 प्रतिशत अंक अनिवार्य। अंग्रेजी, गणित, बुक कीपिंग अर एकाउंटेंसी विषय अनिवार्य। ऊंचाई 16 2सेमी, वजन 50किग्रा, सीना 8 2सेमी. अर उम्र साढ़े 17 सूं 23 वर्ष।
2. सैनिक सामान्य पद: 10वीं में 45प्रतिशत या 12वीं पास। ऊंचाई 170सेमी, वजन 50किग्रा, सीना 8 2सेमी. अर उम्र साढ़े 17 सूं 21 वर्ष।
3. सैनिक तकनीकी: अंग्रेजी, गणित, भौतिक विज्ञान और रसायन विज्ञान रै साथै 12वीं पास। ऊंचाई 170सेमी, वजन 50किग्रा, सीना 8 2सेमी. तथा उम्र साढ़े 17 सूं 23 वर्ष।
4. सैनिक नर्सिंग सहायक: 50 प्रतिशत अंकों रै साथै 12वीं पास अर संगळा विषयों में 40 प्रतिशत अंक अनिवार्य। साथ ही अंग्रेजी, भौतिक विज्ञान और जीव विज्ञान अनिवार्य। उच्च शिक्षा प्राप्त है तो 12वीं में 50 प्रतिशत अंक री आवश्यकता नहीं है।
सेना भर्ती कार्यक्रम
23 व 24 जुलाई: दस्तावेजों री जांच अर चिकित्सा परीक्षण वेगा।
27 जुलाई: एडमिट कार्य (प्रवेश पत्र) रो वितरण वेगा।
28 जुलाई: लिखित परीक्षा वेगी।
एक साल में बणवा लागी जयपुर में एटीएम
जयपुर। जयपुर में अबै ऑटोमेटिक टेलर मशीना (एटीएम) बणेगी। ब्राजील री विश्व प्रसिद्ध कंपनी पेरटो एसए अठै महिंद्रा वल्र्ड सिटी में आपणो अत्याधुनिक प्लांट लगा री है, जिणमें एक साल रै माय उत्पादन शुरू हो जावेला। इण प्लांट रो निर्माण कार्य आगले माह शुरू वेवेला।
उदयपुर सूं रतलाम एक्सप्रेस ट्रेन 21 सूं चालू
उदयपुर। चित्तौडग़ढ़-रतलाम रै बीच चालवा वाळी एक्सप्रेस ट्रेन रो संचालन 21 जुलाई सूं उदयपुर सूं शुरू व्यो। इण ट्रेन रै मार्ग विस्तार री घोषणा फरवरी में पारित रेल बजट में करी गई ही। उदयपुर-रतलाम एक्सप्रेस आधी रात में अठे आ'र रात 1.15 बज्या रतलाम रै लिए प्रस्थान करेला। ट्रेन में कुल 12 कोच वेगा, जिणमें सूं तीन कोच स्लीपर व 9 कोच जनरल वेगा।
बोर्ड परीक्षा रा ऑनलाइन आवेदन आगले सप्ताह सूं
अजमेर। माध्यमिक शिक्षा बोर्ड में 2014 री परीक्षा रै लिए नियमित और स्वयंपाठी परीक्षार्थियों रा आवेदन करवा री ऑनलाइन प्रक्रिया आगले सप्ताह सूं शुरू वेगा। सामान्य शुल्क रै साथै 21 अगस्त तक आवेदन किया जा सकेला। बोर्ड सचिव मिरजूराम शर्मा रै कैणो है कै संगळा विद्यालयों नैं एक रिक्त परीक्षा आवेदन पत्र रो नमूना भेज्यो जा रियो है। परीक्षार्थियों नैं बोर्ड रै इण आवेदन पत्र नैं भर’र संबंधित विद्यालय में परीक्षा शुल्क रै साथ प्रस्तुत करणो वेगा। इणरै बाद विद्यालय बोर्ड री वेबसाइट WWW.rajeduboard.nic.in पै ऑनलाइन परीक्षा आवेदन रै लिंक पै लॉग इन कर आवेदन पत्र भरिया जा सके। बोर्ड री ओर सूं संगळा विद्यालयों नैं लॉग इन आईडी अर पासवर्ड दिया जा रिया है, जो संबंधित नोडल केंद्र सूं प्राप्त करणो वेगा।
टूरिज्म हॉट डेस्टिनेशन बणेगा दूधतलाई क्षेत्र : इंटरनेशनल फाइनेंस कॉर्पोरेशन (आईएफसी) री दूध तलाई प्रोजेक्ट माथै बैठक
उदयपुर। पर्यटकों रै ठहराव रै लिए दूधतलाई क्षेत्र नैं हॉट डेस्टिनेशन बणावा री त्यारी की जा री है। पाणी पै कठपुतलियों रो शो करवा रै साथै ही अठै हाट बाजार बणावा पै भी विचार कियो जा रियो है। इंटरनेशनल फाइनेंस कार्पोरेशन (आईएफसी) रै अधिकारियों रै साथै 5जुलाई नैं व्ही बैठक में दूधतलाई प्रोजेक्ट पै त्यार प्रेजेंटेशन रै साथै विस्तृत चर्चा की गई। इणमें दूधतलाई क्षेत्र नै नो व्हीकल जोन बणावा अर गोल्फ कारों रै संचालन करवा पै भी विचार विमर्श व्यो। क्षेत्र में शिल्पग्राम री तर्ज माथै पारंपरिक शिल्प कलाओं पै आधारित कला हाट बाजार बणावा रो प्रस्ताव भी रख्यो गयो।
लेकसिटी में बणेगा ओपन टेराकोटा म्यूजियम:- शिल्पग्राम में स्थापित वेगा, जुटेंगे देशभर रै टेराकोटा आर्टिजन
पुष्पेन्द्र सिंह सोलंकी
उदयपुर। हवाला स्थित शिल्पग्राम में ओपन टेराकोटा म्यूजियम बणेगा। जिनैं देशभर रै चुनिंदा टेराकोटा आर्टिजन त्यार करेला। ये आर्टिजन आपणे क्षेत्र में प्रचलित टेराकोटा रै सर्वश्रेष्ठ नमूने त्यार करेला, जिन्नै म्यूजियम में राख्या जावेला। अणा कलाकृतियों पै संबंधित कलाकार री जानकारी दी जावैला, ताकि दर्शकों नैं कला और कलाकार सूं जुड़ी जानकारी प्राप्त व्है सके। पश्चिमी क्षेत्र सांस्कृतिक केंद्र री ओर सूं यो म्यूजियम त्यार कियो जावेला। शिल्पकारों अर कला प्रेमियों नैं देशभर में प्रचलित टेराकोटा री बारीकियों सूं अवगत करवाणे री दिशा में यो प्रयास वेगा।
काई हैं टेराकोटा आर्ट
टेराकोटा में नदियों और तालाबों रै किनारे सूं निकाळी जावा वाळी चिकणी माट्टी सूं कलाकृतियां बणाई जावै हैं। माट्टी नैं आकृति देवा रै बाद विन्नैं पकायो जावै है। पक जावा रै बाद इण पै रंग रोगन कर मूर्त रूप दियो जावै है।
शहर में निकळी भगवान जगन्नाथ, श्रद्धालु पुष्पवर्षा कर कियो स्वागत
उदयपुर। शहर में दस जुलाई बुधवार नैं भगवान जगन्नाथ री रथयात्रा निकाळी गी। इण दौरान जगदीश चौक माथै परभात सूं ही चहल-पहल री। रथयात्रा रवानगी रै दौरान कीर्तनकार 'आज बन्यो रथ नीको...', 'रथ बैठे जगदीश देखो रे भाई...', 'रथ चढ़ 'रघुनंदन आवत है...' आदि भजन गाया। कैई जगहों माथै श्रद्धालु पुष्पवर्षा सूं रथयात्रा रो स्वागत कियो। रथयात्रा रात सवा नौ बज्या आरएमवी रोड पौंची तो 21 हजार दीपों सूं महाआरती करी गई।
निभाई प्राचीन परंपरा
जगदीश मंदिर में सालों सूं निभाई जा री परंपरा रै अनुसार मंदिर परिसर में छोटे रथ री ही यात्रा निकाळी जावै है। शहर में 17 साल सूं भले ही भव्य रथयात्रा निकलवा लागी, पण मंदिर परिसर में रथयात्रा निकाळवा री परंपरा आज भी कायम है। छोटे रथ नैं मंदिर री चारों देवरियों में ले जा’र पूजा अर्चना की गई।
जनप्रतिनिधि भी रिया मौजूद
जगदीश मंदिर सूं रथयात्रा री रवानगी रै दौरान शहर रै जनप्रतिनिधि री भी मौजूदगी री। अठै महेंद्र सिंह मेवाड़ शुरुआत सूं ले’र घंटाघर तक साथ रिया। सांसद रघुवीर मीणा, विधानसभा में प्रतिपक्ष नेता गुलाब चंद कटारिया, जिला प्रमुख मधु मेहता, महापौर रजनी डांगी, देहात कांग्रेस जिलाध्यक्ष लालसिंह झाला सहित कैई जनप्रतिनिधि भी मौजूद रिया।
सोमवती अमावस्या माथै लगाई डुबकी
केलवाड़ा (बारां)। सोमवती अमावस्या माथै सीताबाड़ी में स्थित पवित्र कुंडों में मोटी संख्या में पहुंच्या कैई श्रद्धालु डुबकी लगाई। आठ जुलाई सोमवार नैं संगळा कुंड में श्रद्धालुआं री भीड़ लागी री।
टाइगर हिल सिंहासन माथै बिराजेंगे प्रताप:- सामने वेगा चेतक
जयपुर। सिंहासन पै बैठिया महाराणा प्रताप री सबसूं मोटी कांस्य प्रतिमा जयपुर रै बिंदायका औद्योगिक क्षेत्र में त्यार हो री है। अबार तक प्रताप री अश्वारूढ़ प्रतिमावां ही देखवा नैं मिली है। या देश री सबसूं ऊंची प्रतिमा वेवा रै साथ ही संभवत: पैहली प्रतिमा वेगा, जिणमें प्रताप सिंहासन माथै बैठिया हैं। प्रतिमा नैं पूरी तरह मेवाड़ी और युवा रूप दियो जा रियो है। प्रतिमा नैं एक साल सूं बणायो जा रियो है अर छह माह और लागेला। इनै टाइगर हिल स्थित प्रताप गौरव केंद्र उदयपुर माथै स्थापित कियो जावैला।
