म्हारे आलीजा री चंग (फागण रो लोकगीत) म्हारे आलीजा री चंग, बाजै अलगौजा रे संग, फागण आयो रे ! रूंख-रूंख री नूंवी कूपळा, गीत मिलण रा अब गावै। बन-बागां म काळा भंवरा, कळी-कळी ने हरसावै। गूंझै ढोलक ताल मृदंग, बाजे आलीजा री चंग।। फागण आयो रे ! आज बणी हर नारी राधा, नर बणिया है आज किसन। रंग प्रीत रो एडो बिखर्यो, गली-गली है बिंदराबन। हिवडै-हिवडै उठे तरंग, बाजे आलीजा री चंग।। फागण आयो रे !

फागण रा दूहा (राजावत श्रवण सिंह) फागण महिनो फूटरो फूल्या दाडम दाख। पीव तणे मैं पहुंचती पण नहीं म्हारे पाँख।। चाले पवन चरचरी चित चंचल कर देत। फागण महीनो फूटरो हिवडे उमगे हेत।। मनड़ो तो मदमस्त हुयो भूल्यो तनडो भाल। जोबन अब जबरो हुयो राखु किम रखवाल।। सुध बिसरी शरीर री मन हुयो मतवाल। साजन बिना सहेलडि राखे कूण रुखाल।। रतिपति अब रम गयो अंग अंग में ओ आज। बौराई मैं अब बावली लव न राखी लाज।। सुन बाता अब सहेलडी मन म्हारो नहीं हाथ। पीव नहीं ज पधारिया अब करस्यु अपघात।। कामवेग सूं कापती कलम न हाथ झलेह। मनडा तू संदेशड़ो पीया हिव धरेह।। पवन सुन पीव सूं कह मैं कैवूं बतलाय। तू नी आयो अब तुरत नवघन मिलसी नाय।। पीव रह्यो परदेश में जीव म्हारो जलेह। मनड़ो थारे मंज़िला दुःख पावे या देह।। बालम मत बिसराय थाँ बिन में थिर नहीं। ज्योति बन दिवलाय किम प्रकाशे साजना।।

समाचार संपादक अनुश्री राठौड़

राज्‍य समाचार

राजस्थानी साहित्य सृजक पद्मश्री डॉ. चन्द्र प्रकाश देवल नैं महाराणा कुम्भा अर कृति नैं मिलेला महाराणा मेवाड़ सम्मान

उदयपुर| महाराणा मेवाड़ चेरिटेबल फाउण्डेशन रै 33वें वार्षिक सम्मान समर्पण समारोह रै राज्यस्तरीय अलंकरणों री घोषणा व्‍है चुकी है। समारोह 22 मार्च नैं सिटी पैलेस में वेगा। संयोजक डॉ. मयंक गुप्ता बतायो कै महाराणा मेवाड़ सम्मान जोधपुर री कृति भारती नैं महिला सशक्तीकरण तथा नवाचारी वैज्ञानिक पद्धति द्वारा जल संरक्षण एवं पौधरोपण रै अभिनव कार्यों रै वास्‍तै राजसमंद निवासी श्याम सुंदर पालीवाल नैं दियो जावैगा। ज्योतिष में योगदान पे भीलवाड़ा रै गुरु रविदास, आयुर्वेद विवि होशियारपुर (पंजाब) रै वीसी प्रो. ओम प्रकाश उपाध्याय जयपुर रै पं. गणपति लाल शर्मा नैं महर्षि हारित राशि सम्मान, महाराणा कुम्भा सम्मान इतिहासकार नारायण लाल शर्मा तथा राजस्थानी साहित्य सृजक पद्मश्री डॉ. चन्द्र प्रकाश देवल नैं दिया जावेला। महाराणा सज्जनसिंह सम्मान जयपुर रा कमलेश जांगिड़, डागर घराना सम्मान सरोद वादक अमान अली-अयान अली, पूंजा सम्मान पूर्व मंत्री चुन्नी लाल गरासिया, अरावली सम्मान जयपुर रै नवनीत गौतम एवं सुमित्रा शर्मा नैं दियो जावैला। मध्य भारत री निहाली भाषा रै संरक्षण क्षेत्र में कार्य पे पुणे रै डॉ. शैलेन्द्र मोहन नैं विशिष्ट अलंकरण दिया जावेला।