मूर्तिकार लक्ष्मण व्यास और सहयोगी महावीर भारती बतायो कै प्रतिमा नै इंडियन स्कल्प्चर फाउंड्री में त्यार कियो जा रियो है। प्रतिमा री ऊंचाई 57 फीट राखवा री भी खास वजह या है कै प्रताप री उम्र 57 साल री ही। मूर्ति में प्रताप द्वारा पकडि़यो गयो भालो 80 फीट लंबो और 10 टन वजनी है। तलवार 24 फीट लंबी और 5 टन वजनी, ढाल 22 फीट व्यास और 5 टन वजनी है। सिंहासन री ऊंचाई 25 फीट राखी गी है। जयपुर में वैशाली नगर रै लक्ष्मण व्यास बतायो कै प्रतिमा में पैहरी मोजड़ी 10 फीट लंबी और 7 टन वजनी है। चेहरा री बनावट में करीब छह माह तक समै लाग्यो। मूर्ति रो क्ले तैयार कियो गयो। अबै अलग-अलग हिस्सा नैं मोम रै सांचे में ढाल’र अंत में तांबे री मोटी परत चढ़ाई जावैला। प्रतिमा नैं छह सौ टुकड़ा में उदयपुर भेज्यो जावैला।
श्रीकृष्ण जुगनू नैं संस्कृत सम्मान
जयपुर। राजस्थान संस्कृत अकादमी जयपुर री ओर सूं 9 जुलाई नैं साहित्यकार डॉ. श्रीकृष्ण जुगनू नैं पंडित जगन्नाथ सम्राट राज्य स्तरीय सम्मान दियो गयो। संस्कृत में लिख्या प्राचीन ज्योतिष और वास्तु विषयक ग्रंथों रै संपादन और अनुवाद रै लिए यो सम्मान वणानैं दियो गयो है। संस्कृत अकादमी री अध्यक्ष डॉ. सुषमा सिंघवी रै अनुसार यो सम्मान समारोह जयपुर रै जवाहर कला केंद्र रै रंगायन सभागार में व्यो। डॉ. जुगनू रै संपादन और अनुवाद में अबार तक अस्सी ग्रंथों रो प्रकाशन व्यो है।
आठ वर्ष सूं कम उम्र रै बाळकां नैं भी मिलेगी विकलांग पेंशन
बांसवाड़ा। सरकार अबै आठ वर्ष सूं कम उम्र तक रै बाळकां नैं भी विकलांग पेंशन देवैला। विशेष योग्यजन बाळकां नैं इणरो लाभ प्रतिमाह मिलेला। राज्य सरकार पेंशन योजना में संशोधन कर इण नियम नैं 1 अप्रैल सूं ही लागू कर दियो है। आठ वर्ष री उम्र तक रै विकलांग बाळकां नैं प्रतिमाह 250 रुपए री राशि दी जावैला। अर इण उम्र सूं ऊपरै वाळै, पण 75 वर्ष सूं कम आयु वाळा विशेषजन मिनखा नैं प्रतिमाह 500 रुप्या पेंशन रै लिए दिया जावैला। वर्तमान में आठ वर्ष री आयु रै बाद ही विकलांगा नै पेंशन मिलती ही।
370 नवप्रहरी बीएसएफ में भैळा व्या
जोधपुर। मंडोर रोड स्थित बीएसएफ रै सहायक प्रशिक्षण केंद्र में दो बैच रै 370 नवआरक्षक देश री सीमाओं री रखवाळी रै लिए बीएसएफ में भैळा किया गया। वणा हाल ही में आयोजित दीक्षांत समारोह में संविधान नैं साक्षी मान’र कर्तव्यनिष्ठा री शपथ ली।
इण मौके पै नवआरक्षक परेड में भाग लेता थका।
12वीं में भी रियो 20 अंका रो संयोग
12वीं सीबीएसई रै विज्ञान वर्ग में सफलता प्राप्त करवा वाळे दो जुड़वां भाइयों में 20 अंक रो अलग ही संयोग रियो। बतायो गया कै दोई भाइयों वैभव और विभोर बोर्दिया रै जन्म में भी 20 मिनट री देरी री। अर सातवीं या आठवीं में भी दोई रै प्राप्तांकों में 0.20 प्रतिशत रो अंतर रियो। यो संयोग कुदरत फेर दोहरायो, जद दोई भाइयां रै प्राप्तांकों में एक बार फैर 0.20 फीसदी रो अंतर रियो। दोई भाई एमएमपीएस में कक्षा 12वीं में पढ़ै हैं।
पिता सुनील बोर्दिया बैंक में कार्यरत हैं तो मां उषा बोर्दिया सरकारी स्कूल में लेक्चरर हैं। उषा कैवे हैं दोई भाई हमेश एक साथ रैवै हैं। पढ़ै भी एक साथ और सोवै भी एक साथ ही हैं। बात, विचार, हंसी मजाक ही दोया रै विच री प्रगाढ़ता है। दोई नैं एक दूजे सूं नाराज वेता भी कदी नीं देख्या। कणी एक नैं डांट पड़े तो दोई ही मायूस व्है जावै हैं। जद परिणाम आयो, दोई साथै देखवा ग्या। छोटे विभोर आ’र आपणे मोटा भाई री तारीफ रै पुल बांध दिया तो मोटो भाई छोटा भाई रै परिणाम री खुशी में संगळा रो मुंडो मीठा करवा दियो।
पर्व विशेष
गुरु पूर्णिमा(व्यास पूर्णिमा) पर्व 22 जुलाई नैं
गुरूर्ब्रह्मा गुरूर्विष्णु र्गुरूदेवो महेश्वरः।
गुरुः साक्षात परं ब्रह्म तस्मै श्री गुरवे नमः॥
आषाढ़ मास री पूर्णिमा नै गुरू पूर्णिमा रै नाम सूं जाण्यो जावै है। इण वर्षगुरु पूर्णिमा(व्यास पूर्णिमा) रो पर्व 22 जुलाई सोमवार नैं मनायो जावेगा । गुरू पूर्णिमा अर्थात गुरू रै ज्ञान अर उनके स्नेह रो स्वरुप है. हिंदु परंपरा में गुरू नै ईश्वर सूं भी आगे रो स्थान प्राप्त है। कैयो भी गयो है कै ‘हरि रूठे गुरु ठौर है, गुरु रूठे नहीं ठौर. इण दिन रै शुभ अवसर पै गुरु पूजा रौ विधान है. गुरु रै सानिध्य में पौंच कर साधक नैं ज्ञान, शांति, भक्ति अर योग शक्ति प्राप्त व्है है।
वेद व्यास री जयंती
गुरु पूर्णिमा जगत गुरु मान्या जावा वाळा वेद व्यास नैं समर्पित है.. मान्यो जावै है कै वेदव्यास रो जन्म आषाढ़ मास री पूर्णिमा नैं व्यो हो। वेदों रै सार ब्रह्मसूत्र री रचना भी वेदव्यास आज ही रै दिन की ही।
बुद्ध दियो हो प्रथम उपदेश
बौद्ध ग्रंथों रै अनुसार ज्ञान प्राप्ति रै पांच सप्ताह बाद भगवान बुद्ध सारनाथ पौंच आषाढ़ पूर्णिमा रै दिन आपणै प्रथम पांच शिष्यों नैं उपदेश दियो हो। इनैं बौद्ध ग्रंथों में ‘धर्मचक्र प्रवर्तन’ कैयो जावै है। बौद्ध धर्मावलंबी इणी गुरु-शिष्य परंपरा रै तहत गुरु पूर्णिमा मनावै हैं।
राजस्थान रा 15 सरकारी सीनियर स्कूलां माय ‘राजस्थानी साहित्य’ विषय मंजूर हुयो
-डॉ. सत्यनारायण सोनी
मायड़ भासा राजस्थानी रा हेताळु भाई-बहणां रै वास्तै खुशी री खबर है कै राजस्थान रा 15 सरकारी सीनियर स्कूलां माय ‘राजस्थानी साहित्य’ विषय मंजूर हुयो है। आं स्कूलां माय अबै राजस्थानी रा व्याख्याता लगाया जासी। एक हजार सूं बेसी स्कूल सीनियर स्तर माथै क्रमोन्नत हुया है। वां सगळा स्कूलां माय भी राजस्थानी विषय खुलवाणै रौ प्रयास जारी है।
ओ विषय कियां खुलै? खुल्यां सूं कांई फायदो? इण विषय री खासियत कांई-कांई? पढावैला कुण? आद सवालां रो जवाब एक परिचय-पुस्तिका में है। इण परिचय-पुस्तिका में बतायौ गयौ है कै आपरै आसै-पासै कुणसा-कुणसा स्कूल क्रमोन्नत हुया है, जठै आपां नैं राजस्थानी खुलवाणै रा प्रयास करणा है। अणरौ आगै सूं आगै प्रचार करो। जनसंपर्क करो। वेळा रा बाया मोती निपजै।
राजस्थानी भाषा रा प्रचार रै वास्ते मंजू लुंकड़ रो नूंठो प्रयास
-डॉ. सुरेन्द्र पोखरणा
बैंगलोर। राजस्थानी भाषा अर राजस्थानी गीत रा प्रचार रै वास्ते अठे हनुमंत नगर निवासी श्रीमती मंजू जी लुंकड़ रौ प्रयास घणो सहारणीय है। श्रीमती लुंकड़ बैंगलोर रा अलग अलग मोहल्ला में राजस्थानी भाषा रा गीतां नैं सिखावा रो काम लगभग तीन वर्ष सूं कर रिया है| वे राजस्थानी भाषा रे प्रचार रे वास्ते पूरा समर्पित है | हनुमंत नगर में तीन बैच, जयनगर में एक बैच, मुनि रेड्डी पालयम में एक बैच में लगभग २२५ सूं ज्यादा लुगाईयां राजस्थानी गीत सीख री है | मंजू जी रै पति श्रीमान दिनेशजी लुन्कड़ रो कैणो है कै वे कुल ४००-५०० गीत और गाणा सिखावे है| शहर रा चामराजपेट, वी वी पुरम अर दूजा कैई मोहल्ला रा परिवारां सूं घणी लुगाईया ये गीत सिखवा री इच्छा जताई है| अणा गीत में व्याव,तीज तैवांर, धार्मिक गीत, देवी देवता, तपस्या, दीक्षा, सात परायी, वीरा वधाई, जच्चा अर अलग अलग मौका रा कैई गीत भैळा है|
प्रशंसा री वात तो या है कि इण कोर्स री वे एक वर्ष री मामूली सी फीस ही लेवे है | वा भी इण कार्यक्रम में गंभीरता लावा रे वास्तै। श्रीमती लुंकड़ बतायो कै वणारी भविष्य में दक्षिण भारत रा गांवा में रेवा वारा राजस्थानी परिवारां रै पुराणा रीत-रिवाज रै माथै शोध करवा री अर विण शोध ग्रंथ नैं प्रकाशित करवा री घणी इच्छा है |
मंजू जी अंडे अलावा घर में लगभग २५० विषय रै माथै कक्षा भी चलावे है जिणमें प्रमुख विषय है- नकली जेवर बणावणो, साड़ी पहनणो, सूखो मेवो सजाणो, घर सजावणो, वास्तु शास्त्र, जैन जीमण बणावणो आदि| अठै यो कैणो अतिशयोक्ति नी व्हैला कै राजस्थानी भाषा व संस्कृति रै प्रचार अर रखवाळी में श्रीमती मंजू जी लुंकड़ रौ यो प्रयास एक नूंठो प्रयास है।
मायड़ भाषा राजस्थानी रा हेताळुआं सूं अरज
-ओम पुरोहित कागद
ओ बोटां रो बगत है । उठो अर कमर कसो । आपरै गांव-गळी-ढाणीं अर सैर री भींतां नै राजस्थानी नारां सूं भर देवो । उण जाग्यां माथै घणां नारा लिखो जठै कोई जलसो होवणों है । कीं नारा आप सारू हाज़र है । आप खन्नै भी नारा होसी । आप चावो जिका लिखो पण लिखो जरूर ।
स्किल डवलपमेंट वर्कशॉप
-ओम -अशोक जैन
अजमेर। मोटियारां नैं रोजगार रै क्षेत्र माय दक्षता अर प्रशिक्षण देवा रै लिए जिला स्तर माथै राजस्थान कौशल अर आजीविका विकास निगम द्वारा चलाया जावा वाळे कार्यक्रमों सूं संबंधित एक कार्यशाला कलेक्ट्रेट रै सभागार माय आयोजित व्ही, जिणमें जिला कलक्टर श्री वैभव गालरिया सहित जिले रै विभिन्न जिला स्तरीय अधिकारी, उपखण्ड व विकास अधिकारी, उद्योग, रोजगार, श्रम विभाग रै अधिकारियों सहित औद्योगिक संस्थाओं रै संगला प्रतिनिधि भाग लियौ। जिला उद्योग केन्द्र रै महाप्रबन्धक श्री वाई.एन. माथुर तथा जिला रोजगार अधिकारी श्री रणवीर सिंह प्रजन्टेशन रै माध्यम सूं इण कार्यक्रम रै बारे माय विस्तार सूं जानकारी दी अर राजस्थान कौशल अर आजीविका विकास निगम री ओर सूं नियुक्त कन्सलटेंट दिव्या मल्होत्रा मोटियारां नैं दिया जा रिया कौशल प्रशिक्षण री संस्थावां माय चाल रिया कार्यक्रमों री जानकारी दी।
कोतवाली थाणे री बेटी: माता-पिता रै लाड़ नैं तरसी बाळकी री जिम्मेदारी थाणे ली
-विष्णु शर्मा
जयपुर।विण वखत वा दो साल री ही। नाम-मुस्कान। पिता शराबी। मां घर छोड़ हमेशा रै लिए नाना रै घर चली गी। बूढ़े दादा-दादी गरीब। दूध तक रा लाला। ज्यूं-त्यूं 8 साल री व्ही। जयपुर री कोतवाली पुलिस नै मुस्कान रै बारे में पतो चाल्यो। निर्णय लियो कै या अबै म्हाणी जिम्मेवारी। तब सूं वा कोतवाली थाणे री बेटी व्है गी। अबै मुस्कान 10 साल री है। सबरी लाड़ली। संगळी ख्वाहिश पूरी की जावै है। आच्छे कपड़े, खिलौणे अर आच्छा खाणा। रोजाना स्कूल भी जावै है। सब खर्चों कोतवाली थाणे रै पुलिसकर्मी मिल’र उठावै हैं, पण इणरी संगळी जिम्मेवारी कांस्टेबल त्रिलोक सिंह व प्रकाश चंद री है। मुस्कान रैवै तो दादा-दादी रै साथै ही है, पण कोतवाली थाणा शिक्षा, पालन-पोषण अर वार-त्योहार रो जिम्मो संभाळे है। मुस्कान जद मन चावै थाणे जावै है। थाणे माय कदी थाना प्रभारी रै कक्ष में लैपटॉप माथै गेम खेलै है तो कदी महिला डेस्क माथै महिला पुलिसकर्मियों रै साथै खेलै है।
चूरू नैं नुवीं हवाई पट्टी री सौगात
पडि़हारा (चूरू)। नवनिर्मित हवाई पट्टी माथै 5जुलाई नैं ट्रायल रै लिए स्टेट प्लेन उतारियो। अणी प्लेन दोपैहर सवा दो बज्या जयपुर सूं उड़ान भरी। दो बज’र 48 मिनट माथै स्टेट प्लेन पडि़हारा हवाई पट्टी माथै लैंड करियो। हवाई पट्टी रो 6 जुलाई नैं मुख्यमंत्री लोकापर्ण करियो। हवाई पट्टी बणणै सूं छापर अभयारण्य अर सालासर मंदिर आवा वाळा वीवीआईपी रै लिए सुविधा बढ़ गी। चीफ पायलेट केसरीसिंह बतायो कै हवाई पट्टी ठीक है।
वरिष्ठ कलाकार शर्मा नैं राष्ट्रीय पुरस्कार
उदयपुर। शहर रै वरिष्ठ कलाकार रेवाशंकर शर्मा रो चयन मिनिएचर पेंटिंग्स में उत्कृष्ट कार्य रै लिए राष्ट्रीय पुरस्कार 2011 रै लिए व्यो है। केंद्रीय वस्त्र मंत्रालय री ओर सूं हस्तशिल्पियों नैं दिया जावा वाळे इण महत्वपूर्ण पुरस्कार रै तहत शर्मा नैं एक लाख रुप्या, ताम्रपत्र अर अंगवस्त्र भेंट किया जावैला। यो पुरस्कार दिल्ली माय आयोजित समारोह रै दौरान दियो जावैला। नाथद्वारा माय लक्ष्मी लाल शर्मा रै अठै जन्मिया रेवाशंकर मिनिएचर आर्ट रै क्षेत्र में लम्बे समय सूं सक्रिय हैं।
स्टेट पावर लिफ्टिंग माय उदयपुर उपविजेता
उदयपुर । भरतपुर में व्ही राज्य स्तरीय पावर लिफ्टिंग प्रतियोगिता में उदयपुर टीम उप-विजेता रो खिताब जीत्यो। जिला संघ रै सचिव शब्बीर हुसैन बतायो कै प्रतियोगिता में उदयपुर रै सैयद इरफान अली 93 अर 48 किलो भार वर्ग में सिमरन नेगी स्वर्ण पदक जीत्या। मोहम्मद इश्तियाक 74 किलो अर मनाली तलरेजा 67 किलो में रजत अर 66 किलो में राहुल वसीटा अर 83 किलो में अशरफ हुसैन कांस्य पदक हासिल करियो।
राज्य सूं जूड़ी खास सूचना
तीन महिना बंद रैवेगा सरिस्का
अलवर। मानसून रै कारण सरिस्का बाघ अभयारण्य 1 जुलाई सूं 30 सितंबर तक बंद रेवेला। उप वन संरक्षक मनोज पाराशर बतायौ कै मानसून रै कारण हर वर्ष अस्यौ कियौ जावै है। इण दौरान पर्यटकों री
आवा-जाही बंद रेवेला।
हाईकोर्ट रौ समय बदल्यौ
जोधपुर। हाईकोर्ट री जोधपुर स्थित मुख्य पीठ सहित जयपुर पीठ माय ग्रीष्म अवकाश रै बाद सोमवार सूं नियमित सुनवाई वेगी। अदालतों माय सुनवाई रौ समय भी बदल जावैला। अबै परभाते 10:30 सूं संझ्या 4:30 बज्या तक कामकाज वेगा। अणा अदालतां माय ग्रीष्म अवकाश एक जून सूं 28 जून तक रियौ।
पद्मश्री रानी लक्ष्मीकुमारी चूंडावत रौ सम्मान
राजस्थानी नैं मान्यता नीं मिलणौ दुर्भाग्यपूर्ण:- जन्मगांठ माथै पद्मश्री रानी लक्ष्मी कुमारी चूंडावत व्यक्त करी आपणी पीड़ा
जयपुर । राजस्थानी भाषा री सुप्रसिद्ध लेखिका पद्मश्री रानी लक्ष्मीकुमारी चूंडावत कियौ है कै 60 वर्ष रै लम्बे संघर्ष रै बाद भी राजस्थानी भाषा नैं संवैधानिक मान्यता नीं मिलणौ दुर्भाग्यपूर्ण है अर इणरै लिए प्रदेश अर देश री सरकारां दोषी हैं। रानी लक्ष्मीकुमारी आपणी या पीड़ा, अखिल भारतीय राजस्थानी भाषा मान्यता संघर्ष समिति री ओर सूं 24 जून नैं वणारै 98वीं जन्मगांठ माथै आयोजित एक सम्मान समारोह माय संघर्ष समिति कार्यकर्ताओं रै सामै व्यक्त करी। वणा कियौ कै राजस्थानी भाषा विश्व री समृद्धतम भाषावां माय एक है अर इणरै मान-सम्मान री रक्षा रै लिए हर राजस्थानी नैं आपणौ फर्ज निभाणौ चावै।
समिति रै संस्थापक अर अन्तरराष्ट्रीय संगठक लक्ष्मणदान कविया एवं कार्यकारी राष्ट्रीय अध्यक्ष के.सी. मालू श्रीमती चूंडावत नैं माळा, शॉल अर प्रशस्ति पत्र प्रदान कर सम्मानित किया। इण अवसर माथै मालू कियौ कै राजस्थानी भाषा री प्रतिष्ठित साहित्यकार रानी साहिबा 60 वर्ष तक साहित्य सृजन कर राजस्थानी भाषा रै साहित्य भण्डार माय वृद्धि करी इण वास्तै प्रदेश री जनता री ओर सूं संघर्ष समिति वणारौ सम्मान कर आपणौ फर्ज निभायौ है। सम्मान समारोह माय रानी साहिबा रै परिजन एवं संघर्ष समिति रै ओमेन्द्र भादा, संभागीय महामंत्री इन्द्र सिंह हरमाड़ा, रघुवीर सिंह आदि वणारै स्वस्थ व दीर्घायु जीवन रै लिए शुभकामनाएं दी।
वल्र्ड हेरिटेज माय राजस्थान नंबर वन
चित्तौडग़ढ़। वल्र्ड हैरिटेज साइट्स माय भैळा वेवा रै मामले में राजस्थान देश में नंबर वन व्है ग्यौ है। अठा रै एक साथ छह और किलो नैं इणमें भैळा वेवा रै बाद भारतीय पुरातत्व सर्वेक्षण विभाग री पहली प्राथमिकता इण किलो माय क्षतिग्रस्त इमारतों रौ संरक्षण और मरम्मत री वेगी।
या बात भारतीय पुरातत्व सर्वेक्षण विभाग जयपुर रै नवनियुक्त सुपरिटेडेंट अनिल कुमार तिवारी 27 जून दोपहर दुर्ग रै निरीक्षण रै दौरान मीडियाकर्मियों सूं बातचीत माय कही। दुर्ग रै गत दिवस वल्र्ड हैरिटेज साइट्स माय भैळौ वेवा रै बाद अठै निरीक्षण रै लिए पहुंच्या तिवारी कियौ कै या चित्तौडग़ढ़ और प्रदेश रै लिए घणी गौरव री बात है कि छह किला यूनेस्को री विश्व विरासत धरोहर सूची में नामांकित व्है ग्या हैं। पूरे देश में अबार तक 28 स्मारक वल्र्ड हैरिटेज साइट्स में शामिल हैं। इणमें सूं अकेले राजस्थान रै आठ किले है। इण लिहाज सूं राजस्थान देश में नंबर वन बण ग्यौ है।