प्रदेश स्‍तरीय राजस्‍थानी जळसो 15 मार्च नैं

मेड़ता। मायड़ भाषा राजस्‍थानी छात्र मोरचो, राजस्था्न रौ प्रदेश स्तारीय जळसो अर प्रतिभा सम्माान समारोह, 15 मार्च सुबैह 10 बज्यां, रघुनाथ स्मृ ति जैन भवन माय राखीज्योर है। इण जळसा री विगत बतावता छात्र मोरचा रा प्रदेश प्रचार मंत्री सत्य़नारायण राजस्थानी जाणकारी दी कै यो जळसो राजस्थासनी भाषा नैं विषय रै रूप माय स्कूालां अर कॉलेजां सूं जोड़वा अर संविधान री आठवीं अनुसूची माय सामल करवा री चावना रो प्रतिरूप है। इण अवसर माथै राजस्थामन सरकार रा वन पर्यावरण अर खनिज मंत्री राजकुमार रिणवा, सांसद सी आर चौधरी, हरिओम सिंह राठौड़, विधायक सुखाराम नेतडियां, पूर्व प्रधान श्रीमती किरण मेहरिया, न.पा. मेड़ता रा चैयरमेन अनिल थानवी रै साथै ही श्री के.सी. मालू, लक्ष्ममणदान कविया, डॉ.गजसिंह राजपुरोहित, डॉ. गजादान, डॉ. राजेन्द्रा बारहठ, अर महेन्द्रयजी देथा खास पांवणा रै रूप माय उपस्थित रैवेला।

होळी रो त्योहार हर्षोल्लास रै साथै मन्‍यो री गेर भी धूम

होळी धुलेण्डी पे दो दिन तक सगळा उत्साह सूं लबालब रिया। 5 मार्च नैं राज्‍य भर में होळी रो त्योहार हर्षोल्लास रै साथै मनायो गयो। जग्‍यां जग्‍या होळी री विधि-विधान सूं पूजा-अर्चना करी गई। इणरै पछै भक्त प्रहलाद रै जयकारों रै साथै होलिका दहन कियो गयो। लोग होळी री आग में पैहली फसल री बालियों नैं सेकर सुख-समृद्धि री कामना करी। दूजे दिन 6 मार्च नैं सुबै धुलंडी रो त्योहार मनायो गयो। एक-दूजां रै रंग लगार गळै मिलर सगळा गिला-शिकवा भी भुलाया। धुलंडी रै आगलै दिन जमराबीज नैं पारंपरिक तलवारों सूं गेर भी रमी गई। इण दिन गेर री धूम देर रात तक चालती री। धधकती मशालों रै साथै गेरियां जमर गेर रमी।

यूथ फेस्टिवल: झीलों रै शहर में खिलखिलाई 7 देशों री सांस्कृतिक विरासत...

उदयपुर। इतिहास री गौरवशाली विरासत संजोवा वाळा झीलों रै शहर में 8 मार्च नैं 7 देशों री संस्कृति खिलखिला उठी। मौको हो साउथ एशियन यूथ फेस्टिवल रै दूजे दिन फोटोग्राफी सेशन रो, जद भारत सहित बांग्लादेश, भूटान, पाकिस्तान, अफगानिस्तान, श्रीलंका, नेपाल री अलग-अलग यूनिवर्सिटी रा छात्र कैमरा रै साम्‍ही आया। हर देश सूं आया ग्रुप पैल्‍या डांस परफॉर्मेंस सूं आपणी लोक संस्कृति रो परिचै करायो, फैर एक-दूजा रो परिचै लियो। इणरै पछै ग्रुप फोटो रै जरिए ओळूं संजोईं। फेस्टिवल री मेजबानी मोहनलाल सुखाड़िया यूनिवर्सिटी कर री है।