चित्तौडग़ढ़ दुर्ग माथै 27 जून नैं प्राचीन स्मारकों रौ निरीक्षण करता पुरातत्व विभाग रै राजस्थान अधीक्षक तिवारीसाभार- दैनिक भास्कर
एथलीट कृष्णा खेल रत्न री दावेदार
जयपुर। ओलिंपियन एथलीट राजस्थान री कृष्णा पूनिया इण साल रै राजीव गांधी खेल रत्न अवॉर्ड रै लिए नामित की गई। भारतीय एथलेटिक्स महासंघ डिस्कस थ्रोअर कृष्णा रै नाम री सिफारिश करी है। मिली जानकारी रै अनुसार इण बार कुल आठ खिलाड़ी देश रै इण सबसूं मोटा खेल पुरस्कार रा दावेदार हैं। पूनिया रै अलावा जीव मिल्खा सिंह (गोल्फ), सरदार सिंह व संदीप सिंह (हॉकी), भूपेंद्र सिंह (पावर लिफ्टर), एचएन गिरिशा (पैरालिंपिक एथलीट), रोंजन सोढी (निशानेबाजी) व सोमदेव देवबर्मन (टेनिस) भी दौड़ में हैं। कृष्णा नैं सबसूं मजबूत दावेदार मान्यौ जा रियौ है। वणी दिल्ली कॉमनवेल्थ गेम्स माय स्वर्ण पदक जीज्यौ हो और लंदन ओलिंपिक माय वा सातवें स्थान माथै री ही। वे 2010 माय अर्जुन अवार्ड सूं भी नवाजी जा चुकी हैं।
राजीव गांधी विद्यार्थी डिजीटल योजना: प्रथम चरण माय 1614 लेपटॉप 15 जुलाई सूं वितरित
-अशोक जैन
अजमेर। मुख्यमंत्री श्री अशोक गहलोत री स्कूली छात्रा-छात्राओं नैं शिक्षा रै क्षेत्र माय और प्रोत्साहित करवा री महत्वपूर्ण ‘‘राजीव गांधी विद्यार्थी डिजीटल योजना’’ माय स्कूली छात्रा-छात्रावां नैं 15 जुलाई सूं लेपटॉप रौ वितरण प्रारम्भ वैगा। जिला कलक्टर श्री वैभव गालरिया री अध्यक्षता माय सम्पन्न बैठक में लेपटॉप वितरण योजना नैं अंतिम रूप दै दियौ गयौ, जिणरै तहत प्रथम चरण माय शिक्षा सत्र 2011-2012 री परीक्षा माय मेरिट माय आवा वाळा विद्यार्थियों नैं 1614 लेपटॉप वितरित किया जावैला। जिला मुख्यालय अर ब्लॉक मुख्यालयों पै आयोजित समारोह माय 15 जुलाई नैं 100-100 विद्यार्थियों नैं लेपटॉप वितरित वेगा। अजमेर जिला स्तरीय समारोह राष्ट्रीय जवाहर सीनियर सैकण्डरी स्कूल माय 15 जुलाई नै परभातै आयोजित वेगा।
राजस्थान माय 107 साल री महिला बणवाया आधार कार्ड
कोटा । कोटा में 107 साल री महिला सज्जन कंवर आधार कार्ड बणवायौ है। कंवर वृद्धा पेंशन पावा रै लिए यौ कार्ड बणवायौ है। वे राजस्थान माय अतरी उम्र री पैहली महिला हैं, जणी आधार कार्ड बणवायौ है।
बेटी रै जन्म पै बाजेला थाळी
अयाना। कन्या भ्रूण हत्या रोकवा अर बेटी बचावा रै लिए कोटा जिले री लुहावद ग्राम पंचायत नूठी पैहल करी है। अठै बेटी रै जन्म पै भी बेटे रै जन्म री तरह थाळी बाजेला और कुड़ा री पूजन भी वेगा। निर्णय यो भी व्यौ है कै कन्या भ्रूण हत्या री सूचना देवा वाळा नैं ग्राम पंचायत री ओर सूं 5100 रुप्या रौ पुरस्कार दियौ जावेगा और दोषी रै खिलाफ पंचायत री ओर सूं ही मुकदमो दर्ज करवायौ जावैगा। सरपंच रफीक पठान बतायौ कि लुहावद ग्राम पंचायत री बैठक में निर्णय कियौ कै पंच और सरपंच बेटी रै जन्म वाळा घर जा’र फलदार पौधा भी लगावेला। साथै ही बेटी जन्म पै ये सब आयोजन करणै वाळे परिवार नैं 15 अगस्त और 26 जनवरी नैं सम्मानित भी किया जावेला।
मां रौ काळजौ
बरखा रै दिनां सूं पैहली जंगल माय रैहवा वाळा जीवां रै लिए तरस बुझाणौ मुश्किल हो। पाणी री तलाश में अणानैं छेटी-छेटी तक भटकणौ पड़तौ हो। यो नजारा अदयपुर रै चीरवा घाटे रौ है, जठै एक कुंड सूं मां तो लटक’र तरस बुझा ली, पण वंडा छोटा बच्या रै लिए यौ मुश्किल हो। मां सूं यो देख्यौ नीं ग्यौ और वणी विनैं
ण तरह पाणी रै कन्नै पहुंचाया।
फोटो : ऋषभ जैन
इंजीनियरिंग रा विद्यार्थियों त्यार कियौ मॉडल्स
उदयपुर। एसएस कॉलेज ऑफ इंजीनियरिंग रै अंतिम वर्ष रै विद्यार्थी आपणै प्रजेंटेशन माय कैई अस्या मॉडल्स त्यार किदा हैं, जिणरै बारे में दावौ कियौ जा रियौ है कि ये तकनीकी जगत में बदलाव लावैला। मेकेनिकल विभाग रै प्रभारी अनिल चौहान बतायौ कै विद्यार्थी हवा सूं चालवा वाळौ इंजन, लो प्रेशर हेड टरबाइन, कूलिंग टावर, वेब एप्लीकेशन, स्टूडेंट मैनेजमेंट सिस्टम आदि त्यार किदा हैं।
उत्तराखण्ड रै बाढ़ प्रभावितों हेतु भेजे राहत सामग्री
अजमेर। उत्तराखण्ड माय बाढ़ प्रभावित व्यक्तियों नैं राहत प्रदान करवा हेतु उत्तराखण्ड माय कैम्प स्थापित किया जा रिया हैं एवं राहत सामग्री भिजवाई जा री है। अतः इण हेतु विभिन्न स्वयंसेवी, व्यापार एवं उद्योग संघों अर आम जनता सूं अपील है कै जो भी राहत सामग्री यथा गरम कपड़ें अर खाद्य सामग्री उत्तराखण्ड भेज्या जावा रै हेतु सहयोग प्रदान करणौ चावै वे ई.ओ.सी. नियन्त्राण कक्ष, जिला कलेक्ट्रेट अजमेर माय भिजवा सकै हैं।
सम्पर्क करैं-
ई.ओ.सी. नियन्त्राण कक्ष, जिला कलेक्ट्रेट अजमेर, दूरभाष नम्बर 0145-2628932 है।
रेलवे निशुल्क भेजेगा राहत सामग्री
कोटा। उत्तराखंड माय आपदा सूं पीडि़त लोगों रै लिए रेल मंत्रालय 9 जुलाई तक राहत सामग्री निशुल्क भेजवा रौ निर्णय लियौ है। इणमें खाद्य सामग्री, अनाज, दवाइयां, कपड़े, अस्थाई निर्माण सामग्री और बर्तन आदि कोई भी राहत सामग्री यदि कोई संस्था, एनजीओ, सरकारी संगठन या अन्य कोई व्यक्ति भेजणौ चावै है तो विण्सूं कोई प्रभार नीं लियौ जावैला।
आरएएस रै नुंवा पाठ्यक्रम रौ स्वागत
‘अबार राजस्थानी नैं पूरी तवज्जो मिलणी शेष, अन्य प्रांता री तर्ज माथै मिल्या मायड़भाषा नैं महत्त्व, ले’र रैवांगा आपणौ पूरा हक’: राजस्थानी भाषा संघर्ष समिति
-डॉ. राजेन्द्र बारहठ
उदयपुर। अखिल भारतीय राजस्थानी भाषा मान्यता संघर्ष समिति आरएएस रै नुवा पाठ्यक्रम रौ स्वागत करता कियौ है कै अबार राजस्थानी नैं पूरी तवज्जो मिलणी शेष है। समिति रै प्रदेश महामंत्री डॉ. राजेन्द्र बारहठ इनैं संघर्ष समिति रै घटक राजस्थानी मोट्यार परिषद, मायड़भासा राजस्थानी छात्र मोर्चा, राजस्थानी महिला परिषद, राजस्थानी चिंतन परिषद, राजस्थानी फिल्म परिषद सहित राजस्थानी जनता रै संघर्ष री जीत बताई है। बारहठ आरएएस रै पाठ्यक्रम माय राजस्थानी रै इण स्थान नैं नाकाफी मान्यौ है अर कियौ है कै जद तक राजस्थानी नैं सम्मानजनक स्थान हासिल नीं व्हैला, संघर्ष जारी रेवेगा अर म्हैं लोग म्हाणौ हक ले’र ही रेवांगा। बारहठ संगठन री ताकत माथै भरोसौ जतायौ अर कियौ कै राजस्थानी नैं संवैधानिक मान्यता रै लिए अबै आर-पार री लड़ाई रै लिए मोर्चाबंदी शुरू व्हैगी है।
भविष्य रै लिए भाषा नैं बचाणौ जरूरी: देथा
जोधपुर। राजस्थानी भाषा, साहित्य व संस्कृति विकास संस्थान व राजस्थानी भाषा मान्यता संघर्ष समिति री ओर सूं 8 जून नैं बाड़मेर माय राजस्थानी महोत्सव रौ आयोजन कियौ गयौ। महोत्सव रै मुख्य आयोजक अर्जुन देथा कियौ कै पीढिय़ों रै भविष्य नै बचावा रै लिए भाषा नैं बचाणौ आवश्यक है।
नौकरी सूं पेहला लेणी वेगा दहेज नीं लेवा री अर देवा री शपथ: जिला परिषद माय कनिष्ठ लिपिक भर्ती रै दौरान लियौ जावैगा पत्र
बांसवाड़ा। जिला परिषद माय कनिष्ठ लिपिक री नौकरी सूं पेहले दहेज नीं लेवा अर देवा रौ शपथ पत्र देणै वेगा। अभ्यर्थियां री नियुक्ति इण पत्र नैं देवा रै बाद ही वेगा। ग्रामीण विकास एवं पंचायती राज विभाग इण संबंध माय निर्देश दे दिया है। हालांकि बांसवाड़ा जिले माय अबार तक चाल री दस्तावेजा री जांच माय इण तरह रै शपथ पत्र देख्या नी गया है। मान्यौ जा रियौ है कै संभवतया नियुक्ति रै पेहले दहेज नी लेवा अर देवा रौ शपथ पत्र ले लियौ जावेगा। कैई जिला माय ये शपथ पत्र दस्तावेजों री जांच रै दौरान ही देख्या जा रिया है। इण नियम रै बाद सरकारी नौकरी करवा वाळा कर्मचारियों माय दहेज जस्या मामला माय लगाम लाग सकेला।
कैट परीक्षा घोषित, केंद्र उदयपुर में भी
पैहली दाण कैट करा रिया आईआईएम इंदौर टेस्ट री तारीख घोषित कर दी है। ऑनलाइन टेस्ट 16 अक्टूबर सूं 11 नवंबर रै बीच वैगा। एक्सिस बैंक सूं 29 जुलाई सूं 24 सितंबर तक फॉर्म खरीदिया जा सकैला। 29 जुलाई सूं 26 सितंबर तक ऑनलाइन रजिस्ट्रेशन वैगा। उदयपुर सहित देश रै 40 शहरां माय परीक्षा केंद्र बणाया जावैला।
ग्राहक संतुष्टि माय ललित मोटर्स पेहला स्थान पै
उदयपुर। टाटा मोटर्स रै सर्विस स्टेशन ललित मोटर्स, देबारी नैं ग्राहक संतुष्टि रै लिए राज्यभर माय पेहलौ स्थान हासिल व्यौ। इणरै लिए व्या ग्राहक सम्मेलन माय मुख्य अतिथि हरीश सिक्का ललित रै एमडी मोहनलाल राजक नैं ट्रॉफी अर प्रमाण-पत्र दियौ। इण दौरान ग्राहकों री समस्यावां रौ भी निदान कियौ गयौ।
दिन माय करी सिलाई, रात माय भणाई, फेर भी मेरिट माय जगह बणाई
अलवर। चिकानी स्थित न्यू नेशनल स्कूल री छात्रा रवीना अफसर खान दिन माय सिलाई कर’र मां रौ हाथ बंटावै है तो पिता नैं भी घाट री मशीन चलावा माय मदद करै है। याही रवीना रात माय भणाई माय जुट जाती। अबार हाल ही माय घोषित व्या 12वीं कला वर्ग रै नतीजा माय वणी 91.40 फीसदी अंक ला’र राज्य माय आठवां अर जिले माय पेहलौ स्थान प्राप्त किदौ। रवीना री मां आशा सहयोगिनी है अर पिता अफसर खान खेती करै अर घर में ही लाग री मशीन माथै घाट निकालवा रौ काम करै है। स्कूल रै बाद रवीना खुद सिलाई अर घर रै काम-काज में हाथ बंटावै है।
बचावा रै लिए रूंखड़ा सूं लिपटी
जोधपुर। सांसी कॉलोनी माय अतिक्रमण हटावा आयौ दस्तौ जद बादाम रै रूंखड़ा नैं बुलडोजर सूं हटाणौ शुरू किदौ तो विनैं बचावा रै लिए दल्लू नामक महिला विणसूं लिपट गी। दस्ता रै साथै आई पुलिस विनै खींच’र हटा दि दी अर रूंखड़ा नैं उखाड़ दियौ। दल्लू चार साल पेहला इण रूंख नैं लगायौ हौ।
चित्रकार युगल किशोर शर्मा रौ सम्मान
उदयपुर। मुंबई रै नेहरू सेंटर री ओर सूं राजस्थान री सांस्कृतिक झलक माथै साप्ताहिक कार्यक्रम आयोजित कियौ गयौ, जिणमें उदयपुर रै चित्रकार युगल किशोर शर्मा नै मुख्यमंत्री अशोक गहलोत प्रशंसा पुरस्कार दियौ। शर्मा नैं पुरस्कार रै रूप माय एक लाख रुपया अर प्रमाण पत्र दियौ गयौ।
युगलकिशोर शर्मा नैं सम्मानित करता मुख्यमंत्री अशोक गहलोत।
आवौ मेवाड़ घूमा
अखिल गुजरात राजपूत युवा संघ रौ दल मेवाड़ भ्रमण यात्रा रै दौरान सहेलियों की बाड़ी माय।
आग माय घिरी सास नैं बहू बचाई
धोद (सीकर)। जस्सूपुरा गांव माय झोपड़ी माय आग लागवा सूं झोपड़े माय घिरी बुजुर्ग महिला नै वंडी बहू बचा लिदी। जदकि एक दूजा झोपड़ा माय सुती लकवाग्रस्त वृद्धा जिंदा जल गी। जस्सूपुरा गांव माय रामावतार रै खेत माय बण्या झोपड़ा माय आग लाग गी। झोपड़े माय लकवाग्रस्त 85 वर्षीय केशरी देवी आग सूं घिर गी। आग री चपेट माय दूजा झोपड़ा भी आ गिया।
इण बीच दूजा झोपड़ा में आग लागी देख’र कन्नै रै झोपड़ा माय बिलौना निकाल री इंद्रा भागी अर आग माय फंसी ७५ वर्षीय सास छोटी देवी नैं हिम्मत कर’र सुरक्षित बाणै निकाल लिदी। आग लागवा सूं तीन झोपडिय़ों माय रख्यौ अनाज, कपड़ा अर चारौ जल’र राख व्है ग्यौ। धोद तहसीलदार मौके पै जा’र मुख्यमंत्री सहायता कोष सू 50 हजार अर दुर्घटना सहायता कोष सूं डेढ़ लाख रुपया मुआवजा देवा री घोषणा करी।
राजस्थानी री मान्यता रै लिए गांधीवादी गैलौ छोड़वा रौ निर्णय
भाषा रौ अधिकार म्हानै लेणौ आवै है:देवल .
-चंदन सिंह भाटी
बाड़मेर। बाड़मेर रै महात्मा ईसरदास चारण छात्रावास परिसर माय राजस्थानी भाषा, साहित्य अर संस्कृति महोत्सव माय पूर्व विधायक और सेवानिवृत भारतीय प्रशासनिक सेवा रै अधिकारी सी डी देवल, श्री सूर्यदेव सिंह ,अर्जुन दान देथा प्रदेश महामंत्री राजेंद्र बारहठ ,राजस्थानी साहित्यकार भंवर सिंह सामौर ,संभाग उप पाटवी चन्दन सिंह भाटी ,जिला पाटवी रिड़मल सिंह दांता ,जिला प्रवक्ता रमेश सिंह इन्दा ,चिंतन परिषद् रै पाटवी रमेश गौड़ ,उपाध्यक्ष इंद्र प्रकाश पुरोहित ,डॉ लक्ष्मी नारायण जोशी ,दलपत सिंह चारण सहित कैई जणा भाग लियौ। चिंतन अर रणनीति सत्र नैं सम्बोधित करता सी डी देवल कियौ कै राजस्थानी भाषा री मान्यता रै लिए किया जा रिया प्रयासों माय निति और नियत दोनों साफ़ वेगा जद आपां इण दिशा माय आपणी मंजिल तक पहुँच पावांला वणा कियौ कै राजस्थानी भाषा माथै लिंगेस्तिक सर्वे सूं स्पस्ट व्है चुक्यौ है कै राजस्थानी भाषा सशक्त भाषा है ,वणा यौ भी कियौ कै अबै मान्यता रै लिए घर बार छोड़णौ पड़ेला। राजस्थानी भाषा सम्रद्ध भाषा है, विश्व रौ सबसूं मोटो शब्द कोष अणी रौ है, इस भाषा रै बिना देश रौ इतिहास और साहित्य खोखला व्है जावैला। सम्मलेन नैं संबोधित करता पदम् श्री सूर्यदेव सिंह कियौ कै राजस्थानी भाषा री मान्यता रै लिए गांधीवादी तरीकौ सरकार समझ नीं पा री है, अबै इनैं छोड़णौ पड़ेला
समापन सत्र माय बोलता राजेंद्र बारहट कियौ कै समिति जल्द मायड़ भाषा सम्मान रथ त्यार कर’र गाँव गाँव ढाणी ढाणी जावैला लोगों नैं भाषा रै बदले वोट री अपील करेला। वणा यौ भी कियौ कै सरकार राजस्थानियों रै सब्र रौ घणौ इम्तिहान लै लियौ हैं। संसद माय मानसून सत्र माय अणी’ज साल सरकार मान्यता नीं दी तो गैला तै किया जावैला।इण अवसर माथै अर्जुन दान देथा,चन्दन सिंह भाटी, डॉ लक्षमण दान भंवर सिंह सामौर डॉ लक्ष्मी नारायण जोशी ,दलपत सिंह चारण ,रिड़मल सिंह दांता भी आपणा विचार राख्या। सम्मलेन रै अंतिम दिन कवी सम्मेल रौ आयोजन भी कियौ गयौ, जिण माय दंगल भाषा री कवितावां सुणा’र कवि लोगां संगळा नैं भाव भोर कर दिया। भंवर लाल मेहरिया, दयाराम सेवदा झुंझनु, शम्भू सिंह पितासनी, महादान सिंह भद्रेश, मुला राम भाम्भू भी सुझाव दिया।
राजस्थानी भाषा आन्दोलन रै अग्रणी सिद्दावत नैं श्रदांजलि अर्पित
बाड़मेर। बाड़मेर रै महात्मा ईसरदास चारण छात्रावास परिसर माय राजस्थानी भाषा, साहित्य एवं संस्कृति महोत्सव रै दौरान राजस्थानी भाषा आन्दोलन रै अग्रणी मोहन लाल सिद्दावत रै दह्वासन माथै वणानैं श्रदांजलि अर्पित कर वणारै सम्मान माय दो मिनट रौ मौन कर वणारी आत्मा री शांति रै लिए प्रार्थना करी गयी। जालोर जिले माय सिद्दावत लम्बे समय सूं राजस्थानी भाषा रै आन्दोलन सूं जुड़े हा। वणा राजस्थानी भाषा री मान्यता रै लिए महत्वपूर्ण भूमिका निभाई ही। जिले रै पूर्व पालिकाध्यक्ष व वरिष्ठ कांग्रेसी नेता मोहनलाल सिद्धावत रौ हाल ही में देहांत व्यौ है। 82 वर्षीय सिद्धावत पाछले लंबे समै सूं बीमार चाल रिया हा। विकास कार्यों अर सामाजिक गतिविधियों माय अग्रणी रैहवा वाळे सिद्धावत रै निधन माथै संगळा राजस्थानी भाषा प्रेमी शोक जतायौ है।
राजस्थानी रत्न सम्मान
-अर्जुन देथा