बेटियों नैं जन्म देवा वाळी 568 मातावां सम्मानित

उदयपुर। जनस्वास्थ्य अभियांत्रिकी मंत्री किरण माहेश्वरी 8 मार्च नैं सुविवि में चाल रिया यूथ फेस्टिवल में बेटियों नैं जन्म देवा वाळी 568 महिलावां नैं उपरणा ओढ़ा स्मृति चिह्न भेंटकर सम्मानित करी। विश्वविद्यालय और श्री महावीर युवा मंच संस्थान रै संयुक्त तत्वावधान में आयोजित वंशिका जननी अलंकरण समारोह नैं मुख्य अतिथि रै रूप में संबोधित करता माहेश्वरी कैयो कै आज आपां शहरों में अंतरराष्ट्रीय महिला दिवस मना रिया हैं और नारी नैं सर्वोच्च दर्जों दे रिया हैं, पण आपाणै गांवों री महिलावां री स्थिति नैं भी ऊपरै लावणौ वेगा, विद ही आपां सचमुच में महिलावां नैं मान्यता दे पावाला। बेटी नैं विशेष अधिकार देयर वातावरण त्‍यार करवा री जरूरत है। मुख्य वक्ता रै रूप में लेखक दुबई प्रवासी लाजवंती गुप्ता राजस्‍थानी भाषा में कैयो कि अठै आवा पे घणो चोखो लाग्यो है। विषिष्ठ अतिथि महापौर चंद्रसिंह कोठारी कैयो कि महिला अबै अबला नीं री, वा सबला है। आज पुलिस, मिलिट्री में भी महिलावां री बटालियन, टुकडिय़ां हैं। फैर किण तरह महिलावां पाछै हैं। कार्यक्रम री अध्यक्षता सुविवि रै कुलपति प्रो. आईवी त्रिवेदी करी। इणसे पूर्व संस्थान रै मुख्य संरक्षक राजकुमार फत्तावत कैयो कि संस्थान द्वारा आगामी वर्ष प्रधानमंत्री नरेन्द्र मोदी रै अभियान रै तहत बेटी बचाओ जागरण अभियान रै रूप में मनायो जावैगा। महिला प्रकोष्ठ री अध्यक्ष विजयलक्ष्मी गलूंडिया कैयो कि 9 मार्च 2014 सूं 8 मार्च 2015 तक रो वर्ष मंच महिला सशक्तीकरण के रूप में मनायो है। कार्यक्रम रो संचालन सरिता जैन कियो। आशा कोठारी आभार जतायो।

सांवलियाजी भंडार सूं निकळिया तीन करोड़ सूं ज्यादा

चित्तौड़गढ़। सुविख्यात सांवलियाजी मंदिर 5 मार्च नैं फूलडोल उत्सव पे भगवान रो भंडार खोल्‍यो गया। इणमें तीन करोड़ सूं भी अधिक री भेंट राशि निकळी। राजभोग आरती रै पछै मंदिर मंडल अध्यक्ष भैरूलाल गुर्जर सीईओ सुरेश चंद री उपस्थिति में जयकारों रै बीच भगवान रो भंडार खोल्‍यो गयो। मंदिर मंडल सदस्य ममतेश शर्मा, मनोहर सोनी, भंवरदास श्रीलाल कुल्मी, तहसीलदार मंदिर प्रबंधक रमेशचंद बहेडिया, सहायक लेखाधिकारी किशनलाल शर्मा, प्रशासनिक अधिकारी भगवानलाल चतुर्वेदी, एईएन दिनेश व्यास रोकडिय़ा नंदकिशोर टेलर रै निर्देशन में विशेष जाब्ते री कड़ी सुरक्षा रै बीच गणना करी गई। विभिन्न बैंकों एवं मंदिर मंडल कर्मियों द्वारा करी गई इण गणना में भंडार सूं इण माह तीन करोड़ छह लाख 59 हजार 578 रुपए नगद, 57 ग्राम सोनो तथा 1650 ग्राम चांदी भंडार सूं प्राप्त व्‍ही। अणी अवधि में मंदिर मंडल कार्यालय भेंट कक्ष में नगद मनीआर्डर सूं 20 लाख 24 हजार 486 रुपए, 40.900 ग्राम सोनो 1898 ग्राम चांदी भेंट स्वरूप प्राप्त व्‍ही। इण अवसर पे ओसरा पुजारी रामदास भगवान नैं गंगाजल सूं स्नान करवा नवीन वस्त्राभूषण धारण करवा सांवलियाजी नैं होळी रो विशेष श्रंगार करायो। जिणमें आकर्षक पिछवाई लगार घेरदार वागा धारण करवा मोरपंख इत्यादि सूं श्रंगार कियो गयो। दर्शन रै वास्‍तै देर रात तक श्रद्धालुवां रो तांतो लग्‍यो रियो।