जयपुर/ बाड़मेर। बाड़मेर रै महात्मा ईसरदास चारण छात्रावास परिसर माय राजस्थानी भाषा, साहित्य एवं संस्कृति महोत्सव रै दौरान माय राजस्थानी भाषा-साहित्य व संस्कृति रै क्षेत्र माय उल्लेखनीय कार्य करवा वाळा 16 जणा नैं राजस्थानी रत्न सम्मान दियौ गयौ। यौ सम्मान पद्मश्री विजयदान देथा, संघर्ष समिति रै संस्थापक अर अंतरराष्ट्रीय संगठक लक्ष्मणदान कविया, राजस्थानी साहित्यिक पत्रिका 'अपरंच' रै संपादक पारस अरोड़ा, 'कथेसर' रै संपादक रामस्वरूप किसान, राजस्थानी मासिक 'माणक' रै संपादक पदम मेहता, राजस्थानी दैनिक 'राजस्थान री पाती' रै संपादक चन्द्रशेखर पुरोहित, वरिष्ठ मीडियाकर्मी अर राजस्थानी आंदोलन रै नेता चंदनसिंह भाटी, प्रसिद्ध लेखक अर इतिहासकार नाहरसिंह जसोल, शिक्षाविद् अर साहित्यकार डॉ. शक्तिदान कविया अर राजस्थानी शास्त्रीय कविता रै ज्ञाता साहित्यकार क्रमश: डूंगरदान आसिया, महादान भादरेस, रामदान सांगड़, अम्बादान घूहड़, खीमदान बारहठ, साहित्यकार मूलाराम चौधरी अर बाबूसिंह राठौड़ नैं प्रदान कियौ गयौ।
बारहठ नैं अंतरराष्ट्रीय राजस्थानी पुरस्कार
जोधपुर। राजस्थानी भाषा री मान्यता रै लिए उल्लेखनीय कार्य करवा वाळा डॉ. राजेंद्र सिंह बारहठ नैं कनाडा (राना) री ओर सूं घोषित अंतरराष्ट्रीय राजस्थानी पद्मश्री कन्हैयालाल सेठिया पुरस्कार रै तहत 25 हजार रुपया अर प्रशस्ति पत्र दे’र सम्मानित किया गया। अखिल भारतीय राजस्थानी भाषा मान्यता संघर्ष समिति री विशेष बैठक 13 जून नैं समिति रै अंतरराष्ट्रीय संयोजक प्रेम भंडारी रै निवास स्थान माथै व्ही। इण कार्यक्रम रै दौरान संघर्ष समिति रै संगळा अधिकारी राजस्थानी भाषा नैं मान्यता दिलावा रै लिए आंदोलन तेज करवा अर नुवीं रणनीति बणावै पै जोर दियौ।
इण अवसर माथै समिति रै संस्थापक लक्ष्मणदान कविया, प्रो. कल्याण सिंह शेखावत, पदम मेहता, नवल पुरोहित, भगवान सिंह खारी अर पदम रजनीश सहित गणमान्य नागरिक मौजूद हा।
समारोह पूर्वक मनी महाराणा प्रताप री जयंती
उदयपुर। प्रताप जयंती रै अवसर माथै उदयपुर री मौती मगरी रै महाराणा प्रताप स्मारक पै हवन अर पूजन री त्यारियां।
उदयपुर। प्रताप जयंती री पूर्व संध्या माथै जगदीश चौक माय 5001 दीप प्रज्वलित कर भारत माता पूजन करता शिवदल मेवाड़ रै कार्यकर्ता।
संग्रामपुर (मुंगेर)। मध्य विद्यालय नवगांई रै प्रांगण माय ग्रामीण विकास फाउंडेशन रै तत्वावधान माय महाराणा प्रताप री जयंती समारोह पूर्वक मनाई गई। समारोह रौ उद्घाटन स्थानीय विधायक सह सचेतक सत्तारूढ़ दल नीता चौधरी एवं रामस्वारथ कॉलेज तारापुर रै प्राचार्य पुष्पेन्द्र कुमार सिंह संयुक्त रूप सूं दीप प्रज्ज्वलित कर कियौ।
 दौसा। राजस्थान राय भारत स्काउट अर गाइड नै राजपूत सभा रै संयुक्त तत्वावधान माय महाराणा प्रताप जयंती समारोह भवानी राजपूत छात्रावास माय आयोजित व्यौ। समारोह रौ शुभारंभ राजपूत सभा रै जिलाध्यक्ष भगवान सिंह चौहान दीप प्रज्ज्वलित कर कियौ।
पालमपुर/फतेहपुर/कांगड़ा : जिलेभर माय महाराणा प्रताप री जयंती हर्षोल्लासपूर्वक मणाई गई। इण मौके माथै कैई कार्यक्रमां रौ आयोजन कियौ गयौ।पालमपुर माय श्रीकृष्ण अराधना परिवार सभा री ओर सूं आयोजित कार्यक्रम माय मंत्र जाप, नाम कीर्तन व ध्यान योग रै बाद महाराणा प्रताप नैं नमन करता वणारै चित्र माथै पुष्प अर्पित किया गया। इस मौके पर डॉ. गुलशन कुमार कियौ कै महाराणा प्रताप स्वतंत्रता संग्राम रै शिरोमणि हैं।
12वीं-विज्ञान माय बेटियां बाजी मारी 71.7 फीसदी रियौ जिले रौ परिणाम
उदयपुर। राजस्थान माध्यमिक शिक्षा बोर्ड री सीनियर सेकंडरी परीक्षा 2013 माय बेटियां फैर आगे री। उदयपुर जिले माय उत्तीर्ण छात्रावां रौ प्रतिशत 77.72 रियौ, जदकि छात्रों रौ प्रतिशत 68.63 रहा। बोर्ड रै अनुसार उदयपुर माय तीन हजार 866 विद्यार्थी परीक्षा दी ही। इणमें दो हजार 560 छात्र और एक हजार 360 छात्रा ही। प्रथम श्रेणी माय 943, द्वितीय 809 अर तृतीय श्रेणी माय 3 छात्र रिया। एक हजार 15 उत्तीर्ण छात्रावां माय 704 प्रथम अर तीन हजार 11 द्वितीय
प्रखर नैं गुर्दा प्रत्यारोपण रै लिए मिल्या 6.65 लाख रुपया
जयपुर। राजस्थान माध्यमिक शिक्षा बोर्ड विज्ञान संकाय री 12वीं री परीक्षा माय पांचवां स्थान प्राप्त करवा वाळे मेधावी छात्र प्रखर डेरोलिया रै इलाज रै लिए मुख्यमंत्री सहायता कोष सूं 6 लाख 65 हजार रुपया री सहायता मंजूर करी गई है। इणरै लिए मुख्यमंत्री अशोक गहलोत नियमों माय छूट दी है। मेधावी छात्र प्रखर नैं या सहायता मेदांता अस्पताल गुडग़ांव माय इलाज रै लिए मंजूर करी गई है। प्रथम किश्त रै रूप माय 3 लाख 35 हजार रुपया रौ डीडी जारी करियौ गयौ। उल्लेखनीय है कै गुर्दा प्रत्यारोपण रै लिए प्रखर री मां ममता शर्मा आपणी एक किडनी दी है।
एक अगस्त सूं दौड़ेगी जयपुर मेट्रो
जयपुर। जयपुर मेट्रो ट्रैक पै आ गी है। बेंगलुरू सूं पहुंच्या चार माय सूं सिल्वर कलर रौ एक कोच मानसरोवर डिपो माय ट्रैक माथै उतारियौ गयौ। डिपो माय रोलिंग स्टॉक समारोह व्यौ। इणमें नगरीय विकास मंत्री शांति धारीवाल पूजा रै बाद कोच नै तिलक लगायौ।
परीक्षा रै दौरान पतौ चाल्यौ ब्लड कैंसर है, फैर भी जिला मेरिट में आई
रामपुराडाबड़ी (चौमू)। परीक्षा रै दौरान रामपुरा डाबड़ी निवासी 17 वर्षीय पिंकी नैं पतौ चाल्यौ कै विनैं ब्लड कैंसर है, पण वणी हौसलौं नीं खोयौ अर 90.20 प्रतिशत अंक हासिल कर जिला मेरिट माय 8वां स्थान प्राप्त कियौ। जयपुर जिले रै रामपुरा डाबड़ी गांव री या होनहार छात्रा गरीब परिवार सूं है। पिता कैलाश चंद रैगर प्राइवेट अस्पताल में गार्ड हैं और मां सरिता देवी फैक्ट्री में श्रमिक। परीक्षा रै दौरान वणी कमजोरी री शिकायत करी डॉक्टर जांच करी तो पतौ चाल्यौ कै विनैं ब्लड कैंसर (सीएमएल) है। या जाणकारी मिलता ही एकदाण तो पिंकी डरप गी, पण वणी आपनैं संभाळ’र या उपलब्धि हासिल करी। न्यू चिल्ड्रन एकेडमी सीनियर सैकंडरी स्कूल री छात्रा पिंकी री इच्छा प्रशासनिक सेवा माय जावा री है।
बिजली रौ बिल दिखाओ मुफ्त सीएफएल ले जाओ
जयपुर। प्रदेश भर माय 53 लाख उपभोक्तावां नैं सरकार मुफ्त में दो ब्रांडेड सीएफएल बांटेगी । सीएफएल बांटने रौ काम जून सूं शुरू कियौ गयौ है और तीन महीने तक अभियान रै रूप में सीएफएल बांटवां रौ काम कियौ जावैगा। ग्रामीण क्षेत्रों माय संगळा श्रेणी रै उपभोक्ताओं अर शहरों माय केवल बीपीएल उपभोक्तावां नैं ये सीएफएल मिलेला। उपभोक्ता नैं आपणौ बिजली रौ बिल दिखाणौ वेगा, बिजली रौ बिल देख’र कैंप माय हाथूं हाथ सीएफएल दे दी जावैला।
हिंदी वाळा भी मानी मातृभाषा राजस्थानी
भाषायी सर्वे :पांच लाख नागरिकां में सूं डेढ़ लाख हिंदी और १.७८ लाख लोग राजस्थानी नैं मानै हैं मातृभाषा
-त्रिभुवन
जयपुर। संविधान री 8वीं अनुसूची माय भैळी वेवा रै लिए जूझ री राजस्थानी रै पक्ष में अबै सबसूं मजबूत तर्क लिंग्विस्टिक सर्वे ऑफ इंडिया री रिपोर्ट में सामै आया हैं। प्रदेश माय राजस्थानी मातृभाषा वाळा नागरिकां री तादाद हिंदी नैं मातृभाषा मानवा वाळा नागरिका सूं 28 लाख 9 हजार 308 व्तती दर्ज करी गई है। अगर मारवाड़ी, मेवाड़ी, वागड़ी, हाड़ौती, ढुंढाड़ी, बागड़ी राजस्थानी सहित राजस्थानी री संगळा प्रमुख बोलियां नैं मातृभाषा रै रूप में भैळी कर लें तो या संख्या हिंदी नैं मातृभाषा मानवा वाळा सूं दोगुणी हो सकै है। रिपोर्ट रै अनुसार प्रदेश माय हिंदी भाषा रौ प्रयोग करवा वाळा 5,14,07,216 नागरिकां में सूं हिंदी नैं 1,50,71,081 ही मातृभाषा मानै हैं, जदकि राजस्थानी नै 1,78,80,389 लोग आपणी मातृभाषा बतावै। सर्वे में भाषा री दृष्टि सूं दो तरह सूं आकलन कियो गयो है। एक सूची भाषा अर दूजी सूची मातृभाषा रै हिसाब सूं बणाई गी। मातृभाषा वाळी सूची रै हिसाब सूं प्रदेश माय राजस्थानी मातृभाषा वाळा सबसूं वत्ता हैं।
राजस्थानी री भूमिका –
रिपोर्ट केवै है कै राज्य विधानसभा, निचली अदालतों, एसडीओ कोर्ट, तहसीलदार कोर्ट, जिला न्यायालयों, अस्पतालों और हाईकोर्ट तक में भी राजस्थानी रै बिना कई नीं व्है है। अदालतां अर प्रशासनिक कार्यालयों माय तो अंग्रेजी अर हिंदी भी राजस्थानी अंदाज में ही बोली जावै हैं। प्रदेश रो भाषा परिवार बेहद समृद्ध है। इणमें 79 भाषावां अर 138 मातृभाषावां अंकित करी गई हैं। असी विविधता दूजा कणी प्रदेश माय नीं है।
कश्मीर सूं कर्नाटक तक राजस्थानी बोली –
रिपोर्ट में यो भी कियो गयो है कै राजस्थानी अबै राजस्थान ही नीं, महाराष्ट्र, गुजरात, कर्नाटक, मप्र, बिहार, तमिलनाडु, प. बंगाल, आंध्रप्रदेश, जम्मू-कश्मीर अर झारखंड में भी प्रभावी मौजूदगी दर्ज करवा री है। बांसवाड़ा-डूंगरपुर आदि जिलां में बोली जावा वाळी भीली भाषा सबसूं वत्ती मप्र में बोली जावै है।गुजरात, महाराष्ट्र, दादरा अर नगर हवेली, जम्मू अर कश्मीर, हिमाचल, कर्नाटक, आंध्रप्रदेश, छत्तीसगढ़, त्रिपुरा, मिजोरम अर केरल जस्या राज्य में भी खूब बोली जावै है।
छठी पास मोटियार बणायो आठ मशीना रो एक विकल्प: बंशीलाल मेघवाल बणाई मल्टी पर्पज ड्रिलिंग मशीन, जो एक साथै आठ काम करै है। कीमत आठ मशीना सूं आधी।
देबारी / उदयपुर। मैकेनिकल काम करवा वाळा बंशी लाल काम में अतरा माहिर व्है ग्या कि वे आपणौं वर्कशॉप खोलएौ चाहता हा। पण इणमें लागवा वाळी आठ मशीना री कीमत देख’र हताश व्है ग्या हा। वणा खुद ही असी मशीन बणावा री ठान ली, जो आठ मशीना रौ काम कर सकै।
मशीन रौ कराया पेटेंट : बंशीलाल रौ दावो है कि असी मशीन कदी नीं बणी है। यो वणारौ मौलिक आइडियो है, जिणसूं वणा मशीन रौ पेटेंट भी करवा लियो है। आर्थिक तंगी रै कारण बंशी लाल इण मशीन नैं मोटै स्तर पै नीं बणवा पा रिया हैं।
बिजली री खपत भी कम : बंशीलाल बतायो कि संगळी तरह री आठ मशीनां नैं चलावा रै लिए थ्री फेज बिजली कनेक्शन री जरूरत व्है है। वणारी मशीन सिंगल फेज कनेक्शन सूं ही चाल सकै है। लिहाजा इण मशीन सूं बिजली री भी खासी बचत वेगा। इण मल्टी पर्पज ड्रिलिंग मशीन सूं ग्राइंडिंग कटर, लोहे, लकड़ी, एल्युमिनियम माय ड्रिल, दूजी धातुओं सूं बणी चीजों री घिसाई, स्टोन कटिंग वर्क, पॉलिश रौ काम हो सकै है। अबार तक अणा स्रगळा कामां रै लिए आठ मशीना रौ इस्तेमाल व्है है। आठ मशीनां री कीमत एक सूं सवा लाख रुपया रै बीच है, जबकि या एक मशीन 50 हजार रुपए में उपलब्ध हो सकै है। या मशीन सुथारी अर लुहारी रौ करवा रै लिए काफी उपयोगी साबित वेगी।
(साभार- दैनिक भास्कर)
साढ़े चार लाख बुजुर्गां नैं मिल्या 21-21 सौ रुपया
जयपुर। मनरेगा योजना में 100 दिन काम करवा वाळा परिवारां नैं स्व-रोजगार रै लिए प्रोत्साहन स्वरूप 2100 रुपया री राशि 31 मई तक वितरित करी गई। प्रदेश में अस्या परिवारां री संख्या करीब 4.50 लाख है। या राशि घर में सबसूं बुजुर्ग महिला रै बैंक अथवा पोस्ट ऑफिस रै खातां में जमा करवाई गई। घर में सबसूं बुजुर्ग महिला नीं वेवा री स्थिति में बुजुर्ग पुरुष रै खाते में या राशि जमा की गई। इणसूं पैहले अस्या परिवारां नैं स्व-रोजगार रै लिए प्रेरित करवा रै उद्देश्य सूं ग्रामीण विकास मंत्री महेंद्रजीत सिंह मालवीय री ओर सूं एक चिट्ठी दी गई, जिणरी उण परिवार सूं रसीद ली गई।
बी-एबल द्वारा प्रमाण पत्र व नियुक्ति पत्र वितरण समारोह आयोजित
बाड़मेर-राजस्थान आजीविका कौशल विकास निगम द्वारा प्रायोजित अर बेसिक्स अकादमी फॉर लाईफलोंग एम्प्लोयिबिलिटी लिमिटेड (बी -एबल ) द्वारा संचालित हाउसकीपिंग इन होटल्स एंड गेस्टहाउसेस कोर्स रै प्रथम बैच नैं कोर्स रै सफल समापन माथै प्रमाण पत्र अर नियुक्ति पत्र वितरण समारोह आयोजित कियो गयो |
इण अवसर माथै श्री सी.पी.राजावत ( केयर्न इंडिया), श्री रमन गनपति (जनरल मेनेजर, होटल कलिंगा पैलेस ) , केंद्र प्रभारी भीखदान चारण , ट्रेनर ललित कुमार , सतीश कुमार अर संगला छात्र उपस्थित हा। इण कार्यक्रम माय छात्रों नैं पामणा रै कर कमलों सूं प्रमाण पत्र वितरित किया गया।
एक दिन में साढ़े तीन लाख सूं अधिक बाळक नैं मिलिया चेक
बीकानेर। राज्यभर में एक ही दिन माय 8वीं कक्षा रै साढ़े तीन लाख सूं अधिक टॉपर्स बाळका नैं टेबलेट पीसी खरीदवा रै लिए छह-छह हजार रुपया रै चेक दिया गया। राज्य रै संगळा जिला माय 14 मई नैं सार्वजनिक कार्यक्रम व्या जिणरी जिम्मेदारी कलेक्टरा नैं सौंपी गी। अर प्रत्येक स्कूल में भी कार्यक्रम आयोजित किया गया।
४००० राजस्थानी दी सऊदी अरब सूं लौटवा री अर्जी
-सुरेंद्र चौधरी
सीकर। सऊदी अरब माय नुवां कानून अर तीन महीने रै लिए धरपकड़ में दी गई ढील रै बीच 18 हजार भारतीय स्वदेश लौटने रै लिए अर्जी दी है। अणा इमरजेंसी सर्टिफिकेट लेवा रै लिए भारतीय दूतावास माय आपणा दस्तावेज जमा कराया हैं। अणामें करीब चार हजार राजस्थानी कामगार भी बताया जा रिया हैं। उल्लेखनीय है कि सऊदी अरब माय नुवां कानून नीताकत रै तैहत वणा भारतीय कामगारा नैं पकडवा रौ अभियान चलायो गयो हो, जो वीजा नियमां रौ उल्लंघन कर रिया हा। इणरै बाद अभियान माय तीन महीने री राहत दी गई ताकि निश्चित प्रक्रिया रै जरिए पाछा लौट सकैं।
मेवाड़ महोत्सव रै रुप में मनाई जावेला प्रताप जयंती
उदयपुर। महाराणा प्रताप जयंती मेवाड़ महोत्सव रै रुप में मनाई जावैला। शिवदल मेवाड़ जिलाध्यक्ष शंभूलाल साहू बतायो कि महाराणा प्रताप जयंती माथै 11 जून नैं विविध आयोजन वेगा। जयंती री पूर्वसंध्या माथै 10 जून नैं वाहन रैली निकाळी जावैला अर जगदीश मंदिर पै 5001 दीप प्रज्वलित किया जावैला। इणरै साथै ही भारत माता पूजन, शस्त्र पूजन भी की जावैला अर आतिशबाजी भी वेगा।
योगिता हासिल किदो राज्य स्तर पै नौवों स्थान
जयपुर। सनराइज ग्रुप ऑफ इंस्टीट्यूशंस उदयपुर री छात्रा योगिता राय राजस्थान नर्सिंग कौंसिल री जीएनएम द्वितीय वर्ष परीक्षा में राज्य स्तर पै नौवां स्थान हासिल किदो है। योगिता नैं इण उपलब्धि रै लिए नर्सिंग कौंसिल (जयपुर) द्वारा एक समारोह में फ्लोरेंस नाइटेंगल योग्यता अवार्ड दियो गयो।
गांव में अस्पताल खोलो, 1 करोड़ तक अनुदान देगी सरकार: ग्रामीण क्षेत्र माय चिकित्सा सेवा री पहुंच बढ़ाने रै लिए सरकार लागू कर री है योजना
जयपुर। एमबीबीएस करवा वाळा समेत अस्या संगळा डॉक्टरा नैं सरकार 1 करोड़ रु. तक रौ अनुदान देवेला, जो गांव में जा’र आपणौ अस्पताल खोलेला। अनुदान रै लिए आवेदक डॉक्टर रै पास गांव कम सूं कम 500 वर्गमीटर जमीन वेणै आवश्यक वेगा। इणरै साथै ही कम सूं कम 1 किमी. रै दायरे माय कोई भी सामुदायिक अथवा प्राथमिक स्वास्थ्य केंद्र नीं होणौ चावै। चिकित्सा एवं स्वास्थ्य विभाग इण योजना नैं लागू करवा री तैयारी कर चुक्यौ है। इणरै लिए विस्तृत गाइड लाइन तैयार होवा रै केड़ै निजी अस्पताला रै लिए एमबीबीएस डॉक्टरां सूं आवेदन मांग्या जावैला।
सुराज संकल्प यात्रा रो भव्य स्वागत
-अशोक जैन।