सबसूं पैल्‍या जुड़ेला चंबल और बनास नदी : जाट

चंबल प्रोजेक्ट में बजट में हो री देरी रै वास्‍तै मुख्यमंत्री सूं बात करेला भीलवाड़ा। केंद्रीय जल संसाधन राज्य मंत्री प्रो. सांवरलाल जाट कैयो कि देश में नदियों नैं जोड़वा रै प्रोजेक्ट रै तहत राजस्थान में सबसूं पैल्‍या चंबल नदी नैं बनास नदी सूं जोड़ी जावेला। इण प्रोजेक्ट री डीपीआर बणावा रौ काम अंतिम चरण में चाल रियो है। चंबल नदी में घणौ पाणी है और बनास नदी अधिकांश समै सूखी रैहवै है। इण वास्‍तै दोई नदियों नैं जोड़वा रो प्रदेश रा कैई जिलों रा लोगों नैं फायदो मिलेला। प्रो. जाट 7 मार्च नैं सर्किट हाउस में पत्रकारों सूं बातचीत कर रिया हा। वणा कैयो कि नदियों नैं जोड़वा रै काम में सगळी राज्य सरकारों सूं सहमति लेवणौ जरूरी हो। इण वास्‍तै इण प्रोजेक्ट पे काम शुरू होवा में कुछ समै लाग्‍यो ।

बोर्ड वेबसाइट पे अपलोड किया बोर्ड परीक्षार्थियों रा प्रवेश-पत्र

अजमेर। राजस्थान माध्यमिक शिक्षा बोर्ड री वेबसाइट पे आठवीं, दसवीं, बारहवीं, प्रवेशिका औैर वरिष्ठ उपाध्याय परीक्षा रा प्रवेश पत्र अपलोड कर दिया हैं। संबंधित सरकारी गैर सरकारी विद्यालय रै शाला प्रधान अग्रेषण अधिकारी बोर्ड री वेबसाइट सूं अणानैं डाउनलोड कर सकै हैं। विद्यालयों सूं ही प्रवेश पत्र री हार्ड कॉपी परीक्षार्थियों नैं वितरित करी जावेला। बोर्ड सचिव महेंद्र प्रकाश शर्मा बतायो कै शाला प्रधान अग्रेषण अधिकारी पूर्व में दी गई आईडी पासवर्ड सूं बोर्ड री वेबसाइट सूं प्रवेश पत्रों नैं डाउनलोड करेला।

अनुकंपा पे नियुक्त लिपिकों नैं टंकण परीक्षा रो एक और अवसर

बीकानेर। राज्य में मृत राज्य कर्मचारियों रै आश्रितों रै रूप में अनुकंपा पे नियुक्त कनिष्ठ लिपिक या समकक्ष नैं कंप्यूटर टंकण गति परीक्षा रो एक अंतिम अवसर दियो गयो है। राज्य रै कार्मिक विभाग इण संबंध में आदेश जारी किया हैं। टंकण गति परीक्षा रो आयोजन भाषा एवं पुस्तकालय विभाग री ओर सूं करायो जावैगा। नियमानुसार अनुकंपा पे नियुक्ति रै तीन वर्ष री अवधि में टंकण गति परीक्षा पास करणी होवै है। अनेक कार्मिक नियुक्ति रै पछै तक परीक्षा पास नीं करी है।

राष्‍ट्रीय समाचार मनु नैं मिल्‍या चित्रकार रा दोई हाथ, पेंटिंग सूं ही फिजियोथैरेपी: देश रां पैहलो डबल हैंड ट्रांसप्लांट सफल उपमिता वाजपेयी कोच्चि | मनु रा हाथ दो साल पछै कुछ-कुछ पैहला री तरह काम करवा लाग्‍या हैं। विणरै हाथ ट्रांसप्लांट किया गया अर वे भी देश में पैहली दाण। ट्रांसप्लांट रै 52 दिन पछै ग्‍या सप्‍ताह माय मनु नैं अस्पताल सूं छुट्‌टी दी गई। वणारै चित्रकार बिनय रा हाथ लगाया गया। जद मनु सूं पूछ्या कि कांई अबै वे पेंटिंग करेला, तो वणा कैयो- 'यो तो नीं पता कि प्रोफेशनल पेंटर बण पाऊंला या नीं, पण पण अबार जो फीजियोथैरेपी चाल री है उणमें पेंटिंग भी करवाई जावै है। जदमैं पेंटिंग करुं हूं तो म्‍हनैं अहसास होवै है कि म्‍हारा हाथ तो पेंटर रा ही हैं। अणानैं बौत कुछ तो पतो वेगा। जल्दी ही सीख जाऊंला।' मनु रै परिवार में माता-पिता अर दो भाई हैं। डॉ. सुब्रह्मण्यम अय्यर उणरो ऑपरेशन कियो है। मनु नैं उणरै बारे में टीवी प्रोग्राम सूं पतो चाल्‍यो हो। मनु अर बिनय री कहानी अप्रैल2013 में मनु नैं कुछ लोग रेल सूं फेंक दियो हो। मनु वणानैं सिगरेट पीवा सूं रोक्‍या हा। वणारै दोई हाथ कट ग्‍या। मनु नैं बिनय रा हाथ मिल्‍या हैं। ब्रेन डेड होवा रै पछै बिनय री मां उणरा दोई हाथ दान कर दिया हा। महिलावां संभाळी एअर इंडिया अर लोकोमोटिव पायलट री कमान नई दिल्ली | एअर इंडिया री चार उड़ानों री कमान पूरी तरह सूं महिला चालक दल रै हाथों में री। इण दौरान महिलावां ने दो अंतरराष्ट्रीय अर दो घरेलू विमानों नैं उड़ाया। स्पाइण जेट रै 16 उड़ानों रै चालक दल री सगळी सदस्य महिलावां ही। अठीनैं कोलकाता माय पूर्वोत्तर रेलवे में पैहली दाण लोकोमोटिव पायलट पद पे दो महिलावां री नियुक्ति व्‍ही है। मोमिता अधिकारी नैं लोकोमोटिव पायलट अर सुरुचि कुमारी नैं असिस्टेंट लोकोमोटिव पायलट रै पद पे नियुक्त किया गया। राशनकार्ड रै वास्‍तै बणा दी चप्पलों री लाइन उना (गुजरात) | सरकारी दफ्तरों में काम करावा रै वास्‍तै कैई दाण लोगों री चप्पलां घिस जावै हैं। पण जूनागढ़ रै उना में एक दफ्तर रै बारणै चप्पलों री कतार लागगी। दरअसल राशनकार्ड सूं जुड़्या काम नैं करवावा रै वास्‍तै दौ सौ सूं ज्यादा लोग पौंच्‍या। तावड़ो भी घणो तेज हो लोग सोच्‍यो जाणै कद तक लाइन में लाग्‍या रैहवा। अस्‍या में तावड़ा सूं बचवा रै वास्‍तै लोग आपणी चप्पलों री कतार लगा दी। पितृ पर्वत पे 'बिराज्‍या' देश रा सबसूं ऊंचा हनुमान इंदौर में पितृ पर्वत पे हनुमानजी री 66 फीट ऊंची प्रतिमा रो निर्माण अष्टधातु सूं हो रियो है। 2007 सूं जनसहयोग सूं बण री इण प्रतिमा रो काफी काम हो चुक्यो है। हनुमान जयंती तक काम पूरो होवा री उम्मीद है। बैठा हनुमान री या देश की री सबसूं ऊंची प्रतिमा है। पितृ पर्वत नैं पर्यटन केंद्र रै रूप में विकसित करवा री भी योजना है। प्रतिमा 62 फीट चौड़ी और 90 टन वजनी है। इण प्रतिमा माय हनुमान जी री गदा ही 45 फीट लंबी है। जाणकारी मिली है कि इणरी लागत 07 करोड़ रिपिया आवा री है। फोटो : दीपकजैन 18 साल रा होवता ही घरै पौंच जावेगा वोटर कार्ड जॉन राजेश पॉल रायपुर। वोटर लिस्ट में नाम जुड़वावा रो झंझट खत्म होवा जा रियो है। जिणरो आधार कार्ड बण चुक्‍यो है, वे 18 साल रा होवता ही खुद वोटर लिस्ट में आ जावेला। वोटर कार्ड भी घरै पौंच जावेगा। कठै ही जावा री जरूरत नीं है। फोटू खिंचवावा रै वास्‍तै भी नीं। वैरिफिकेशन रै दौरान फोटू लियो जावैगा। दरअसल, चुनाव आयोग आधार कार्ड नैं वोटर लिस्ट सूं जोड़ रियो है। इणरो सिस्टम 15 अगस्त तक बण जावेगा। अंतरराष्‍ट्रीय समाचार चीन भी भारतीयों नैं अबै देवेगा वीज़ा ऑन अराइवल संतोष ठाकुर हाल ही में बजट में वित्त मंत्री अरुण जेटली आगमन पे वीजा री सुविधा नैं 43 सूं बढ़ाकर 150 देशों रै वास्तैह करवा री घोषणा करी। चीन इण पे सहमति जताता कैयो कि जिस दिन भारत इण पे अधिकारिक रूप सूं वणानैं अवगत करावेगा, उणरै पछै त्वरित आधार पे भारतीयों नैं आगमन पे वीजा दियो जावा लगेला। चीन रै भारत में राजदूत ली-यूचेंग कैयो कि म्हावणै इणमें कणी तरह री समस्या नीं है। प्रधानमंत्री नरेंद्र मोदी री तरह म्हाव भी दोई देशों रै रिश्तों नैं नया आयाम पे ले जावणौ चावा हां। चीन दुनिया भर में आपणै पर्यटकों नैं भेजवा वाळा देशों रै क्रम में पैहले स्थान पे है। करीब 9.7 करोड़ चीनी पर्यटकों वर्ष 2013 में दुनिया रै विभिन्न मुल्कों रो भ्रमण कियो हो। इण संख्या में भारत महज 1 लाख 60 हजार चीनी यात्रियो नैं ही लुभा पायो हो। पर्यटन राज्य मंत्री (स्वतंत्र प्रभार) डा. महेश शर्मा कैहवे चीन सूं पर्यटन नैं बढ़ावो देवा रै वास्तैी टूर ऑपरेटरां और बुद्धिस्ट सर्किट में टैक्सी ड्राइवरां नैं चीनी भाषा मैंडरीन सिखावा रै वास्तैर क्रैश कोर्स चलाया जा रिया हैं। लैंटर्न फेस्टिवल इण फोटु में चीन रा लोक कलाकार दशुहुआ प्रस्तुत कर रिया है। दशुहुआ एक तरह री कला है। इणनैं लैंटर्न फेस्टिवल रै तहत प्रदर्शित कियो गयो। यो पंरपरागत बसंत उत्सव री समाप्ति पे मनायो जावै है। फोटो – टेलीग्राफ ज्ञान- शांति सूं रोशन भगवान बुद्ध रो मंदिर थाईलैंड रै पाथुम थानी प्रांत में स्थित वट धम्मकाया मंदिर 4 मार्च नैं रोशन व्‍यो। इणनैं मख बुचा दिवस कैहवै हैं। कैयो जावै है कि 2558 साल पैल्या भगवान बुद्ध सूं अठै 1250 लोग मिलवा आया। फैर बुद्ध अणानैं दीक्षा दी और अरिहंत नाम दियो। जिण दिन यो व्योआ हो उण दिन पूर्णिमा री रात ही इणवास्तैह इण मंदिर नैं चंद्रमा री तरह रोशन कियो जावै है। थाईलैंड में इण दिन राष्ट्रीय छुट्‌टी मनाई जावै है। लोग इण मंदिर में दान करवा आवै हैं। बच्ची खिलावै है खाणौ, परिंदा दे जावै हैं तोहफे सिएटल। अमेरिका रै सिएटल में एक घर अस्योै भी है जठै ढेर सारा कागला दाणौ चुगवा आवै हैं और बदले में कुछ अजीबो-गरीब तोहफा दे जावै हैं। अस्योौ बीत्या चार साल सूं चाल रियो है। दरअसल इण घर में रैहवा वाळी आठ साल री गबी मन कागला रै झुंड नैं रोज खाणौ खिलावै है। गबी री मां लिसा बतायो कि 2011 सूं गबी और कागला री दोस्ती चाल री है। कागला गबी पे नजर राखै हैं। जठै-जठै गबी जावै है, ये वे पौंच जावै हैं। गबी नै मिल्याब तोहफों में नट-बोल्ट, हेयरपिन, जसी चीजों रै अलावा गहणा और रत्न भी हैं। जिणसूं गबी गिफ्ट कलेक्शन त्याहर कियो है। गुम व्‍यो लैंस कैप भी ढूंढ लाया लिसा बतायो कै कुछ दिन पैल्‍या वे जंगल में फोटोग्राफी करवा गी ही। वठै कैमरे रै लैंस रो ढक्कन खो ग्‍यो। बीत्‍या हफ्ते वो ही लैंस कैप परिंदों रै खाणा री ट्रे में रख्‍यो मिल्‍यो। लिसा रै कैवणो है कि निगराणी रै वास्‍तै लगाया बर्ड कैमरा री रिकॉर्डिंग देखी तो पतो चाल्‍यो कि कागलो ट्रे में रखर उड़ ग्‍यो। 82 साल साथ निभा चुक्‍या न्यूयॉर्क रा सबसूं बुजुर्ग दंपती अमेरिका। आज जद छोटी-छोटी बातों पे रिश्ता बिखर रिया हैं तो इण दौर में या तस्वीर घणौ सुकून देवै है। ये ड्यूरानोर्ड हैं पत्नी जेनी वीलार्ड रै साथै। ये न्यूयॉर्क रा सबसूं बुजुर्ग दंपती हैं। हाल ही माय ड्यूरानोर्ड आपणौ 108वां जन्मदिन मनायो। वठै ही जेनी 105 साल पूरा कर चुकी हैं। 82 साल पैल्याद इणरो ब्याजव व्योड हो। (साभार- मूल हिन्दी दैनिक भास्कर) पाछले सप्‍ताह री खबरां

21 फरवरी, विश्व मातृभाषा दिवस

आप-आपरै स्तर माथै ज्ञापन दो सा!

ज्ञापन री पड़तां अटैच है सा!

  Gyapan to CM page-1
  Gyapan to Cm page-2
  Gyapan to grih mantri
  Gyapan to PM
  Gyapan to Rahul ji
  Gyapan to soniya ji
  Gyapan to soochana & prasaran mantri

आव !

थू आव 2013
बिछा मिनखपणै री जाजम
हेत रा ताणी छत्तर
भाईचारै रा
ढाळी ढोलिया
हुक्मराना मे भर लाज
मार मसळ'र बगा
मूघीवाड़ै रो नाग
बैन बेटी री साम्भ आबरु !
छेकड़ली बात
चेतै जरूर राखजे
म्हारी मायड़ भाषा नै
राज रो माळीपान्नो
जरूर जरूर दराईजे !

- ॐ पुरोहित कागद