नसीराबाद। कुचामनसिटी माय सुराज संकल्प यात्रा रौ भव्य स्वागत कियो गयो। आमसभा स्थल पै श्रीमती वसुंधरा राजे लोगा नैं सम्बोधित करता थका बतायो कै सरकार री जनता रै प्रति कांई जिम्मेदारियां व्है अर अगर व्है विनै पूरी नीं कर सकै तो विनैं लाज आणी चावै। असी सरकार नैं जनता सूं वोट मांगवा रो भी कोई अधिकार नीं है। श्रीमती राजे रौ रानासर तिराहा, निमोड़, राशिदपूरा, मौलासर, दोलतपुरा, डीडवाना माय माळा पहना’र, बैंड-बाजों अर आतिशबाज़ी रै साथै जोरदार स्वागत कियो गयो अर मोटी संख्या में स्वागत गेट लगाया गया। मौलासर गाँव माय तो ऊँट द्वारा श्रीमती राजे नैं माळा पहना’र स्वागत कियो अर श्रीमती राजे भी ऊँट नैं गौल, केळो अरर नीमड़ा रा पाना खिलाया। डीडवाना माय अग्रसेन गौ सेवा समिति री गौशाला माय श्रीमती राजे माळा पहना’र गौ माता री पूजा किदी । डीडवाना रै आदर्श विधा मंदिर स्कूल माय श्रीमती राजे पंडित बच्चाराम व्यासजी री मूर्ति माथै मालार्पण कियो |
राजस्थानी सब्जेक्ट खुलवाण री अपील करती अेक परिचय-पुस्तिका
राजस्थान में 1043 स्कूल उच्च माध्यमिक स्तर माथै क्रमोन्नत हुया है। आं स्कूलां में अर पैली सूं चाल रैया उच्च माध्यमिक स्कूलां में राजस्थानी साहित्य सब्जेक्ट खुलवाणै रो कांई तरीको है। इण सब्जेक्ट में कांई-कांई खासियतां है अर इणरी कांई उपादेयता है। आं बातां रो खुलासो करता थकां डॉ. सत्यनारायण सोनी अर डॉ. मदनगोपाल लढ़ा
अेक परिचय-पुस्तिका तैयार कीदी है।
पौथी रा दोन्यू लेखक राजस्थान शिक्षा विभाग में हिन्दी रा व्याख्याता है। हिन्दी रा व्याख्याता राजस्थानी सब्जेक्ट खुलवाण री अपील करै तो घणो चोखौ लागै। अणा पौथियां रो माध्यम हिन्दी अर राजस्थानी मिल्यो-जुल्यो राख्यो है। डॉ. सोनी अर डॉ. लढ़ा रौ कैणौ है कै माध्यम हिन्दी अर राजस्थानी मिल्यो-जुल्यो इण वास्तै राख्यो है कै जिका लोगां रो राजस्थानी पढणै रो अभ्यास नीं है वै आसानी सूं इणनैं पढ़ अर समझ सकै। वांरों यो भी कैणो है कि म्हानै पूरो भरोसो है कै इण पौथी सूं राजस्थानी भाषा मान्यता रै आंदोलन नैं जबरो बळ मिलसी।
छपियां पछै आ बुकलेट नवक्रमोन्नत 1043 स्कूलां अर उण गांव रा जनप्रतिनिधियां नैं डाक सूं भेजी जावैला। 5 हजार प्रतियां री छपाई अर डाक रै खरचै रै बंदोबस्त सारू डॉ. सोनी अर डॉ. लढ़ा आपणौ राजस्थान वेब साईट सूं मार्गदर्शन री दरकार करी है।
प्रताप जयंती रो संभाग स्तरीय समारोह बांसवाड़ा में: भाजपा रै राष्ट्रीय अध्यक्ष राजनाथ सिंह वैगा शामिल
बांसवाड़ा। महाराणा प्रताप री 473वीं जयंती रौ संभाग स्तरीय मुख्य समारोह 11 जून नैं बांसवाड़ा रै महाराणा प्रताप प्रतिमा स्थल पै वैगा। मेवाड़ क्षत्रिय महासभा बांसवाड़ा री ओर सूं वेवा वाळे इण कार्यक्रम रै खास पामणा भाजपा रै राष्ट्रीय अध्यक्ष राजनाथ सिंह वेगा अर मूंगा पामणा शिक्षाविद् मनोहरसिंह कृष्णावत, मेवाड़ क्षत्रिय महासभा उदयपुर रै अध्यक्ष बालू सिंह कानावत, बांसवाड़ा रै जगमाल सिंह बांसवाड़ा वेगा। या जाणकारी कार्यक्रम समन्वयक तनवीर सिंह कृष्णावत और अशोक सिंह मेतवाला दीदी। मुख्य समारोह सुबह 11 बजे वेगा जिणमें राजस्थान, मध्यप्रदेश और गुजरात रै समाजजन भैळा वेगा।
बेटी कांधो दे’र किदो पिता रौ अंतिम संस्कार
बांसवाड़ा। शहर में 16 मई नैं एक बेटी आपणै पिता री अर्थी नैं कांधो दियो और मुखाग्नि दीदी। सिंगवाव निवासी एडवोकेट दिलीप त्रिवेदी रो हार्टअटैक रै कारण निधन व्है ग्यो हो। जद अंतिम यात्रा रो समै आयो तो वणारी बेटी अंशु त्रिवेदी खुद नैं रोक नीं पाई। श्मशान पहुंच कर अंशु अंतिम संस्कार री संगळी विधियां पूरी करी।
21 दिन री अंशु नैं गोद लिदी ही :
एडवोकेट दिलीप त्रिवेदी री खुद री कोई औलाद नीं ही। वणा आपणै साढू जीतेंद्र शुक्ला री 21 दिन री बेटी नैं गोद लिदी और आनणी बेटी री तरह पाळ-पौस’र पिता री संगळी जिम्मेदारियां निभाई। अंशु बीएड कर चुकी है और अबै अंग्रेजी सूं एमए री पढ़ाई कर री है।
बेटी अर पर्यावरण बचावा रा फेरे वर-वधु नैं गिफ्ट में दिया नीमड़ा रा पौधा
उदयपुर। अठै क्षत्रिय कुमावत समाज वर-वधुओं रै नौ फेरा करवा’र नई मिसाल पेश करी है। इणमें आठवां फेरा बालिका बचावा और नौवां फेरा पर्यावरण संरक्षण रै नाम हा। नौ फेरों रै बाद वर-वधु नै तुलसी और नीमड़ा रा पौधा उपहार में दिया। अवरस हो क्षत्रिय कुमावत महासभा रै सामूहिक विवाह सम्मेलन रो। जिणमें समाज रै सात जोड़ा रौ और एक तुलसी विवाह व्यो।
गरमी में राहत रै लिए हीट प्रूफ पेंट लांच
उदयपुर। गरमी सूं राहत पावा रै लिए हीट प्रूफ कंपनी हीट पूफ्र नाम सूं पेंट लांच करियो है। लिबर्टी पेंट हाउस रै प्रबंधक जितेंद्र कालरा बतायो कि पेंट नैं छत माथै लगाणे रै बाद कमरे रो तापमान लगभग 10 सूं 18 प्रतिशत तक कम व्है जावै है। अबार यो 5 किलो पैक में उपलब्ध है, जिणरी कीमत 230 रुपया है।
जेईई-मेन्स : पलक प्रदेश में अव्वल, देश में तीजे स्थान पै
एमडीएस स्कूल, उदयपुर में कक्षा 12वीं री छात्रा पलक 360 में सूं 340 अंक प्रान्त किदा। इणरा पिता डॉ. पारस जैन फिजिशियन है अर मम्मी डॉ. रेणु जैन नेत्र शल्य चिकित्सक है।
दोहिती रै साथै दी एमए री परीक्षा
धौलपुर। बाड़ी रै गांव धनौरा निवासी 72 वर्ष रा रघुवरदयाल मीणा में भणवा री असी लगन है के वे अणा दिनां में एम.ए. हिंदी री परीक्षा दे रिया हैं। मीणा रै अनुसार वणारी प्राथमिक शिक्षा भी नीं व्ही ही, पण बाद में वणामें भणवा री प्रेरणा जागी तो वणा 1964 में हाईस्कूल रो फार्म भरियो। अर सफल व्या तो एसटीसी कीदी। पछे वे पुलिस विभाग में भर्ती व्या पण वठै मन नीं लाग्यो तो मास्टर बण ग्या। बाद में बीए और बीएड भी कर लीदी। मीणा वर्ष 2000 में शिक्षा विभाग सूं सेवानिवृत्त व्है ग्या। गत साल वणारी पुत्रवधू अनीता एमए रो फार्म भरियो तो वणा भी एमए करवा री ठाणी। मीणा अबै पुत्रवधू और दोहिती रै साथै एम.ए. री परीक्षा दे रिया हैं।
रूपा कंवर जीती 'थाउजैंड गिनीज हॉर्स रेस'
जोधपुर। रूपा कंवर 'द नीलगिरीज थाउजैंड गिनीज हॉर्स रेस' जीती। इणरो आयोजन ऊटी में मद्रास क्लब रै रेसकोर्स में व्यो। रूपा नागौर रै कुकरवाड़ी गांव री हैं। वणी 1400 मीटर री रेस में सात घुड़सवारों सूं मुकाबला कियो। 'अंबर हाइट्स' घोड़े पै सवार रूपा 400 मी. में संगळा सूं पाछे ही। पण बाद में वे रेस जीत गी। वणानैं गोल्ड कप और 75 हजार रु. पुरस्कार में मिल्या है।
वरिष्ठ उपाध्याय परीक्षा री मेरिट में बांसवाड़ा री विपाशा टॉपर
अजमेर राजस्थान माध्यमिक शिक्षा बोर्ड री वरिष्ठ उपाध्याय परीक्षा रो परिणाम 84$.11 प्रतिशत रहा। अस्थायी मेरिट लिस्ट में पांच स्थानां पै 6 विद्यार्थियों कब्जो जमायो जणीमें पैहले 4 स्थानां पै 5 बेटियां हैं। राजकीय श्रीएकलिंग नाथ वरिष्ठ उपाध्याय संस्कृत विद्यालय, गानोड़ा (बांसवाड़ा) री विपाशा जैन 500 में सूं 443 अंक ले’र टॉपर री।
सुराज संकल्प यात्रा अजमेर संभाग में
-अशोक जैन-
नसीराबाद। भाजपा प्रदेशाध्यक्ष श्रीमती वसुंधरा राजे 31 मई नैं दोपहर 1 बज्या नसीराबाद रै मिशन ग्राउंड में एक विशाल आम सभा नैं संबोधित किदी। भाजपा रै राष्ट्रीय महामंत्री एवं राज्य रै प्रभारी कप्तान सिंह सोलंकी बतायो कि या यात्रा 30 मई नैं ब्यावर व मसूदा, 31 मई नैं केकड़ी व नसीराबाद, 1 जून नैं किशनगढ़, मकराना, 2 जून नैं परबतसर, मकराना पहुँची| यात्रा 3 जून नैं लाड़नूं, जायल, नागौर 4 जून नैं नागौर, खींवसर, मेडता पहुंचेगी अर 5 जून नैं पुष्कर सूं वेता थका अजमेर में इणरो समापन वेगा।
पुराने साप्ताहिक न्यूज
|
ए ऐ ओ औ अं अ:
